TANGGAPAN PARA SA PAGDIRIWANG NG LITURHIYA NG KATOLIKONG

OBISPO NG SAN PABLO

PAGDIRIWANG NG MGA MAHAL NA ARAW

DIYOSESIS NG SAN PABLO

1
ANG MISA SA PAGHAHAPUNAN NG
PANGINOON

2
PASIMULA
Ang ayos ng Pagdiriwang na ito ay ayon sa kautusan ng Obispo ng San
Pablo, sang-ayon sa kalatas ng Dikasteriya ng Banal na Pagsamba sa
Roma (Prot. 153 /20), at sa tagubilin ng Kalipunan ng mga Obispo ng
Pilipinas tungkol sa pagdiriwang ng mga Mahal na Araw sa Panahon ng
Community Quarantine.

Sang-ayon sa kalatas ng Dikasteriya ng Banal na Pagsamba sa Roma, ang

pagmimisa sa pagtatakipsilim sa paghahpunan ng Panginoon ay
maipagdiriwang ng walang kasamang mga mananampalataya (CDWDS
Decree, 25 March 2020). Ang mga mananampalataya ay maaring makiisa
sa pagdiriwang sa pamamagitan ng makabagong pamamaraan gaya ng
social media, internet, television at radio. (Kalatas, mula sa Obispo ng San
Pablo, 27 March 2020) sang-ayon sa batas liturhiko, ang pagdiriwang na
ito ay maaring ipagdiwang ng hindi aaga sa ika-5 ng hapon at hindi
lalampas ng ika-8 ng gabi.

Para sa mga pari, sang-ayon sa mga tagubilin na ipinagkaloob para sa

panahon ng community quarantine, hindi ipinahihintulot ang pagkakaroon
ng mga pre-recorded celebrations. Dapat ipagdiwang ang pagdiriwang ng
live. (Tingnan ang CDWDS Decree March 25, 2020, Prot 153 /20)

Para sa mga mananampalataya na nakikiisa sa pagdiriwang na ito, sa

pamamagitan ng makabagong pamamaraan o live streaming na maari
nilang ihanda sa kanilang tahanan ang isang mesa na may krus at
dalawang kandila.

Dapat ding alalahanin ng pari na kanyang hikayatin ang mga

mananmpalataya na nakikiisa sa pagdiriwang sa pamamagitan ng
makabagong pamamaraan o live streaming na gawin ang komunyong
espiritwal para sa kanilang kapakanang pang-espiritwal.

Ang paring nakasuot ng kasulyang kulay puti ay tutungo sa dambana

kasama ang piling mga tagapaglingkod. Pagdating sa sanktwaryo siya ay
magbibigay galang ayon sa nakaugaliang pamamaraan, maaring gumamit
ng insenso kung nanaisin at maaring lagyan ng bulaklak ang dambana.
Sisimulan ang pagdiriwang sa pamamagitan ng mga sumusunod na
pananalita.

Ang tabernakulo ay dapat alisan ng laman bago ang simula ng

pagdiriwang.

3
PAGBATI

Punong Tagapagdiwang:

Sa ngalan ng Ama at ng Anak at ng Espiritu

Santo.
R. Amen.

Sumainyo ang Panginoon.

R. At sumainyo rin.

PAGSISISI

Punong Tagapagdiwang:

Natitipon tayo ngayon bilang iisang katawan

upang ipahayag at simulan ang triduo ng
misteryo paskuwal ng Panginoon. May mga
pagkakataong tayo‟y nakalilimot sa atas ng
pag-ibig ng Diyos na unang nagmahal sa atin.
Suriin natin ang ating sarili upang marapat
tayong humarap sa banal na paghahaing ito.
__________________________________
Panginoon kaawaan mo kami
Panginoon kaawaan mo kami.
Kristo kaawan mo kami.
Kristo kaawaan mo kami.
Panginoon kaawaan mo kami.
Panginoon kaawan mo kami.
_____________________________________

4
Punong Tagapagdiwang:

Kaawaan tayo ng makapangyarihang Diyos,

patawarin tayo sa ating mga kasalanan at
patnubayan tayo sa buhay na walang hanggan.
R.Amen.

GLORIA

Pasisimulan ng punong tagapagdiwang ang pag-awit ng Papuri sa

Diyos.

Tutugtugin ang mga batingaw at matapos nito ang mga ito'y

mananatiling tahimik hanggang sa muling pag-awit ng Papuri sa
Diyos sa magdamagang Pagtatanod sa Gabi ng muling pagkabuhay.

Sa oras ng konsagrasyon gagamitin ang mga kahoy na pang-ingay sa

halip na mga kampana.

PAMBUNGAD NA PANALANGIN

Ama naming makapangyarihan,

sa mga kasalo ngayon sa banal na hapunan na
ipinamana ng iyong Anak na mamamatay
bilang haing bago at pangmagpakailanman
para sa giliw niyang sambayanan, ipagkaloob
mong lubusan mapakinabangan ang iyong
dakilang pag-ibig at buhay sa pamamagitan
niya kasama ng Espiritu Santo magpasawalang
hanggan.
R. Amen.

5
 PAGPAPAHAYAG NG SALITA NG DIYOS

UNANG PAGBASA

Mag tagubilin tungkol sa hapunan ng Paskuwa.

Pagbasa mula sa aklat ng Exodo 12,1-8.11-14

Noong araw na iyon, sinabi ng Panginoon kina Moises at

Aaron, “mula ngayon, ang buwang ito ang magiging unang
buwan ng taon para sa inyo. At sabihin ninyo sa buong
pamayanan ng Israel na sa ikasampung araw ng buwang ito,
bawa‟t puno ng sambahayan ay pipili ng kordero o bisirong
kambing para sa kanyang pamilya. Kung maliit ang pamilya
at hindi makauubos ng isang buong kordero, magsasalo sila
ng kalapit na pamilya na hindi rin makauubos ng isang buo.
Ang dami ng magsasalu-salo sa isang kordero ay ibabatay sa
makakain ng bawa‟t isa. Kailangang ang kordero ay lalaki,
isang taong gulang, walang pinsala o kapintasan. Kung
walang tupa kahit kambing. Aalagaan itong mabuti
hanggang sa ikalabing-apat ng buwan at sa kinagabihan,
sabay-sabay na papatayin ng buong bayan ang kanilang
kordero. Kukuha sila ng dugo nito at ipapahid sa mga hamba
at sombrero ng mga pintuan ng bahay na kakainan ng
kordero. Sa gabi ring iyon, lilitsunin ito at kakaning kasama
ng tinapay na walang lebadura at mapapait na gulay. Ganito
naman ang magiging ayos ninyo sa pagkain nito: nakabigkis,
nakasandalyas at may tangang tungkod; dali-dali ang inyong
pagkain nito. Ito ang paskuwa ng Panginoon.“Sa gabing
iyon, lilibutin ko ang buong Egipto at papatayin ang lahat ng
panganay na lalaki, maging tao o hayop man. At
parurusahan ko ang lahat ng diyus-diyusan sa Egipto. Ako
ang Panginoon. Lalampasan ko ang lahat ng bahay na
makita kong may pahid na dugo, at walang pinsalang
mangyayari sa inyo sa pagpaparusa ko sa buong Egipto. Ang
dugo ang siyang magiging palatandaan na Israelita ang
nakatira sa bahay na iyon. Ang araw na ito‟y ipagdiriwang
ninyo magpakailanman bilang pista ng Panginoon.”

Ang salita ng Diyos.

6
SALMONG TUGUNAN

Sa kalis ng pagbabasbas si Kristo ang tinatanggap

Sa Diyos ko‟t Panginoon, anong aking ihahandog,

Sa lahat ng kabutihan na sa akin ay kaloob?
Ang handog ko sa dambana, ay inumin na masarap,
Bilang aking pagkilala sa ginawang pagliligtas.

Sa kalis ng pagbabasbas si Kristo ang tinatanggap

Masakit sa kalooban ng Poon kung may papanaw

Kahit ito ay iisa labis siyang magdaramdam.
Katulad ng aking ina, maglilingkod akong lubos;
Yamang kao‟y iniligtas, kinalinga at tinubos.

Sa kalis ng pagbabasbas si Kristo ang tinatanggap

Ako ngayo‟y maghahandog ng haing pasasalamat,

Ang hadog kong panalangi‟y sa iyo ko ilalagak.
Sa templo sa Jerusalem, ay doon ko ibibigay
ang anumang pangako sa iyo ay binitiwan.

