Panimula

Ang mahusay na guro ay malikhain at mapamaraan sa harap ng mga kakulangan

sa kahandaan at maging sa kagamitan upang maisakatuparan ang hangaring magturo.

Ngunit paano kung sadyang taliwas sa regular na kalakaran ang pangangailangang

pampagkatuto at paraan ng pagkatuto ng mga estudyante ngayong new normal.

Napakaraming mga nagsusulputang mga makabagong gamitin lalong lalo na sa mga

kagamitang panturo na kung saan napakaraming mga mag-aaral ang nangangailangan ng

mga ito. Sa dami ng mga mag-aaral at sa dami ng kakulangan ng guro sa mga paaralaan,

nagkakaroon din ng pagkukulang sa mga suplay ng mga kagamitang panturo sa iba’t-

ibang liblib na paaralan at lalong lalo na sa mga malalayong lugar sa probinsya. Ang

edukasyon ay isa sa mga pinakamahalagang kailangan ng mga mag-aaral, di lamang sila

ngunit tayong lahat. Ang mga guro ay isa sa mga dahilan kung bakit ang mga mag-aaral

ay nagsisipag at puspusang nag-aaral di lamang sa kadahilanang sila ay nabibigyan ng

mataas na marka kundi nagbibigay ng pag-asa na ang edukasyon ang susi ng ating

tagumpay.

Maraming mga guro ang nagiging dahilan kaya nakakamit ng mga mag-aaral ang

kanilang minimithing tagumpay dahil sa mga naggagandahang uri ng estratehiyang

ginagamit sa pagtuturo at kaakibat nito ang mga kagamitang panturo na kanilang

ginagamit para mabuo ang gusto nilang makamit sa pagkatuto. Ang kagamitang panturo
o kaya modyul lalong lalo na ngayong new normal ay isang mahalagang papel sa

pagtuturo dahil sa ito ang nagsisilbing gabay para sa mga paksang pag-aaralan. Sa

bagong kurikulum na ipinatupad kaya hirap ang mga mag-aaral pati na rin ang mga guro

kung paano ba at ano ba ang kanilang dapat na maituro sa mga mag-aaral.

Ang kagamitang panturo ay isa sa pinakamahalagang instrumento sa pagtuturo

sapagkat ito ay isa sa mga kailangan upang mas lalong matuto ang mag-aaral, at upang

malaman nila kung ano talaga ang kanilang dapat pag-aralan. Hindi maaring pulos

lamang mga kathang isip ang mailalagay sa kanilang mga murang kaisipan, kailanagn din

nilang makita at maobserbahan ang mga bagay na kanilang pinag-aaralan upang mapunan

ang mga tanong na sumasagi sa kanilang mga kaisipan. Lahat ng mga guro ay isa sa

kanilang kaagapay ay mga kagamitang panturo dahil ito din ang nagsisilbing kaibigan

nila sa oras na nagtuturo na sa loob ng klase upang mas lalong matuto ang mga mag-

aaral.

Ayon sa pag-aaral ni Adan, sinasabi na ang guro ay may napakahalagang papel sa

paghubog ng ating kabataan at paglinang sa kanilang kakayahan. Hinihikayat nila ang

mga mag-aaral na abutin ang kanilang mga pangarap, magkaroon ng sariling disiplina sa

kanilang sarili at sa anumang gawain, magkaroon ng malikhain at malalim o mataas na

lebel ng pag-iisip at nagbibigay halaga sa edukasyon.

 Dagdag din na ayon kay Handers (Bernales 2008), na higit ng dumarami ang

matatalinong mag-aaral kung ang guro ay matimpi, mapagbiro, palatanong, at gumagamit

ng galaw ng katawan at ekspresyon ng mukha kaysa gurong awtoritaryan, palautos, hindi

awtoridad para iagalang at sundin. (Adan 2010)

Bilang karagdagan ni Jocson sa programang K-12, layunin ng pagtuturo na

malinang ang kakayahang komunikatibo, replektibo o mapanuring pag-iisip,

pagpapahalagang pampanitikan ng mga mag-aaral sa pamamagitan ng mga babasahin at

teknolohiya tungo sa pagkakaroon ng pambansang pagkakakilanlan, kultural na literasi

aat patuloy na pagkatuto upang makaagapay sa mabilis na pagbabagong naganap sa

daigdig.

Sa panahon ngayon ay maraming kakulangan ng mga suplay ng kagamitang

panturo na kung saan karamihan ng guro ay nahihirapan sa mga paksang kanilang pag-

aaralan at ituturo sa kanyang mga mag-aaral. Dahil sa suliraning ito, naisipan ng

manananaliksik na gumawa na isang pag-aaral kung paano mabibigyan ng solusyon ang

suliraning kinakaharap ng mga guro at upang mapalawak ang kaalaman at estratehiyang

gagagmitin ng mga guro ngayong new normal.

Ang pag-aaral na ito ay layuning malaman ang mga kahandaan at kagamitang

panturo na ginagamit sa pagtuturo sa ilalim ng distance learning kung saan ito ba ay

kailangan na ding maibsan ang mga suliranin sa kakulangan ng kagamitang panturo,

sinasagot sa pag-aaral na ito ay kung ano ang mga kagamitang panturo na ginagamit sa

pagtuturo sa kasalukuyan ano ang mga suliraning kinakaharap ng mga guro at mga mag-

aaral sa mga kagamitang panturo sa pagtuturo at kung ano ang mga panukalang solusyon

sa suliraning ito na kasalukuyang nagaganap sa paaralan ngayong pandemya.