"Wikang Katutubo: Tungo sa Isang Bansang Filipino"

HAZEL: Sa ating minamahal na punong-guro Ginang. Brenda Sabado, sa ulong-guro ng

ating paaralan Ginoong Narcie Apilado, sa ating mga bisita, mga kapwa naming guro,
mga minamahal naming mga bisita, sa mga mga-aaral , magandang hapon!
MARGIE : Ito ay napakaespesyal na araw para sa atin dahil ngayon ating binigyan ng
pagkilala ang ating wikang pambansa.
HAZEL : Tama ka dyan Ginang Galvez. Kitang-kita naman na tunay na pinaghandaan ito
ng lahat. Makikita mo ito sa kasuotan nating mga guro at handa rin ang mga mag-aaral
upang ipakita ang kanilang mga talento.
MARGIE : Ngunit tandaan natin na hindi lamang ito isang araw ng palabas kundi isa rin
itong panahon ng pag-iisip o paglilimi. Dahil ang tema natin sa taong ito ay "Wikang
Katutubo: Tungo sa Isang Bansang Filipino"
HAZEL : Ano ba ang layunin ng tema natin ngayong taon Ma’am?
MARGIE: Hangad ng tema sa taóng ito na maikintal sa atin ang halaga at gampanin ng wikang
Filipino at mga katutubong wika sa pagbuo ng isang bansang nagkakaunawaan.
HAZEL: Sumasang-ayon ako. Kinakailangang yakapin ang iba pa nating mga wika at tiyakin na
yayabong ito kasabay ng pambansang wika dahil hindi uunlad ang Filipino kung hindi sabay na
uunlad ang iba pa nating mga wika.
MARGIE: Tama ! Maituturing na yaman ng Filipinas ang pagkakaroon ng maraming katutubong
wika. Batay sa Komisyon sa Wikang Filipino mayroong 130 (isang daan tatlumpung) katutubong wika
sa bansa.

HAZEL: Tunay nga na napakayaman ng ating bansa. Kaya naman kailangang pagyamanin natin ang
mga katutubong wikang ito para hindi ito tuluyang mawala at para mas umunlad pa ang ating bansa.

MARGIE: At isang paraan nga ng pagdiriwang natin sa ating paaralan ay ang taunang
patimpalak na nilalalahukan ng ating mga pili at katangi-tanging mag-aaral.
HAZEL: Sa mga nakaraang araw ay nagkaroon tayo ng sunod-sunod na aktibidad tulad
na lamang ng spoken word poetry, sabayang pagbigay, deklamasyon, interpretatibong
pagbasa at marami pang iba na nilahukan ng mga iba’t ibang mga mag-aaral.
HAZEL: Ang mga kalahok mula sa baitang pito, walo, siyam, sampu. Mula naman sa
senior high school ang baitang labing-isa at labindalawa.
I--II. PAMBUNGAD NA PANALANGIN AT PAGKANTA PILIPINAS KONG MAHAL
MARGIE: Kaya naman umpisahan na natin ang ating palatuntunan upang makita natin ang ilan sa
mga kalahok na ito. U p a n g s i m u l a n a n g a t i n g p a t i m p a l a k , t a y o ’ y t u m a y o p a r a s a
panalangin na pangungunahan ni April Joy Organista ang Pangulo ng Filipino
Club sa ating paaralan.
.
HAZEL: A t m a n a t i l i n g nakatayo para sa pagpupugay sa ating bansa sa ating pag-awit ng
Pilipinas kong mahal sa pagkumpas ni Bb. Christine Maeh Marquez.
III. MENSAHE
HAZEL: Hindi magiging tagumpay ang ating programang ito kung wala ang ulong guro ng
sekondarya na si G. Narcie Ricky Apilado. Ating pakinggan ang kaniyang mensahe.
(insert 1 mahahalagang linya mula sa mensahe. ADLIB)
IV. PAGTATANGHAL NG KASUOTAN NG MGA GURO
MARGIE: Ang araw na ito ay hindi lamang para sa ating mga mag-aaral ngunit ito rin ay para sa
ating mga guro. Kung inyong makikita ang lahat ng ating mga guro ay nakasuot ng kani-kanilang
katutubong kasuotan, barong o kaya ay filipinana. Kaya naman hindi natin papalampasin ang
pagkakataong ito.

HAZEL: Tama ma’am. Kaya naman inaanyahahan naming ang lahat ng ating mga guro para sa
kanilang pagtatanghal ng kanilang mga kasuotan na pangungunahan ni G. Apilado.
V . PAGTATANGHAL NG NANALO NG SALIP TI DEKLAMSYON
HAZEL: Ang buwan na ito nga ay hindi lamang selebrasyon ng ating wikang fililino bagkus pati rin ng
ating mga wikang katutubo. Ating tunghayan ang isa sa mga nagpapatunay na mayaman ang
dayalektong iloko, ating palakpakan si Angeline Ebreo para sa kaniyang Salip ti Deklamasyon na
nakasungkit ng ikalawang gantimpala sa provincial level.