Sa kalis ng pagbabasbas si Kristo ang tinatanggap

IKALAWANG PAGBASA

Tuwing kakain kayo at iinom, ipinapahayag ninyo ang

kamatayan ng Panginoon.

Pagbasa mula sa unang sulat ni Apostol San Pablo sa

mga taga -Corinto

Mga kapatid:
Ito ang aral ng Panginoon na tinanggap ko sa Panginoon at
ibinigay ko naman sa inyo: ang Panginoong Hesus, noong
gabing siya‟y ipagkanulo ay kumuha ng tinapay,
nagpasalamat at pinaghati-hati ito, at sinabi, “Ito ang kaing
katawan na inihahandog para sa inyo. Gawin ninyo ito sa
pag-alala sa akin.” Gayon din naman, matapos maghapunan
ay hinawakan niya ng kalis at sinabi, “Ang kalis na ito ng

7
bagong tipan na pinagtitibay ng aking Dugo. Tuwing
iinumin ninyo ito, gawin ninyo ito sa pag-alala sa akin.”
Sapagkat‟ tuwing kakain kayo ng tinapay na ito at iinom sa
kalis na ito ay ipinahahayag ninyo ang kamatayan ng
Panginoon, hanggang sa muling pagparito niya.
Ang salita ng Diyos.

Awit-pambungad sa Mabuting Balita

Ang bagong utos ko‟y ito

Mag-ibigan kayo
Katulad ng ginawa ko
Na pagmamahal sa inyo,
Ang sabi ni Hesukristo

Ipakikita niya kung hanggang saan ang kanyang pag-ibig sa

kanila.

+ Ang mabuting balita ng Panginoon ayon kay san Juan

13,1-5

Bisperas ng paskuwa. Alam ni Hesus na dumating na ang

panahon ng kanyang paglisan sa sanlibutang ito upang
bumalik sa Ama. Mahal niya ang kanyang mga tagasunod na
nasa sanlibutan, at ngayo‟y ipakikita niya kung hanggang
saan ang kanyang pag-ibig sa kanila.
Naghahapunan si Hesus at ang mga alagad. Naisilid na ng
diyablo sa isip ni Judas, anak ni Simon Iscariote, ang
pagkakanulo kay Hesus. Alam ni Hesus na ibinigay na sa
kanya ng Ama ang buong kapangyarihan; alam din niyang
siya‟y mula sa Diyos at babalik sa Diyos. Kaya‟t nang sila‟y
naghahapunan, tumindig si Hesus, naghubad ng kanyang
panlabas na kasuutan, at nagbigkis ng tuwalya. Pagkatapos,
nagbuhos siya ng tubig sa palanggana, at sinimulang
hugasan ang paa ng mga alagad at punasan ng tuwalyang
nagbibigkis sa kanya. Paglapit niya kay Simon Pedro,
tumutol ito. “Panginoon,” sabi niya. “Diyata‟t kayo pa ang
maghuhugas ng aking mga paa?” sumagot si Hesus, “Hindi
mo nauunawaan ngayon ang ginagawa ko, nguni‟t

8
mauunawaan mo rin pagkatapos.” Sinabi sa kanya ni Pedro.
“Hinding-hindi ko po pahuhugasan sa inyo ang aking mga
paa.” “Kung hindi kita huhugasan, wala kang kaugnayan sa
akin,” tugon ni Hesus. Kayat sinabi ni Pedro, “Panginoon,
hindi lamang po ang mga paa ko, kundi pati ang aking
kamay at ulo!” Ani Hesus, “Maliban sa kanyang mga paa,
hindi na kailangang hugasan pa ang naligo na, sapagkat
malinis na ang kanyang buong katawan. At malinis na kayo,
ngunit hindi lahat.” Sapagkat alam ni Hesus kung sino ang
magkakanulo sa kaniya, kaya sinabi niyang malinis na sila,
ngunit hindi lahat.
Nang mahugasan na ni Hesus ang kanilang mga paa, siya‟y
nagsuot ng mga damit at nagbalik sa hapag. “Nauunawaan
ba ninyo kung ano ang ginawa ko sa inyo?” tanong niya sa
kanila. “Tinatawag ninyo akong Guro at Panginoon, at tama
kayo, sapagkat ako nga. Kung ang Panginoon ninyo at Guro
ay naghugas ng inyong mga paa, dapat din kayong
maghugasan ng paa. Binigyan ko kayo ng halimbawa at
ito‟y dapat ninyong tularan.”
Ang mabuting balita ng Panginoon.
R. Pinupuri ka namin Panginoong Hesukristo

HOMILIYA

Sang-ayon sa kautusan ng Obispo ng San Pablo (Circular, March 27,

2020), gayundin ayon sa kalatas ng Dikasteriya ng Banal na
Pagsamba sa Roma (CDWDS Decree March 25, 2020 Prot 153 / 20)
at ayon din sa tagubilin ng Kapulungan ng mga Obispo sa Pilipinas,
ang nakaugaliang paghuhugas ng mga paa ng mga alagad ay
malalaktawan at hindi muna isasagawa sa pagdiriwang na ito.

Pagkatapos ng maiksing katahimikan, isususnod kaagad ng punong

tapagdiwang ang panalangin ng bayan.

9
PANALANGIN NG BAYAN

Punong Tagapagdiwang:

Sa huling hapunan, ibinigay sa atin ni Jesus

ang Eukaristiya bilang alaala ng pagbibigay
loob. Manalangin tayo sa Ama upang
maisabuhay natin ang misteryong
ipinahihiwatig ng Eukaristiya. Sabihin natin:
Ama dinggin mo ang iyong sambayanan.

Lector:
Ang Eukaristiya ang siyang ganap na pagsasakripisyo ni
Kristo. Nawa'y tipunin ng Simbahan ang sakit,
pagsususmikap, at pangarap ng sangkatauhan at ipagkaisa
ito sa pag-aalay ni Kristo. Manalangin tayo.

Lector:
Ipinagkaisa ang eukaristiya sa sakramento ng pagkapari.
Nawa'y manatiling kaisa ni Kristo sa panalangin sa
sakripisyo, at sa kanilang paglilingkod ang Santo Papa, mga
Obispo, pari, at diyakono. Manalangin tayo.

Lector:
Ipinakita ni Kristo ang halimbawa ng kababaang-loob at
paglilingkod. Nawa'y piliin ng lahat ng nanunungkulan na
maglingkod sa halip na paglingkuran, at magsumikap para
sa ikabubuti ng bayan. Manalangin tayo.

Lector:
Ang Eukaristiya ay pakikiisa namin sa dugo ni Kristo. Nawa
ang aming pakikiisa ay magtipon sa amin sa pagmamahalan,
sa pagsisilbi at pakikibaka sa isa't-isa. Manalangin tayo.

Lector:
Sa Eukaristiya ang Manliligtas ay patuloy na nag-aalay ng
sarili bilang ugat ng buhay na banal. Nawa ang eukaristiya
ay maging kalakasan namin habang pumapalaot kami sa
pag-anyaya sa lahat tungo sa kaharian ng Diyos. Manalangin
tayo.

10
Lector:
Sa Eukaristiya nawa makasumpong ng lakas at pag-asa ang
mga nabibigatan, nahihirapan at nagdurusa dahil sa sakit na
COVID-19. Nawa sa tulong ng Diyos, buong loob nawa
nating harapin ang pagsubok na ito ng may kapayapaan sa
puso at pagtitiwala sa Diyos. Manalangin tayo.

Lector:
Sa Eukaristiya tumawid kami mula sa kamatayan tungo sa
ganap na buhay. Naway makibahagi sa walanghanggang
kaluwalhatian ng Panginoon ang mga kaluluwa ng mga
namatay. Manalangin tayo.

Punong Tagapagdiwang:

Diyos Ama, ikaw ang nagbigay buhay ng lahat

ng mabuti, dinggin mo ang aming mga
panalangin at gabayan mo kami, habang
ipinagdiriwang namin ang pagpapakasakit at
kamatayan ni Kristo, ihatid mo nawa kami sa
kaluwalhatian ng kanyang muling pagkabuhay.
Hinihiling namin ito sa ngalan ni Kristong
aming Panginoon.
R. Amen.

Sa pagdiriwang na ito, maaring hikayatin ng punong tapagdiwang

ang mga mananampalataya na nakikiisa sa pagdiriwang na maglaan
ng kanilang maitutulong ayon sa kanilang kakayahan para sa mga
kapatid nating kapos-palad.

