ZIRLAI 29

PU AWNA (REV O.W. OWEN)

Chhiar tur : Thuhriltu 11: 9-12:1

Thuhmahruai: Vawiin hian KȚP kan neihna kawnga bul tumtu ber leh thalai rawngbawlna lam ngai pawimawh
em emtu missionary, Rev. Owen William Oweia chanchin kan zir dawn a. Mizoten Pu Awna kan ti a; chuvangin
Pu Awna tiin kan sawi zel tawh ang.
1. A chanchin hmasa lam: Pu Awna hi North Wales, Gwynedd biala khaw chengker tak Betws Carmon-ah Oct.
4,1928-ah a piang a. Kum 1952-ah missionary ni turin a inpe a. Aberystwyth Theological College-ah Pathian thua
zir zawh hnuin Selly Oak-ah missionary training a nei leh a, October 1, 1952-ah nemngheh a ni.
Kum 1952 November thlaah a nupui nen Aizawl an lo thleng a. Pathian thu zirna, Theologiçal School-
ah a thawk nghal a, hmeichhe sikul lam pawh eng emaw chen a pui bawk. Hei bakah hian Teachers Training
School lamah a zirtir thin a, Pastor hna thawkin hmun hrang hrangah a zin kual țhin bawk.
2. Thalaite hmasawnna tur a ngaihtuah: Kum 1945-à khawvel indopui páhnihna a tawp atang khan Europe leh
America vélâh chuan thalaite nun a danglam chak em em mai a. Mipat hmeichhiatnaah an tlan nasa a, ruihhlo a
hluar a, nuamtawlna lamah an tlan nasa hle. Music an ngaina a, sakhua an ngaihsak lo va, thalai tam takin
Kristianna an bansan a, kohhran pawh a tla hniam rawih rawih mai a ni. Pathian thu aiin science thiamna leh
mihring hmasawnna lamah an rilru an pe a, an nun hruaitu atan an hmang a, mi tam takin sakhua chu thil
atthlakah an ngai a.
Hetiang taka thalaite nun a tlak hniam avang hian Mizo Kristian thalaite pawh heng nun hian a la tuam
ve ngei dawn tih Pu Awna chuan a ring tlat a. Chuvang chuan thalaite a vei em em a, an hmasawnna tur pawh a
ngaihtuah nasa hle a ni. Mizorama Kristianna a than chak em emna chhan pawh thalaiten an bawh vang a ni tih
a hmu chiang hle a. Tichuan, thalai pawl din tumin kawng a zawng a, Theological School leh Teachers Training
School a zirlaite nen an inhmu khawm phawt a, chumi hnuah "The Students' Christian Society" an din a, thla tin
inhmuh khawm buatsàihin thupui pawimawh ták tak, "Chanchin Țha leh Science tih te, Ringtu leh a ni tin nun'
tih te leh a dangte an sawi ho thin a ni.
3. Pu Awna hovin K|P an din: Pu Awna kan hriat larná ber chu KȚP dintu a nih thu hi a ni. Pu Awna te hun lai
hian YMA a ding tawha, zirlai zingah a chunga kan sawi ang pawl khi a dinpui tawh bawk a. Mahse, thalai pawl,
huap záu zawk leh kóhhran hnuaia awm tur din tulin a hria a; tichuan, thalai thenkhat leh kohhran hruaitu
thenkhatte nen KȚP hi an din ta a ni. Amah hi Chairman (Tunah chuan Leader kan ti ta) hmasa ber a ni a, a nupui
Pi Owen-i chu treasurer hmasa ber a ni thung. A \hahnemngaihna avangin khaw hrang hrangah K|P pawh a lo
ding chho ta zel a. Tunah chuan KȚP hi kohhran thalai pawl ropui tak leh nghet tak, kohhran kutke ber a lo ni ta
a ni. KȚP din tan ni tak hi hriat a har viau tawh a, February 22, 1954-a din niin kohhran chuan kan pawm a ni.
4. A hun hnuhnung lam: Pu Awna hi Mizoramah a awm rei vak lo va, kum 5 chhung chauh a awm a, kum 1957
November thlaah sap ramah a haw thla a ni. Saprama a haw hnu hian Pastor hna a thawk zui zel a. Wales ram
hmar lamah mi rethei zawkten lo neih lama hma an sawn theih nan pawl an din a, Secretary-ah a tang nghe nghe
a ni. Fapa pahnih an nei a, a upa zawk chuan Paris-ah hna tha tak a thawk a, a naupang zawk pawh Kohhran Upa
niin zu leh ruihhlo dona kawnga hruaitu, thahnemngai taka thawk a ni. Pü Awna hi June 2, 1982 khan nat lawk
vak pawh awm lovin a thi a ni.
Pu Awna kha mi inngaitlawm tak leh mi dáng zai ngai thiam tak, zirtir pawh thiam tak a ni a. Mizoramah
awm rei lo mah se thalaite tana a hnathawh a ropui hle a. Thalaite hmasawnna tur leh khawvel thiamna leh
finnain Kristian thalaite a len bo mai loh nana a hmalakna kha a pawimawh hle a ni. Mizoramah awm rei deuh
phei sela chuan thalaiten kan hlawkpui lehzual ngawt ang.

Thuvawn: 2 Timothea 2: 22 Nimahsela, tleirawl châkna chu tlansan la, thinlung thianghlima Lalpa lam
apiangte zingah chuan felna te, rinna te, hmangaihna te, remna te um ve rawh.