BANAL NA ORAS

bilang Paghahanda sa Pagtatalaga ng

Ika-limang Obispo ng Malolos
Lubhang Kagalang-galang
DENNIS CABANADA VILLAROJO, D.D.

10 Agosto 2019

1
Kapag natitipon na ang sambayanan, at nakahanda na rin ang pari at ang iba pang
tagapaglingkod, tatayo ang lahat at pupunta ang pari sa gawi ng tabernakulo at kukunin
ang Banal na Sakramento. Sa pagbukas ng pinto ng tabernakulo, luluhod ang lahat at
sisimulan ang pag-awit ng O Salutaris Hostia (O Ostiya ng Kaligtasan). Matapos itanghal
ang Banal na Sakramento sa dambana, luluhod rin ang pari at iinsensuhan ito.

PAGTATANGHAL SA KABANAL-BANALANG SAKRAMENTO

Luluhod ang lahat

Awit: O SALUTARIS HOSTIA O OSTIYA NG KALIGTASAN

O salutaris Hostia O Ostiya ng Kaligtasan,

Quae caeli pandis ostium. pinto Ka ng langit na bayan.
Bella premunt hostilia; Tulong Mo laban sa kaaway,
Da robur fer auxilium. mangyaring sa ami’y ibigay.

Uni trinoque Domino Puri sa Diyos na Maykapal:

Sit sempiterna gloria: sa Tatlong Personang marangal.
Qui vitam sine termino, Poon, nawa’y aming makamtan
Nobis donet in patria. ang langit na masayang bayan.
Amen. Amen.

PAANYAYA SA PAGSAMBA

Pari: Purihin natin ang Amang Makapangyarihan,

na pinagmumulan ng lahat ng biyaya
Bayan: Amen

Pari: Purihin natin si Kristo, bukal ng lahat pagpapala.

Bayan: Amen

Pari: Purihin natin ang Banal na Espiritu,

Panginoon at tagapagbigay ng buhay at kabanalan.
Bayan: Amen

TAHIMIK NA PAGSAMBA

2
PAMBUNGAD

Pari: Sinugo ng Ama ang kanyang Anak na si Hesus sa daigdig, na ipinanganak ng

Mahal na Birheng Maria. Hinirang Niya Siya bilang Dakilang Pari ng bago
at walang hanggang Tipan para mamagitan para sa atin. Sa pamamagitan ni
Hesus, iaalay natin ang ating mapagkumbabang panalangin para sa
kabanalan ng Sambayanan ng Diyos ng Diyosesis ng Malolos, para sa ating
bagong hirang na Obispo Dennis Villarojo at para sa ating Kaparian at mga
Diyakono. Pagkalooban nawa niya tayo ng matatag na pananampalataya,
nang maliwanag at matibay na pag-asa at nag-aalab na pag-ibig.
Sandaling katahimikan
PANALANGIN NG PASASALAMAT SA PAGKAHIRANG
SA BAGONG OBISPO NG MALOLOS

Lahat: Amang mapagkalinga,

Pinatutunayan mong hindi mo kami pinababayaan,
nang pumanaw ang aming Obispo Jose,
dagli mong hinirang si Obispo Honesto
upang kami’y gabayan bilang administador apostoliko.
Salamat sa iyong di-mapasusubaliang pagkalinga.
At sa kapistahan ni San Matias
na pinili mo para mabuo ang labindalawa,
hinirang mo naman si Obispo Dennis Villarojo
bilang ikalimang Obispo ng Diyosesis ng Malolos.
Maraming salamat sa lahat ng mga pagpapalang ito.
Patuloy mo nawa kaming biyayaan
upang mabuo kami bilang isang sambayanan
sa pamumuno ng bagong Obispo.
Ipagkaloob mo sa bagong Obispo
ang Espiritu ng karunungang magpasya at tibay ng kalooban,
ang Espiritu ng kaalaman at pagpipitagan
upang sa pamamahala sa mga taong inihabilin
sa kanyang pananagutan
kanyang maitatag sa daigdig ang isang Simbahang
kalugod-lugod sa iyo sa kabanalan
sa pamamagitan ni Hesukristo
kasama ng Espiritu Santo
magpasawalang hanggan.
Bayan: Amen
Mauupo ang lahat

3
 MGA PAGNINILAY
A. ANG SAMBAYANAN NG DIYOS

Namumuno: Mahalaga ang gampanin ng mga laiko sa Misyon ng Simbahan. Sila ang
pinakamalaking bilang na bumubuo sa Sambayanan ng Diyos na pinamumunuan ng
Obispo kaisa ng kaparian ng Diyosesis. Ating ipanalangin at pagnilayan ang gampanin
ng laiko sa Simbahan.

