ÿ Synod Information & Publicity, Synod Office (Synod Conference Centre), Top Floor, Mission Veng, Aizawl.

mail us at : synfo@bsnl.in; synfo@yahoo.com - Phone - 2314648

32420th January, 2011
1 PBS Classroom thar hlanna
January 14 khan Synod Moderator Rev. C. Lalsanglianan Presbyterian Bible School (PBS) classroom sak thar
hawngin Pathian hnenah a hlan.
PBS classroom building thar hawnna leh hlanna inkhawm hi PBS Lecture Hall-ah Executive Secretary Rev. Lalzuithanga
kaihhruaiin neih a ni a. Asst. Engineer Pu Thangliankhuman technical report a pe a, PBS Principal Rev. V. Lawmkiman
School report tlangpui pein PBS Board member-te leh mi sawm bikte inhmelhriattirna a nei nghal a. A duh apiang
thusawina hun hawnah Rev. Dr. R. Lalbiakmawia, Rev. Dr. Lalchhuanliana, Rev. H. Remthanga, Upa Lalthlengliana
leh Rev. Vanlalchhuanga ten thu an sawi a, PBS din tan tirh atanga tun dinhmun thlengin hmasawnna tam tak hmuh
tur a awm thu leh lawmawm an tih thu an sawi hlawm a ni.
Presbyterian Bible School classroom thar hi Family Guidance & Counselling Centre Complex tih thin, tun hnua
Owen’s Building tia thlak tak chhawng 6-naah sak a ni a, a building pumpui len zawng hi ft. 57X ft. 30 a ni a, hetah hian
Lecture Hall, Recreation Room leh inthiarna (toilet) 4 dah a ni a. A in sak nana sum ruahman (estimate) zat Rs.
23,72,000 a ni a, Synod Property lamin a sak hna hi an thawk a, sum hman ral zawng zawng chu Rs. 16,53,020 a ni.
Presbyterian Bible School hi kum 2004 May thla atangin tan a ni a, a din tan tirh atangin zirlai 614-in an zirchhuak
tawh a, heta tanga zirchhuakte hi rawngbawlna tangkaiah an inhmang zui hlawm a, Missionary leh Social Worker
hna thawkte leh B.Th., BD zir zawm thahnem tak an awm tawh bawk, Synod Revival Speaker zinga a tam zawk hian
an zir chhuak tawh bawk a ni. Tunah hian Session 21-na tan lehin zirlai 61 an nei a ni.

1 Zin
January 18 - 22 chhunga Counkcil for World Mission (CWM), Natioanal Councila of Churches in Inida (NCCI) leh
Presbyterian Church of India (PCI) Consultation on Dalit - Tribal Interface, Bhubaneswar-a neih mekah Rev.
Zosangliana Colney, Executive Secretary a tel a, Rev. Zosangliana Colney hian Bible Study a neihpui a ni. Vawiin
(January 20) hian Kandhamal a tlawh a, Synod Mission Board lamin Doctor an pek tur Hospital pawh a tlawh nghal
a ni.

1 Revival
January 14 (Zirtawpni) a Revival Committee thukhawm chuan Kum 2011-a Synod Revival Retreat neih chungchang
an rel a, a hun atan June 24 - 26, 2011 ruat a ni a, Chaltlang Presbyterian Kohhran Biak Inah nghah a ni ang.
Speaker atan Rev. Vanlalzuata, Senior Executive Secretary ruat a ni a, thupuiah ‘Kohhran’ tih an hmang ang.
Revival Retreat hi Synod Moderator Rev. C. Lalsanglianan a hawng ang a, June 24 (Inrinni) ah ‘Kohhran leh a
rawngbawlna’ tih thupui hmangin Rev. P.C. Pachhunga, Synod Secretary (Sr.) paper buatsaih zirho a ni ang.
Synod Revival Department hian kum 2011 thupui atan ‘Kohhran pawimawhna’ tih an thlang bawk.

