PANALANGIN NG BAYAN (MAYO 10, 2020)

Ikalimang Linggo ng Pasko ng Pagkabuhay

PARI: BUONG PANANALIG NATING IPAHAYAG SA AMA ANG ATING MGA

PANGANGAILANGAN. MAGTIWALA TAYONG SIYA’Y MAKIKINIG SAPAGKAT NANANALANGIN
TAYO SA NGALAN NI HESUS.

KOMENTAYTOR: (ANG ATING ITUTUGON SA BAWAT PANALANGIN) PANGINOON,

DINGGIN MO KAMI.

NAMUMUNO:

NAWA’Y ANG SANTO PAPA, MGA OBISPO, MGA PARI, RELIHIYOSO AT DIYAKONO AY
HUWAG MAPAGOD SA PAGHAHATID KAY KRISTO BILANG TAGAPAMAGITAN NG DIYOS AT NG
TAO, NA GAGABAY SA AMIN SA LANDAS PATUNGO SA DIYOS. MANALANGIN TAYO SA
PANGINOON.

NAWA’Y ANG MGA NAMUMUNO NG ATING PAMAYANAN AY MAGLINGKOD NANG

LUBOS AT HINDI KINALILIGTAAN ANG PANGANGAILANGAN NG SAMBAYANAN. MANALANGIN
TAYO SA PANGINOON.

NAWA’Y MAMULAT SA KATOTOHANAN ANG HATID NI HESUS SA MGA KAPATID

NATING NAGDUDUDA AT PATULOY NA NAGHAHANAP NG PANANAMPALATAYANG TUNAY NA
MAGHAHATID SA KANILA TUNGO SA KALIGTASAN. MANALANGIN TAYO SA PANGINOON.

NAWA’Y ANG MGA MAYSAKIT AT MAY MABIBIGAT NA KARAMDAMAN, AY MAKITA SI

HESUS NA KASAMA-SAMA NILA SA KANILANG DINARANAS NA MGA PAGSUBOK.
MANALANGIN TAYO SA PANGINOON.

NAWA’Y MAKARATING SA PANGAKONG BUHAY NA WALANG HANGGAN ANG MGA

KAPATID NATING NAMAYAPA NA. MANALANGIN TAYO SA PANGINOON.

PARI: AMA NAMING NASA LANGIT IBIGAY MO ANG IYONG ANAK NA SI HESUS BILANG
GABAY NAMIN. TURUAN MO KAMING MAKINIG SA KANYA UPANG MAKAMIT NAMIN ANG
IYONG KAHARIAN KUNG SAAN SI HESUS ANG NAGHAHARI KASAMA MO AT NG ESPIRITU
SANTO MAGPASAWALANG HANGGAN.

BAYAN: AMEN.