Mauupo ang lahat

PAGBASA Colosas 1:1-14

Ang Salita ng Diyos mula sa Sulat ni Apostol San Pablo sa mga taga Colosas

Mula kay Pablo, apostol ni Kristo Hesus ayon sa kalooban ng Diyos, at mula rin sa
kapatid nating si Timoteo: Para sa mga taga-Colosas na hinirang ng Diyos at mga tapat na
kapatid kay Kristo. Sumainyo nawa ang kagandahang-loob at kapayapaang mula sa Diyos
na ating Ama.
Lagi kaming nagpapasalamat sa Diyos na Ama ng ating Panginoong Hesukristo,
tuwing ipinananalangin naming kayo. Sapagkat nabalitaan namin ang tungkol sa inyong
pananampalataya kay Kristo Hesus at ang pag-ibig ninyo sa lahat ng hinirang ng
Diyos, dahil sa pag-asang kakamtan ninyo ang mga inihanda para sa inyo roon sa langit.
Nalaman ninyo ang tungkol sa inaasahan ninyong ito nang ang salita ng katotohanan, ang
Mabuting Balita ay ipangaral sa inyo. Ito’y lumalaganap sa buong sanlibutan at nagdadala
ng pagpapala, tulad ng nangyari sa inyo mula nang marinig at maunawaan ang
katotohanan tungkol sa kagandahang-loob ng Diyos. Natutunan ninyo ito kay Epafras, tapat
na lingkod ni Kristo, mahal na kawangagawa naming at kinatawan sa inyo. Sa kanya namin
nalaman ang tungkol sa pag-ibig na ipinagkaloob sa inyo ng Espiritu.
Kaya’t mula nang marinig namin ito, patuloy naming idinadalangin sa Diyos na
nawa’y puspusin niya kayo ng kaalamang kaloob ng Espiritu upang lubusan ninyong
maunawaan ang kanyang kalooban. Sa gayon, makakapamuhay na kayo nang karapat-
dapat at kalugud-lugod sa Panginoon, sasagana sa mabuting gawa, at lalawak ang inyong
pagkakilala sa Diyos. Idinadalangin din naming patatagin niya kayo sa tulong ng kanyang
dakilang kapangyarihan, upang masaya ninyong mapagtiisan ang lahat ng bagay. At
magpasalamat kayo sa Ama, sapagkat minarapat niyang ibilang kayo sa mga hinirang na
magmamana ng kaharian ng kaliwanagan. Iniligtas niya tayo sa kapangyarihan ng

4
kadiliman at inilipat sa kaharian ng kanyang minamahal na Anak. Sa pamamagitan ng
Anak, tayo’y pinalaya at pinatawad ng ating mga kasalanan.

Ang Salita ng Diyos

-Salamat sa Diyos
Sandaling katahimikan

PAGNINILAY
Babasahin ng isang Layko

Ang Kaloob na Laiko sa Simbahan

Sa sandaling ito iniisip ko ang lahat ng laiko na niloob ng Diyos na makaniig sa aking
misyon bilang pari at Obispo. Sila ang mga tanging regalo sa akin, at pinasasalamatan ko
ang Diyos araw-araw para sa kanila. Napakarami nila kaya mahirap na banggitin ko pa ang
pangalan ng bawat isa, sila’y dala-dala ko sa aking puso, sapagkat ang bawat isa sa kanila
ay may naiambag sa paglago ng aking pagkapari. Sa isang paraan naipakita nila sa akin
ang daan at tinulungan nila ako na maunawaan na mas mabuti ang aking paglilingkod at
isabuhay ito ng mas ganap. Ang aking madalas na pakikitungo sa mga laykong lalaki at
babae ay tunay na kapaki-pakinabang. Sila’y binubuo ng mga karaniwang magagawa, mga
lalaki at babe ng sining at kultura, at mga kilalang paham. Ang pakikitungong ito ay
sumibol ang mabuting pakikipagkaibigan at marami dito ay nanatili mangpahanggang
ngayon. Salamat sa mga taong ito, ang aking gawaing pastoral ay yumabong at nalagpasan
ko ang mga hadlang sa bahagi ng lipunan na mahirap maabot.

Kaya nga, nuon pa man ako’y mulat na sa pangangailangan ng apostolado ng laiko sa

Simbahan. Nang ang Ikalawang Konsilyo Vaticano ay nagsalita tungkol sa bokasyon at
misyon ng laiko sa Simbahan at sa daigdig, ako’y nagalak na ang itinuturo ng konsilyo ay
umaayon sa aking pinaniniwalaan at siyang gumabay sa aking gawain simula pa ng unang
taon ng paglilingkod ko bilang pari.

(Hango mula kay Papa San Juan Pablo II, Gift and Mystery)

Sandaling katahimikan

AWIT: ISANG PAGKAIN, ISANG KATAWAN, ISANG BAYAN (San Pedro)

Tumayo ang lahat

Katulad ng mga butil na tinitipon

Upang maging tinapay na nagbibigay-buhay
Kami nawa’y matipon din at maging bayan Mong giliw.