11
 PAGDIRIWANG NG HULING HAPUNAN

PAGHAHANDA NG MGA ALAY

Matapos ihanda ang mga iaalay sa altar tutungo ang tagapagdiwang

sa gitna nito at hahawakan ang patena na bahagyang nakataas at
sasambitin

Kapuri-puri ka Diyos Amang lumikha sa

sanlibutan. Sa iyong kagandahang loob, narito
ang aming maiaaalay. Mula sa lupa at bunga
ng aming paggawa ang tinapay na ito para
maging pagkaing nagbibigay buhay.
R. Kapuri-puri ang Poong Maykapal ngayon at
magpakailanman.

Ibubuhos ng diyakono ang alak at tubig sa kalis.

Sa paghahalong ito ng alak at tubig

kami nawa'y makasalo sa pagka-Diyos ni Kristo na
napagindapat makihati sa aming pagkatao.

Hahawakan ng tagapagdiwang ang kalis at sasambitin

Kapuri-puri ka o Diyos Amang lumikha

sa sanlibutan. Sa iyong kagandahang loob
narito ang aming maiaalay. Mula sa katas
ng ubas at bunga ng aming paggawa ang
alak na ito para maging inuming
nagbibigay ng iyong Espiritu.
R Kapuri -puri ang Poong Maykapal ngayon at
magpakailanman.

Yuyuko ang tagapagdiwang habang dinarasal niya ng pabulong

12
Diyos Amang lumikha, nakikiusap kaming
mga makasalanan. Tanggapin mo ang aming
pagsisisi bilang handog upang kami'y
matutong sumunod sa iyo nang buong puso.
Iinsensuhan niya ang mga alay at ang altar. Matapos nito iinsensuhan ng
diyakono ang tagapagdiwang, ang mga paring nakikipagmisa at ang mga
tao. Pagkatapos ay maghuhugas ang tagapagdiwang ng kama'y at pabulong
na sasabihin.

Diyos kong minamahal, kasalanan ko'y

hugasan at linisin mong lubusan ang nagawa
kong pagsuway.
Matapos nito ay kanyang ipahahayag.

Manalangin kayo mga kapatid

upang, ang paghahain natin ay kalugdan ng
Diyos Amang makapangyarihan.
R. Tanggapin nawa ng Panginoon itong paghahain sa iyong
mga kamay sa kapurihan niya't karangalan sa ating
kapakinabangan
at sa buong sambayanan niyang Banal.

PANALANGIN UKOL SA MGA ALAY

Punong Tagapagdiwang:

Ama naming Lumikha

ipagkaloob mong marapat na ganapin ang
banal na paghahain sapagkat tuwing
ipinagdiriwang ang ala-ala ng Anak mong nag-
aalay, ang pagliligtas niya sa tanan ay
nangyayari upang aming pakinabangan sa
pamamagitan niya kasama ng Espiritu Santo
magpasawalang hanggan.
B. Amen.

13
PANALANGIN NG PAGPUPURI AT PASASALMAT I

Sumainyo ang Panginoon

R.At sumainyo rin

Itaas sa Diyos ang inyong puso at diwa

R.Itinaas na namin sa Panginoon

Pasalamatan natin ang Panginoong ating Diyos

R.Marapat na siya ay pasalamatan

Ama naming makapangyarihan

tunay ngang marapat na ikaw ay aming
pasalamatan. Sa pamamagitan ni Jesu-kristo na
aming Panginoon.
Siya ang laging dakila at lagi mong
ikinalulugod na paring naghahain para sa
sansinukob nitong pag-aalay na tangi mong
ibinukod.
Ang pagdiriwang sa huling hapunan ay
paghahain niya para sa tanan upang alalahanin
namin at pagsaluhan.
Ang laman niya'y inihain upang lahat ay
buhayin. Ang dugo niya'y dumanak nang lahat
ay mapatawad.
Kaya kaisa ng mga anghel na nagpupuri sa iyo
nang walang humpay sa kalangitan
ipinagbubunyi namin ang iyong kadakilaan:
_____________________________________

Santo Santo Santo Panginoong Diyos na makapangyarihan

Napupuno ang langit at lupa ng kadakilaan mo
Hosana sa kaitaasan Pinagpala ang naparito sa ngalan ng
Panginoon Hosana sa kaitaasan
____________________________________________

14
Nakalahad ang mga kamay ng obispo sa pagdarasal

Ama naming maawain,

ipinaaabot namin ang pasasalamat sa iyo
sa pamamagitan ng aming Panginoong
Hesukristo.
Pagdaraupin ng obispo ang kamay at kukrusan niya ang tinapay at
kalis, samantalang kanyang dinarasal.

Ipinakikiusap naming sa pamamagitan ng

Anak mong ito na ang mga kaloob namin ay
tanggapin at basbasan mo + sa pagdiriwang
namin ng paghahain niya sa iyo.

Iniaalay namin ito sa iyo unang-una

para sa iyong banal na Simbahang Katolika.
Pagkalooban mo ng kapayapaan at pagkupkop,
pagkakaisa at pagtataguyod,
ang mga kaanib nito sa sansinukob,
kaisa ng aming Papa N., na iyong lingkod,
kasama ng aming Obispo N.
at lahat ng nananalig at nagpapalaganap
sa pananampalatayang katoliko
na galing sa mga apostol.
NAKIKIPAGDIWANG I

Ama namin, iyong alalahanin

Ang iyong mga anak na ngayo‟y aming
idinadalangin:
N. at N.
Sila’y saglit na ipagdarasal ng pari nang may magkadaop na kamay.
Pagkatapos, ang pari ay patuloy na magdarasal nang nakalahad ang
mga kamay.

15
Ang aming pananampalataya ay nababatid mo
Gayundin ang pagsisikap naming maging tapat
sa iyo, Ang paghahaing ito ng pagpupuri ay
aming iniaalay para sa kapakanan namin at ng
mga mahal namin sa buhay,
para sa aming kalusugan at walang hanggang
kaligtasan sa pagdulog namin sa iyong
kadakilaan, Diyos na totoo at nabubuhay
kaylan man.
NAKIKIPAGDIWANG II

Kaisa ng Buong simbahan

Ngayo'y aming ipinagdiriwang
ang dakilang kapistahan ng ginawang
paghahain ng aming Panginoong Hesukristo
para sa amin.
Pinararangalan namin ngayon, unang-una
ang Ina ng Diyos at Panginoon naming si
Hesukristo, si Maria na maluwalhating laging
Birhen: gayundin ang kanyang kabiyak ng
pusong si San Jose,
ang iyong pinagpalang mga apostol at martir
na sina Pedro, Pablo at Andres,
(sina Santiago, Juan,
Tomas, Santiago, Felipe,
Bartolome, Mateo,
Simon at Tadeo;
Gayundin din sina Lino, Cleto, Clemente,
Sixto,
Cornelio, Cipriano,
Lorenzo, Crisogono,
Juan at Pablo,

16
Cosme at Damian)
at lahat ng iyong mga banal.
Pakundangan sa kanilang ginawang kabutihan
at walang sawang pagdalangin
para sa aming kapakanan,
kami ay lagi mong kalingain
at ipagsanggalang.
Nakalahad ang mga kamay ng pari sa pagdarasal.

Ama namin, iyong tanggapin ang handog na

ito ng iyong buong angkan sa pag-alala sa
dakilang araw ng paghahain ng Katawan at
Dugo ng aming Panginoong Hesukristo upang
pagsaluhan ng mga alagad. Loobin mo kaming
makapamuhay araw-araw sa iyong
kapayapaan. Huwag mong ipahintulot na kami
ay mawalay sa iyon kailan pa man. Ibilang mo
kami sa iyong mga hinirang.
Pagdaraupin ng pari ang kanyang mga kamay.

(Sa pamamagitan ng aming Panginoong

Hesukristo Amen.)
Lulukuban ng mga kamay ng punong tagapagdiwang ang mga alay
habang siya’y nagdarasal.

Ama namin
Basbasan mo
Ang mga handog naming ito.
Marapatin mong sambahin ka namin
Sa Espiritu at katotohanan,
Kaya para sa amin
ito ay gawin mong maging katawan at Dugo
ng pinakamamahal mong Anak,

17
ang aming Panginoong Hesukristo.
Pagdaraupin niya ang kanyang mga kamay.

