"Hanggang dito nalang

Itong tula na to ay para sa mga taong nasaktan,

Sinaktan at intenyong saktan.

Para sa mga taong pinaasa, umasa at talagang pinaasa.

Para sa mga taong nabiktima ng salitang mahal kita

Sa mga taong naniwala sa katagang "walang iwanan"

Nasaan na nga ba yung dating tayo?

Nasaan na yung dating ikaw at yung dating ako?

Nasaan na yung dating ikaw na ngsasabing mahal ako?

Nasaan na yung dating ako na naniniwala sa mga panloloko mo?

Masaya ka ba?

Masaya ka bang minahal kita at para sayo ay biro lang ang lahat.

Masaya ka ba?

Na binigay ko ang lahat pero para sayo ay di pa pala yon sapat.

Ang sakit, ang sakit sakit.

Sana mahal, sinaksak mo nalang ako ng paulit-ulit.

Sana hindi mo nalang ako pinakilig at kunwaring mamahalin.

Pero sa bandang huli maiiwan akong nakalutang sa ere at

hindi mo naman sasaluhin.

Nasaan na yung sinabi mong walang iwanan?

Nawala lang ako saglit iba na ang yong katawagan.

Nasaan na yung sinasabi mong mahal mo ako?

Na ang buong akala ko ay ako lang, pero mali pala ako.

Naalala ko pa nuon ang sabi mo "gagawin ko ang lahat para sayo."

Oo nga, ginawa mo lahat mahal pati ang lokohin ako.

Ginawa mo ang lahat

Pati ang saktan ako.

Papalayain na kita mahal, alam kong dito ka sasaya.

Hanggang dito nalang ako at bibitawan ko na ang mga pangako mo.

Hanggang dito nalang ako at hahayaan ko na mahal kung ano man ang gusto mo

Hanggang dito nalang ako. At titignan ka nalang habang lumalayo.