KORO: Iisang Panginoon, iisang Katawan

Isang bayan, isang lahi sa ‘Yo’y nagpupugay. (2x)

5
 Katulad din ng mga ubas na piniga at naging alak
Sino mang uminom nito; “May buhay na walang hanggan.”
Kamin nawa’y maging sangkap sa pagbuo nitong bayang liyag. (Koro)

PANALANGIN
Luluhod ang lahat

Namumuno: Manalangin tayo.

Sandaling katahimikan
Lahat: Ama naming makapangyarihan,
ang bawa’t Sambayanang naglalakbay sa sanlibutan
ay iyong ipinahahayag bilang Simbahang
iisa, banal, laganap sa daigdig
at mga apostol ang pinagbuhatan.
Ipagkaloob mong magkaisa ang iyong bayan sa Diyosesis ng Malolos
sa pagtataguyod ng tagapangasiwang Iyong hinirang
at magkatipon sa Espiritu
pakundangan sa Mabuting Balita at Huling Hapunan
upang sa kaisahan ng mga pinili Mong tao’y
ito ang kumatawan
at maging pananda at tagapagdulot
ng pakikipisan ni Kristo sa sanlibutan
sa pamamagitan Niya kasama ng Espiritu Santo
magpasawalang hanggan.
Bayan: Amen

6
 B. ANG KAPARIAN

Mauupo ang lahat

Namumuno: Ang mga pari ay Ama ng Sambayanan ng Diyos na isinilang sa

Sakramento ng Binyag. Tayong bininyagan “sa ngalan ng Ama at ng Anak at ng Espiritu
Santo” ay magkakapatid sa biyaya ng Sakramento. Ang mga pari na pinatungan ng kamay
ng Obispo nuong sila’y ordenahan ay katuwang ng Obispo sa pamamahala at
pangangalaga ng isang Diyosesis. Ipanalangin natin ang ating kaparian at ipagkatiwala
sila sa Mahal na Puso ni Hesus.

PAGBASA 2 Timoteo 1:2-7

Ang simula ng ikalawang Sulat ni Apostol San Pablo kay Timoteo

Mula kay Pablo na niloob ng Diyos na maging apostol ni Kristo Hesus upang
mangaral tungkol sa buhay na ipinangakong kakamtin natin kay Kristo Hesus –

Kay Timoteo na minamahal kong anak:

Sumaiyo nawa ang pagpapala, ang habag, at ang kapayapaan mula sa Diyos Ama at
kay Kristo Hesus na ating Panginoon.

Nagpapasalamat ako sa Diyos na pinaglingkuran ko nang tapat – tulad ng ginawa ng

aking mga ninuno – tuwing aalalahanin kita sa aking mga panalangin araw-gabi. Sabik na
sabik na akong Makita ka upang malubos ang aking kagalakan, lalo na kapag naaalaala ko
ang iyong pagluha. Hindi ko nakakalimutan ang tapat mong pananampalataya, katulad ng
pananampalataya ng iyong Lola Loida at ni Eunice na iyong ina. Natitiyak kong taglay mo
pa ngayon ang pananampalatayang iyon. Dahil dito, ipinaaalaala ko sa iyo na maging
masigasig ka sa pagtupad sa tungkuling tinanggap mo sa Diyos nang ipatong ko ang aking
mga kamay sa ulo mo. Sapagkat hindi espiritu ng kaduwagan ang ibinigay sa atin ng Diyos
kundi Espiritu ng kapangyarihan, pag-ibig, at pagpipigil sa sarili.

Kaya’t huwag mong ikahiya ang pagpapatotoo tungkol sa Panginoon o ang aking
pagkabilanggo dahil sa kanya. Sa halip, makihati ka sa kahirapan dahil sa Mabuting Balita,
sa tulong ng Diyos

Ang Salita ng Diyos

-Salamat sa Diyos
Sandaling katahimikan

7
PAGNINILAY
Babasahin ng isang Layko

Ang buhay ng bawat Kristiyano lalo’t higit ang isang pari ay dapat nalulukuban ng
Santisima Trinidad. Sinasabi ng Katesismo Katoliko ay ganito: “Ang buong buhay
kristiyano ay pakikipag-ugnayan sa bawat persona ng Santisima Trinidad, na hindi sila
pinaghihiwalay. Ang lahat ng nagpupuri sa Ama ay ginagawa ito sa pamamagitan ng Anak
sa Espiritu Santo, at sinumang sumusunod kay Kristo ay dahil tinatawag sila ng Ama at
ibinubunsod ng Banal na Espiritu.”

Ito ang misteryo ng pagpapari, ang pari ay sumusunod kay Kristo dahil nuon pa man ay
tinatawag na siya ng Ama sa kanyang pangalan at ibinubukod ng Espiritu upang tumugon
ng buong kasiglahan.

