MAIKA-15 A DOMINGO TI TAWEN

Agbunga ti bukel nga agdisso iti nadam-eg a daga

SALMO RESPONSORIO Sal 65 :9,10,11-12,

Sungbat: (Luc 8:8) Agbunga ti bukel nga agdisso iti nadam-eg a daga.

Sarungkaram ti daga ket mangyegka iti tudo,

ket pagbalinem a nadam-eg ken nabaknang.
Napno iti danum dagiti karayanmo ket pagbungaenda ti daga.
Kastoy ti panangtaripatom kenkuana.

Danumam dagiti naarado a talon,

ket padam-egem ti daga;
arbisam tapno lumukneng,
ket padakkelem .dagiti mula.

Adu nga apit ti ipaay ti kinaimbagmo!

Iti sadinoman a 'papanam adu a bendision ti itedmo!
Napno dagiti pagpaaraban kadagiti nalukmeg nga animal;
adda rag-o kadagiti bakras ti turod!

Nasaknapan iti karnero dagiti pagpastoran:

.nakumotan iti trigo dagiti tantanap;
agkakanta ken agdidir-ida a siraragsak!