SCRIPT DOCUMENTARY ADVOCACY VIDEO

TITLE “EDUKASYON SA GITNA NG HAMON”

The Sinalhan Integrated High School Brigada Eskuwela 2020 Advocacy
Campaign

Disclaimer: No Students and Parents should not be exposed their identities as compliance to the
Data Privacy Act. Videos and Photos downloaded from the internet will be
acknowledged at the end of the video.

Documentaries Jennette S. Martinez / Jeffrey N. Lozada

:

Introduction

Scene 1 (Ipapakita ang ilang actual video footage sa Wuhan)

Narration Noong ika-31 ng Disyembre 2019, naitala ang mga kauna-unahang kaso ng
pneumonia sa Wuhan, China. Napag-alaman na ang mga kaso ay dulot pala ng
isang uri ng hindi pa kilalang coronavirus. Ang coronavirus na ito ay karaniwang sa
hayop lamang natatagpuan, at hindi pa nakita sa mga tao noon. Ang
coronaviruses ay pamilya ng mga virus na nagdudulot ng iba’t ibang klaseng sakit,
mula sa karaniwang ubo’t sipon hanggang sa mas malulubhang impeksyon tulad
ng MERS-CoV at SARS-CoV

Scene 2 (Ipapakita ang logo ng WHO at videos ng pag-aaralnmg ahensya ukol dito)

Narration Nagkaroon ng masusing pag-aaral ang World Health Organization noon o WHO
patungkol sa sakit na ito nang magsimulang bumilis ang pagkalat nito sa
maraming tao sa Probinsya ng Wuhan.

Noong ika-30 ng Enero 2020, inirekomenda ng World Health Organization na

palitan ang opisyal na pangalan nito sa “2019 novel coronavirus Acute Respiratory
Disease” o 2019-nCoV ARD at di naglaon ay tinawag itong CORONA VIRUS
DISEASE OF 2019 o COVID -19.

Scene 3 (Magpapakita ng videos ng mga paliparan sa iba’t ibang panig ng mundo, ang
paglabas masok ng mga turista sa mga bansa, mga dahilan ng pagpasok ng sakit
sa mga bansa)

Narration Naging mabilis ang pagkalat nito sa buong mundo at isa na rito ang Pilipinas kaya
tinawag agad itong isang Pandemya, ang sakit na biglang nagpatigil sa pag-ikot
ng mundo. Maraming ekonomiya mula sa iba’t ibang bansa ang bumagsak dulot
ng kawalan ng maraming trabaho ng tao, biglang tumigil ang pagsulat ng mga
lapis at ballpen sa mga papel na sinusulatan ng pangarap ng bawat mag-aaral,
tumigil ang lahat ng mga gulong ng sasakayang madalas na makikita sa mga
kalsada, mga usok na malalanghap mula sa mga ito. Sa isang iglap, kinontrol ng
sakit na ito ang tao.

Scene 4 (Mga larawan/videos ng mga namumuno/opisyal ng pamahalaan)

Narration Nakalulungkot mang isipin, sa kabila ng mahigpit na mga hakbang na inulunsad
ng ating pamahalaan ay hindi naiwasang makapasok pa rin mapaminsalang sakit
na ito sa ating bansa. Sa kasalukuyan patuloy pa itong dumarami at mahigit nasa
ika 20, 000 libong Pilipino na ang dinapuan ng sakit na ito at libo na rin ang bilang
ng mga Pilipinong nasawi dulot ng sakit na ito

Scene 5 (Mga Larawan/Videos ng ating lungsod, makulay sa simula… biglang magbablack

and white captured shots)
Narration Kabilang ang ating Lungsod sa mga naapektuhan ng Pandemyang ito. Subalit
hindi nagpatinag ang ating lokal na pamahaalan sa maagang aksyon na kanilang
isinagawa patunay na rito ang matinding seguridad sa bawat mga daanang
papasukan patungo sa loob ng lungsod na walang sinumang ang maaaring
makapasok sa nang hindi dumadaan sa matinding pagsusuri at ito ay sa
pangunguna ng ating mahal na Punonglungsod Arlene Arcillas, Kabilang na rin sa
mga hindi mapapantayang ginawa ng lokal na pamahaalan ang paghahandog ng
mga pagkain sa bawat hapagkainan ng mga tahanan, mga tulong pinansyal para
sa mga Roseniang natigil sa paghahanap buhay na nagkakahalaga ng milyong
piso na umani ng papuri mula sa taumbayan at maging pamahalaang nasyonal.

Scene 6 (Larawan at Videos ng mga graduations, hanggat maaari ay mga local schools)
Narration Marso 15, nang taong kasalukuyan nang tuluyang kanselahin ang mga klase sa
kamaynilaan at kabilang na ang Lungsod ng Santa Rosa. Tumigil ang lahat ng
mga gawain sa mga paaralan maging ang mga pinakaaasam-asam ng mga
magsisipagtapos na mga mag-aaral, ang araw na matatanggap sana ang kanilang
pinaghirapang diploma sa maraming taon.
Tila abot kamay na pangarap para sa maraming mag-aaral na kung kelan malapit
na ang araw ng pagtatapos ay saka naman nagkaroon ng ganitong uri ng krisis ng
kalusugan sa buong mundo maging sa ating bansa.

Scene 7 (Mga Larawan ng DepEd, Sec. Briones at ilan pang opisyal, Mga programa ng
kagawaran, pakikipagpulong ng kagawaran sa pamahalaang nasyonal.)
Narration Subalit hindi natinag ang Department of Education para tumigil sa paghananap ng
solusyon upang maipagpatuloy ang nahintong pag-aaral ng mga kabataan. Kaya’t
agad naman silang naglunsad ng pinakamabisa at ligtas na paraan para magtuloy-
tuloy ang pagkatuto ng mga mag-aaral at ito aya ng DepEd Commons na loob
lamang ng ilang lingo ay ilang milyong bilang na mga mag-aaral ang gumamit nito
kasama ang mga magulang para sumubaybay sa kanilang mga anak.

Scene 8 (Mga larawan ng mga paaralan sa Lungsod ng Santa Rosa, mga mag-aaral na
nagsisipasukan sa paaralan)
Narration Ito ang naging inspirasyon ng Kagawaran upang magtuloy-tuloy ang kaalaman ng
bawat kabataan sa kanilang mga tahanan.
At ngayong ngang nalalapit na ang pasukan, bagama’t naantala ang pagbubukas
nito, taliwas na nakaugalian.
Hunyo ang pagbubukas ng klase, lalong naging matibay ang damdamin ng
Kagawaran na walang anumang banta ang makahahadlang sa pagkatuto ng mga
mag-aaral. Bagyo at lindol man ay dumaan, digmaan man ay naranasan sa ilang
bahagi ng Mindanoa, at kahit sa gitna ng banta ng pandemya, hindi nagpapigil ang
DepEd para magpatuloy ang pagpanday sa karununggang taglay ng mga
kabataan.

Iyan ang LAYUNIN NG BRIGADA ESKUWELA sa taong ito! Binigyan ng

BAGONG ANYO ng Kagawaran ang TAUNANG BAYANIHANG ito sa lahat ng
PAMPUBLIKONG PAARALAN sa BANSA.

Scene 9 (Mga Larawan/Video Footage ng SIHS, Mga mag-aaral at mga magulang) isang
Panayam
Narration Kabilang dito ang ating pinakamamahal na paaralan, ang SINALHAN
INTEGRATED HIGH SCHOOL. Ang paaralang naging daan para sa mas marami
pang mga magulang ng Barangay Sinlahan na maipagpatuloy ang kanilang
 pangarap para sa kanilang mga anak. Ang paaralang nagsilbing tulay para sa mas
marami pang mga kabataan na muling makatuntong ng paaralan. Maranasan ang
saya habang natututo kasama ng mga kaibigan.

Scene 10 (Panayam sa ilang mga mag-aaral at mga magulang. TANDAAN: Pwedeng ipakita
ang mga mukha ng mga bata at mga magulang kung may written consent mula sa
magulang.
Narration Ang paaralang minsan nang nagbigay ng magandang buhay para sa mga mag-
aaral na nakapagtapos mula dito.

Scene 11 (Rewind ng buong pangyayari at biglang black and white ang videos ng panayam)
Narration Subalit sa isang kisap mata, ang paaralang minsan naging pandayan sa pagitan
ng lawa at kabukiran, ay biglang binago ng panahon,… ng pandemya. Ang dating
paaralang puno ng mga kasiyahan, mga tawanan matapos ang oras ng klase
habang sama-sama sa pag-uwi ang ilang magkakaibigan. Ngayo’y tanging
nakabibinging katahimikan ang maririnig mula sa kapaligiran. Nawala ang dating
sigla ng paaralang minsang nagbigay buhay sa mga mag-aaral. Takot ang
namayani sa maraming magulang para sa kaligtasan ng kanilang mga anak.

Scene 12 (Magbabalik ang kulay ng videos at masiglang background music)

Narration Ang lahat ng agam-agam na iyan ay pinawi ng DepEd sa pangunguna ng
pinakabagong anyo ng Programang Brigada Eskuwela at Oplan Balik Eskulwela

Scene 13 (Mga dating videos/ larawan ng mga naunang Brigada Eskuwela)

Narration Ang Brigada Eskuwela sa taong ito ay kaiba sa ating nakaugaliang taunang
paglilinis ng buong paaralan, mula sa pagpipintura ng mga upuan, mga pisara at
pader ng mga silid-aralan, pagtatanim ng mga puno at namumulaklak na mga
halaman sa buong paligid ng paaralan na nilalahukan ng mga magulang, mga
mag-aaral, mga kaibigan mula sa iba’t ibang sector, mga opisyal mula sa lokal na
pamahalaan ng lungsod ng Santa Rosa.

Scene 14 (Mga larawan ng Poster mula sa DepEd FB Page patungkol sa pagpapaliwanag

ng Distance Learning, mga interview ni Sec. Briones, Press
Briefings)
Narration Sa taong ito, ang Brigada Eskuwela ay binigyan ng bagong anyo ng DepEd kung
saan ay ipinagbabawal ang pagkilos ng mga maraming tao sa loob ng paaralan
alinsunod sa ipinatutupad ng nasyonal na pamahalaan kabilang na ang DOH at
IATF. Mga panahong ito, ay itinuon ng DepEd ang Programa ng Brigada Eskuwela
sa mga pangunahing pangangailangan ng paaralan at ng mga mag-aaral upang
maipagpatuloy ang pagkatuto ng mga kabataan sa gitna ng pandemya.

Scene 15 (Videos ng mga anchors habang nagsasalaysay)

Narration : Iyan ang malaking hamon na kinahaharap ng SINALHAN INTEGRATED HIGH
SCHOOL, pero matibay ang paniniwala ng pamunuan ng aming paaralan, na
walang anumang banta o hamon ang makapipigil sa mga batang SInalhan na
makamit ang kanilang ang mga pangarap, patunay na rito ang malaking bilang
mga batang agad na nagpatala sa unang lingo pa lamang ng buwan ng Hunyo.
Isang magandang sinyales na ang mga batang baybay ay may pangarap na
mabago ang kanilang mga buhay, na minsan isang araw, ay matatawag silang
matagumpay.

Scene 16 : (Photos ng Ginawang Virutal Kick off, National and Division Level. Papasok ang
 Song ng National Winner ng Brigada Jingle)
Narration At ang lahat ng ito ay matutupad kung sila ay may kaagapay sa katuparan ng
kanilang mga pangarap at naniniwala kaming isa ka o kayo sa mga magiging daan
para tuluyang marating ang katagumpayang ito.

