Ang Misa ng Sambayanan sa Paglilibing ng Yumaong Kristyano 1

ANG MISA NG SAMBAYANAN SA

PAGLILIBING NG YUMAONG KRISTYANO
 Ang Misa ng Sambayanan sa Paglilibing ng Yumaong Kristyano 2

Panimula

Namumuno: Tayo ay nagkakatipon upang mag-alay ng panalangin

sa pagdiriwang ng Banal na Eukaristiya para sa
kapayapaan ng kaluluwa ni ______________.
Ang ating punong celebrante ay ang ating minamahal
at iginagalang na kura paroko,
Reb. Padre_______.Magsitayo po ang lahat.

PASIMULA NA MAY PAGTANGGAP AT PAGLALAGAY NG

MGA SAGISAG KRISTYANO.

PARI: SA NGALAN NG AMA, AT NG ANAK,

AT NG ESPIRITU SANTO.
Bayan: Amen.

PARI: NAWA ANG MAHABAGING AMA AT DIYOS NA

PINAGMUMULAN NG TANANG KAALIWAN AY
SUMAINYO.
Bayan: At sumaiyo rin.

PAGWIWISIK NG TUBIG

PARI: SA TUBIG NG BINYAG, SI N. AY NAMATAY

KASAMA NI KRISTO AT KASAMA RIN NIYA AY
 Ang Misa ng Sambayanan sa Paglilibing ng Yumaong Kristyano 3

BUMANGON SA BAGONG BUHAY. MAKAHATI

NAWA SIYA NGAYON KASAMA NI KRISTO SA
KALUWALHATIANG WALANG HANGGAN.

PAGLALAGAY NG PALL O PANTAKIP

SAGISAG NG BINYAG.

PARI: SA BINYAG, ANG ATING KAPATID NA YUMAO AY

SINUUTAN NG DAMIT PAMBINYAG TANDA NG
KANYANG MULING PAGSILANG KAY KRISTO
AT NG DAKILANG KARANGALAN NG MGA ANAK NG
DIYOS. NGAYON NAMAN, ILALAGAY ANG PUTING
PANTAKIP O PALL NA ITO TANDA NG PANANATILI
NG WAGAS NA PAG-IBIG NI KRISTO HANGGANG SA
KABILANG BUHAY. MAGING TANDA RIN NAWA ITO
NG KANYANG MULING PAGSILANG SA BUHAY NA
WALANG HANGGAN.

PAGPASOK SA SIMBAHAN

PAGLALAGAY NG MGA SAGISAG KRISTYANO

PARA SA AKLAT NG MABUTING BALITA

PARI: SA BUHAY NI N. AY NAGBULAY-BULAY SA

EBANGHELYO NI KRISTO.
NGAYON NAWA AY BATIIN SIYA NI KRISTO
 Ang Misa ng Sambayanan sa Paglilibing ng Yumaong Kristyano 4

NG MGA SALITANG NAGBIBIGAY NG BUHAY NA

WALANG-HANGGAN: "HALINA AT PUMASOK,
KAYONG MGA PINAGPALA NG AKING AMA!”

PARA SA KRUSIPIHO

PARI: SA BINYAG SI N. AY TUMANGGAP NG TANDA NG

KRUS. NAWA’Y MAKIBAHAGI SIYA NGAYON SA
TAGUMPAY NI KRISTO LABAN SA KASALANAN AT
KAMATAYAN.

PAMBUNGAD NA PANALANGIN

PARI: MANALANGIN TAYO.

AMA NAMING MAKAPANGYARIHAN,
IKAW AY MAAWAIN AT MAPAGPATAWAD
KAILANMAN. KAMI’Y LUMULUHOG PARA KAY N.
NA IYONG TINAWAG (NGAYON) UPANG IYONG
MAKAPILING. PAKUNDANGAN SA KANYANG PAG-
ASA AT PANANAMPALATAYA, MAIHATID NAWA
SIYA SA KANYANG TALAGANG BAYAN AT
MAGKAMIT NG LIGAYANG MAGPAKAILANMAN. SA
PAMAMAGITAN NI HESUKRISTO KASAMA NG
ESPIRITU SANTO MAGPASAWALANG HANGGAN.

Bayan: Amen.
 Ang Misa ng Sambayanan sa Paglilibing ng Yumaong Kristyano 5

Namumuno: Magsiupo ang lahat para sa pagpapahayag ng Salita

ng Diyos.

