CONSOLIDATION TOPOIC 5

PARAAN NG PAMUMUHAY (Lifestyle):

ANG APAT NA MAHAHALAGANG PAGTITIPON

“Huwag nating kaliligtaan ang pagdalo sa ating mga pagtitipon, gaya ng ginagawa ng
ilan. Sa halip, palakasin natin ang loob ng isa't isa, lalo na ngayong nakikita nating
malapit na ang araw ng Panginoon.” (Hebreo 10:25)

Ang tagumpay iay nakasalalay sa paraan ng ating pamumuhay. Tayo ay nagbibigay ng

oras o panahon sa kung ano ang ating pinahahalagahan. Habang nagpapatuloy ka sa
iyong bagong relasyon sa Diyos, kakailanganin mo ng lakas, suporta, kaibigan, at lakas
ng loob. Isang bagay na kailangan mong malaman habang maaga ay ang katotohanang
hindi mo kayang gawin ang mga bagay na ito ng mag-isa. Ipinagkaloob na ng Diyos
ang ating mga kakailanganin para patuloy tayong lumago sa ating relasyon sa Kanya.
Kasama dito ang pagbabago ng paraan ng ating pamumuhay. Kailangan ito ng bawat
Cristiano sa kanilang lakad kasama ang Diyos upang patuloy na lumago.

Ito ang mga pangunahing bagay na kailangan nating isama at gawing bahagi na ng
ating buhay:

1. DEVOTION – Ang “devotion” ay ang araw-araw na koneksyon natin sa Salita ng

Diyos. Ang Kanyang Salita ang pinagmumulan natin ng pag-asa at
pananampalataya. Ang panghawakan mo ang mga pangako ng Diyos sa iyong
buhay araw-araw ang siyang magpapatatag ng iyong lakad sa Diyos.

Josue 1:8-9

“Huwag mong kaliligtaang basahin ang aklat ng kautusan. Pagbulay-bulayan mo iyon

araw at gabi upang matupad mo ang lahat ng nakasaad doon. Sa ganoon, magiging
masagana at matagumpay ang iyong pamumuhay. Tandaan mo ang bilin ko:
Magpakatatag ka at lakasan mo ang iyong loob. Huwag kang matatakot o mawawalan
ng pag-asa sapagkat akong si Yahweh, na iyong Diyos, ay kasama mo saan ka man
magpunta.”

2. CELL GROUP – Kailangan natin ng mga taong magiging responsible sa atin at

tutulong na mailabas ang best sa buhay natin.
“Sikapin din nating gisingin ang damdamin ng bawat isa sa pagmamahal sa
kapwa at sa paggawa ng mabuti. Huwag nating kaliligtaan ang pagdalo sa ating
mga pagtitipon, gaya ng ginagawa ng ilan. Sa halip, palakasin natin ang loob ng
 isa't isa, lalo na ngayong nakikita nating malapit na ang araw ng Panginoon.”
(Hebreo 10:24-25)

Ang Gospel community o ang grupo ng mga mananampalataya ay

napakamainam na lugar para tayo ay mahubog, lumago, at magtagumpay sa
ating relasyon sa Diyos.

3. SUNDAY CELL CELEBRATION – Mayroong dalawang uri ng pagtitipon: maliban

sa cell group, mayroon ding pangmalakihang pagtitipon na kung saan sama-
sama tayong makakasamba bilang isang pamilyang espiritwal (spiritual family) at
tatanggap ng Salita ng Diyos. Ang Cell celebration ay isang malakihang
pagtitipon kung saan ang lahat ng mga cell groups ay magkakatipon. Basahin
ang Mga Gawa 2:42-47.
4. PEPSOL/LIFECLASS EQUIPPING AND TRAINING. Kailangan mo ring
maihanda para magawa ang mga bagay na ipinagkatiwala ng Diyos sa iyo. Ang
PEPSOL training (Pre-Encounter, Encounter, Post Encounter, at School Of
Leaders) ay isang paraan para ikaw ay mahubog at lumago na kung saan
mailalabas mo ang mga kakayahang ibinigay ng Diyos sa iyo para magkaroon ng
positibong impluwensiya (positive impact) sa buhay ng iba.

2 Timoteo 2:2 – “Ang mga narinig mo sa akin sa harap ng maraming saksi ay ituro mo
rin sa mga taong mapagkakatiwalaan at may kakayahang magturo naman sa iba.”

Sa inyong mga pagsasanay (trainings), masabik sa mga katotohanang ipagkakatiwala

ng Diyos na marinig mo, mapanghawakan at maisabuhay.

PERSONAL NA PAGSASABUHAY

Magkaroon ng pagsusuri sa iyong buhay, at pagkatapos ay maging determinadong

iayon ang iyong lifestyle o paraan ng pamumuhay sa mga layunin at plano ng Diyos.
Tukuyin kung ano pa ang mga bagay na dapat mong ayusin at italaga sa iyong bagong
lifestyle para patuloy kang lumago sa iyong paglakad kasama ang Diyos.

PANALANGIN

Salamat po Panginoong Hesus sa pagtawag Mo sa akin para magkaroon ako ng

relasyon sa Iyo kasama ng mga taong nagtitiwala rin sa Iyo. Bigyan Mo po ako ng
karunungan para mapangalagaan pa at mabantayan ang aking relasyon sa Iyo at sa
aking pamilyang espiritwal. Tulungan mo akong makasama at makapagtalaga para sa
araw-araw na personal devotion, cell group o gospel community, Sunday Cell
Celebration, at sa mga Trainings para mahubog ako sa kung ano ang nais Mo para sa
akin. Sa pangalan ni Hesus, Amen.