Noong bisperas ng kanyang pagpapakasakit

para kami at ang lahat ng tao ay masagip,
nakisalo siya ngayon sa mga alagad niyang
iniibig.
Hahawakan ng tagapagdiwang ang tinapay nang bahagyang nakataas
sa ibabaw ng dambana habang kanyang patuloy na inihahayag:

Hinawakan niya ang tinapay

sa kanyang banal at kagalang-galang na mga
kamay.
Ang pari ay titingala.

Tumingala siya sa langit,

sa iyo, Diyos Ama niyang makapangyarihan,
at nagpasalamat siya sa iyo.
Pinaghati-hati niya ang tinapay,
iniabot niya sa kanyang mga alagad at sinabi:
Bahagyang yuyuko ang pari:

TANGGAPIN NINYONG LAHAT ITO AT

KANIN: ITO ANG AKING KATAWAN
NA IHAHANDOG PARA SA INYO
Ipapamalas niya ang ostiyang itinalagang maging katawan ni Kristo,
ipapatong niya ito sa pinggan, at luluhod siya bilang pagsamba.

Ang pari ay magpapatuloy

Gayun din naman, noong matapos ang

hapunan,

18
Hahawakan ng tagapagdiwang ang kalis nang bahagyang nakataas sa
ibabaw ng dambana habang kanyang patuloy na inihahayag:

hinawakan niya ang kalis na ito ng pagpapala

sa kanyang banal at kagalang-galang na mga
kamay, muli ka niyang pinasalamatan,
iniabot niya ang kalis sa kanyang mga alagad
at sinabi:
Bahagyang yuyuko ang pari:

TANGGAPIN NINYONG LAHAT ITO AT

INUMIN: ITO ANG KALIS NG AKING
DUGO NG BAGO AT WALANG
HANGGANG TIPAN
ANG AKING DUGO NA IBUBUHOS
PARA SA INYO AT PARA SA LAHAT
SA IKAPAGPAPATAWAD NG MGA
KASALANAN.
GAWIN NINYO ITO SA PAG-ALAALA
SA AKIN.
Ipapamalas niya ang kalis, ipapatong niya ito sa telang patungan ng
katawan ni Kristo, at luluhod siya bilang pagsamba. Pagkatapos,
ipahahayag ng pari:

Ipagbunyi natin ang misteryo ng

pananampalataya.

Si Kristo‟y namatay!
Si Kristo‟y nabuhay!
Si Krsito‟y babalik sa wakas ng panahon!
________________________________________

Ilalahad ng tagapagdiwang ang kanyang mga kamay samantalang

siya ay nagdarasal:

19
Ama,
kaming mga lingkod mo at bumubuo sa iyong
bayang banal
ay nagdiriwang sa alaala ni Kristo
na iyong Anak at aming Panginoon.
Ginugunita namin ang kanyang dakilang
pagpapakasakit ang pagbangon niya mula sa
kamatayan, at ang matagumpay na pag-akyat
niya sa kalangitan.
Kaya mula sa mga biyayang sa iyo rin
nanggaling inihahandog namin sa iyong
kataas-taasang kamahalan
ang paghahain na ito na katangi-tangi at
dalisay:
Ang pagkaing nagbibigay-buhay kaylan man
at ang inuming nagbibigay-kagalingang
walang katapusan.
Masdan mo nang buong kasiyahan ang aming
mga alay na ito.
Ganapin mo sa mga ito ang ginawa mo
sa mga handog ni Abel, ang lingkod na
matapat sa iyo,
sa paghahain ni Abraham,
na ama namin sa pananampalatayang totoo,
at sa inihandang tinapay at alak ni Melkisedek,
na paring hinirang mo.
Paunlakan mo ngayon tanggapin
ang banal at dalisay na paghahain.
Yuyuko ang tagapagdiwang at magdarasal siyang magkadaop ang
mga kamay.

20
Makapangyarihang Diyos,
hinihiling naming iyong ipaakyat sa banal
mong anghel
ang mga alay na ito sa dakilang dambanang
nasa iyong harap upang sa pagsasalo sa banal
na katawan at dugo ng iyong Anak
sa pakikinabang namin ngayon dito sa banal
mong hapag
Tatayo nang tuwid ang pari at magkukrus samantalang nagdarasal

Kami ay mapuspos ng iyong pagpapala at

tanang pagbabasbas.
Pagdaraupin niya ang kanyang mga kamay.

(Sa pamamagitan ng aming Panginoong

Hesukristo. Amen.)
PAG-ALALA SA MGA YUMAO SA DAIG-DIG

Nakalahad ang mga kamay ng pari sa pagdarasal.

NAKIKIPAGDIWANG III

Ama namin, iyo ring alalahanin

Ang mga anak mong naunang yumao sa amin
Sa paghimlay sa iyong kapayapaan
Yamang ang tatak ng pananampalataya ay
kanilang taglay at sila ngayo‟y aming
ipinagdarasal:
N. at N.
Sila’y saglit na ipagdarasal ng pari nang may magkadaop na mga
kamay. Pagkatapos, ang pari ay patuloy na magdarasal nang
nakalahad ang mga kamay.

21
Sila at ang tanang nahihimlay sa kandungan ni
Kristo ay aming idinadalangin sa iyo
Upang iyong pagbigyang makarating
Sa pagsasalo, pagliliwanag at pamamahinga sa
iyong piling.
Pagdaraupin niya ang kanyang mga kamay.

(Sa pamamagitan ng aming Panginoong

Hesukristo. Amen.)
Dadagukan ng kanang kamay ng pari ang kanyang dibdib habang siya
ay nagsisimulang magdasal

NAKIKIPAGDIWANG IV

Kahit kami ay mga makasalanan mong lingkod

Patuloy na magdarasal ang pari nang naklahad ang mga kamay.

Kami rin ay nagtitiwala sa iyong nag-uumapaw

na pagkamapagbigay
sa aming pamumuhay araw-araw.
Kaya pagindapatin mo ring kami ay
makaugnay at makapiling
Ng iyong mga banal na apostol at martir,
Kasama nina Juan Bautista, Esteban,
Matias, Bernabe,
(Ignacio, Alejandro,
Marcelino, Pedro,
Felicidad, Perpetua,
Agata, Lucia,
Agnes, Cecilia, Anastasia)
At ng lahat ng iyong mga banal.
Kami nawa‟y makapisan nila

22
Hindi dahil sa aming ginagawang kabutihang
kulang na kulang
Kundi pakundangan sa iyong pagpupuno sa
aming kakulangan.
Pagdaraupin niya ang kanyang mga kamay.

(Sa pamamagitan ng aming Panginoong

Hesukristo.)
At magdarasal ang obispo:

Sa kanyang pamamagitan ang tanang

mabubuting kaloob mong ito ay lagi mong
pinaiiral, pinababanal, binubuhay,
binabasbasan at sa amin ibinibigay.
Hahawakan ng obispo ang pinggang may ostiya at ang kalis at kapwa
niya itataas habang kanyang ipinapahayag:

Sa pamamagitan ni Kristo, kasama niya, at sa

kanya ang lahat ng parangal at papuri ay sa
iyo, Diyos Amang makapangyarihan,
Kasama ng Espiritu Santo
Magpasawalang hanggan.
Ang mga tao ay magbubunyi

R. Amen.

23
ANG PAKIKINABANG

Sa tagubilin ng mga nakagagaling na utos

at turo ni Hesus na Panginoon natin at Diyos
ipahayag natin nang lakas-loob:

Ama namin, sumasalangit ka.

Sambahin ang ngalan mo. Mapasaamin ang kaharian mo.
Sundin ang loob mo dito sa lupa para nang sa langit.
Bigyan mo kami ngayon ng aming kakanin sa araw-araw.
At patawarin mo kami sa aming mga sala para nang
pagpapatawad namin sa nagkakasala sa amin.
At huwag mo kaming ipahintulot sa tukso.
At iadya mo kami sa lahat ng masama.

Nakalahad ang mga kamay ng punong tagapagdiwang sa pagdarasal:

Hinihiling naming
kami‟y iadya sa lahat ng masama,
pagkalooban ng kapayapaan araw-araw,
iligtas sa kasalanan
at ilayo sa lahat ng kapahamakan
samantalang aming pinananabikan
ang dakilang araw ng pagpapahayag
ng Tagapagligtas naming si Hesukristo.
Pagdaraupin niya ang kanyang mga kamay.

