An Pinunan san Pinya

Si Tya Rosa ayu solong akus na an ngaran Pina. Pinadakulu nya

yadi ning sunod sa layaw, kaya nagdakulo na wara aram na trabaw salug
ning balay.

Usad na aldaw, nagilang si Tya Rosa, kaya sinugo nya si Pina na

magluto. Mantang nagaluto, nagaamun si Pina. Sa pagkalinggat sa amun
nalipngan su pigaluto, natutong yato kaya wara kinaun su mag-ina.

Naulay su pagilang ni Tya Rosa, kaya napiritan si Pina na

magtrabaw salug san balay. Dahil ngani indi tataw san mga trabaw sa
balay sige sana an unga kun uno an gigibun. Maski mga gamit indi aram
kun din nasaray. “Mama, din tabi su kutsara? Su plato? Su baso? Su
trapo?” Ubos na gamit piganap sa ina.

Sauyam ni Tya Rosa nakasabi yadi, “Ay Dyos ko Pina! Sana

tubuan ka ning dakul na mata nganing makita mo an mga gamit didi
salug san balay!”

Nung maulian si Tya Rosa nawara naman si Pina, Wara barang

nakakita kun din sya nagadun. Pakalampas ning pirang aldaw, ayu
Nakita si Tya Rosa na nagtubo na tinanum sa natad ninda. Inataman nya
yadi sagkud sa magbunga. Grabe su pagkabigla nya nung makita su
bunga, korteng bilog, dangan kadakul san mata sadi. Nagparabasul sya
nung marumduman su pigsabi sa akus nya na sana tubuan yadi ning
dakul na mata. Inataman nya yadi dangan nginaranan Pina na sa
kaulayan naging Pinya.

Yan tabi an pinunan san pinya. Salamat sana,