Yunit 1

Aralin 1.9

Kaisipan
Masarap ibahagi
Anumang tagumpay at biyaya

Basahin Natin

Ang Mabuting Samaritano

(Parabula)

Noon, may isang taong naglalakbay mula sa Jerusalem na patungong Jerico.

Siya ay isang negosyanteng nagbebenta ng kanyang mga kalakal sa Jerico. Dala-dala
ang isang balutan sa kanyang likod, mapayapa niyang tinunton ang kahabaan ng lugar
patungo sa Jerico isang katanghaliang tapat.
Lumakad siya nang lumakad hanggang nakaramdam ng pagod. Nagpahinga
siya sa lilim ng punong-kahoy at kumain na rin ng kanyang pananghalian. Mayamaya,
pagkatapos ayusin ang kanyang dala-dalahan, ipinagpatuloy niya ang paglalakad.
“Malayo na ang nalakad ko pero mataas pa rin ang araw. Marahil mararating ko
ang Jerico bago kumagat ang dilim,” naisaloob niya.
Nang malapit na siya, may mga masasamang loob na tumambang sa kanya.
Bigla nilang sinunggaban ang kaawa-awang negosyante at ito’y kanilang pinagpapalo,
binugbog at kinuha pati damit sa katawan. Matapos kunin ang balutan nito, iniwan nila
ang lalaki sa gitnang daanan na halos patay na.
Makalipas ang ilang sandali, isang paring Hudyo ang dumaan. Nakita niya ang
sugatang lalaki. Ngunit siya’y lumihis at nagpatuloy sa paglakad.
Mayamaya ay may isang Levita ang dumating. Naulinigan niya ang daing ng
lalaki datapwa’t hindi niya binigyan ng pansin ang taghoy niyon.
Nang oras na iyon, isang Samaritano ang naglalakbay rin sa kahabaan ng ilang
lugar na iyon. Nang mapansin niya ang nakalugmok na sugatang lalaki, “Huh!
Kailangan niya ng tulong,” naisaloob ng Samaritano.
 Dali-dali niya itong nilapitan. Binuhusan ng langis at alak ang mga sugat nito at
tinalian. Saka isinakay ito sa kanyang sinasakyang hayop at dinala sa kabayanan.
Sa isang paupahang silid dinala ng Samaritano ang lalaki. Binalutan niya ang
sugat nito at binantayan sa buong magdamag hanggang humupa ang lagnat nito.
Kinabukasan, nang matiyak ng Samaritano na mabuti-buti na ang pakiramdam
ng lalaki, siya ay namaalam. “Aalis muna ako. Heto, tanggapin mo ang perang ito.”
Kinausap din niya ang may-ari ng paupahang silid, “Bayaan ninyo siyang tumira
rito hanggang gumaling. Ako ang sasagot sa lahat ng kanyang gastusin. Narito ang
paunang bayad. Ang kulang ay babayaran ko sa aking pagbabalik.”
Ganoon na lamang ang pagtataka ng may-ari ng paupahang silid sa pagtulong
na ipinagkakaloob ng Samaritano. Kaya’t siya’y nagtanong, “Hindi ba’t ang taong iyon
ay taga-Jerusalem? Bakit mo siya tinutulungan gayong kaaway siya ng mga
Samaritano?”
Maagap naming sumagot ang Samaritano, “Pananagutan ko ang aking kapwa.
Maging ito ma’y isang kaaway.”

Sagutin Natin
1. Sino-sino ang mga tauhan sa binasang parabula?
______________________________________________________________

2. Ilarawan ang katangian ng mga tauhan. Gamitin ang talahanayan sa

paglalarawan.

Tauhan Kilos Pananalita

Samaritano
Paring Hudyo
Levita
Negosyante

3. Ano ang dahilan kung hindi binigyan ng pansin ng naunang nagdaan ang
negosyanteng humihingi ng tulong?
_____________________________________________________________

4. Sino ang tumulong sa sugatang lalaki?

______________________________________________________________

5. Ano ang ibig sabihin ng pahayag ng Samaritano na “Pananagutan ko ang

aking kapwa. Maging ito ma’y isang kaaway.”
 ______________________________________________________________