Sapagka‟t iyo ang kaharian

at ang kapangyarihan at ang kapurihan
magpakailan man! Amen.

Malakas na darasalin ng paring nakalahad ang mga kamay:

Panginoong Hesukristo,
sinabi mo sa iyong mga Apostol:
“Kapayapaan ang iniiwan ko sa inyo.
Ang aking kapayapaan ang ibinibigay ko sa
inyo.” Tunghayan mo ang aming
pananampalataya
at huwag ang aming mga pagkakasala.
Pagkalooban mo kami ng kapayapaan
at pagkakaisa ayon sa iyong kalooban
Pagdaraupin niya ang kanyang mga kamay.

kasama ng Espiritu Santo magpasawalang

hanggan.
R. Amen.

Ang kapayapaan ng Panginoon ay laging

sumainyo.
R. At sumaiyo rin.

Ipahahayag ng Diyakono.

Magbigayan kayo ng kapayapaan sa isa‟t isa.

Pagkatapos, hahawakan ng pari ang ostiya at hahati-hatiin niya ito sa
ibabaw ng pinggan at iasasawak niya ang kaputol sa kalis habang
pabulong niyang dinarasal:

Sa pagsasawak na ito
Ng katawan sa dugo ng aming Panginoong
Hesukristo tanggapin nawa namin sa
pakikinabang ang buhay na walang hanggan.

Kordero ng Diyos, na nag-aalis ng mga kasalanan ng

sanlibutan, maawa ka sa amin.
Kordero ng Diyos, na nag-aalis ng mga kasalanan ng
sanlibutan, maawa ka sa amin.
Kordero ng Diyos, na nag-aalis ng mga kasalanan ng
sanlibutan, ipagkaloob mo sa amin ang kapayapaan.
_____________________________________

25
Magkadaop ang mga kamay ng Pari sa pabulong na pagdarasal.

Panginoong Hesukristo, Anak ng Diyos na

buhay,sa kalooban ng Ama kasama ng Espiritu
Santo,binuhay mo sa iyong pagkamatay ang
sanlibutan. Pakundanagn sa iyong banal na
katawan at dugo, iadya mo ako sa tanang aking
kasalanan at lahat ng masama, gawin mo
akong laging makasunod sa iyong mga utos, at
huwag mong ipahintulot na ako‟y mawalay sa
iyo kaylan man.
Luluhod ang tagapagdiwang at pagtayo niya’y kanyang hahawakan
ang ostiya na itataas sa ibabaw ng pinggan. Paharap sa mga tao
siyang magsasabi ng malakas:

Ito ang Kordero ng Diyos.

Ito ang nag-aalis ng mga kasalanan ng
sanlibutan. Mapalad ang mga inaanyayahan sa
kanyang piging.
R. Panginoon, hindi ako karapat-dapat na magpatuloy sa iyo
nguni‟t sa isang salita mo lamang ay gagaling na ako.

Siyay makikinabang ng magalang at nakayuko sa dambana haabng

patuloy na nagdarasal:

Ipagsanggalang nawa ako ng katawan ni Kristo

patungo sa buhay na walang hanggan.
Mapitagan niyang tatanggapin ang katawan ni Kristo.

Ipagsanggalang nawa ako ng dugo ni Kristo

patungo sa buhay na walang hanggan.
Mapitagan niyang tatanggapin ang dugo ng Kristo.
Pagkapakinabang ng lahat ipahahayag ng punong tagapagdiwang
ang panalangin pagkatapos ng komunyon.

26
KOMUNYON

KOMUNYONG ESPIRITWAL
(Para sa mga mananampalataya na nakikiisa sa pagdiriwang sa
pamamagitan ng live streaming. Pamumunuan ng pari ang panalangin)

Hinihiling ko, O Panginoon na ika‟y aking tanggapin ng

may kalinisan, kababaang-loob at debosyon, katulad ng
pagtanggap sa iyo ng kabanal-banalang Ina, ng may pag-
aalab ng puso ng iyong mga banal. Amen

Matapos ang pakikinabang ng mga tao iiwanan ang banal na

sakramento sa altar at dadasalin ng punong tagapagdiwang ang
panalangin pagkapakinabang sa dako ng upuan

PANALANGIN PAGKAPAKINABANG

Ama naming mapagmahal,

ipagkaloob mong sa aming pakikinabang
sa ipinagdiriwang nitong hapunan ng Anak
mong mahal kami'y pagindapating makasalo
kaylanman sa piging ng iyong piling sa
kalangitan sa pamamagitan ni Jesu-Kristo
kasama ng Espiritu Santo magpasawalang
hanggan.
R. Amen

Oratio Imperata: Panalangin laban sa COVID-19

Amang Makapangyarihan
Lumalapit kami sa Iyo sa aming pangangailangan
Ingatan Mo kami laban sa COVID-19 Virus
Na lumalaganap sa kasalukuyan at
Nagiging sanhi ng kamatayan.
Tulungan Mo ang mga nagsisipag-aral sa kalikasan
At pinagmumulan ng virus na ito at kung paano
Masusugpo ang paglaganap ng sakit na dulot nito.

27
Gabayan Mo ang mga kamay at isipan
Ng mga eksperto sa medisina
Nang mapaglingkuran nila
Na may puso at kakayahan
Ang mga may karamdaman,
At sa mga sangay ng pamahalaan
At mga pribadong ahensya na makatagpo
Ng lunas at solusyon sa salot na ito.
Isinasamo naming ang mga dinapuan ng sakit na ito
Ay mabalik sa kalusugan sa madaling panahon.
Kumilos nawa kami sa ikabubuti ng lahat
At matulungan ang lahat ng nangangailangan.
Hinihiling namin ito sa pamamagitan ni Jesukristo,
Kasama ng Espiritu Santo, Magpasawalang hanggan.
Amen.
Maria, Takbuhan ng mga Kristiyano, Ipanalangin mo
kami.
San Rafael Arkanghel, Ipanalangin mo kami.
San Roque, Ipanalangin mo kami.
San Lorenzo Ruiz, Ipanalangin mo kami.
San Pedro Calungsod, Ipanalangin mo kami.
San Pablo Unang Ermitanyo, Ipanalangin mo kami.

28
PAGSAMBA AT PAGTATANOD SA BANAL
NA SAKRAMENTO

1.Matapos nito magtatapos ang misa ng walang

pagbabasbas. Luluhod ang lahat. Luluhod naman ang pari at
iinsensuhan ang Santisimo ng tatlong ulit. Lalapit ang
diyakono o punong tagapaglingkod at iaabot ang balabal.
Pagkatapos, ililipat ng pari ang Santisimo sa tabernakulo sa
sanktwaryi habang inaawit ang “Pange Lingua” maliban sa
dalawang huling taludtod o di kaya‟y “Isang pagkain isang
Katawan isang bayan.”

1. Pange Lingua gloriosi

Corporis mysterium
Saguinisque pretiosi
Quem in mundi pretium
Fructus ventris generosi
Rex effudit gentium

2. Nobis datus nobis natus

Ex intacta virgine
Et in mundo conversatus
Sparso verbi semine
Sui moras incolatus
Miro clausit ordine

3. In supremae noctae Cenae

Recumbens cum fratribus
Obsevarta lege plene
Cibis in legalibus
Cibum turbae duodenae
Se dat suis minibus

4. Verbum caro panem verum

Verbum carne effecit
Fitque sanguis Christi merum
Et si sensus deficit

29
 Ad firmandum cor sincerum
Sola fides sufficit.

PANALANGIN SA PAGSAMBA

Punong Tagapagdiwang:

Katawan ni Kristo ipinaglihi ng mahal na

Birheng Maria:
R.Parangal at papuri ngayon at magpakailanman.

Katawan ni Kristo, inialay sa krus:

R. Parangal at papuri ngayon at magpakailanman:

Katawan ni Kristo muling nabuhay sa libingan:

R. Parangal at papuri ngayon at magpakailanman:

Dugo ni Kristo kabayaran sa ating kalayaan:

R. Parangal at papuri ngayon at magpakailanman:

Dugo ni Kristo tatak ng bagong ugnayan:

R. Parangal at papuri ngayon at magpakailanman:

Dugo ni Kristo inumin ng buhay na walang

hanggan:
R. Parangal at papuri ngayon at magpakailanman:

Puso ni Kristo, inulos ng isang sibat:

R. Parangal at papuri ngayon at magpakailanman:

Puso ni Kristo bukal ng awa:

R. Parangal at papuri ngayon at magpakailanman:

Puso ni Kristo bukal ng pag-ibig:

R. Parangal at papuri ngayon at magpakailanman:

Tinapay ng Buhay na bumaba mula sa langit:

R. Ipagkaloob mo sa amin ang iyong kaligtasan.

30
Salita ng Buhay mula sa Ama:
R. Ipagkaloob mo sa amin ang iyong kaligtasan.

Tagapagkaloob ng Espiritu Santo:

R. Ipagkaloob mo sa amin ang iyong kaligtasan.

Lalaking ikakasal sa banal na Simbahan:

R. Ipagkaloob mo sa amin ang iyong kaligtasan.

Tagapagligtas ng sanlibutan:
R. Ipagkaloob mo sa amin ang iyong kaligtasan.

Kaibigan ng kabataan at dukha:

R. Ipagkaloob mo sa amin ang iyong kaligtasan.

Sa pagsapit mo sa huling araw

R. Ipagkaloob mo sa amin ang iyong kaligtasan.

Aawitin ng lahat ang Tantum Ergo at muling lalagyan ng pari ng

insenso ang insensaryo at iinsensuhan ang sakramento.

Tantum ergo Sacramentum Veneremur cernui

Et antiquum documentum Novo cedat ritui
Praestet fidessuplementum Sensuum defectui.
Genitori genitoque
Laus et jubilatio
Salus honor virtus quoque Sit et benedictio
Procedenti ab utroque Compar sit laudatio

Pagkatapos ng sandaling pagsambang katahimikan isasara ng

punong tapagdiwang ang pinto ng tabemakulo. Pagkabigay-
galang ng pari at tagapaglingkod sa sakramento sila ay tahimik
na babalik sa sakristiya.

Maaari ng simulan ang pagtatanod sa banal na sakramento.

Habang dinadasal ang panalangin ng pagtatanod, ang mga

31
mananampalataya ay maaring makiisa sa panalangin sa
pamamagitan ng livestreaming.

Tatanggalan ng mantel ang dambana at aalisin ang lahat ng

palamuti at bulaklak sa sanktwaryo bago ipagpatuloy ang
pagtatanod sa Santisimo Sakramento.

32
PAGTATANOD SA KABANAL-BANALANG
SAKRAMENTO

Ang pagtatanod ay maaring pasimulan sa pamamagitan ng

pagdarasal ng Santo Rosaryo at Chaplet ng Mabathalang Awa.

PAMBUNGAD NA AWIT
Namumuno:
Papuri sa Diyos Ama, hari ng sangkalupaan,
Gayundin sa Espiritu Santo karapat-dapat sa lahat ng
papuri
Bayan: Purihin at ipagdangal ang Poon magpakailanman.
Namumuno:
Papuri sa bugtong na Anak, ipinanganak ng Birheng
Mahal para sa kaligtasan ng lahat
Bayan: Purihin at ipagdangal ang Poon magpakailanman.
Namumuno:
Papuri sa Espiritung banal, gabay ng simbahan tungo sa
kaganapan ng katotohanan.
Bayan: Purihin at ipagdangal ang Poon magpakailanman.

Namumuno:

Ang pagkakasala ng tao ang siyang naging daan upang

ang tao ay mapalayo sa Diyos na pinagmumulan ng
buhay. Ngunit dahil sa kagandahang-loob ng Diyos,
isinugo ng Ama si Hesukristo upang tubusin ang tao sa
kanyang pagkaka-utang at pagkakasala. Sa
pamamagitan ni Hesukristo muling naibalik sa tao ang
kanyang karapatan na mapabilang sa mga
pinaghaharian ng Diyos. Sa ating pagtitipon at
pananalangin ngayon, dumulog tayo sa Diyos na
pinagmumulan ng lahat ng buhay at pagpapala na
pagkalooban niya ang sangkatauhan ng ganap na
kapatawaran sa kanyang mga kasalanan, at iadya niya
tayo sa mapanganib na sakit na nagpapahirap sa
buong sanlibutan lalo’t higit sa ating pamayanan.

33
Matapos ang sandaling katahimikan, darasalin ng punong
tagapagdiwang.

PAMBUNGAD NA PANALANGIN

Ama naming makapangyarihan, lakas ka ng mga walang

inaasahan kundi ikaw. Ang pagluhog naming ay iyong
pagbigyan sapagka‟t kami‟y mga tao lamang na pawing
mahihina kapag iyong iniwanan kaya nama‟y lagi mong
tulungan upang sa pagtupad ng iyong mga kautusan ikaw
ay aming mabigyang kasiyahan sa aming iniisip at
ginagawa araw-araw sa pamamagitan ni Hesukristo
kasama ng Espiritu Santo magpasawalang hanggan.

R. Amen.

PARA SA KAPATAWARAN NG MGA KASALANAN

AT SA IKALALAGANAP NG
PANANAMPALATAYA, PAG-ASA AT PAG-IBIG.

PAGBASA

Magsisi kayo nang taos sa puso, hindi pakitang-tao

lamang.

Pagbasa mula sa aklat ni Propeta Joel

2, 12-18

Sinasabi ngayon ng Panginoon : “Mataimtim kayong

magsisi at manumbalik sa akin, kayo‟y mag-ayuno,
manangis at magdalamhati. Magsisi kayo nang taos sa
puso, hindi pakitang-tao lamang.” Magbalik-loob kayo sa
Panginoon na inyong Diyos. Siya‟y may magandang-loob
at puspos ng awa, mapaghinuhod at tapat sa kanyang
pangako; laging handang magpatawad at hindi
magpaparusa. Maaring lingapin kayo ng Panginoon at
bigyan ng masaganang ani. Kung magkagayon,
mahahandugan natin siya ng haing butil at alak. Ang
trumpeta ay hipan ninyo, sa ibabaw ng Bundok ng Sion;
iutos ninyo na mag-ayuno ang lahat, tawagin ninuo na

34
mag-ayuno ang lahat, tawagin ninyo ang mga tao para sa
isang banal na pagtitipon. Tipunin ninyo ang lahat,
matatanda‟t bata pati mga sanggol at maging ang mga
bagong kasal. Mga saserdote, kayo‟y tumayo sa pagitan
ng pasukan at ng dambana, manangis kayo‟t manalangin
ng ganito: “Mahabag ka sa iyong bayan, O Panginoon.
Huwag mong tulutang kami‟y hamaki‟t pagtawanan ng
ibang mga bansa at tanungin, „Nasan ang inyong Diyos?‟”
Pagkaraan, ipinamalas ng Panginoon na siya‟y
nagmamalasakit sa kanyang bayan.

Ang salita ng Diyos.

R. Salamat sa Diyos.

Magkakaroon ng katahimikan para sa personal na pananalangin.

Saan Kami tutungo?

Saan kami tutungo, kaming makasalanan?

Saan kami susulong, dahas laging kapisan?
Ikaw, Hesus, ang susundan. Ikaw, Poon, ang hantungan.

Sino kayang uusig sa di makatarungan?

Sino kayang lulupig, sakim na umiiral?
Sa sinumang sa Diyos mulat, katarungang magbubuhat.

Kaloob Mong talino, atas Mo'y pagyamanin,

Sa pakikihamok, lagi naming gamitin.
Karahasa'y pipilitin, kamali-a'y tutuwirin.

PARA IPAG-ADYA ANG BANSA SA PANGANIB NG

NAKAKAHAWA AT MALUBHANG SAKIT NA
COVID-19

PAGBASA

Pinakamabuting magagawa ng tao ay buong tiyagang

maghintay sa pagliligtas ng Panginoon.

Pagbasa mula sa aklat ng mga Panaghoy

3, 17-26

35
Sa akin ay wala ni bakas ng kalusugan, katiwasayan at
kaligayahan. Kaya‟t sinasabi ko, ˝Nawala na ang aking
lakas at ang aking pag-asa sa Panginoon.˝ simpait ng apdo
ang alalahanin sa aking paghihirap at kabiguan, lagi ko
itong naaalaala, at ako‟y labis na napipighati. Gayunma‟y
nanunumbalik ang aking pag-asa pag naalaala ko ito : ang
hindi nagmamaliw na pag-ibig ng Panginoon, at ang
kanyang walang kupas na kahabagan. Hindi nagbabago
tulad ng bukang liwayway. Dakila ang kanyang katapatan.
Ang Panginoon ay akin, sa kanya ako magtitiwala. Ang
Panginoon ay mabuti sa mga nagtitiwala sa kanya,
pinakamabuting magagawa ng tao ay buong tiyagang
maghintay sa pagliligtas ng Panginoon.