Ang pari ay siyang dapat maging tanda ng Santisima Trinidad. Siya ay daan ng pagkakaisa
na niloloob ng Diyos. Tandaan natin, ang paraan ng daigdig, ng diyablo ay “divide et
impera”, ang maghati at sumakop, si satanas ay panginoon ng pagkakawatak-watak, ng
pagkakasira. Kaya sa buhay bilang pari huwag tayong padadala sa iilan at matutong
makinig sa lahat, maging kaisa ng Diyos, kaagapay ng pamayanan, kabuklod ng mga
kapatid na pari, kaisa ng Obispo at hindi maging daan ng pagkakahati-hati at pagkakanya-
kanya. Kaya, ang antipona sa umaga sa Kapistahan ng Santisima Trinidad ay isinasaad ang
ganito: “O Banal, Di mapaghihiwalay na Tatlong persona-Isang Diyos….mapasaiyo nawa
ang lahat ng pagpupuri ngayon at magpakailanman.”

Sa bawat persona ng Diyos ang pari ay kanyang larawan. Sa Ama na lumikha ang pari ay
kumukuha ng lakas. Siya na ama ng marami ay walang asawa. Nagiging anak niya ang
mga isinisilang sa binyag. Siya ay dapat maging ama na malikhain upang ang
pananampalataya ay yumabong at sumagana. Nakalulungkot kapag ang pari na nag-aantay
lang na may mangyari. Siya ay ama, pastol na kumakalinga sa kanyang kawan, pinalalakas
ang mahihina, hinahanap ang nawawala at minamahal maging ang di-kaibig-ibig.

Pangalawa, Ang Pari higit sa lahat ay dapat matulad sa ikalawang Persona-ang Panginoong
Hesus na nagkatawang-tao upang tubusin tayo sa kasalanan. Marami ang hindi matanggap
na si Hesus ay naging tao. At ganyan din ang pari siya ay tao hindi ngayon at naging pari
ay anghel na.

Bayan ng Diyos, ang pari ay tao. Maging si Hesus na Dakilang Pari ayon sa sulat sa mga
Hebreo ay “kinuha mula sa tao at ipinanganak ng isang babae.” Ang pari mula rin sa
laman kung saan nilikha ng Diyos ay tao. Patuloy siyang nakikiisa sa kapalaran ng tao
kahit naipatong ng Diyos ang kanyang kamay sa kanya sa pamamagitan ng kamay ng
Obispo. Ang kapakanan ng mahihina at aba, ay kapalaran ng nasisiraan ng loob at ng mga
makasalanan.

8
Subalit sabi nga ni Karl Rahner: “Ang mga tao parang naiisulto kapag humaharap sa kanila
para gumawa ng gawain ng Diyos ay isang tao lamang.” Gusto nilang ang tagapaghatid na
magsasalita ay kahanga-hanga, ang sugo ay maakit ang lahat, ng pusong nag-aalab. Subalit
sa isang kahindik hindik at kagulat gulat at masayang katotohanan, ang dumarating ay
taong mahina, nabubuhay sa pag-aagam-agam at sisidlang palayok lamang. Ito’y dapat
maging dahilan sa pagpapakumbaba ng pari. Hindi siya kundi ang Diyos ang gumagawa.

Kaya, nakakapangaral siya ng may pananampalataya na mapagtatagumpayan ang mundo at

naggagawad ng binyag na makagagawa ng mga santo mula sa mga makalanan na naliligaw
at nawala. “Siya ay mahirap tulad ng ating Manunubos. Tunay na tao tulad ni Kristo na
naihahatid ang biyaya ng Diyos

Ikatlo, sa paggabay ng Espiritu ang hatid ng Pari’y katotohanan, subalit sa gitna ng kaliitan
kapag ito’y naroroon sa kapangyarihan ng Espiritu Santo narito ang buong buong
katotohanan. Ito’y ang katotohanan ng Diyos, simple lang at maliit. Nasa kanya ang
simula ng pag-ibig at buhay na walang hanggan. Isang katotohanan mula sa sinibat na
tagiliran ni Kristo na nagsasalita ng wika ng tao subalit nag-uumapaw sa katotohanan ng
Diyos.

Sinasabi ng matulaing pasimula ng Dokumento ng konsilyo Vaticano sa makabagong

mundo: Gaudium et Spes: “Ang galak at pag-asa, ang dalamhati at pagdurusa ng tao sa
ating panahon lalo na ang naghihirap at may dinaramdam ay siya rin galak at pag-asa, ang
dalamhati at pighati ng mga tagasunod ni Kristo.”

