GLOBALISASYONG EKONOMIKO

Sentro sa isyung globalisasyon ang ekonomiya na umiinog sa kalakalan ng mga

produkto at serbisyo. Mabilis na nagbago ang paran ng palitan ng mga produkto at
serbisyo sa pagitan ng mga bansa sa daigdig sa nagdaang siglo. Kinakitaan ito ng pag-
usbong ng malalaking korporasyon na ang operasyon ay nakatuon hindi lamang sa
bansang pinagmulan kundi maging sa ibang bansa.  

Multinational at Transnational Companies

Kilala ang mga ito bilang multinational companies (MNCs) at transnational

companies (TNCs). Ayon sa United Nations Commission on Transnational
Corporations and Investment, ang TNC ay tumutukoy sa mga kompanya o  negosyong
nagtatatag ng pasilidad sa ibang bansa. Ang kanilang serbisyong ipinagbibili ay batay
sa pangangailangang lokal. Binibigyang kalayaan na magdesisyon, magsaliksik, at
magbenta ang mga yunit na ito ayon na rin sa hinihingi ng kanilang pamilihang lokal.
Marami sa kanila ay kompanyang petrolyo, I.T. consulting, pharmaceutical, at mga kauri
nito. Halimbawa nito ang kompanyang Shell, Accenture, TELUS International Phils., at
Glaxo-Smith Klein (halimbawang produkto ay sensodyne at panadol).

Samantala, ang MNC ay ang pangkalahatang katawagan  na tumutukoy sa mga

namumuhunang kompanya sa ibang bansa ngunit ang mga produkto o serbisyong
ipinagbibili ay hindi nakabatay sa pangangailangang lokal ng pamilihan. Ilang
halimbawa nito ay ang Unilever, Proctor & Gamble, Mc Donald’s, Coca-Cola, Google,
UBER, Starbucks, Seven-Eleven, Toyota Motor, Dutch Shell, at iba pa. Dinala ng mga
korporasyong nabanggit ang mga produkto at serbisyong naging bahagi na ng pang-
araw-araw na pamumuhay ng mga Pilipino.

Matatagpuan ang mga nasabing kompanya o korporasyon sa iba’t ibang panig ng

daigdig. Marami sa mga ito ay pag-aari ng mga lokal at dayuhang namumuhunan na
nagtataglay ng malaking kapital. Sa katunayan, batay sa datos ng International
Monetary Fund, ang ilan sa mga MNCs at TNCs ay higit pa ang kinikita sa Gross
Domestic Product (GDP) ng ilang mga bansa.

Ayon sa artikulong pinamagatang Top Filipino firms building Asean empires ng

Philippine Daily Inquirer na nailathala noong Pebrero 9, 2017, ilan sa mga MNCs at
TNCs sa Vietnam, Thailand at Malaysia ay pag-aari ng mga Pilipino tulad ng Jollibee,
URC, Unilab, International Container Terminal Services Inc. at San Miguel Corporation.

Ang globalisasyon ang tawag sa umiiral na pampulitika,

pang-ekonomiya, at sosyo-kultural na kaayusan. Ito ang katawagan sa
pagkakabuwag ng mga dibisyon at border at ang malayang pagpapalitan ng mga
impormasyon at produkto ng mga bansa.

 
Isang epekto ng globalisasyon sa lokal na pamumulitika ay ang
pagkakaroon ng posibilidad na makaimpluwensya sa mga lokal na desisyon ang mga
taong makapangyarihan ngunit nasa labas at hindi parte ng pagdedesisyon ng isang
pamahalaan. Halimbawa mga negosyanteng Amerikano at Intsik.

Ang Globalisyong Politikal ay maaring may politika na sangkot sa isang negosyo o maaari
din namang kahati nito ang negosyante. Marami ganyan sa Pilipinas maraming negosyo na
pagmamay-ari ng mga kasapi sa politika. Hindi naman maiiwasan iyon dahil mayayaman
naman ang mga nasa politika kaya't kaya nilang makipag negosasyon sa mga dayuhan na
mayayaman.

Ang OFW ay isang manipestayon ng globalisasyon dahil:

1. Sa paglaganap ng wikang Ingles sa sistema ng pakikipagtransaksyon sa kalakan at

ugnayang panlabas.

2. Sa pagpapalitan ng kultura sa pagitan ng iba’t ibang bansa at pamayanan

3. Sa paglaganap ng moderno at kosmopolitang pamumuhay

...

Narito pa ang ilang implikasyon/manipestasyon ng globalisasyon:

•Malayang pagpasok ng dayuhang kapital sa iba’t ibang uri ng negosyo sa iba’t ibang
panig ng daigdig

•Paglawak ng nasasakupang teritoryo at industriya ng mga korporasyong transnasyunal.

•Paglago ng dayuhang kapital dahil sa agresibong paraan ng pamumuhunan ng

mayayamang bansa.

•Paglakas ng kontrol ng mga transnasyunal na bangko sa ekonomiya ng mga bansa iba’t

ibang panig ng daigdig. 

Read more on Brainly.ph - https://brainly.ph/question/838025#readmore