Disclaimer: Anuoiya hung kisunding ho hi Lungsunga kitahna nei chuleh thutah holnom ho’a dingbou ahi

in iti ham khatna eima ngaidan nasatah a panpi ding ihi uva leh ingaidan u paimanga Gedolim Hon Ipi
asei uvam joh ve ute tin ikitem uvin hiche chu ijo lou ding uva ahileh simda jeng joleu hen phajoding ahi.

Tzitz Eliezer Vol. 10, Chapter 10,

Kum 5716, Iyyar 28 nikho achun sepai ho sunga Rabbi khat Tzitz Eliezer kommah ahungin, akho uchu
galmi ten aum kimvellu anahin ana huoidoh uvin ahi ahung ti. Hitobang dinmunna chu Shehekhyanu leh
Hallel kaseithei dingu ham ti’a Rav pa ahung doh’u ahi. Rav pan adonbut nah’a chun, Hallel jong,
Shehekhyanu jong seithei pouvin tin, Torah simni tengleh ahoubung uva mikhat aliya changding aman
Mipi thalhenga Birkat Hagomel aseiding, “Shegamalani” khel’a “Shegemalanu” atiding, mipin jong
hitobang chetna chu mitamtah dinga seibanga adonbut dingu ahi.

Birkat HaGomel thucheng khelthei nadinga hoiya kuon tha akilah ahidem?

Sefer Hazikaron a HaGaon Chatam Sofer in jong Pressburg a hitobang dinmun atuo uva chun amanjong
Rav pa sei tobang chetna ana bollu ahi. Rav Mordechai Tusk in jong hitobanga bolding chu anommin ahi.

Hallel seiding ipi dinga ana kha ham?

Tzitz Eliezer in adonbutnin, Gemara in Shabbat 21b ah aseiyin, Khanukah masapena chu, hiche kum
mama achun Hallel aseipouvin ahi, akum kit akuonnin bou asei pan uvin ahi. Ipi dinga ahidem? Ajeh chu
Amahon hilanga kipah thanom a kut aman uva akom avella gaal a anathisa ho inkoten pul adou dingu
chu ahithei lou ding jeh a akum kit akuonna bou Hallel aseipannu ahi. Hijeh a chu Hallel nasei tei tei
dinga ahileh, Rosh Chodesh ngahdoh ngal ngal inlang hiche tenglechun nadin munnu chu Kavana petha
inlang Hallel seiyin tin anadon but peh in ahi.

Sefer Masa Ovadia in aseidan dungjuiyin Rav Ovadia Yosef injong hitobang chetchun nopna ana neiyin
ahi. Sepai asang sang thiho ding gelpeh a Hallel seilouding ahi ati.

Holocaust kichai jou jouvin Brisker Rav pa kommin ahung uvin, Holocaust geldoh nading nikho khat koiya
pha hilouham tin ahung dong uvin ahi. Rav pan adonbutnin, ahitheipoi ana tipeh in ahi. Ajeh chu Kina 25
dungjuiyin Crusader hon Israel tea sang sangin ana that uvin, ahinlah amaho geldoh nah’a nikho
khatbeh iman uvam? Imang pouvin ahi. Ipi dinga ahidem? Hiche kina isei dungjui uva chun, hitobanga
nikho thah man nadingin tha inei tapouvin ahi ati. Kinot anasun pa chu Rishon, Rabbi teho lah a khang
masa ahitan amaho jengin jong Nikho thah phudoh nading tha kanei tapouve atiuvin ahi. Hijeh a chun
Crusades a ana thi mipi ho geldoh nah’in Tisha be’av tengleh kop thadingin ana seiyin ahi.

HIJEH ACHUN Tzitz Eliezer injong (Rishonim ho jengin jong tha aneitah louleh) eihon hoiya kuonna nikho
thah phudoh nadinga tha ikilah dingu ham ati.

IPI DINGA ROSH CHODESH TOH KAIMAT DINGA RAV PAN ANA SEIHAM?

Nikho thah phudoh nading tha inei tahlou jeh uva Rishon pa in jong Crusades a thiho puldouna chu Tisha
be’av ah amachon banga, Hallel kisei dijong chu Rosh Chodesh ah ana machon uvin ahi.
Chonphei nading lunggel chu Rishon pan hoiya kuon alah ham?

Gemara in Masechet Rosh Hashana ah hitin aseiyin ahi, Yom tov nikho tamtah ana kitung doh in ahinlah
abonnin aki sumang gam tan ahi. Aumsa hobon suhmanga auma ahileh thah tundoh dinga eiho koi
ihiuvam? Crusades hochu Rashi phat laiyin ana umin ahi. Ahinlah Nikho thah RASHI jengin jong ana
tungdoh pon ahi. Rashi jengin jong nikho thah phudoh nading tha aneiding akison louva ahileh eiho
koi ihiu ham! Rashi sanga lenjo a ikigel uva ahileh ama isuh nemmu ahi. Hiche sanga kichapousahna
lenjo ipi umdi ham?

HaRav Ovadia Yosef in Sefer Masa Ovadia, ah akisutdan dungjuiyin, Ipi dinga Pesach ni sagi nileh Hallel
isei ji louvu ham? Ajeh chu Egypt miten thina atuo u ahi. 1948 leh 1967 ah, Egypt mite keu hilou, Israel te
tamtah in jong thina anatuoh uvin ahileh hitobang dinmunna chu Hallel akiseithei him him poi, Hijeh a
chu Yom Ha’atzmaut nikho jongleh Hallel kisei lou ahi.

CHAZON ISH INYANEI HALACHA 97

Halacha chungchang thudol ahitengleh Torah akuonna jung anei angaiyin ahi. Written torah akuon hung
kuonna Oral torah in hilchetna apeh angaiyin ahi. Torah akuonna jung aum louva ahileh themgao khat
jengin jong thil thah phudoh nadingin tha aneipon ahi. Hitobang chetna chu torah akuonna ikiheimang
uva, chondan khat ihapbe uva ahileh torah chu nuoise tah akibol toh thakhat chet ahi.

Hiche chu abulpi a ineiphotnu ahitah leh, Am Israel chunga thutanna phalou auma ahileh nampi in shiva
atoukhom peh thei dingu ham?