Professional Documents
Culture Documents
LM
LM
LM
კუჭის წინა აბგა წინიდან მოსაზღვრულია მუცლის წინა კედლით, ზევიდან-შუასაძგიდით, უკნიდან-
ღვიძლის გვირგვინოვანი და მარცხენა სამკუთხა იოგებით, მცირე ბადექონით, კუჭითა და კუჭ-
კოლინჯის იოგით, მარჯვნიდან-ღვიძლის ნამგლისებრი და მრგვალი იოგებით, ქვევიდან-განივი
კოლინჯით, კოლინჯის მარცხენა ნაკეცითა და შუასაძგიდ-კოლინჯის იოგით. კუჭის წინა აბგაში
მდებარეობს ღვიძლის მარცხენა წილი და ელენთა.
კუჭის წინა და ღვიძლის აბგები ერთმანეთს უკავშირდება ღვიძლის მრგვალ იოგს, კვადრატულ წილს,
განივ კოლინჯსა და კუჭის პილორულ ნაწილს შორის არსებული შუალედით. ორივე აბგა მუცლის
წინა კედელსა და განივ კოლინჯს შორის არსებული შუალედით, ასევე, გვერდითი არხებით, ნაწლავთა
სართულს უკავშრდება.
ბადექონის აბგა პერიტონეუმის ღრუს ყველაზე იზოლირებული ნაწილია. წინიდან მოსაზღვრულია
ღვიძლის კუდიანი წილით, მცირე ბადექონით, კუჭითა და კუჭ-კოლინჯის იოგით, უკნიდან-
პარიესული პერიტონეუმით, რომელიც პანკრეასს, მარცხენა თირკმლის ზედა პოლუსს, მარცხენა
თირკმელზედა ჯირკვალსა და შუასაძგიდის ფეხებს ფარავს, ქვევიდან-განივი კოლინჯის ჯორჯლით,
მარცხნიდან-ელენთითა და მისი იოგებით. ზევით ბადექონის აბგა აღწევს შუასაძგიდს, მარჯვნივ-
თორმეტგოჯა ნაწლავს. ბადექონის აბგაში არჩევენ ღვიძლის, ელენთისა და დიდი ბადექონის ჯიბეებს.
ღვიძლის ჯიბე მდებარეობს ღვიძლის კუდიან წილსა და შუასაძგიდს შორის, ელენთის ჯიბე ელენთის
კარის უკან, ბადექონის ჯიბე კუჭ-კოლინჯის იოგსა და განივ კოლინჯს შორის.
ვინსლოვის ხვრელი აკავშირებს ბადექონის აბგას ღვიძლის აბგასთან. იგი მდებარეობს ღვიძლის კარის
უკან და მოსაზღვრულია: წინიდან ღვიძლ-თორმეტგოჯა იოგით, უკნიდან-ქვედა ღრუ ვენითა და მისი
მფარავი პერიტონეუმით, ზევიდან-ღვიძლის კუდიანი წილით, ქვევიდან-თორმეტგოჯა-თირკმლის
იოგით. ვინსლოვის, ანუ ბადექონის ხვრელი ერთ-ორ თითს ატარებს, სიგან 3-4 სმ-ა.
მარჯვენა გვერდითი არხი მდებარეობს ასწვრივ კოლინჯსა და მუცლის მარჯვენა კედელს შორის.
ზევით, კოლინჯის მარცხენა ნაკეცის გაყოლებით, გადადის ღვიძლის აბგაში. ქვევით, ბრმა ნაწლავის
ლატერალური კიდის გასწვრივ უკავშრდება მარჯვენა თეძოს ფოსოსა და მენჯის ღრუს. ზოგჯერ იგი
რამდენიმე ნაწილადაა გაყოფილი ასწვრივ კოლინჯსა და მუცლის გვერდით კედელს შორის
არსებული შეხორცებებით.
მარცხენა ლატერალური არხი მდებარეობს დასწვრივ კოლინჯსა და მუცლის მარცხენა კედელს შორის.
იგი ქვევით უკავშირდება მენჯის ღრუს, ხოლო ზევით დაკავშირებულია კუჭის წინა აბგასთან, თუმცა
კავშირი ჯირკვლოვან სართულთან უფრო სრულია მარჯვენა მხარეს, რადგან მარცხნივ არხი ზევიდან
მოსაზღვრულია შუასაძგიდ-კოლინჯის იოგით, რომელიც მარჯვნივ არ არსებობს.
კოლინჯის ნაწილებით მოსაზღვრულ სივრცეში, წვრილი ნაწლავის ჯორჯლის გვერდებზე მდებარე
ჩაღრმავებებს ჯორჯლის უბეები ეწოდება. მარჯვენა და მარცხენა უბეები ზევით ერთიმეორეს
უკავშირდება ვიწრო შუალედით, რომელიც მლივი ნაწლავის დასაწყისი ნაწილითა და მასზე
გადმოფენილი განივი კოლინჯის ჯორჯლით მოისაზღვრება.
ჯორჯლის მარჯვენა უბე მარჯვნიდან მოსაზღვრულია ასწვრივი კოლინჯით, ზევიდან-განივი
კოლინჯითს ჯორჯლით, მარცხნიდან-წვრილი ნაწლავის ჯორჯლით. მოგვაგონებს სამკუთხედს,
რომლის მწვერვალიც მოქცეულია ქვემოთ.
კითხვები: