CONSOLIDATION TOPIC 2

ANG PAGSISISI

Ang “pagsisisi” ay nagpapahayag ng “pagbabago ng direksyon”, “pagtalikod mula sa

kasalanan” tungo sa “pagbabago ng kaisipan” upang mabuhay para sa Diyos.

Ito ay nagsisimula sa isang desisyon na tatalikuran ang kasalanan at magpapasakop sa

pagkaPanginoon ni Hesu-Cristo. At ito’y lubhang napakahalaga para sa sinumang
nagnanais na maging malapit sa Diyos at lumakad na kasama Niya araw-araw. Ang
pagsisisi ay higit pa sa pag-amin ng iyong mga pagkakamali. Ito’y isang pagbabago ng
puso’t kaisipan na nagbibigay sa atin ng isang bagong pananaw patungkol sa Diyos,
patungkol sa atin, at patungkol sa mundo. Nakapaloob dito ang pagtalikod sa kasalanan
at paglapit sa Diyos para sa kapatawaran. Ang pag-ibig ng Diyos at ang buong-pusong
pagnanasa na masunod ang Kaniyang kautusan ang siyang nag-uudyok na gawin ito.

Gayunpaman, hindi sa ating kasalanan nagtatapos ang kwento. Ang Diyos ay

gumagawa sa pamamagitan ng lahat ng bagay na nangyayari sa ating buhay, kasama
na ang ating mga kasalanan, upang ilapit tayo kay Hesus. (Juan 6:44-45; 14:6; Roma
8:28-29)

Anuman ang iyong nagawa, mayroon ng nakahandang paraan ang Diyos para
makapanumbalik ka sa Kanya-at ito’y sa pamamagitan ng Kanyang Anak na si Jesu-
Cristo. Ang Kanyang kamatayan sa krus at ang tagumpay ng Kanyang muling
pagkabuhay ang siyang nag-iingat para sa iyo ng lahat ng mga pagpapalang galing sa
Diyos, kasama na ang pagpapatawad. Ang tanging gagawin mo lang ay magsisisi at
ipagkatiwala ang iyong buhay kay Hesus. (Mga Gawa 3:19)

Ito ang sinasabi ng Bibliya na “born again” o “pagkapanganak na muli” sa Espiritu ng

Diyos. (Juan 3:3,5). Tayo ay nagkakaroon ng ganitong karanasan sa pamamagitan ng
pagsisisi sa ating mga kasalanan, pagpapaubaya ng ating buhay kay Hesus bilang
Tagapagligtas at Panginoon, pagtitiwala sa pamamagitan ng pananampalataya na
patawarin Niya tayo at lilinisin sa lahat ng kasalanan. (Roma 3:23; 10:13; 1Juan 1:8-9;
Juan 1:12)

Kailangan ng Pananampalataya Para Makapagsisi!

Kung ikaw ay kasalukuyang nakikipaglaban sa isang kasalanan na mahirap makawala,

ang pagsisisi ay para bang napakahirap na bagay. Subalit isipin mo ang sinasabi ng
Bibliya, “…Hindi mo ba alam na kabutihan ng Diyos ang umaakay sa iyo upang magsisi
at tumalikod sa kasalanan?” (Roma 2:4). Isa pang talata sa Bibliya na nagpapaalam sa
atin na ang Diyos ay matiyagang naghihintay sa atin upang makapagsisi ay makikita sa
2 Pedro 3:9.

Ang ating Amang nasa langit ay hindi naghahanap ng paraan para sa parusahan tayo.
Oo, Siya ay makatuwirang Diyos subalit Siya rin ay isang mapagmahal na Ama na
naghahanap ng Kanyang nawawalang anak. Siya’y isang Pastol na handing iwan ang
kanyang 99 na tupa na nasa ligtas na pastulan para hanapin ang isang tupang
naliligaw.

