Pagbasa hale sa Surat ni San Pablo sa mga Taga Galacia

Mga lolong na taga Galacia! Siisay an nakalumay saindo? Malinaw na

ipinahayag saindo an pagkagadan ni Jesu-Cristo sa krus! Simbaga daw
nindo ini: Inako daw nindo an Espiritu nin Dios huli sa pagotob kan
Katogonan o huli sa pagdangog saka pagtubod kan Marahay na Bareta?
Siring kamo kaiyan kalolong? Nagpoon kamo sa Espiritu nin Dios; boot
na nindong taposon sa laman? Mayo daw nin kahulogan saindo an gabos
na nangyari? Igwang kahulogan idto! Tinatawan daw kamo nin Dios kan
saiyang Espiritu asin naggigibo saindo nin mga milagro huli ta nag-
ootob kamo kan katogonan o huli ta nadadangog kamo kan Marahay na
Bareta saka nagtutubod kamo kaiyan? Arog sa nasasabi sa kasuratan
dapit ki Abraham, “Nagtutubod siya sa Dios; huli kan pagtubod niyang
iyan, inako siya nin Dios bilang matanos. Kaya saboton nindo na an mga
tawong may pagtubod iyo an tunay na kapagarakian ni Abraham. An
kasuratan naghula na gigibohon nin Dios na magin matanos saiya an
mga pagano sa paagi nin pagtubod. Kaya an kasuratan na nagpapahayag
ki Abraham kan Marahay na Bareta: Sa paagi mo, bebensiyonan nin
Dios an gabos na tawo. Nagtubod si Abraham asin benendisyonan siya;
kaya an gabos na nagtutubod, benebendisyonan arog saiya. An mga
nagsasarig sa pagkuyog kan katogonan nasa pag-alaman nin maldisyon.
Huli ta nasusurat, “An siisay man na dai naggigibo kan gabos na
nasusurat sa Libro kan katogonan nasa pag-alaman nin maldisyon!”
Kaya malinaw Na mayong tawong nagigin matanos sa Dios huli sa
katogonan. Huli ta nasusurat, “ An nagiging matanos sa Dios huli sa
pagtubod, mabubuhay.” Alagad an katogonan dai nagpapatungmad sa
pagtubod, huli ta nasusurat, “ An tawong nagigibo kan gabos na
ipinagboot kan katogonan, mabubuhay sa paagi kaiyan.”
ilinigtas kita ni Kristo sa maldisyon naa dara kan katogonan. Siya an
minamaldisyon embes na kita, huli ta nasusurat, “ An siisay man na
binitay sa kahoy minaldisyon.” Ginibo ini ni Cristo tanganing an
bendisyon Na ipinanuga nin Dios ki Abraham ikatao man sa mga pagano
huli ki Cristo Jesus; tanganing huli sa pagtubod kita man makaako kan
Espiritu na ipinanuga nin Dios

Tataramon nin Kagurangnan.

Salmo Responsoryo
Omawon an Kagurangnan!

Bilog na puso kong papasalamatan an Kagurangnan sa katiriponan nin

mga matanos. Makangangalas an mga gibo nin Kagurangnan, pinag-
aadalan kan gabos na nawiwili kaiyan.
-Omawon an Kagurangnan
An saiyang gibo, pano nin onra asin kamahalan, asin an saiyang
katanosan magdadanay sagkod pa man. Ipinapagiromdom niya an
makangangalas niyang mga gibo;maugayon an Kagurangnan asin
maheherakon.
-Omawon an Kagurangnan
An mga natatakot saiya tinatawan niya nin pagkakan; dai niya nalilingawan an saiyang
tipan. Ipinahiling niya an saiyang kapangyrihan sa saiyang banwaan,huli sa pagtao sainda
kan daga kan mga dayuhan.

-Omawon an Kagurangnan
Pagbasa Hale Sa Surat ni San Lukas

Alagad an nagkapira sainda nagsabi, “ nagpapaluwas siya

nin mga demonyo sa kapangyarihan ni Beelzebul, na
prinsipe kan mga demonyo.” An iba, sa pagbalo saiya
naghagad nin tanda hale sa langit. Alagad aram ni Jesus
an nasa isip ninda kaya sinabihan niya sinda:
Marurumpag an arin man na kahadean na nababanga;
mawawasak an pamilya na dai nagkakaoroyon an mga
kaayon. kaya kun nagbabanga man si Satanas, paanong
magdadanay an saiyang kahadean? Huli ta nagsasabi
kamo na nagpapaluwas ako nin mga demonyo sa
kapangyarihan ni Beelzebul. Kun nagpapaluwas ako nin
mga demonyo sa kapangyarihan ni Beelzebul , sa kiisay
na kapangyarihan nagpapaluwas an saindong mga
disipulo? Kaya sinda an nagpapakatotoo na nasasala
kamo! Alagad kun nagpapaluwas ako ni mga demonyo sa
kapangyarihan nin Dios, nagpapakatotoo ini na nag-abot
nan a Kahadean nin Dios saindo.
Kun an sarong makosog na lalaki na sangkap kan gabos
na armas, nagbabantay kan sadiri niyang harong an
saiyang mga sadiri dai maano. Alagad kun labanan siya
nin sarong mas makosog ki sa saiya dangan madaog siya,
kukuanon an gabos na armas na pinagsasarigan niya saka
babarangaon an mga nasamsam. An siisay man na bakong
kampi sako, tumang sako; an dai sako nagtatabang
magtipon, nagwawarak. Kun minaluwas sa tawo an
sarong maraot na espiritu, minaduaman iyan sa mamarang
mga luga sa paghanap nin mapapahingaloan. kun dai
siyang nakukua, minasaboot siya nin siring. Mabalik ako
sa harong na pinaghadean ko. pagbalik niya, maaabotan
niya an harong na malinig Asin husay. Dangan minaluwas
siya giraray na mas maraot ki sa saiya; sinda gabos
minaerok sa tawong iyan. kaya nagigin mas maraot pa ki
sa dati an kamugtakan kan tawong iyan.

an Ebanghelyo kan Kagurangnan