Professional Documents
Culture Documents
Сид Корнеј Горде
Сид Корнеј Горде
„ Сид“ е драма која успева да поттикне во нас чувство дека ликовите кријат во себе
некоја длабочина. Тоа се луѓе од крв и месо кои се поставени на раскрсницата меѓу разумот и
срцето. Родриго и Химена се жртвите на традицијата да се брани честа на фамилијата и
родителите, која традиција и општествена вредност ги носи во себеуништување на она
најемотивното во луѓето, уништување на љубовта. Родриго не може да премине преку фактот
дека неговиот татко Диего е навреден и дека треба да се очисти неговото име. Тој свесно
влетува во тој двобој иако знае дека човекот од другата страна е таткото на девојката која ја
милува. Родриго е лик кој честа ја става пред емоциите, за подоцна должноста кон татковината
да ја стави пред должноста кон фамилијата и љубената, налик на античкиот Хектор.
Низ истата агонија на разум и срце поминува и Химена, чиј родител, сега е убиен од
раката на својот љубен. Нејзината внатрешна борба ја доведува до неподнослива состојба на
болка и измачување. Пред светот таа мора да бара правда и освета, но пред себеси таа е
падната на колена пред Кралот од кого бара спас за Родриго. Чувајќи ја и бранејќи ја ѝ
двајцата својата чест, во согласност со аристократските норми на феудалното општество, во
истото стануваат луѓе достојни за почит и љубов.