ZIRLAI 25

PU MENA (REV. ENOCH LEWIS MENDUS)

Chhiartur : Isaia 52:7,8; Phil 4:8
Thuhmahruai: Vawiinah hian Zosap missionary-te zinga thusawi thiama an sawi Rev. Enoch Lewis Mendus,
Mizoten ‘Pu Mena’ kan tih mai chanchin kan zir dawn a. Mizorama Chanchin Tha thlen kum 50-na (Golden Jubilee)
lawmnaah khan a huaihawttu ber a ni a. Sports lamah Mizoten hma kan sawn theih nan field a laihpui a, kut
hnathawh lam pawh mite tihhmuh leh zirtir tum tlattua ni. Mizote a ngainat avangin Sap rama a in pawh pawh
‘ZORAM' tih a vuah hial a ni.

1. Pu Mena Chanchin tawi: Pu Mena hi Dec. 27, 1887 khan Wales ram Wiston khuaah a piang a. A pa chu Pastor
William Mendus a ni a, a nu Rosa Mendus pawh Kristian nu \ha tak a ni. An unau hi pali an ni a, a farnu Leta
Mendus-i pawh Karimganj-ah missionary-in a kal ve bawk. Pu Mena hi St. Davids khuaah a sei lian a, B.A. a pass
hnuin Pathian thu a zir a, kum 1913 khan Pastor atan nemngheh a ni. Mizorama missionary hna thawk lai Pu
Zosaphluia sawi a hriat a\angin Mizorama missionary hna thawk turin a inpe a, kum 1922 January thla khan Aizawl
a rawn thleng a. Kum 1935 khan Wales ram mi tho Gwen Prys-i nen an innei a, a nupui hi M.A lai a ni a, chhiarkawp
a thiam hle bawk a, a pasal rawngbawlnaah pawh a \angkai hle a ni. Kum 1944 khan Mizoram chhuahsanin Sap
ramah an hawng a, a hnuah pawh \um hnih a rawn chuang chhuak leh a. March 10, 1982 khan kum 95 mi niin a
thi a, St. Davids bul Pembrokeshire thlanmualah phum a ni.

2. Pu Mena rawngbawlna: Pu Mena hian kawng hrang hrangin rawngbawl hna a thawk nasa hle a, a pawimawh
zual han sawi ila-
Kohhran enkawltu leh sikul hotu: Pu Mena lo thlen a\angin Mizoram Presbyterian Kohhran chu
Presbytery pathumah \hen a ni a, Pu Mena chuan Khawthlang Presbytery a chang a, Dawrpui Kohhran a\angin a
bial hi a enkawl a. Presbytery enkawl chung hian Sikul hotu (Honorary Inspector of Schools)-ah a \ang a, Boys M.E.
School-ah Headmaster a ni bawk. Kut hnathawh a uar a, lehkha thiamna leh kut hnathawh kalkawptir a tum tlat
a, mahni hnaa taima taka thawh chu ringtu puitling ziaah a ngai a ni. Sikul naupang hrem ve \hin pawhin a hnuah
a \awng\aisak leh \hin.
Bible lehlin hna a thawk: Pu Mena hi Mizo \awng zir hmasa lova lo chhuak a ni a, Upa Thanga leh Upa
Pasena-ten Mizo \awng an zirtir a ni. A zir tirh lam chuan har a ti ve hle a, mahse a zir rei hnu chuan a thiam ta hle
a, Thuthlung Hluia zawineite lehkhabu pawh hi ama hovin an let zo vek a, a awm lai chuan khawlin an chhu hman
ta lo a ni.
Pathian thu zirna hotu a ni: Kum 1907 khan Zosaphluian Pathian thu zirna, Theological School (tuna ATC
ni ta hi) a hawng \an a. Kum 1927 a\angin Pu Mena chu sap rama a haw hma chu a hotu ber a ni. Pu Mena hian
Pathian thu zirna bakah Chanchin |ha hril a ngai pawimawh em em a, kum 10 chhunga Mizote Kristiana siam vek
tumin, Kristian rammut a rawt hial a ni. Mizoram hmun hrang hrangah sakawra chuangin kalkawng hrehawm leh
harsatna chi hrang hrang karah pawh Chanchin |ha hrilin a feh chhuak \hin a ni.

3. Pu Mena mizia: Pu Mena hi pa rilru nghet, mi tumruh, mi tu mah thliar hrang lo, mi tu mah be nawmnah ngai
lo, inngaitlawm tak, fiamthu pawh duh ve tak, inpekna thuk tak nena rawngbawl \hin a ni a. Hna a thawk nasa a,
lehkha chhiar a taima hle bawk. Mi biangbiak thiam tak leh mi hneh thei tak a ni a, dawhtheihna leh khawngaihna
ngah tak a ni bawk. Hengte avang hian kohhran inpumkhatna a vawng him tlat \hin a ni. Nasa taka \awng\ai mi a
ni a, kraws thu a tuipui hle bawk.

Pu Mena te anga missionary inpe leh thawk rim, mi inngaitlawm leh taima bawk si kan rama rawngbawl
tura Pathianin a rawn tir hi a lawmawm takzet a ni.

Thuvawn: Philippi 4:8 A tawp berah chuan unaute u, a dik apiang te,a zahawm apiang te, a fel apiang te, a
thianghlim apiang te, a duhawm apiangte, a thangmawi apiangte - \hatna reng a awma, fakna reng a awm
phawt chuan - chung chu ngaihtuah rawh u (He chang hi Pu Mena'n a sikul naupangte a sawi rualtir \hin a ni).