Ang salita ng Diyos.

R. Salamat sa Diyos

Magkakaroon ng katahimikan para sa personal na pananalangin.

Umasa ka sa Diyos

Umasa ka sa Diyos ang mabuti‟y gawin at manalig kang

ligtas sa lupain sa Diyos mo hanapin ang kaligayahan at
pangarap mo ay makakamtan.

Ang iyong sarili sa Diyos mo ilagak at magtiwalang

tutulungan kang galak. Ang kabutihan mo ay
magliliwanag katulad ng araw pag tanghaling tapat.

Sa harap ng Dyos pumanatag ka, maging matiyagang

maghintay sa kanya huwag mong kainggitan ang
gumiginhawa sa likong paraan umunlad man sila.

PARA SA UMUUGIT SA PAMAHALAAN, MGA

MANGGAMOT AT DALUBHASA SA LARANGAN
NG PANGGAGAMOT
PAGBASA

Ginagawa kitang bantay ng bansang Israel.

36
Pagbasa mula sa aklat ni Propeta Ezekiel
3, 16-21
Noong mga araw na iyon, sinabi sa akin ng Panginoon,
˝Tao, ginagawa kitang bantay ng bayang Israel, anuman
ang sabihin ko sa iyo‟y sasabihin mo sa kanila bilang
babala. Maaring ito‟y hatol na kamatayan para sa masam.
Kapag hindi mo sila pinagsabihang lumayo sa kasamaan,
mamamatay sila sa kanilang kasamaan ngunit
pananagutan mo sa akin ang kanilang kamatayan. Ngunit
wala kang pananagutan kung ayaw nilang talikdan ang
kanilang kasamaan matapos mong babalaan. Kapag
nagpakasama ang isang matuwid ay ilalagay ko siya sa
panganib. Mawawalan ng kabuluhan ang kabutihang
ginawa niya noong una at mamamatay siya sa kanyang
kasalanan. Pag hindi mo siya pinaalalahanan, pananagutan
mo sa akin ang kanyang kamatayan. Ngunit kapag
pinayuhan mo siyang lumayo sa kasamaan, at nakinig sa
iyo, hindi siya mamamatay at wala kang pananagutan.

Ang Salita ng Diyos.

R. Salamat sa Diyos.

Magkakaroon ng katahimikan para sa personal na pananalangin.

Ang Panginoon ang aking pastol

Ang Panginoon ang aking pastol pinagiginhawa nya

akong lubos

Handog nyang himlaya‟y sariwang pastulan ang

pahingahan koy payapang batisan hatid sa kaluluwa ay
kaginhawahan sa tuwid na landas sya ang patnubay.

Madilim na lambak man ang tatahakin ko wala akong

sindak Sya‟y kasama ko ang hawak niyang tungkod ang
s‟yang gabay ko hawak nyang pamalo sigla‟t tanggulan
ko.

Luluhod ang lahat.

37
LITANYA NG MGA PAGDULOG
Hango sa Natatanging Urbi et Orbi ni Papa Francisco

T (Tugon). Pinupuri ka namin, Panginoon.

Diyos na totoo at taong totoo, na tunay na nananahan sa
Banal na Sakramento, T.
Aming Manunubos, Diyos na sumaatin, tapat at puno ng
awa, T.
Aming Hari, Panginoon ng sannilikha at ng kasaysayan,
T.
Ikaw na nagwagi laban sa kasalanan at kamatayan, T.
Kaibigan ng sangkatauhan, ikaw na nabuhay na magmuli
at naluluklok sa kanan ng Ama, T.

T. Sumasampalataya kami, Panginoon.

Bugtong na Anak ng Ama na nanaog mula sa kalangitan
para sa aming kaligtasan, T.
Banal na Manggagamot, na ibinaba ang sarili sa aming
karalitaan, T.
Korderong hain, inialay para tubusin kami mula sa sala, T.
Mabuting Pastol, na nagaalay ng kanyang buhay para sa
minamahal niyang kawan, T.
Tinapay ng buhay na siyang nagbibigay ng buhay na
walang-hanggan.

T. I-adya mo kami, Panginoon.

Mula sa kapangyarihan ni Satanas at sa mga pang-aakit ng
mundo, T.
Mula sa kapalaluan at sa pag-aakalang makakayanan
namin ng hindi ka kapiling, T.
Mula sa panlilinlang ng takot at dalamhati, T.
Mula sa kawalan ng pananampalataya at pag-asa, T.
Mula sa katigasan ng puso at sa kawalang-kakayahang
magmahal, T.

T. Iligtas mo kami, Panginoon.

Mula sa lahat ng kasamaang nagpapasakit sa
sangkatauhan, T.
Mula sa gutom, tagsalat, at pagkamakasarili, T.
Mula sa mga sakit, epidemya, at sa takot makisalamuha sa
aming kapwa, T.
Mula sa mga kahangalan, mga malulupit na interes, at

38
kasamaan, T.
Mula sa kasinungalingan, sa mga fake news, at sa
pagsupil sa mga konsensya, T.

T. Aliwin mo kami, Panginoon.

Masdan mo ang iyong Simbahang naglalakbay sa isang
disyerto, T.
Masdan mo ang sangkatauhang binabalot ng takot at
dalamhati, T.
Masdan mo ang mga maysakit at mga malapit nang
mamatay na sinisiil ng kalungkutan, T.
Masdan mo ang mga Doktor at iba pang mga gumagawa
sa larangan ng kalusugan na napapagod at napapagal, T.
Masdan mo ang mga pulitiko at iba pang awtoridad sa
pamahalaan, na pasan ang tungkulin ng wastong
pagpapasya, T.

T. Isugo mo sa amin ang iyong Espiritu, Panginoon.

Sa mga oras ng pagsubok at pagkatalo, T.
Sa mga panahon ng tukso at kahinaan, T.
Sa paglaban sa kasamaan at kasalanan, T.
Sa paghanap sa kabutihan at tunay na kaligayahan, T.
Sa pagpiling manatili sa Iyo at sa Iyong
pakikipagkaibigan, T.

T. Gawin mo kaming bukas sa Pag-asa, Panginoon.

Kapag sinisiil kami ng kasalanan, T.
Kapag isinasara ng galit ang aming mga puso, T.
Kapag dinadalaw kami ng pangalaw, T.
Kapag sumasagi sa aming isipan ang panlalamig sa
pangangailangan ng aming kapwa, T.
Kung tutupukin na kami ng kamatayan, T.

PANALANGIN
Panginoon namin at Diyos,
sa sakramentong ito dumudulog kami sa presensya ni
Hesukristong Anak mo, ipinanganak ng mahal na birhen
at ipinako para sa aming kaligtasan. Marapatin mong
kami na nagpapahayag ng pananampalataya sa bukal ng
awa at pag-ibig ay mapakinabang sa tubig ng buhay na

39
walang hanggan. Sa pamamagitan ni Kristong aming
Panginoon.
R. Amen.

Uupo ang lahat.

PARA SA MGA TAONG MAY DINADALANG

KARAMDAMAN DULOT NG COVID-19

PAGBASA
Tiniis niya ang hirap na tayo ang dapat magbata.
Pagbasa mula sa aklat ni Propeta Isaias 53,
1-5. 10-11

Sino ang maniniwala sa ibinabalita naming ito ? Sino ang

makakapagpatunay na pinahintulutan ito ng Panginoon ?
kalooban ng Panginoon na ang kanyang lingkod ay
matulad sa isang halamang natanim sa tuyong lupa,
walang katangian o kagandahang makatawag-pansin, wala
siyang taglay na pang-akit para lapitan siya. Hinamak siya
ng mga tao at itinakwil. Nagdanas siya ng sakit at hirap.
Wala man lang nagtapon ng sulyap sa kanya. Hindi natin
siya pinansi, para siyang walang kabuluhan. Tiniis niya
ang hirap na tayo dapat ang magbata, gayun din ang kirot
na tayo sana ang lumasap ; akala natin ang dinanas niya‟y
parusa sa kanya ng Diyos. Dahil sa ating mga kasalanan
kaya siya nasugatan ; siya ay binugbog dahil sa ating
kasamaan. Tayo ay gumaling dahil sa pahirap na tinamo
niya. At sa mga hampas na kanyang tinanggap. Sinabi ng
Panginoon, ˝Ang kanyang paghihirap ay kalooban ko ;
inihandog niya ang sarili upang sa pamamagitan noon ay
magkaroon ng kapatawaran. Dahil dito‟y mabubuhay siya
ng matagal, makikita ang lahing susunod sa kanya at sa
pamamagitan niya‟y maisagawa ang aking panukala.
Pagkatapos ng pagdurusa, lalasap siya ng ligaya,
malalaman niyang hindi nawalan ng kabuluhan ang
kanyang pagtitiis. Ang aking tapat na lingkod at lubos
kong kinalulugdan ang siyang tatanggap sa parusa ng
marami at alang-alang sa kanya sila‟y patatawarin.˝

R. Salamat sa Diyos.

40
Magkakaroon ng katahimikan para sa personal na pananalangin.

Awit ng Paghilom

Panginoon ko, hanap-hanap Ka ng puso,

Tinig Mo'y isang awit paghilom.

Ang baling ng aking diwa ay sa 'Yo,

H'wag nawang pababayaang masiphayo.
Ikaw ang buntong hininga ng buhay;
Dulot Mo'y kapayapaan, pag-ibig.

Panginoon ko, hanap-hanap Ka ng puso,

Tinig Mo'y isang awit paghilom.

Ako'y akayin sa daang matuwid.

H'wag nawang pahintulutang mabighani.
Sa panandalian at huwad na rilag
Ikaw ang aking tanging Tagapagligtas.

Luluhod ang lahat para sa panalangin ng Oratio Imperata

Oratio Imperata: Panalangin laban sa COVID-19

Amang Makapangyarihan
Lumalapit kami sa Iyo sa aming pangangailangan
Ingatan Mo kami laban sa COVID-19 Virus
Na lumalaganap sa kasalukuyan at
Nagiging sanhi ng kamatayan.
Tulungan Mo ang mga nagsisipag-aral sa kalikasan
At pinagmumulan ng virus na ito at kung paano
Masusugpo ang paglaganap ng sakit na dulot nito.
Gabayan Mo ang mga kamay at isipan
Ng mga eksperto sa medisina
Nang mapaglingkuran nila
Na may puso at kakayahan
Ang mga may karamdaman,
At sa mga sangay ng pamahalaan
At mga pribadong ahensya na makatagpo
Ng lunas at solusyon sa salot na ito.
Isinasamo naming ang mga dinapuan ng sakit na ito
Ay mabalik sa kalusugan sa madaling panahon.

41
Kumilos nawa kami sa ikabubuti ng lahat
At matulungan ang lahat ng nangangailangan.
Hinihiling namin ito sa pamamagitan ni Jesukristo,
Kasama ng Espiritu Santo, Magpasawalang hanggan.
Amen.
Maria, Takbuhan ng mga Kristiyano, Ipanalangin mo
kami.
San Rafael Arkanghel, Ipanalangin mo kami.
San Roque, Ipanalangin mo kami.
San Lorenzo Ruiz, Ipanalangin mo kami.
San Pedro Calungsod, Ipanalangin mo kami.
San Pablo Unang Ermitanyo, Ipanalangin mo kami.

Tatayo ang lahat:

MABUTING BALITA
______________________________________________

Papuri sayo Panginoong Hesukristo, Hari ng walang

hanggang kapurihan. Papuri sayo Panginoong Hesukristo,
Hari ng walang hanggang kapurihan.
______________________________________________

Kinuha niya ang ating mga kahinaan.

+ Ang Mabuting Balita ng Panginoon ayon kay San

Mateo. 8, 14-17

Papuri sa iyo, Panginoon.

Noong panahong iyon, pumunta si Hesus sa bahay ni

Pedro at doo‟y nakita niya ang biyenan nito, nakahiga at
inaapoy ng lagnat. Hinawakan ni Hesus ang kamay ng
babae at nawala ang lagnat nito. Pagkatapos, bumangon
ito at naglingkod sa kanya.

Nang gabing iyon, dinala kay Hesus ang maraming

inaalihan ng mga demonyo. Sa isang salita lamang ay
pinalayas niya ang masasamang espiritu, at pinagaling ang
lahat ng may karamdaman. Ginawa niya ito upang
matupad ang sinabi ni Propeta Isaias, “Kinuha niya ang

42
ating mga kahinaan at binate ang ating mga
karamdaman.”

Ang Mabuting Balita ng Panginoon.

R. Pinupuri ka namin, Panginoong Hesukristo

PANALANGIN NG BAYAN

Punong tagapagdiwang:
Lumuhog tayo sa Ama sa kalangitan na pinili ang
kanyang Anak upang maging ating tagapagligtas.
Puno ng pagtitiwala humiling tayo ng lakas at gabay
para sa ating lahat.

R. Panginoon dinggin mo ang aming panalangin.

N. Idinadalangin namin ang buong Simbahan lalo‟t higt

para sa mga namumuno dito, ang Santo Papa, mga
Obispo, mga pari at mga diyakono. Pagkalooban mo sila
ng pusong handang laging maglingkod para sa kapakanan
ng lahat. Manalangin tayo sa Panginoon.

N. Idinadalangin namin ang mga umuugit sa ating

pamahalaan. Pagkalooban naw sila ng Diyos ng kalakasan
ng katawan at kalooban upang magawa nilang akayin ang
sambayanan ng Diyos tungo sa liwanag ng kaligtasan.
Manalangin tayo sa Panginoon.

N. Idinadalangin namin ang mga dalubhasa at mga

mangagamot upang sa biyayang ng karunungan at
kaalamang ipinagkaloob sa kanila ng Diyos ay magtamasa
nawa ang lahat ng tao ng kalusugan at kaligtasan mula sa
karamadamang pangkatawan at pang kalooban.
Manalangin tayo sa Panginoon.

N. Idinadlangin namin ang sangkatauahan, ang ating

bansa at pamayanan, iligtas nawa tayo ng Diyos mula sa
kapahamakang idinudulot ng sakit na covid-19.
Pagkalooban nawa ng pagkakaisa at pagmamahalan ang
lahat upang magapi ang nakamamatay na karamadamang
ito. Manalangin tayo sa Panginoon.

43
N. Idinadalangin namin ang mga taong may karamdaman
at nagdurusa dahil sa covid-19. Pagkalooban nawa sila ng
Diyos ng malalim na pagtitiwala sa kanya at ng
kagalingan mula sa kanilang karamadaman. Manalangin
tayo sa Panginoon.

N. Idinadalangin namin ang lahat ng pumanaw dahil sa

karamdamang covid-19. Pagkalooban nawa sila ng
kapayapaan at pamamahingang walang hanggan kasama
ang lahat ng anghel at banal doon sa kalangitan.
Manalangin tayo sa Panginoon.

Punong tagapagdiwang:
Manalangin tayo ayon sa dasal na itinuro sa atin:

Ama namin, sumasalangit ka.

Sambahin ang ngalan mo. Mapasaamin ang kaharian mo.
Sundin ang loob mo dito sa lupa para nang sa langit.
Bigyan mo kami ngayon ng aming kakanin sa araw-araw.
At patawarin mo kami sa aming mga sala para nang
pagpapatawad namin sa nagkakasala sa amin.
At huwag mo kaming ipahintulot sa tukso.
At iadya mo kami sa lahat ng masama.

Pagkatapos ng pag-awit ng Ama Namin, tahimik na tatapusin ang

pagtatanod. Maari ng tanggalin ang mga palamuti at bulaklak sa
sanktwaryo.

Bagama’t ang pangkalahatang tagubilin sa panahong ito ng

community quarantine ay ang paglalagay ng Santisimo sa
tabernakulo sa sanktwaryo lamang, ngunit kung nanaisin ng pari at
kung mayroong maayos na lugar, maari ding ilipat ng pari ang
santisimo sa isang lugar na malapit sa simbahan. (e.g. sakristiya o
PEA)

Sang-ayon sa tagubilin ng Kapulungan ng mga Obispo sa Pilipinas

(Supplement instruction for holy week celebration during the
community quarantine 31 March 2020), ang pagdadaos ng
prusisyon ng Banal na Sakramento sa komunidad ay dapat pag-
aralang mabuti at kung maari ay iwasan sang-ayon sa umiiral na
batas tungkol sa strict community qurantine at social distancing.

44