Isa sa makapangyarihang paglalarawan ng pag –ibig ng Diyos ay makikita sa talinhaga

ng alibughang anak. Nang magbago ang isip ng anak at nagdesisyong bumalik sa
kanyang tahanan, ang sabi ng Bibliya, “Malayo pa’y natanaw na Siya ng Kanyang Ama,
at dahil sa matinding awa ay patakbo siyang sinalubong, niyakap, at hinalikan.” (Lucas
15:20)

Habang ikaw ay nananalangin, matiyagang naghihintay ang Diyos, bukas ang Kaniyang
mga kamay para sa lahat ng Kanyang mga anak na nais magbalik-loob sa Kanya. Ang
kailangan lamang ay matuto tayong magpakumbaba at manampalataya na ang
mapagmahal nating Ama ay nakikinig sa ating mga tapat na pagsamo at Kanyang
lilinisin tayo sa lahat ng kasalanan.

Maglaan ng ilang sandal sa oras na ito upang magsisi - - upang magbago ng iyong
kaisipan at talikuran ang anumang nagpapahiwalay sa iyo sa Diyos at sa mga nasa
paligid mo.

Ama, naniniwala po ako na mahal N’yo po ako. Ang Iyong mga salita ang nagsasabi na
ang iyong pagtitiyaga at kabaitan ang siyang nag-aakay sa akin tungo sa pagsisisi.
Kaya nga, nagpapakumbaba akong lumalapit sa Iyo, at ipinapahayag ang aking mga
kasalanan. Nagpapasalamat po ako sa Inyo sa pagpapatawad at paglilinis Ninyo sa
aking katawan, kaluluwa, at espiritu. Sa pamamagitan ng dugo ni Hesus, turuan mo
akong lumakad nang may katapatan at katuwiran sa iyong harapan araw-araw. Sa
pangalan ni Hesus, Amen.
Kailangan natin magtiwala ka Hesu-Cristo na pinatawad na ang ating mga kasalanan at
sikaping lubusang sumunod sa Kanya sa lahat ng araw ng ating buhay. Sa gayong
paraan, makikilala natin ang Diyos at makasusumpong tayong muli ng kapayapaan.

Ang sabi ng Bibliya, “Kung ipahahayag ng iyong labi na si Jesus ay Panginoon at buong
puso kang sasampalataya na siya'y muling binuhay ng Diyos, maliligtas ka. Sapagkat
sumasampalataya ang tao sa pamamagitan ng kanyang puso at sa gayon ay
pinapawalang-sala ng Diyos. Nagpapahayag naman siya sa pamamagitan ng kanyang
labi at sa gayon ay naliligtas.” (Roma 10:9-10)

PERSONAL NA PAGSASABUHAY

Tukuyin ang anumang natatagong kasalanan na kumokontrol sa iyong buhay at

nagpapalayo sa’yo sa Diyos. Magsisi at hingin ang pagpapatawad ng Diyos upang
magkaroon ka muli ng isang bagong pasimula. Hindi mahalaga kung bumagsak ka man
o nabigo sa nakaraan, maaari tayong magsimulang muli anumang oras.

Anong pagtatalaga ang nais ng Diyos na iyong gawin sa araw na ito?

Isipin mo: Anong mga kaisipan, sitwasyon o mga kilos na maaaring maging hadlang sa
iyong relasyon sa Diyos?

Sa pamamagitan ng panalangin, ipahayag mo na si Hesu-Cristo ang tanging daan

patungo sa Diyos, at mangakong mabubuhay ka para sa Kanya sa lahat ng araw ng
iyong buhay. Itakwil ang kasalanan at was akin ang bawat sumpa sa pangalan ni Hesu-
Cristo.

PANALANGIN

Panginoon, naniniwala po ako na Ikaw ang nasa katuwiran at ako ang mali. Nagsisisi
po ako sa mga bagay na aking nagawa. Sa iyong pag-ibig at kagandahang-loob, ako
po’y nagsisisi, at magbabago po ako ng paraan ng aking pamumuhay. Isasabuhay ko
ang katotohanang galing sa Iyong mga salita, ang Bibliya. Sa pangalan ni Hesus,
Amen.