Itong lahat ay ipinaranas sa Pari ang Ama ng Sambayanan na kaisa ni Kristo at ginagabayan
ng Espiritu Santo upang tulungan niya ang tao na magpatuloy sa gitna ng pagsubok
patungo sa kahariaan ng Ama at maging tagapaghatid ng kaligtasan na nakalaan para sa
lahat ng tao. Amen (Hango mula sa Homilya ng Unang Misa ng Pasasalamat ng isang Pari)

Tatayo ang lahat

AWIT: ISANG BANSA
Ofrasio, Hontiveros

O kay ganda ng ating buhay

napupuspos ng pagpapala
ng sakramentong mahiwaga
kaloob ni Hesus sa ‘ti’y gabay

Purihin si Hesus sa sakramento;

Purihin ng lahat ng tao.
Purihin siya ng Pilipino
sa pagkakaisa lingapin mo.

O kay tamis ng pagsasama

9
 nagmumula sa pagkakaisa
bumubukal sa pagsasalo
sa iisang hapag ay dumalo.

Purihin si Hesus sa sakramento;

Purihin ng lahat ng tao.
Purihin siya ng Pilipino
sa pagkakaisa lingapin mo.

PANALANGIN
luluhod ang lahat

Namumuno: Ipanalangin natin ang ating kaparian

Sandaling katahimikan

Lahat: O Hesus,
ipinapanalangin ko sa Iyo ang matapat at maalab Mong Pari;
ang mga lilo at nanlalamig Mong pari;
ang Iyong mga paring nagpapagal dito at sa ibang bansa
lalo na yaong mga nasa kadulu-duluhang bahagi ng daigdig;
ang mga pari Mong nahaharap sa matinding tukso at pagsubok;
ang mga nangungulila at nag-iisa Mong pari;
ang Iyong mga bata at maysakit na pari;
ang mga kaluluwa sa purgatoryo ng Iyong mga pari.

Higit sa lahat,
ipinapanalangin ko sa Iyo ang mga paring mahal sa akin;
ang mga paring nagbinyag sa akin;
ang mga paring nagpapakumpisal sa akin;
ang mga paring nangunguna sa Misa namin
at nagbibigay sa akin ng Iyong Katawan’t Dugo sa Banal na Komunyon;
ang mga paring nagturo at gumabay sa akin;
at ang lahat ng paring pinagkakautangan ko ng loob.

O Hesus, alalahanin at ilapit mo Silang lahat sa Iyong Mahal na Puso

at lagi Mo nawa silang pagpalain, ngayon at magpasawalang hanggan.

Bayan: Amen

10
 K. ANG OBISPO BILANG PANGUNAHING PASTOL NG KAWAN NG DIYOS

Namumuno: Ang Obispo ay pangunahing Pastol at guro ng Sambayanang Kristiyano.

Siya ang Tagapamahala ng Diyosesis na ipinagkatiwala ng Santo Papa para kanyang
panguluhan. Ngayong araw na ito, ipinagdiriwang ang ika-apat na taong anibersaryo ng
Ordenasyon sa pagka-Obispo ng ating Bagong Pastol, Obispo Dennis Villarojo. Siya na
niloob ng Diyos na maging ika-limang Obispo ng ating Diyosesis ng Malolos ay ating
ipanalangin na kaisa ng kaparian, mga diyakono at laiko upang ang Diyosesis ng Malolos
ay gabayan ng Diyos sa bagong yugto ng kanyang kasaysayan bilang bayang naglalakbay
patungo sa ganap na paghahari ng Diyos.

Tatayo ang lahat

MABUTING BALITA Juan 10:11-18

Ang Mabuting Pastol ay naghahain ng buhay
para sa mga tupa.
Pari:  Ang Mabuting Balita ng Panginoon ayon kay San Juan
Bayan: Papuri sa Iyo, Panginoon

Noong panahong iyon:

Sinabi ni Hesus: “Ako ang mabuting pastol.
Iniaalay ng mabuting pastol ang kanyang buhay para sa mga tupa.
Ang upahan ay tumatakas, kapag nakikitang dumarating ang asong-gubat.
Iniiwan niya ang mga tupa,
palibhasa’y hindi siya pastol at hindi kanya ang mga tupa.
Kaya’t sinisila ng asong-gubat ang mga ito, at pinangangalat.
Tumatakas siya palibhasa’y upahan lamang at walang malasakit sa mga tupa.
Ako ang mabuting pastol.
Kung paanong nakikilala ako ng Ama at siya’y nakikilala ko, gayon din naman,
nakikilala ko ang aking mga tupa at ako nama’y nakikilala nila.
At iniaalay ko ang aking buhay para sa mga tupa.
Mayroon akong ibang tupa na wala sa kulungang ito.
Kinakailangang sila’y alagaan ko rin; pakikinggan nila ang aking tinig.
Sa gayo’y magiging isa ang kawan at isa ang pastol.
“Dahil dito’y minamahal ako ng Ama,
sapagkat iniaalay ko ang aking buhay,
upang ito’y kunin kong muli.
Walang makakukuha nito sa akin;
kusa ko itong ibinibigay.
Mayroon akong kapangyarihang ibigay ito at kunin uli.
Ito ang utos na tinanggap ko sa aking Ama.”

