REVIEWER SA PAGBASA AT PAGSUSURI NG IBA’T IBANG TEKSTONG TUNGO SA

PANANALIKSIK

MGA KAHULUGAN NG PANANALIKSIK

 Ang sulating pananaliksik ay malalimang pagtalakay sa isang tiyak at naiibang

paksa. Hindi lamang ito pagsasama-sama ng mga datos na nasaliksik kundi taglay
nito ang obhetibong interpretasyon ng manunulat sa impormasyong kanyang
nakalap. – Spalding (2005)
 Ito ay isang masusing pagsisiyasat at pagsusuri sa mga ideya, konsepto, bagay,
tao, isyu at iba pang ibig bigyang-linaw, patunayan o pasubalian - Constantino at
Zafra (2005)
 Ang pananaliksik ay may TATLONG MAHALAGANG LAYUNIN 1) Upang makahanap
ng isang teorya 2) mula sa ananaliksik ay malalaman o mababatid ang
katotohanan sa teoryang ito 3) isinasagawa ang pananaliksik upang makuha ang kasagutan sa mga makaagham na
problema o suliranin. – Galero-Tejero (2011)
 Ito ay isang sistematikong proseso ng pangangalap, pag-aanalisa at pagbibigay-kahulugan sa mga datos mula sa mga
mapagkakatiwalaang mapagkukunan ng impormasyon upang masagot ang isang tanong at makadagdag sa umiiral na
kaalaman o pareho.

MGA KATANGIAN NG PANANALIKSIK

 OBHEKTIBO – Naglalahad ng mga impormasyong hindi basta galing sa opinyon o kuro-kurong pinapanigan ng manunulat
kundi nakabatay sa mga datos na maingat na sinaliksik, tinaya at sinuri.
 SISTEMATIKO _Sumusunod na lohikal na mga hakbang at proseso patungo sa pagpapatunay ng isang katanggap-tanggap na
kongklusyon.
 NAPAPANAHON AT MAIUUGNAY SA KASALUKUYAN – Nakabatay sa kasalukuyang panahon, nakasasagot sa suliraning
pangkasalukuyan at ang kalalabasan ay maaaring maging batayan ng desisyong pangkasalukuyan.
 EMPIRIKAL – Ang kongklusyon ay nakabatay sa mga nakalap na datos mula sa tunay na naranasan at/o naobserbahan ng
mananaliksik.
 KRITIKAL – Maaaring masuri at mapatunayan ng iba pang mananaliksik ang proseso at kinalabasan ng pag-aaral dahil taglay
nito ang maingat at tamang paghahabi at paghahatol ng mananaliksik.
 MASINOP, MALINIS AT TUMUTUGON SA PAMANTAYAN – Nararapat na sumunod sa pamantayan at kakitaan din ng
masinop at malinis na kabuuan.
 DOKUMENTADO – Nagmula sa mga materyales ang mga impormasyon at datos. Binigyang ng karampatang pagkilala ang
mga pinagmulan nito

MGA URI NG PANANALIKSIK

1. Basic Research – Uri ng pananaliksik na ang resulta ay agarang magagamit para sa layunin nito. Makatutulong din ang
resulta nito sa pagbibigay ng karagdagang impormasyon sa isang kaalamang umiiral sa kasalukuyan.
2. Action Research – Ito ay ginagamit upang makahanap ng solusyon sa mga espesipikong problema o masagot ang mga
espesipikong mga tanong ng isang mananaliksik na may kinalaman sa kanyang larangan. Ang resulta nito ay ginagamit ding
batayan sa pagpapabuti ng bagay na siyang paksa ng pananaliksik.
3. Applied Research – ginagamit o inilalapat sa majority ng populasyon tulad ng baranggay, paaralan at komunidad.

MGA URI NG DATOS SA PANANALIKSIK

1. DATOS NA KALIDAD O QUALITATIVE DATA – Ito ay mga datos na naglalarawan, nagsasalaysay o pareho. Halimbawa
ng qualitative data ay ang kulay, tekstura, lasa, damdamin, mga pangyayari at sasagot sa tanong na paano at bakit.
Kung minsan maging ang mga sagot sa mga tanong na ano, sino, kailan at saan ay maaari ring ikonsiderang datos
ng kalidad depende sa tanong o sagot ng respondente.
Halimbawa:
 Ano ang ginagawa mo noong kasagsagan ng Bagyong Ondoy?
 Sino si Jose Rizal para sa iyo?
 Kailan mo masasabing handa ka na pumasok sa iaang seryosong relasyon?
 Ano ang pagpapakahulugan ang maibibigay mo sa salitang pabebe?
2. DATOS NA KAILANAN O QUANTITATIVE DATA – Ito ay mga datos na numerikal at nangangailangan ng mga
operasyong matematikal. Tumutukoy ito sa dami o bilang ng mga bagay o sagot ng mga sinarbey o ininterbyu ng
mga respondente. Maaari ring ito ay tungkol sa mga katangiang nabibilang o nasusukat.
Halimbawa:
 Average na halaga ng kinikita sa pagpapart-time job ng mga part-time students
 Dami ng mga babae at lalaki
 dami ng mga mag-aaral sa bawat baitang na sinarbey ng mga mananaliksik
ANO ANG BALANGKAS AT ANG MGA KAHALAGAHAN NITO?

BALANGKAS – itinuturing itong blueprint ng manunulat. Nakatutulong ito upang maging maayos o organisado ang kanyang isusulat
mula simula hanggang wakas. Mahalaga ang balangkas sapagkat:

 Higit na mabibigyang-diin ang paksa

 Nakapagpapadali ng proseso ng pagsulat
 Natutukoy ang mahihinang argumento
 Nakatutulong maiwasan ang writer’s block

ANG KONSEPTONG PAPEL AT MGA BAHAGI NITO

KONSEPTONG PAPEL

-Ito ay nagsisilbing proposal para maisagawa mo ang iyong pananaliksik sapagkat sa pamamagitan nito mailalahad mo ang
magagawa mo upang mapatunayan ang iyong paksa at pahayag ng tesis.

