Pamantasan ng Bikol

Paaralang Gradwado
Lungsod ng Legazpi
ISO 9001:2008
Certificate No. TUV 100 05 1782

Nislee Anne J. Soneja Dr. Obdulia E. Rojas

2nd Sem, 2019-2020 MAFilEd 221
Paglinang ng Kurikulum

MGA PRUWEBA NG IMPLEMENTASYON NG KURIKULUM

I. Panimula
Ang kurikulum ay dumadaan sa proseso kung saan ito ay nagsisimula sa
pagpaplano, iba’t ibang pananaliksik, pagdidisenyo hanggang sa implementasyon o
pagpapatupad nito. Ang implementasyon ng kurikulum ay isa sa pinakamahalagang
bahagi ng kurikulum. Ito ang bahagi kung saan tuluyang isinasagawa ang kurikulum
na dumaan sa iba’t ibang proseso at pag-aaral. Ang guro ang nagsisilbing
tagapagpatupad ng kurikulum. Sila ang nagsasagawa ng umiiral na kurikulum katulong
ang iba pang tinatawag na mga stakeholder ng kurikulum tulad ng pamahalaan, mga
mag-aaral, mga magulang at iba pa. Bilang pruweba na araw-araw isinasagawa ng mga
guro ang kurikulum ay nagsasagawa sila ng ilang mga bagay tulad na lamang ng
banghay-aralin, bulletin board at iba pa bilang kanilang produkto. Ang lahat na
ipinatutupad at ipinagagawa sa bawat paaralan ay kabilang sa kurikulum.
Layunin ng handout na ito na ipakita ang ilan sa mga pruweba ng
implementasyon ng kurikulum.

II. Paglalahad at Pagtalakay ng Paksa

A. Mga Pruweba ng Implementasyon ng Kurikulum

Ito ang ilan sa mga nagsisilbing ebidensya o pruweba ng implementasyon

ng kurikulum:

a. Detailed Lesson Plan (DLP) at Daily Lesson Log (DLL)

DO 42, S. 2016 – POLICY GUIDELINES ON DAILY LESSON

PREPARATION FOR THE K TO 12 BASIC EDUCATION PROGRAM
Orhinal:
“… these guidelines affirm the role of the K to 12 teacher as a facilitator of
learning. Preparing for lessons through the Daily Lesson Log (DLL) or Detailed
Lesson Plan (DLP) and provides teachers with an opportunity for reflection on
what learners need to learn, how learners learn, and how best to facilitate the
learning process. These guidelines also aim to empower teachers to carry out
quality instruction that recognizes the diversity of learners inside the classroom, is
committed to learners’ success, allows the use of varied instructional and formative
assessment strategies including the use of information and communications
technologies (ICTs), and enables the teacher to guide, mentor, and support learners
in developing and assessing their learning across the curriculum.”
Salin:
“… ang alituntuning ito ay pinagtitibay ang papel ng guro sa K to 12 bilang
tagapangasiwa (facilitator) ng pagkatuto. Ang paghahanda ng mga aralin sa
pamamagitan ng Daily Lesson Log (DLL) o Detailed Lesson Plan (DLP) at
pagbibigay sa mga guro ng pagkakataon upang makapagnilay kung ano ang dapat
matutunan ng mga mag-aaral, paano sila matututo at kung paano ang
pinakamahusay na paraan upang mapangasiwaan (facilitate) ang proseso ng
pagkatuto. Nilalayon din ng alituntuning ito na mabigyan ng pagkakataon ang mga
guro na maisagawa ang mahusay na pagtuturo kung saan isinasaalang-alang ang
pagkakaiba ng mga mag-aaral sa loob ng silid-aralan, nakatuon sa pagiging
matagumpay ng mga mag-aaral, paggamit ng iba’t ibang istratehiya sa pagtuturo at
pagtataya tulad ng paggamit ng information and communications technologies
(ICTs) at pinahihintulutan ang mga guro na gabayan, turuan at suportahan ang mga
mag-aaral sa pag-unlad at pagtataya ng kanilang pagkatuto batay sa kurikulum.”

Sino-sino ang kailangang maghanda ng DLL/DLP?

