Woh Kagaz Ki Kashti.....

yeh degree bhi lelo, ye naukari bhi lelo,

Bhale Chheen lo mujhse US ka Visa,
magar mujhko lauta do college ka canteen,
vo kam chai ka pani, vo teeKha samosaa,
college ki sabse purani nishaanee,
vo chaaivaalaa jise saare kehte the jaani,
vo jaani ke hathon ki 'cutting' chaai meethee,
vo chupkese journal mein bheji hui chitthi,
vo padhte hi chiththi uska tilmilaanaa,
vo chehre ki laali, vo aankhon ka gussaa...,
kadi dhoop mein apne ghar se nikalnaa,
vo project ki Khatir shahar bhar bhataknaa,
vo lecture mein doston ki proxy lagaanaa,
vo sir ko chidhanaa ,vo aeroplane udaanaa,
vo submission ki raton ko jagnaa jagaanaa,
vo orals ki khahani, vo practical ka kissaa....,
bimaari ka de, tension ke time bahanaa,
vo doosron ke assignments ko apnaa banaanaa,
vo seminar ke din pairoka chhatpatanaa,
vo workshop mein din raat pasinaa bahanaa,
vo exam ke din ka bechain maahol,
par vo maa ka vishvas, Teachar ka Bharosaa,
college ki wo lambisi raatein,
vo doston se kattey pe pyaari si baatein,
vo gathering ke din ka ladnaa, Jhagadnaa,
vo ladkiyon ka yuhin hamesha akadnaa,
bhulaaye nahin bhool sakta hai koi,
vo college --jeevan ka ek atoot hissaa...