-Makatutulong ito upang lalong magabayan ang mananaliksik lalo pa kung siya ay baguhan pa lamang

APAT NA BAHAGI NG KONSEPTONG PAPEL

1. RATIONALE – Ito ay ang bahaging nagsasaad ng kasaysayan o dahilan kung bakit napiling talakayin ang isang paksa.
Mababasa mo rito ang kahalagahan at kabuluhan ng paksa.
2. LAYUNIN – Dito naman mababasa ang hangarin at tunguhin ng pananaliksik base sa paksa.
3. METODOLOHIYA – Inilalahad dito ang pamamaraang gagamitin ng mananaliksik sa pangangalap ng datos gayundin ang
paraang gagamitin sa pagsusuri naman niya sa mga nakalap na impormasyon.
May iba’t ibang paraan ng pangangalap ng datos halimbawa:
 Literature search – pagkuha ng datos sa aklatan at inetrnet
 Obserbasyon at pagdodokumento ng nga naobserbahan
 Sarbey sa pamamagitan ng interview o survey queationaires
 One-on-one interview sa mga taong may awtoridad o makapagbibigay ng pangunahing impormasyon
 Focused group discussion
4. INAASAHANG AWTPUT O RESULTA – Dito inilalahad ang inaasahang kalalabasan o magiging resulta ng pananaliksik o pag
aaral. Dahil patuloy pa rin ang pangangalap ng impormasyon ay maaari pa ring mabago ang inaasahang resulta sa pinal na
papel depende sa kalalabasan ng pangangalap ng datos.

BIBLIYOGRAPIYA
- ito ay nagpapakita ng talaan ng mga aklat, dyornal, pahayagan,
magasin, di nakalimbag na batis tulad ng pelikula, programang
pantelebisyon, dokumentaryo at maging ang mga social media networking sites na pinagkuhanan ng impormasyon. Ito ang
magiging katibayan ng pagiging makatotohanan ng isang pananaliksik o aklat na ginawa. Ipinakikita nito na ang laman ng
pananaliksik ay hindi lamang pansariling opinyon kundi mayroon talagang ibat ibang basehan na nagpapatinay ng
katumpakan o katiyakan ng mga impormasyong nilalaman nito.

MGA URI AT ANYO NG TALA

 DIREKTANG SIPI – Ginagamit ito kung isang bahagi lamang ng akda ang nais sipiin. Dapat lamang isipin na hindi
naman maganda kung sobrang habang direktang sisipiin. Sa paggamit ng direktang sipi, kinakailangang lagyan ng
panipi (“”) ang bawat nakuhang tala. Kung bahagi lamang ng sipi ang gagamitin, gumamit ng elipsis (...) Ginagamit
ang elipsis kung hindi binuo ang pangungusap o talata.
 BUOD NG TALA – Ginagamit ito kung nais lamang gamitin ay ang pinakamahalagang ideya ng isang tala. Tinatawag
din itong synopsis.
 PRESI – Mula ito sa salitabg Franses na precis na ang ibig sabihin ay pruned or cut down. Ito ang tawag kung ang
gagamitin ay ang buod ng isang tala.
 SIPI NG SIPI – Maaaring gamitin ang sinipi mula sa isang mahabang sipi. Ang ganitong uri ay ginagamitan din ng
panipi.
 HAWIG O PARAPHRASE – Isa itong hustong paglalahad ng mga ideya gamit ang higit na payak na salita ng
mananaliksik.
 SALIN /SARILING SALIN – Sa mga pagkakataongang tala ay nasa wikang banyaga, ginagamitan ito ng pagsasalin. Ito
ay ang paglilipat ng ideya mula sa isang wika tungo sa iba pang wika. Tandaan, ang mga salitang teknikal ay
maaaring hindi na isalin.
MGA HALIMBAWA NG IBAT IBANG BIBLIYOGRAPIYA

TATLONG BAHAGI SA PAGSULAT NG PINAL NA SULATING PANANALIKSIK

1. INTRODUKSYON – Ito ay maaaring maglaman ng sumusunod: maikling kaligiran ng paksa, layunin ng mananaliksik, pahayag
ng tesis o thesis statement kahalagahan ng paksa o kahalagahan ng pagsasagawa ng pananaliksik at saklaw at limitasyon ng
pananaliksik
2. KATAWAN – Sa pagsulat ng katawan ng sulating pananaliksik, ipinapayong ayusin ang iyong mga ideya sa paraang
makapagpapahatid ng kahalagahan ng aralin. Mas mabuting nakagrupo ang iyong mga ideya at gumamit ng headings upang
pangkat pangkatin ang mga ideyang ito. Tiyaking lohikal ang pagkakasunod-sunod ng mga ideya upang mas maging malinaw
ang daloy ng paglalahad ng ideya.
3. KONGKLUSYON – Ang pagsusulat ng kongklusyon ay paglalagom at pagdidiin ng ideya. Samakatwid hindi natin ito kakikitaan
ng bagong ideya o dato. Bagkus ito ay nagpapahayag ng sintesis, ebalwasyon o paghatol ng mananaliksik sa impormasyon at
datos na kanyang nakalap na maaaring sumuporta o hindi sa kanyang pahayag ng tesis o thesis statement na nakasaad sa
introduksyon. Huwag ding kalimutan ang paglalahad ng resulta ng pananaliksik.