Pari: Ang Mabuting Balita ng Panginoon

Bayan: Pinupuri ka namin Panginoong Hesukristo

11
PAGNINILAY
Babasahin ng isang Layko

Ang Obispo higit sa lahat ay ang pastol ng Diyosesis na ipinagkatiwala sa kanya.

Ang Obispo ay kahalili din ng mga Apostol, pinuno ng Simbahang Lokal at kinatawan ni
Kristo. Ang kanyang gampanin at katungkulan, at sa katunayan siya ay parating kinikilala
sa kanyang kaugnayan kay Kristo ang pinuno ng Simbahan, ang Mabuting Pastol na
iniaalay ang kanyang buhay para sa kanyang kawan.

Sa Katedral nasasaksihan ang ganap na pagpapahayag ng paglilingkod ng Obispo

habang pinamumunuan ang kanyang kawan kaisa ng kaparian sa pagdiriwang ng alaala ng
Panginoon. Ang Katedral ay hindi lamang tahanan ng Diyosesis. Ito ay larawan ng
Diyosesis na presensya ng Diyos sa gitna ng mga alalahanin ng tao. Ang katedral ay “isang
tanda ng pagkakaisa ng mga mananampalataya na ipinahahayag ng Obispo bilang Pastol
ng kawan ng Diyos”. Ang pinakamalinaw na pagpapahayag ng lokal na Simbahan ay
kapag ang Obispo bilang Dakilang Pari ng kanyang kawan ay nagdiriwang ng Eukaristiya
lalu na kapag ito’y ginagawa sa Katedral na nilalahukan ng mga pari at iba pang lingkod na
may ganap, mulat at buhay na buhay na pakikibahagi ng Sambayanan ng Diyos.

Bahagi ng pagtatalaga ng Bagong Obispo ang pagluluklok sa kanya sa kanyang

upuan (sede) na tinatawag na “Cathedra”. Ang upuang ito ay sagisag ng mapaglingkod na
pamumuno. Ang upuang ito ay hindi isang trono na upuan ng makapangyarihang hari.
Ang ministri ng Obispo ay isang paglilingkod at hindi kapangyarihan. Ang Obispo ay
lingkod hindi panginoon; “Pater non Dominus” isang Ama hindi panginoon (San Carlos
Borromeo), isang katiwala hindi isang prinsipe, isang pinuno hindi lang isang atoridad.
(Papa Francisco). Ang Cathedra ang luklukan ng obispo ay tanda ng kanyang katungkulang
magturo at ng pastoral na paglilingkod sa Simbahan. Sa kanyang Katedral na Simbahan ay
Obispo ay nakaluklok sa Cathedra o kanyang upuan na siyang “malinaw na tanda ng
kapangyarihang magturo na ipinagkaloob sa bawat Obispo sa kanyang Simbahan. (BB,
Chapter 26,880)

Ang tungkod ng Obispo o Bakulo ay naglalarawan din ng pagiging pastol ng Obispo

sa kawan. Ang tungkod pastoral ay mas makahulugan kaysa sa ibang tanda na
ipinagkakaloob sa Obispo, sapagkat ito ay mula sa matandang kaugalian na unang ginamit
sa ika-limang siglo. Ito ay tanda ng katungkulan ng Obispo na kilalanin, pangalagaan,
gabayan, ipagtanggol at iwasto ang kawan. (Mula sa paliwanag ng Rito ng Pagtatalaga ng
Obispo)

12
AWIT: SALMO 23 (Magnaye)
Tatayo ang lahat

KORO: Ang Panginoon ang aking Pastol,

hindi ako magkukulang
Ako ay Kanyang pinagpapahinga
sa mainam N’yang pastulan.
Inakay ako sa tahimik na batis
at dulot N’ya’y bagong lakas
Tapat sa pangakong
ako’y sasamahan Niya sa tuwid na landas. (Koro)
Daan ma’y puno ng dilim o ligalig
hindi ako mangangamba
Tungkod N’ya’t pamalo ang siyang gagabay sa ‘kin at
Sasanggalang t’wina. (Koro)

PANALANGIN
luluhod ang lahat
Namumuno: Ipanalangin natin ang ating Obispo.
Sandaling katahimikan
Lahat: Ama naming makapangyarihan,
Ikaw ang laging nangangasiwa sa Iyong Simbahan
bilang pangulo sa lahat ng nagaganap dito
at tagapamahalang nagmamahal sa mga bumubuo nito.
Ipagkaloob Mo sa lingkod mong si Obispo Dennis Villarojo
na Iyong hinirang na maging matapat na tagapagturo
ng dapat sampalatayanan yamang
Siya ang tagapangasiwang gumaganap
sa tungkulin ni Kristo bilang paring
nangunguna sa pagsamba
at lingkod na namamahala.
Amang Maawain,
nawa sa kanyang pagsasalita
at pagiging uliran
Siya’y umunlad sa kanyang panunungkulan
upang kaisa ng kanyang pinangangasiwaan
Siya’y sumapit sa buhay na walang katapusan
sa pamamagitan ni Hesukristo
kasama ng Espiritu Santo
magpasawalang hanggan.

