Filamer Christian University

Autonomous Status – CHED

Accredited Level IV – ACSCU – AAI
Roxas Avenue, Roxas City

Banghay Aralin
Filipino Baitang VII

I. LAYUNIN
Pagkatapos ng aralin, ang mga mag – aaral ay inaasahang:
1. nabibigyan kahulugan ang pang-uri,
2. natutukoy ang mga salitang pang – uri ;at
3. nakabubuo ng mga pangungusap gamit ang mga pang – uri.

II. NILALAMAN

A. Paksang Aralin: Pang – uri

1. Konsepto:
Ang Pang – uri ay salitang naglalarawan o nagbibigay – turing sa
pangalan at panghalip.
2. Kasanayan: Pakikinig, Panonood, Pagbasa, Pagsasalita, Pagsulat
3. Pagpapahalaga: “Wastong paghuhusga”
4.
B. Audio – Visuals: multimedia – projector, flashcards, cartolina, pentelpen, lapis, libro, damit
at mga ginupit na larawan (cut – out pictures).
C. References: Ailene G. Basa – Julian, etal,. Pinagyamang PLUMA 7, Phoenix Publishing
House, 2012, Pp. 54 – 55

III. PAMAMARAAN SA PAGTUTURO

A. Preliminaryong Gawain

1. Pagbabalik – aral

“Mga Paraan ng Pagpapahayag ng Emosyon o Damdamin.”

Tanong: Ano ba ang iba’t ibang emosyon o damdamin ng tao?

Magkakaroon ng maikling gawain.

Panuto: Basahin ang bawat pangungusap na may emosyon na nasa Hanay A at

kilalanin kung ano ang ipanapapahayag na damdamin nito sa pamamagitan ng
pagpili ng mga sagot mula sa Hanay B.

Hanay A Hanay B

Aray! Nasasaktan
Kamusta ka? Nag-aalala
Wow! Ang galling niya talaga. Napahanga
Sumosobra na talaga siya! Nagagalit
Yehey! Masaya

2. Pagganyak

“Four Pics: One Word”

Ipapahula sa mga mag-aaral ang ipapakitang apat na larawan na may katumbas
na isang salitang pang-uri.

Mga Salita: Matamis – Malaki – Mahaba – Masaya – Mataas

 B. Paglinang ng Aralin

1. Paglalahad

Mga Katanungan:
1. Ano – ano ang mga salitang inyong nahulaan?
2. Ano ang mga napapansin niyo sa mga salitang ito?

Ipaliwanag na ang mga salitang ay ginagamit sa paglalarawan na kung tawagin ay

Pang-uri.

2. Pagtatalakay

Ang pang – uri ay salitang naglalarawan o nagbibigay – turing sa pangngalan at

panghalip.

Tanong: May mga ideya ba kayo kung ano ang pangngalan at panghalip?
Magbigay ng halimbawa ng mga pangalan ng tao, bagay, hayop, pook o
pangyayari at pwedeng ipanghalili na salita sa mga ito.

Ang pangngalan ay tumutukoy sa ngalan ng tao, hayop, bagay, pook o pangyayari.

Ang panghalip naman ay salita o mga katangang panghalili sa pangngalan.

Halimbawa na pangungusap:.
 Siya ang napakagandang dilag.
 Si Ana ay mabait at masipag.
 Napakatamis ang kinain kong tsokolate.

A. Pangkatang Gawain
Magkakaroon ng dalawang pangkat. Bibigyan ang bawat
pangkat ng tig – iisang brown envelope, sa loob nito ay mga
ginupit na larawan. Kailangan buoin ito at bumuo ng limang
pangungusap na may salitang pang – uri. Pagkatapos pipili ang
bawat pangkat ng kinatawan na mag-uulat sa kanilang gawain at
magkakaroon ng katanungan na kailangan sagutin.

Mga katanungan:
Ano ang salitang pang – uri?
Ano ang inilalarawan nito?
Ito ba ay pangalan o panghalip?

A. Pagpapahalaga

Nalaman natin na ang mga salitang pang – uri ay

naglalarawan ng pangalan at panghalip. Kung saan gamit ang
mga salitang pang – uri inilalarawan natin ang mga tao, bagay,
hayop, pook, o pangyayari sa paligid natin.

Mga Katanungan:
 Kung tayo ba ang maglarawan sa isang bagay o tao lahat
ba ay magaganda lamang ang sinasabi natin sa kanila?
 Bakit minsan tayo nanglalait ng ating kapwa?
 At minsan rin bakit pinupuri natin sila?
 Bakit madali tayong manghusga sa ibang tao?
 Ano ating pwedeng gawin upang maayos at mabuti ang
inyong paglalarawan sa isang tao, bagay at iba pa?
 C. Pangwakas na Gawain

1. Paglalahat

Ano ang Pang-uri?

Ano ang inilalarawan ng mga salitang pang uri?
Ano ang pagkakaiba ng pangalan sa panghalip?
Magbigay ng pangungusap na may Pang-uri.

2. Paglalapat

Panuto: May ipapakitang akong mga salita gamit ang flashcards. Tukuyin
niyo kung ito ay salitang Pang-uri o hindi gamit ang kampas ng kamay. Itaaas ang
iyong kamao kung ito ay Pang-uri at itaas ang kamay na nakabukas kung hindi.

1. Tahimik
2. Naglalaba
3. Maganda
4. Malawak
5. Mais
6. Pantay
7. Lumalakad
8. Gatas
9. Makisig
10. Salat

IV. PAGTATAYA

Panuto: Basahing mabuti ang mga pangungusap. Bilugan ang mga pang – uri sa
bawat pangungusap at salungguhitan ang mga pangngalan at panghalip na tinuturingan o
inilalarawan nito.

1. Nagkagulo ang mga hayop dahil sa mabangis na tigre.

2. Tayo ay mga lahing Pilipino.
3. Ikalawa si Jonathan sa kanilang magkakapatid.
4. Magiging kaaya – aya ang Pilipinas sa lahat.
5. Magtulungan tayo upang maging mapayapa ang ating bansa.
6. Unang biyahe ko ito sa Tagaytay.
7. Tangkilikin natin ang produktong Pinoy.
8. Sila ay matatalino at masunurin.
9. Ang bag na aking binili ay naghahalaga ng limang daang piso.
10. Sila ay magiliw sa mga panauhin at turista.

V. TAKDANG - ARALIN

Panuto: Gumawa ng isang sanaysay na binubuo ng mga salitang pang – uri tungkol sa
iyong pamilya.

Inihanda ni: Jethel Joy F. Ruto