Sa isang nayon na tinatawag na lawakan, madaming mamamayan at lahat ay
magkakamag-anak na masayang namumuhay roon.May naglalakihang mga bahay,magagarang mga sasakyan at napakalawak na lupain. Bawat bahay ay may TV, refrigerator, at mga usong appliances. Sa pagtulog ay may katabing alagang hayop bilang bantay sa magdamag kagaya ng husky.
Hanggang sa isang araw, may bagong residenteng dumating at tumira roon.
Isa siyang mayaman at mayabang na babae. Lahat ng gusto niya ay nakukuha niya. Lahat ng mga sinasabi niya o ipinagyayabang niya sa mga kapitbahay ay nagkakatotoo o di kaya'y napapasakanya. Inis na inis ang mga kapitbahay niya dahil sa ugali nito. Akala niya ay siya lang ang may ganoon ngunit nagkakamali siya. Hanggang may isang lalakeng nagkalakas ng loob para higitan ang mga bagay na mayroon ang babae. Kung ang TV ng mayabang na babae ay flatscreen siya naman ay touchscreen, kung ang ref ng babae ay two doors siya naman ay may sliding door ng ref. At dahil sa ginawa ng lalake na paghigit sa mga bagay na mayroong ang babae ay gusto rin na mas higitan pa ng mga residente sa lugar, ang mga bagay na mayroon ang lalake o dikaya'y gayahin kung ano naman ang mayroon sa kanya.
At habang tumatagal, ang masayahing nayon ay napuno ng inggitan. Dahil
dito nagalit ang Diyos, nagkaroon ng napakalakas na lindol sa lugar. Parang magugunaw ang mundo. Pagkatapos lumindol ay bumugso naman ang napakalakas na ulan, ang mga lupain doon ay bumaba ng bumaba at ang tubig ay nanatili doon. Ang mga tao at lahat lahat ng mga ariarian doon ay lumubog rin. Dahil doon nagkaroon ng isang napakalawak na anyong tubig. Kung saan dito nailining ang mga taong hindi nakuntento sa kung ano ang meron sila. Kalaunan ang tubigang ito ay tinawag na lawa, hinango sa pangalan ng dating lugar na lawakan.