KASANAYAN SA PAGBASA
Pag-aralan Natin
Pagsasanay 1: Bigyang kahulugan ang mga salitang may salungguhit sa
pangungusap. Isulat sa patlang ang iyong sagot.
1. May mga masasamang loob na tumambang sa negosyante.
_______________________________
2. Naulinigan ng isang Levita ang daing ng negosyante.
_______________________________
3. Isang Samaritano ang tumulong sa lalaking nakalugmok.
_______________________________
4. Maagap na sumagot ang Samaritano.
_______________________________
5. Lubos ang pagtataka ng lalaki sa pagtulong ng Samaritano.
_______________________________
Pagsasanay 2: Itiman ang bilog ng tamang kahulugan ng talasalitaan.
1. tulong
bigay yaman
2. taghoy
tuwa daing
3. lumihis
tuwid umiba
4. balutan
lalagyan kahon
5. pananagutan
tungkulin nais
Pagtibayin Natin
Pag-uugnay sa sariling karanasan ang nabasang teksto
Pinakamabisang paksa ng isang kuwento ang karanasan ng tao. Madaling
maunawaan ang kuwento kapag ito ay ibinatay sa karanasan. Naiuugnay ang
tunay na pangyayari sa buhay na nasa isang kuwento o iba pang akda.
Pagsasanay 1: Pag-aralan ang sumusunod na mga pangyayari. Bilugan ang
bilang sa kuwento na naranasan mo na o narinig sa iba.
1. Biglang sinunggaban ang kaawa-awang negosyante ng masasamang loob at
ito’y kanilang pinagpapalo at binugbog.

2. Isang paring Hudyo ang dumaan at nakita niya ang negosyante ngunit hindi
niya binigyang pansin.

3. Tinulungan agad ng Samaritanong naglalakbay ang nakalugmok na sugatang

lalaki.

4. Binalutan ng Samaritano ang negosyanteng lalaki at buong magdamag na

binantayan hanggang humupa ang lagnat.

5. Pananagutan ko ang aking kapwa kahit ito ay isang kaaway.

Pagsasanay 2: Iba-iba ang katangiang ipinakita ng tauhan sa binasang parabula

na kadalasang nangyayari sa araw-araw na pamumuhay. Pumili ng isang tauhan
batay sa itinakda sa pangkat.
Unang Pangkat – Isakilos
.
Ikalawang Pangkat – Iguhit

Ikatlong Pangkat – Sabihin

Ikaapat na Pangkat - Awitin
Pakinggan Mo
Paglalarawan ng tauhan sa napakinggang teksto batay sa kilos
Pagsasanay 1: Magbabasa ng isang kuwento ang iyong guro. Pumili ng isang
tauhan at gamitin ang grapikong presentasyon sa paglalarawan.

Tauhan

Pagsasanay 2: Pumili ng isang pangyayari sa napakinggang kuwento na

maglalarawan sa katangian ng tauhan. Isulat sa speech balloon.
 Ipahayag Mo
Pagpapahayag ng sariling ideya/damdamin o reaksyon tungkol sa
napakinggang kuwento batay sa tunay na pangyayari
Lahat ng tao ay mayroong karapatang magbigay ng reaksyon.
Kinakailangang igalang ang reaksyon ng bawat tao. Bawat isa ay maaaring
magpahayag ng kanilang namamasid, nararamdaman maging ang pag-iisip.
May iba’t ibang damdaming na maaaring makatulong sa pagpapahayag
ng iyong damdamin katulad ng natutuwa, nagagalit, nayayamot, naiiyak,
nalulungkot, nasisiyahan, at iba pa. Mahalagang alamin ang iba’t ibang
damdamin.

Ang Pagong at Tagak

Matalik na magkaibigan sina Pagong at Tagak. Matagal nang
hinihiling ni Pagong na isama siya ni Tagak sa paglipad upang makita ang
taas.
Isang araw ay dumating si Tagak na may dalang patpat. Sinabi
niya kay Pagong na kagatin ito at huwag magsasalita habang nasa itaas.
Pumayag si Pagong. Hawak ng mga paa si Tagak ang magkabilang dulo
ng patpat habang lumilipad siya. Pagdating sa itaas ay nagandahan si
Pagong sa tanawin. Nagsalita siya at tuloy-tuloy na bumulusok paibaba.
Napapikit na lamang si Tagak.

Pagsasanay 1: Suriin ang sumusunod. Sikaping bigyan ito ng sariling reaksyon.

Isulat ang sagot sa sagutang papel at ibahagi sa klase.
1. Matagal nang hinihiling ni Pagong na isama siya ni Tagak sa paglipad upang
makita ang taas.

2. Sinabi niya kay Pagong na kagatin ito at huwag magsasalita habang nasa
itaas. Pumayag si Pagong.

3. Pagdating sa itaas ay nagandahan si Pagong sa tanawin. Nagsalita siya at

tuloy-tuloy na bumulusok paibaba.
 KASANAYANG PANGWIKA
Basahin Mo
Ang Munting Saluhan
Ako at ang aking kapatid ay malapit sa isa’t isa. Kami ay maituturing ding
magkaibigan. Ang mga pinsan kong sina Adel, Rod at Sasi ay itinuturing ko ring
malalapit na mga kaibigan. Sila ang tumulong sa amin sa pagtatanim ng mga
halamang namumulaklak at mga gulay sa aming bakuran.
Pagkalipas ng isang oras, tinawag ko na sila para magmeryenda, “Tayo
nang sumilong saglit upang makakain at makapagpahinga.” Uupo na sana ako
para sumabay kumain nang bigla kong naisip ang niluluto kong panghimagas.
Tumayo mua ako at sinabi sa kanila, “Kayo muna ang kumain diyan at kukunin
ko lang sa kusina ang niluto kong minatamis na saging.”
Masaya kong inihain ang aking niluto para sa kanila. Ang lahat ay tuwang-
tuwa sa aming munting pagsasalo.