VI. PAGPAPAKILALA SA PANAUHING PANDANGAL

MARGIE: Sa pagpapatuloy ng ating programa, inaanyayahin namin ang aming kapita-pitagang
punongguro na si Gng. Brenda Sabado para sa pagpapakilala sa ating panauhing pandangal.

VII. MENSAHE ( DR. ELSA M. CALADO- Pansangay na Tagapagmasid sa Filipino)

(insert 3 mahahalagang linya mula sa mensahe. ADLIB)

VIII. MENSAHE ( DR. LORENA SALVADOR - Pansangay na Tagapagmasid sa Matematika)

HAZEL: Ating dinggin ang isang mensahe ng ating Pansangay na Tagapamasid na si Dr. Lorena
Salvador.
(insert 3 mahahalagang linya mula sa mensahe. ADLIB)

IX. PANUNUMPA NG MGA OPISYALES NG SAMAHAN NG MGA MAG-AARAL SA FILIPINO

MARGIE: Dumako tayo sa susunod na bahagi ng ating programa at ito ay ang panunumpa ng mga
opisyales ng samahan ng mga mag-aaral sa Filipino.

X. PAGBIBIGAY PARANGAL SA MGA MAG-AARAL NA NAGWAGI SA IBA’T IBANG

PATIMPALAK
HAZEL: Inaanyaan namin ang mga panauhin para sa pagbibigay parangal sa mga mag-aaral sa iba’t
ibang patimpalak sa nakaraang mga aktibidad para sa ating buwan ng wika. (*** See List)

IKALAWANG BAHAGI

XI. PRODUCTION NUMBER

MARGIE: Tiyak na mangingibabaw ang mga palakpakan at hiyawan sa susunod na bahagi ng ating
palatuntunan. Isa-isa nating kilalanin ang mga kalahok mula sa baitang pito hangang walo sa parada
ng mga katutubong kasuotan.

HAZEL: Ngunit atin munang kilalanin ang lupon ng inampalan at mga krayterya sa patimpalak sa
pangunguna ni Ginang. Mary Joyce Bueno.

(***Mary Joyce TIME. . . )

MARGIE: Muli ating palakpakan ang ating Lakan at Lakambini sa kanilang natatanging pagtatanghal.

XII. PAGTATANGHAL SA SABAYANG PAGBIGKAS

MARGIE: Ipagpatuloy natin ang pagpapakita ng talento at pagmamahal sa ating wika mula sa ating
mga mag-aaral sa ika-siyam na baitang para sa kanilang pagtatanghal sa kanilang sabayang
pagbigkas.

XIII . PAGTATANGHAL NG MALIKHAING KASUOTAN SA LAKAN AT LAKAMBINI

HAZEL: Dumako na tayo sa isa sa mga pinakahihintay na pagpapakita sa hitik na kayamanan at
kultura ng Pilipinas, ang pagtatanghal sa mga malikhaing kasuotan ng Lakan at Lakambini 2019.

XIV . PAGTATANGHAL NG SPOKEN WORD POETRY

MARGIE: Tunghayan naman natin ang spoken word poetry na inihanda ni Justin Flores mula sa
baitang labing-isa.

XV . PAGTATANGHAL NG MODERNONG SAYAW

MARGIEl: Saksihan natin ang pag-indak ng mga mag-aaral mula sa ika-pitong baitang. Palakpakan
po natin sila.

XVI . PAGTATANGHAL NG DEKLEMASYON

HAZEL: Tiyak din na mapapabilib kayo sa susunod nating mag-aaral. Palakpakan natin ang
pangtatanghal ng deklamasyon mula sa ika-labing-isang baitang.

XVIII. PAGBIBIGAY PARANGAL SA MGA KALAHOK SA LAKAN AT LAKAMBINI

XIX. PANGWAKAS NA PANANALITA
HAZEL: Bilang pagtatapos, tawagin natin si Bb. Rosemarie Tesorio ang ating tagapag-ugnay sa
Filipino para sa kanyang pampinid na mensahe.

HAZEL: Dahil sa pagkakaisa ay naging matagumpay na man ang pagdiriwang natin sa buwan ng
wika. Baunin sana natin ang mga aral at alaala sa ating pag-uwi at lagi nating tatandaan ang
kahalagahan ng wika sa ating buhay.
MARGIE: Maraming salamat sa lahat ng dumalo at nawa’y gabayan tayo ng Maykapal sa pag-uwi.
HAZEL: Ako ng si Ginang Hazel Ann Negranza.
MARGIE: At ako na man si Ginang Margie Galez.
Ang nagsilbing Tagapagdaloy ng Palatuntunan. Magandang araw sa inyong lahat!