Bayan: Amen

13
LITANYA SA ATING PANGINOONG HESUKRISTO, PARI AT HANDOG
Luluhod ang lahat

Namumuno: Bayan:
Panginoon, kaawaan mo kami Panginoon, kaawaan mo kami
Kristo, kaawaan mo kami Kristo, kaawaan mo kami
Panginoon, kaawaan mo kami Panginoon, kaawaan mo kami

Kristo, pakinggan mo kami Kristo, pakinggan mo kami

Kristo, dinggin ang aming panalangin Kristo, dinggin ang aming panalangin

Diyos, Ama sa langit Kaawaan mo kami

Diyos Anak, Manunubos ng mundo Kaawaan mo kami
Diyos Espiritu Santo Kaawaan mo kami
Santisima Trinidad iisang Diyos Kaawaan mo kami

Hesus, Pari at Handog Kaawaan mo kami

Hesus, Paring walang hanggan

ayon sa hanay ni Melkisedek Kaawaan mo kami

Hesus, Pari na isinugo ng Ama

para ipangaral ang Mabuting Balita sa
mga mahihirap Kaawaan mo kami

Hesus, Pari na sa huling Hapunan ay

itinatag ang walang hanggang Sakripisyo Kaawaan mo kami

Hesus, Paring nabubuhay magpakailanman

upang kami’y ipamagitan Kaawaan mo kami

Hesus, Dakilang Pari na hinirang na

kaisa ng Espiritu Santo Kaawaan mo kami

Hesus, Dakilang Pari na hinirang mula sa

mga tao Kaawaan mo kami

Hesus, Dakilang Pari para sa Sangkatauhan Kaawaan mo kami

Hesus, Dakilang Pari na aming ipinahahayag

sa pananampalataya Kaawaan mo kami

Hesus, Dakilang Pari na higit pa kay Moises Kaawaan mo kami

Hesus, Dakilang Pari na tunay na tabernakulo Kaawaan mo kami

14
Hesus, Dakilang Pari ng lahat ng
mabubuting bagay na darating Kaawaan mo kami
Hesus, Dakilang Pari na walang anumang
bahid dungis Kaawaan mo kami

Hesus, tapat at maawaing dakilang Pari Kaawaan mo kami

Hesus, Dakilang Pari ng Diyos

na nag-aalab ang puso para sa kaluluwa Kaawaan mo kami

Hesus,
ganap na Dakilang Pari magpakailanman Kaawaan mo kami

Hesus, Dakilang Pari na inulos

ang langit ng kanyang sariling dugo Kaawaan mo kami

Hesus, Dakilang Pari na

inihatid tayo sa bagong buhay Kaawaan mo kami

Hesus, Dakilang Pari na ibinigay

ang sarili sa Diyos bilang handog at sakripisyo Kaawaan mo kami

Hesus, maamo at mababang loob Kaawaan mo kami

Hesus, sakripisyo ng
paghahandog at pagpupuri Kaawaan mo kami

Mula sa kasalanan ng Sakrilehiyo Hesus, ipag-adya Mo ang iyong mga lingkod

Mula sa kawalan ng pagpipigil sa sarili Hesus, ipag-adya Mo ang iyong mga lingkod
Mula sa diwa ng pagsuway Hesus, ipag-adya Mo ang iyong mga lingkod
Mula sa pagiging makasarili Hesus, ipag-adya Mo ang iyong mga lingkod

Mula sa maling pamamahala

sa yaman ng Simbahan Hesus, ipag-adya Mo ang iyong mga lingkod

Mula sa pagkagumon sa kamunduhan Hesus, ipag-adya Mo ang iyong mga lingkod

Mula sa walang galang

na pagdiriwang ng Iyong mga misteryo Hesus, ipag-adya Mo ang iyong mga lingkod

Alang-alang sa Iyong
walang hanggang pagkapari Hesus, Itaguyod mo ang iyong mga lingkod

15
Alang-alang sa banal na
pagkahirang ng Diyos Ama bilang pari Hesus, Itaguyod mo ang iyong mga lingkod

Alang alang sa Iyong diwang makapari Hesus, Itaguyod mo ang iyong mga lingkod

Alang-alang sa Iyong paglilingkod na

niluluwalhati ang Iyong Ama sa daigdig Hesus, Itaguyod mo ang iyong mga lingkod

Alang-alang sa pagdanak ng dugo

na inihandog minsan lang
at para sa lahat sa krus. Hesus, Itaguyod mo ang iyong mga lingkod

Alang-alang sa sakripisyong
sinasariwa sa Altar araw-araw Hesus, Itaguyod mo ang iyong mga lingkod

Alang-alang sa makadiyos na
kapangyarihang ibinahagi mo
sa Iyong Pari Hesus, Itaguyod mo ang iyong mga lingkod

