No intento de potenciar a organización política do vello reino, Galiza dívidese en sete
provincias (para así reepartir os impostos e recrutar soldados) e en 1500 créanse as Xuntas do reino. Nos S. XVI e XVII, a economía galega era fundamentalmente agrícola e ligada ás posibilidades produtivas da terra. Ata 1560-80 mantívose un sistema de produción baseado no cultivo de cereais e o barbeito, traballado con útiles rudimentarios e coa ausencia de fertilizantes e innovacións salientables. Estas condicións explican que sexa dificil xerar ezcedentes unha vez pagados os tributos e as rendas forais. A partir desas datas, o desequilibrio entre poboación e recursos favoreceu a aparición de crises de subsistencia, estas dificultades estimularon a transformación do sistema de cultivo e a chegada de cambios. Estendeuse o cultivo do millo, que alterou o sistema de rotacións diminuíndo o barbeito. Estes cambios permitiron un forte crecemento da produción e da poboación, situación que se contrapoñía co panorama no resto de España. Con todo, a precaria situación económica do campesiñado lévao a realizar tarefas complementarias ás agrarias que teñen lugar nas súas casas (domestic system) como a producción de tecidos de liño. Na Galiza costeira, a escasa produción agrícola vese aliviada polo traballo no mar, de aí a importancia da pesca na Galiza litoral. Ao lado dos principais portos exportadores de peixe, moitas outras poboacións teñen tamén no mar o seu modo de vida. Estes portos comerciaban con cidades costeiras españolas exportando viños, sardiñas, polbo… e importando cereais, aceite ou sal. No seculo XVI, Pontevedra convértese no principal porto, mentres que no XVII Muros pasa a ser o gran centro exportador dee sardiña. En todo caso, a pesca tampouco permite superar o nivel de subsistencia para a meirande parte dos mariñeiros, debido a problemas semellantes aos da agricultura e ó pequeno tamaño das cidades galegas.
Na sociedade, mantense o carácter estamental (desigual ante a lei e xerarquizada), na
que atopamos: os estamentos privilexiados (nobreza e clero) que son señores territoriais e xurisdicionais que viven fundamentalmente do cobro das rendas das súas terras; logo atópanse os labregos, que cultivan a terra baixo diferentes formas de cesión (sendo a principal o foro); e por último tamén destaca o absentismo da alta nobreza galega, que dá como resultado a aparición como grupo relevante a fidalguía. A fidalguía era un grado nobiliario menor que se introduce no sistema como intermediario entre o señor e o campesiño. Tomaron en foro numerosas parcelas pertencentes a bispos, mosteiros e grandes nobres que despois subforaban ou arrendaban aos campesiños, incrementando a renda. Esta práctica permitiulles aumentar o nivel de riqueza, que se manifestou principalmente na contrucción de pazos. En moitas zonas, os fidalgos constituían a oligarquía rural ou urbana que controlaba o poder municipal e xudicial. Ademais desta división social xerada polo sistema foral, existían outros grupos sociais non privilexiados: mariñeiros, artesáns urbanos e comerciantes.