Ang mga guro na mayroong isang taong karanasan sa pagtuturo, kabilang dito
ang mga guro na mayroong karanasang magturo sa pribadong paaralan at mataas
na paaralan o higher education institution (HEI), ay hindi kinakailangan
maghanda ng masusing banghay-aralin o Detailed Lesson Plan (DLP).

Ang mga guro na isang taon na sa serbisyo, humahawak ng mga asignaturang

mayroon nang nakahandang Learner's. Materials (LMs) at Teaching Guides
(TGs) mula sa Kagawaran ay hindi na kinakailangang maghanda ng DLP. Sa
kabilang banda, kinakailangan nila maghanda ng lingguhang Daily Lesson Log
(DLL).

Ang mga guro ay pinahihintulutang sama-sama sa paghahanda ng mga DLP at

DLL. Ang mga gurong matagal na sa serbisyo ay maaaring tulungan at turuan
ang mga baguhang guro sa paghahanda ng mga DLP at DLL.

Ang mga bagong tanggap na guro na wala pang karanasan sa propesyunal na

pagtuturo ay kinakailangang maghanda ng pang-araw-araw na Detailed Lesson
Plan (DLP) sa buong taon.

Ang mga aplikanteng guro pati na rin ang mga guro na nasa serbisyo kabilang
ang Master Teachers na magsasagawa ng pakitang-turo ay kinakailangang
maghanda ng DLP.

Ang mga bagong tanggap na guro na nakatanggap ng markang Very Satisfactory

o Outstanding sa Results-based Performance Management System (RPMS) sa
buong taon ay hindi na kinakailangang maghanda DLP, samantalang ang mga
bagong tanggap na guro na nakatanggap ng markang Satisfactory ay
kinakailangan pa rin maghanda ng DLP hanggang sa gumanda ang pagtataya ng
kanilang RPMS.

Gayunman, kapag mayroong bagong paksa na isinama sa kurikulum, lahat ng

guro ay kinakailangang magsulat ng masusing banghay-aralin para sa paksa o
asignaturang iyon.
b. Grading System

WW-PT-QA Grading System

Written Work (WW) – sinisiguro na ang mag-aaral ay may kakayahang ipakita

ang kanilang natutunan (kasanayan at paksang-aralin) sa paraang pasulat.
Performance Task (PT) – binibigyan ng pagkakataon ang mga mag-aaral na
maipakita kung ano ang kanilang kaalaman at kakayahan sa iba’t ibang
pamamaraan.
Quarterly Assessment (QA) – sinusukat ang natutunan ng mag-aaral sa
pagtatapos ng markahan.

GRADES 1-10

Components Languages AP ESP Science Math MAPEH EPP/TLE

Written Work 30% 40% 20%
Performance
50% 40% 60%
1 to 10 Tasks
Quarterly
20% 20% 20%
Assessment

SENIOR HIGH SCHOOL (GRADE 11 & 12)

Technical-Vocational and
Academic Track Livelihood (TVL)/ Sports/
Arts and Design Track
Core Work Immersion/ Work
Subjects All Research/ Business Immersion/
All Other
Other Enterprise Research/
Subjects
Subjects Simulation/ Exhibit/ Exhibit/
Performance Performance
Written Work 25% 25% 35% 20%
Performance
11 to 50% 45% 40% 60%
Tasks
12
Quarterly
25% 30% 25% 20%
Assessment

GRADE TRANSMUTATION TABLE FOR K TO 12 BASIC EDUCATION

PROGRAM
c. Bulletin Boards

Ang buwanang pagpapalit ng bulletin board displays batay sa okasyon sa

bawat buwan. Ang ilang bulletin board naman ay naglalaman ng mahahalagang
impormasyon tulad ng mga anunsyo, paalala, babala at iba pa para sa mga guro, mag-
aaral at iba pang tao na bahagi ng paaralan.