Hesus aming Pari Pakinggan mo kami

Hesus aming Pari Pakapakinggan mo kami

Kordero ng Diyos na nag-aalis

ng mga kasalanan ng sanlibutan Iligtas kami, O Panginoon

Kordero ng Diyos na nag-aalis

ng mga kasalanan ng sanlibutan Pakinggan kami, O Panginoon

Kordero ng Diyos na nag-aalis

ng mga kasalanan ng sanlibutan Maawa ka sa amin, O Panginoon

16
 PAGBABASBAS
Luluhod ang lahat
Awit:
TANTUM ERGO LUMUHOD AT GUMALANG

Tantum ergo Sacramentum Lumuhod tayo at gumalang

Veneremur cernui; sa Sakramentong mahal.
Et Antiquum documentum Sa atin ay bagong alay;
novo cedat ritui. luma ay napalitan.
Praestet fides supplementum Di malirip na hiwagang
Sensuum defectui. dapat sampalatayanan.

Genitori, Genitoque Luwalhati sa Amang Diyos,

Laus et iubilatio. puri kay Kristo Hesus,
Salus, honor, virtus quoque at sa Espiritu Santo,
Sit et benedictio: magdangal na lubos.
Procedenti ab utroque Ipagbunyi nating puspos
Compar sit laudatio. ang Tatlong Personang lubos.
Amen. Amen. Amen. Amen.

Pari: Panem de caelo praestitisti eis

[Binigyan Mo sila ng tinapay buhat sa langit]

Lahat: Omne delectamentum in se habentem

[Na naglalaman sa kanyang sarili ng lahat ng katamisan]

Pari: Oremus.

Tatayo ang Pari

Deus, qui nobis sub sacramento mirabilis, Passionis tuae memoriam reliquisti: tribue,
quaesumus, ita nos corporis et sanguinis tui sacra mysteria venerari, ut redemptionis
tuae fructum in nobis iugiter sentiamus. Qui vivis et regnas in saecula
saeculorum.

[Pari: Manalangin tayo.

O Diyos, na sa ilalim ng Kamangha-manghang Sakramento, ay iniwan Mo sa amin ang

ala-ala ng Iyong hirap at sakit; ipagkaloob Mong sa pamamagitan ng pagsamba namin sa
Banal na Misteryo ng Iyong Katawan at Dugo, madama namin sa aming sarili ang bisa
ng pagtubos Mo sa amin; Ikaw na nabubuhay at naghaharing kasama ng Ama at ng
Espiritu Santo magpasawalang hanggan.

Lahat: Amen.]

17
 Magsusuot ang pari ng humeral veil, itatanghal ang Banal na Sakramento sa kanyang
kamay at babasbasan sa pamamagitan nito ang sambayanan. Matapos ay babalik siya sa
kanyang lugar sa harap ng dambana at aanyayahan ang sambayanan sa pagpupuri sa
Diyos.

PAGPUPURI

Purihin ang Diyos.

Purihin ang Kanyang Santong Ngalan.
Purihin si Hesukristo, Diyos na totoo at tao namang totoo.
Purihin ang Ngalan ni Hesus.
Purihin ang Kanyang Kamahal-mahalang Puso.
Purihin ang Kanyang Kamahal-mahalang Dugo.
Purihin si Hesukristo sa Santisimo Sakramento sa altar.
Purihin ang Espiritu Santo, ang Mang-aaliw.
Purihin ang Dakilang Ina ng Diyos na si Maria Santisima.
Purihin ang santa’t ‘di narungisang paglilihi sa kanya.
Purihin ang maluwalhating pag-aakyat sa langit kay Santa Mariang Birhen.
Purihin ang Ngalan ni Maria, Birhen at Ina.
Purihin si San Jose, ang kanyang kalinis-linisang esposo.
Purihin ang Diyos sa Kanyang mga anghel at sa Kanyang mga santo.

PAGBABALIK SA BANAL NA SAKRAMENTO SA TABERNAKULO

Tatayo ang pari. Ilalagay uli ang Banal na Sakramento sa siboryo at isasauli iyon sa
tabernakulo, habang inaawit ng sambayanan ang sumusunod:

O Sakramentong Mahal,
na sa langit buhat,
papuri ng santinakpan,
Iyong-iyong lahat; Iyong-iyong lahat.

O Sakramentong Banal,
Hiwagang dalisay,
Kami’y Iyong bendisyunan,
at laging ingatan; at laging ingatan.

Tatayo na ang lahat matapos isara ang pinto ng tabernakulo. Maaaring umawit ng isang
awit patungkol kay Maria matapos ang lahat ng ito.

18
 OREMUS PRO ANTISTITE EPISCOPO NOSTRO
V. Oremus Pro Episcopo Nostro Dennis
R. Stet et pascat in fortitudine tua Domine, in subliminitate nominis tui.

19