Sagutin Mo
1. Sino ang nagsasalita sa teksto?
_________________________________________________

2. Bakit magkakasama ang nagsasalita, ang kanyang kapatid at mga

pinsan?
__________________________________________________

3. Angkop ba ang pamagat sa tekstong binasa? Bakit?

__________________________________________________

4. Isa-isahin ang mga salitang may salungguhit sa teksto. Ano ang tawag
sa mga salitang ito?
__________________________________________________

5. Kailan ginagamit ang mga salitang ito?

__________________________________________________
 Isaisip Mo
Ang tayo, kayo at sila ay mga panghalip panao. Ginagamit ang tayo kung
tumutukoy sa taong nagsasalita at kaniyang mga kasama. Kayo naman ang
ginagamit sa mga taong kausao ng nagsasalita at sila sa mga taong pinag-
uusapan. Ang tayo, kayo at sila ay tumutukoy sa dalawa o higit pang tao,

Pagsasanay 1: Punan ng Tayo, Kayo o Sila ang patlang upang mabuo ang diwa ng
pangungusap.
1. Sina Ali at Lisa ay tumulong sa paglilinis ng kapaligiran.
___________ ay tumulong sa paglilinis ng kapaligiran.

2. Ikaw at ako at magtatanim ng mga punla.

___________ ay magtatanim ng mga punla.

3. Sina Rex at Noy ay nagdilig ng mga halaman.

____________ ay nagdilig ng mga halaman.

4. Ikaw at siya ang magbubungkal ng lupa.

____________ ang magbubungkal ng lupa.

5. Ikaw at sila ang maglalagay ng pataba.

_____________ ang maglalagay ng pataba.

Pagsasanay 2: Sumulat ng dalawang pangungusap gamit ang sumusunod na mga

panghalip panao.
1. Tayo
a. _______________________________________________________
b. _______________________________________________________

2. Sila
a. _______________________________________________________
b. _______________________________________________________

3. Kayo
a. ______________________________________________________
b. ______________________________________________________
 Pahalagahan Natin
Pagsasanay 1: Bilugan ang bilang na nagpapakita ng karanasan sa pagbasa na
makahihikayat ng pagmamahal sa pagbasa.
1. Pagkakaroon ng mga babasahin o libro na nakalagay sa isang lugar
2. Pagdaraos ng isang pagpupulong
3. Pagsasagawa ng isang puppet show
4. Paglalagay ng isang lugar na maraming mga uri ng babasahin
5. Paglahok sa masining na pagkukuwento ng isang babasahing nabasa

Pagsasanay 2: Bumuo ng isang islogan na makahihikayat sa mga kapwa mo

mag-aaral na makahikayat na magbasa. Isulat sa nakalaang bahagi.
 KASANAYAN SA PAGSULAT
Pagsusulat nang may wastong baybay at bantas ang mga salita
Pagsasanay 1: Basahin ang pangungusap at ikahon ang salita na may maling baybay.

1. Pumunta ang mag-anak sa parkiy

________________________________________________________________

-----------------------------------------------------------------------------------------------------------
________________________________________________________________

2.Kumakain ba sila ng maiis, pritong manok, at leche flan

________________________________________________________________

-----------------------------------------------------------------------------------------------------------
________________________________________________________________

3. Nilagyan ng tatay ng palaman ang tinanapay.

________________________________________________________________

-----------------------------------------------------------------------------------------------------------
________________________________________________________________

4. Namili sila ng makukulay na zenelas bago umuwi.

_______________________________________________________________

---------------------------------------------------------------------------------------------------------
_______________________________________________________________

5. Sumakay ang mag-anak sa buss.

_______________________________________________________________

---------------------------------------------------------------------------------------------------------
_______________________________________________________________

Pagsasanay 2: Isulat na muli.

___________________________________________________________________
1. --------------------------------------------------------------------------------------------------------------
____________________________________________________________________
___________________________________________________________________
2. --------------------------------------------------------------------------------------------------------------
____________________________________________________________________
___________________________________________________________________
3. --------------------------------------------------------------------------------------------------------------
____________________________________________________________________
___________________________________________________________________
4. --------------------------------------------------------------------------------------------------------------
____________________________________________________________________
___________________________________________________________________
5. --------------------------------------------------------------------------------------------------------------
____________________________________________________________________