1 Kohhran Hmeichhia
January 21 - 23 chhung hian All India Christian Council of Women (AICCW) Assembly, Hyderabad-ah neih a ni dawn
a, Central Kohhran Hmeichhe hruaitu Pi Zokhumi Vankung, Ex-Chairman leh Pi Lalthansangi Fanai, Asst. Secre-
tary te an kal. AICCW Assembly hi kum 4 danah neih thin a ni a, khawvel puma tawngtairual ni (World Day of
Prayer) pawh hi AICCW ruahman angin kum tin hman thin a ni.

1 Property
Kohhran Hmeichhe Inkhawmpui Lian atana pandal sak mek enpui turin Pu Thangliankhuma, Asst. Engineer chu
Kawnpuiah a cham mek a, January 21 (Zirtawpni) hian a lo kir leh ang.

1 Music
January 26 & 27 hian Khawbel Branch KTP ten Solfa Camp an buatsaih dawn a, solfa camp hmanpi tur hian Pu
Lalromawia leh Pu Benjamin Sailo, Synod Music Instructor- te an kal ang.

1 Kristian Thalai Pawl

January 21 -23 chhung hian Pastor Bial hrang hranga Kristian Thalai Pawl ten Bial Conference an nei ang. Bial
thenkhatah chuan January 28 - 30 chhunga hman tum a ni bawk. Bial Conference hmanpui turin Central Committee
member-te hmun hrang hrangah hetiang hian an insem darh:
Hming Bial Thlengtu Kohhran
w Pu Zohmingliana (Asst. Leader) & Teikhang Hrianghmun
Pu Samuel Vanlalthlanga (Commt. Member)
w Upa Lalrinmuana (Gen. Secretary) Champhai Vengthlang Champhai Vengthlang
w Dr. Zarzoliana (Asst. Secretary) Khawbung Zawlsei
w Pu Lalmuanawma (Treasurer) & Vaphai Vaphai
Tv. Zohmangaiha (Commt. Member)
w Pu H. Liantluanga & Pu Lalnghinglova Hauzel Zawlnuam Zawlnuam
(Committee Members)
w Pu Lalmuanpuia & Pu Saizamliana Sailo Khawlailung Dinthar Chekawn
www.miz oramsy nod.org

(Committee Members)
w Pu R. Lalhmingthanga (Committee Member) Rawpuichhip Falkawn
A hnuaia Bialte hian January 28 - 30 chhungin an hmang thung ang :-
w Rev. K. Lalpiangthara (Leader) & Synod Choir Phullen Phullen
w Pu Vanlalfinga (Fin. Secy.) & Sumsuih Hmuifang
Tv. V.L. Muanchhana (Commt. Member)
w Pu Lallianmawia & Pu Lalramdina Ralte Keifang Keifang
(Committee Members) Contd,..
 Synod Information & Publicity, Synod Office (Synod Conference Centre), Top Floor, Mission Veng, Aizawl.