Scene 17 (Videos/photos ng mga mga guro, pumunuan, mga mag-aaral at mga magulang
in slow-mo) using the official SIHS Brigada Sign)
Narration Sampu ng pamunuan ng paaralan, mga guro, mga magulang at lalo’t higit ng mga
mag-aaral ay taus-pusong kumakatok sa inyong mga puso, gaano man kaliit ang
inyong maihahandog sa aming mga mag-aaral, pag ito ay
napagsama-sama, makabubuo tyo ng higit sa inaasahang laki nito sa tulong ng
ating Panginoon

Scene 18 (Larawan/Videos ng iba’t ibang learning modalities pero mas bibigyang pokus ang
Modulay Dsitance Learning)
Narration Sa kasalukuyan, ay patuloy na nangangalap ng datos ang paaralan sa kung
anong learning modalities ang kanilang pipiliin kung saan ay mangunguna ang
kaligtasan ng bawat isang mag-aaral kasama ng mga guro at mga magulang.

Scene 19 (videos ng anchors habang nagsasalaysay) Habang may ipinapakitang mga

larawan ayon sa sinasabi ng tagapagsalaysay
Narration Sa mga pagkakataong ito, mas higit na nangangailangan ang paaralan ng mga
printing materials para sa napakaraming learning materials na iiimprenta ng
paaralan sa mahigit isang libong mag-aaral. Maaari po kayong magbigay ng mga
sumusunod tulad ng mga Laptops, desktops, Printers, inks, Band Papers o type
writings, Expandable Envelops and Folders, Sliding Folders ___________

Narration Ganun din po ang mga school supplies tulad ng mga notebooks, pad papers,
ballpens, mga lapis at pambura, mga colored pencils o crayolas, sharpeners at
marami pa na magagamit ng mga kabataan para sa kanilang home schooling

Narration Tumatanggap din po kami ng mga medical and health supplies para sa patuloy na
kaligtasan ng mga guro para sa paghahatid ng mga modules sa bawat tahanan ng
mga mag-aaral tulad ng mga Alcohols, disenfectants, face masks, face shields,
eye protectors, surgical gloves, foot baths at mga multuvitamins na maaari din
naming ibahagi sa bawat pamilya ng aming mga mag-aaal

Narration Labis na biyaya na po ang aming ipagpapasalamat kung ang paaralan at mga
mag-aaral ay mabibiyaan ng mga Relevant technology materials/equipments tulad
ng laptops, desktops, tablets, smartphones, at internet connection modems kung
sakaling maisakatuparan ang online distance learning.

Narration Ganun din po ang ilang mga butong pananim na gulay para sa proyektong
“Gulayan sa Tahanan” ng mga mag-aaral upang makasisiguro po ang aming
paaralan na nakakakain ng masusustansyang gulang ang aming mga
mag-aaral.

Narration Nagyon pa lamang ay labis na ang aming pasasalamat sa lahat ng mga taong nais
tumulong sa para katagumpayan ng programang ito at tuloy-tuloy na pagkatuto ng
mga mag-aaral sa gitna ng hamong ito.

Narration Halina’t Samahan ang SINALHAN INTEGRATED HIGH SCHOOL para sa

“PAGPAPANITILI NG BAYANIHAN TUNGO SA KALIDAD NA
EDUKASYON PARA SA KABATAAN! Sulong Na! Brigada Eskuwela Na! (Insert
SIHS Brigada Song Winning entry)
 Last part ng Docu, mga paraan kung paano makikipag-uganayan sa paaralan para
sa kanilang mga donasyon

Narration Ako si Jennete S. Martinez at ako naman si Jeffey N. Lozada

At ito ang “Edukayon sa Gitna ng Hamon,” The Sinalhan Integrated High School
Documenatry Advocacy Campaig, para sa BRIGADA ESKWELA 2020

CREDITS/ACKNOWLEDGEMENT