Kuhang Larawan ni: Nislee Anne J. Soneja

d. Brigada Eskwela

DepEd MEMORANDUM No. 032, s, 2020

Orihinal:
“The Department of Education (DepEd) will conduct the 2020 Brigada
Eskwela with the theme, Pagpapanatili ng Bayanihan Tungo sa Kalidad na
Edukasyon para sa Kabataan, from May 18 to 23, 2020. The Brigada Eskwela is the
National Schools Maintenance Week that aims to bring together all education
stakeholders to participate and contribute their time, effort, and resources to prepare
public schools facilities for the opening of the school year in June

Salin:
“Ang Kagawaran ng Edukasyon (DepED) ay magsasagawa ng 2020
Brigada Eskwela na may temang, Pagpapanatili ng Bayanihan Tungo sa Kalidad
na Edukasyon para sa Kabataan, mula Ika-18 hanggang 23 ng Mayo, 2020. Ang
Brigada Eskwela ay ang National Schools Maintenance Week na naglalayong tipunin
ang lahat ng stakeholder ng edukasyon upang lumahok at mag-ambag ng kanilang
oras, pagsisikap at iba pang bagay na maaari nilang maiambag upang ihanda ang
pasilidad ng mga pampublikong paaralan para sa paparating na pasukan ngayong
taong panuruan sa buwan ng Hunyo.

Ang Brigada Eskwela ay isang programang pang-edukasyon na

isinasagawa sa mga pampublikong paaralan taon-taon. Layunin nitong ihanda ang
paaralan lalo na ang mga pasilidad nito sa loob ng silid-aralan tulad ng mga upuan at
pisara na isa sa mga talagang kinakailangan sa pagtuturo ng guro at pagkatuto ng mga
mag-aaral. Nagtutulungan ang mga guro, mag-aaral, magulang, at iba pang
stakeholder na linisan at ayusin ang buong paaralan at bawat silid-aralan bilang
paghahanda sa darating na pasukan. Ang kalinisan at kaayusan ng paaralan lalo na
ng silid-aralan ay mayroong malaking ambag sa epektibong pagkatuto ng mga mag-
aaral na papasok dito.
e. Gulayan sa Paaralan

Mula sa Artikulong:
DepEd to sustain implementation of vegetable production program
Published June 18, 2018, 10:22 PM
By Merlina Hernando-Malipot

Ang “Gulayan sa Paaralan” ay isang programa ng DepEd na ipinatutupad

sa elementarya at sekondarya upang matugunan ang malnutrisyon at paunlarin ang
produksyon at pagkain ng gulay ng mga mag-aaral. Ayon kay Briones, ipinatupad
ang DepEd Memorandum No. 293 series of 2007 upang “himukin ang mga
paaralang elementarya at sekondarya na panatilihin ang school gardens upang
masiguro ang tuloy-tuloy na suplay ng gulay sa school feeding, lalo na sa School-
Based Feeding Program (SBFP).”

Kuhang Larawan ni: Dennis Aron J. Soneja

f. Bisyon, Misyon at Core Values ng DepEd

Ang pagpapaskil sa bawat paaralan ng Bisyon, Misyon at Core Values ng

DepEd para sa kaalaman ng bawat tao na bumubuo sa paaralan lalo na ang mga
guro, mag-aaral pati na rin ang mga magulang.

Larawan mula sa: www.google.com Kuhang Larawan ni: Nislee Anne J. Soneja
 THE DEPED VISION
We dream of Filipinos
who passionately love their country
and whose values and competencies
enable them to realize their full potential
and contribute meaningfully to building the nation.
As a learner-centered public institution,
the Department of Education
continuously improves itself
to better serve its stakeholders.

THE DEPED MISSION

To protect and promote the right of every Filipino to quality, equitable, culture-based,
and complete basic education where:
Students learn in a child-friendly, gender-sensitive, safe, and motivating environment.
Teachers facilitate learning and constantly nurture every learner.
Administrators and staff, as stewards of the institution, ensure an enabling and supportive
environment for effective learning to happen.
Family, community, and other stakeholders are actively engaged and share responsibility
for developing life-long learners.

OUR CORE VALUES

Maka-Diyos
Maka-tao
Makakalikasan
Makabansa

g. Programa sa Pagbasa

Mula sa Artikulong:
DepEd orders schools to ‘intensify’ reading advocacy
Published December 25, 2019, 9:00 PM
By Merlina Hernando-Malipot

Upang mapagtibay ang kasanayan sa pagbasa ng bawat mag-aaral at upang

mapaunlad ang kanilang pagkahilig sa pagbabasa na isa sa kasanayang
kinakailanagn sa lahat ng asignatura, ipinahayag ng DepEd ang pangunguna sa
“Hamon: Bawat Bata Bumasa” (3Bs).
Ipinahayag ng Kalihim ng Edukasyon Leonor Briones, sa DepEd
memorandum no. 173 s. of 2019, na ang pangunguna sa 3Bs ay makatutulong
upang mapagtibay ang Every Child a Reader Program (ECRAP) na ang
pangunahing layunin ay “sanayin ang mga mag-aaral sa pagbabasa upang sila ay
magkaroon ng kasanayan sa pagbasa at matutong bumasa nang mag-isa sa kanilang
kasalukuyang antas/grado.”
III. Konklusyon
Batay sa isinagawang pananaliksik at pagtalakay ng paksa, ito ang nabuong
konklusyon:

A. Epektibong maipatutupad ang isang kurikulum kung magtulungan ang mga taong
sangkot dito. Tulad na lamang ng mga kinauukulan, guro, mag-aaral at maging mga
magulang ng mga mag-aaral. Bawat isa sa kanila ay mayroong mahalagang papel
sa pagtupad at pagiging matagumpay ng isang kurikulum. Kinakailangan naman
ang mga pruweba sa implementasyon o pagtupad ng kurikulum upang masiguro na
tama ang isinasagawa batay sa binuong plano at kung akma ba ang mga ito. Sa
pamamagitan din nito, malalaman kung may mga bahagi pa na kinakailangan
paunlarin o palitan nang sa gayon ay mas magpagtibay pa umiiral na kurikulum.

IV. Rekomendasyon
Batay sa nabuong konklusyon, ito ang nabuong mungkahi o
rekomendasyon:

A. Bago magkaroon o magsagawa ng implementasyon o pagpapatupad ng isang

kurikulum, kinakailangan na hindi lamang ang kinauukulan at mga mag-aaral ang
handa. Kinakailangan masiguro din ang kahandaan ng mga guro na magsasagawa
ng umiiral na kurikulum pati na rin ang mga paaralan. Kinakailangan ng mga guro
na dumaan muna sa iba’t ibang uri pagsasanay nang sa gayon ay magkaroon sila ng
kaalaman kung ano ang mga dapat nilang gawin at matugunan nila ang
pangangailangan sa pagkatuto ng bawat mag-aaral. Ang mga paaralan ay
kinakailangang handa rin ang pasilidad lalo na ang mga aklat upang maging
epektibo ang pagkatuto ng mga mag-aaral at upang maayos na maisagawa ang
umiiral na kurikulum. Ang kanilang kahandaan ay mayroong malaking epekto sa
pagiging matagumpay ng isang kurikulum. Pagdating naman sa mga pruweba ng
implementasyon ng kurikulum, maganda na ang bawat paaralan ay mayroong
organisadong pagtitipon (compilation) o accomplishment report ng mga pruweba
na talagang isinasagawa ng bawat paaralan ang mga nakasaad sa umiiral na
kurikulum.

Sanggunian:

Malipot, M. (2018). DepEd to sustain implementation of vegetable production program

https://news.mb.com.ph/2018/06/18/deded-to-sustain-implementation-of-vegetable-
production-program/

Malipot, M. (2019). DepEd orders schools to ‘intensify’ reading advocacy

https://news.mb.com.ph/2019/12/25/deped-orders-schools-to-intensify-reading-advocacy/

CIIT Philippines (2018). The new K to 12 curriculum grading system

https://www.ciit.edu.ph/k-to-12-grading-system/

PDF: DepEd MEMORANDUM No. 032, s, 2020

https://www.deped.gov.ph/wp-content/uploads/2020/03/DM_s2020_032.pdf

Bakakeng National High School (2017). Lesson planning for DepEd teachers
https://www.slideshare.net/janisary/lesson-planning-for-deped-teachers

https://www.deped.gov.ph/2016/06/17/do-42-s-2016-policy-guidelines-on-daily-lesson-
preparation-for-the-k-to-12-basic-education-program/

https://www.deped.gov.ph/about-deped/vision-mission-core-values-and-mandate/