1 Synod Bookroom
Synod Bookroom chuan January 17 - 21 chhung hian Sairang Bial leh Reiek tlangdungah Tv. Lalzarmawia leh Tv.
Lalringliana hovin Mobile Bookshop neihpui mek a ni a, January 17 (Thawhtanni) khan Sairang, Hmunpui leh Lengpuiah
te neih a ni a, January 18 (Thawhlehni) khan Rawpuichhip, Tuahzawl leh Rulpuihlim-ah te neih a ni leh a, January 19
(Nilaini) khan Chungtlang, W. Lungdar leh Khawrihnim-ah te neih a ni leh bawk. January 20 (Ningani) hian Lungphun,
Kanghmun, Bawlte leh Sabual-ah te neih leh a ni ang a, January 21 (Zirtawpni) hian Darlung leh Bawngthah-ah te
neih a ni bawk ang.
January 24 - 28 hian Upa Lalthakhuma hovin Sakawrdai tlangdungah Mobile Bookshop hetiang hian neih a ni ang :-
January 24 (Thawhtanni) - Zohmun
January 25 (Thawhlehni) - Sakawrdai Hmar Veng & Chhim Veng, Vervek leh Lungsum
January 26 (Nilaini) - Ratu, Sailutar leh N. Serzawl
January 27 (Ningani) - Sawleng, Kepran leh E. Phaileng
January 28 (Zirtawpni) - Pehlawn, Khanpui, Lailak leh Khawruhlian
Mobile Bookshop-ah hian Synod Bookroom bungraw chi hrang hrang : Instrument Box, Exercise Book, Sunday
School Zirlaibu, Nilai leh Beihrual Thupui, Synod Calendar bakah School mamawh chi hrang hrangte kenchhuaha
Aizawl rate veka hralh thin a ni.
1 Moderator Programme
Synod Moderator Rev. C. Lalsangliana chuan tunkar tawpah hetiang hian hun a hmang ang :
w January 21 - 23 (Zirtawpni - Pathianni) - Chhingchhip Pastor Bial KTP Conference

SYNOD STATISTICS REPORT

(2009 - 2010)
Sl No Chhiar dan Kumin Punna (+) Remarks
dinhmun Kiamna (-)
1. Presbytery zât 40 +1
2. Pastor Bial zât 251 + 14
3. Kohhran zât 1360 + 113
4. Kohhran indang lo zât 467 + 322
5. Minister Bial nei zât 250 + 13
6. Minister Bial nei lo zât 191 + 11
7. Pro. Pastor zât 53 -2
8. Kohhran Upa zât 4495 + 118
9. Pem Upa zât 939 -11
10. Dan zawhkim zât 367019 + 10749
11. Thununna tawk mek zât 12091 + 323 (Punna thalo)
12. Baptisma chang lo zât 11678 + 191
13. Kohhran member
1) Mipa zât 274184 + 5678
2) Hmeichhe zât 276376 + 6356
3) Belhkhawm 550560 + 12034
14. Kohhran chhungkua
1) Awm hlangna 103231 + 4109
2) Awm pawlhna 12797 + 1168
3) Belhkhawm 116028 + 5277
15. Pawl dang atanga lo pakai zât 5030 + 132 (Punna tha)
16. Hming pe thar zât 2465 - 8518
17. Pawl danga pakai zât 1584 - 16
18. Kohhran chhuahsan zât 733 + 151 (Punna thalo)
19. Nau piang zât 10137 + 161 (Punna tha)
20. Mitthi zawng zawng zât 3126 + 141 (Punna thalo)
21. Ziak leh chhiar thiam
1) Mipa kum 6 chung lam 223689 + 8752
2) Hmeichhia kum 6 chung lam 220116 + 7068
3) Belhkhawm 483765 + 53367
22. Sunday School zât 1381 +117
23. Zirlai zât 373650 +15618 (Punna tha)
24. Zirtirtu zât 42483 + 1125
25. Zirna school/college :
1) College zât 2 +1
2) High school zât 25 +7
3) Middle school zât 107 + 12
4) Primary school zât 176 + 15
5) Zirtirtu zawng zawng zât 1700 + 190
6) Zirlai zawng zawng zât 32691 + 6075
26. Damdawi In zât 2 0
27. Damdawiin tê
(Dispensary & Health Centre) 57 + 18
28. Doctoc zât 32 +5
29. Nurse zât 248 + 35
30. Nurse zirlai zât 122 -2
www.miz oramsy nod.org

Note : Kohhran Inchhiarna hian September 2009 - August 2010 chhung a huam a ni.
More information, please visit : www.mizoramsynod.org
Mail us at : synfo@bsnl.in
Synod Information & Publicity
synfo@yahoo.com
Phone - 2314648 Fax : 2316598