UNANG PAGBASA (Job 19,1. 23-27a)

PAGBASA MULA SA AKLAT NI JOB

Ang sagot ni Job: “Sana ang sinabi ko’y maitala’t maisulat at ito
ay magawang isang buong aklat. At sa bato’y maiukit itong mga salita
ko upang sa habang panaho’y mabasa ng mga tao. Alam kong di
natutulog ang aking Tagapagligtas na sa aki’y magtatanggol
pagdating noong wakas. Pagkatapos na maluray itong aking buong
balat, ang Diyos ko’y mamamalas kahit laman ay maagnas. Siya’y
aking mamamasdan, at mukha ang makikita ng sariling mata at di ng
sinumang iba.”

ANG SALITA NG DIYOS

Bayan: Salamat sa Diyos.

SALMONG TUGUNAN (SALMO 142, 1-2, 5-5, 7ab at 8ab. 10)

PANGINOONG AKING MAHAL, PANALANGIN KO’Y PAKINGGAN.

Dinggin mo, O Poon, ang aking dalangin,

tapat ka’t matuwid, kaya ako’y dinggin.
Itong iyong lingkod, h’wag mo nang subukin,
batid mo nang lahat, kami ay salarin. (T)
 Ang Misa ng Sambayanan sa Paglilibing ng Yumaong Kristyano 6

Araw na lumipas, aking nagunita, at naalaala ang iyong ginawa,

sa aking isipa’y gumuhit na bigla!
Ako’y dumalangin na taas ang kamay,
para akong tuyong lupa, ang diwa kong uhaw. (T)

Nawala nang lahat ang aking pag-asa,

kaya naman, Poon, ako’y dinggin mo na!
Ako ay umasa, sa’yo ay nagtiwala,
na kung umaga’y ipagugunita
yaong pag-ibig Mo na lubhang dakila. (T)

Ikaw na aking Diyos,

Ako ay turuan na aking masunod ang ‘yong kalooban;
ang Espiritu mo’y maging aking tanglaw
Sa aking paglalakad sa ligtas na daan. (T)

IKALAWANG PAGBASA (Roma 8,31b-35.37-39 )

PAGBASA MULA SA SULAT NI APOSTOL SAN PABLO

SA MGA TAGA- ROMA

Mga kapatid, kung ang Diyos ay panig sa atin, sino ang laban sa
atin? Hindi niya ipinagkait ang sarili Niyang Anak kundi ibinigay para
sa ating lahat. Kung naipagkaloob Niya sa atin ang kanyang Anak,
hindi ba niya ipinagkakaloob sa atin ang lahat ng bagay, kasama ng
kanyang Anak? Sino ang maghaharap ng sakdal laban sa mga hinirang
ng Diyos, gayong ang Diyos ang nagpawalang-sala sa kanila? Sino nga
ang hahatol ng kaparusahan? Si Kristo Hesus bang nasa kanan ng
Diyos? Siya pa nga ang namatay at muling binuhay, at ngayo’y
 Ang Misa ng Sambayanan sa Paglilibing ng Yumaong Kristyano 7

namamagitan para sa atin. Sino ang makapaghihiwalay sa atin sa

pagmamahal ni Kristo? Ang paghihirap ba, ang kapighatian, ang pag-
uusig, ang gutom, ang kahubaran, ang panganib o ang tabak? Hindi!
Ang lahat ng ito’y kayang kaya nating pagtagumpayan sa
pamamagitan niya na nagmamahal sa atin. Sapagkat natitiyak kong
ang kamatayan, ang buhay, ang mga anghel, ang mga pamunuan,
ang mga bagay sa kasalukuyan, ang mga bagay na darating, ang mga
kapangyarihan, ang kataasan, ang kalaliman, o ang alinmang nilalang
ay hindi makapaghihiwalay sa atin sa pag-ibig ng Diyos- pag-ibig na
ipinadama niya sa atin sa pamamagitan ni Kristo Hesus na ating
Panginoon.

ANG SALITA NG DIYOS

Bayan: Salamat sa Diyos.
Namumuno: Tumayo po ang lahat bilang paggalang sa
Ebanghelyo.

Alleluia.
Mabubuhay kailanman
ang manalig sa hinirang
na Manunubos ng tanan
Alleluia.

MABUTING BALITA (JN. 20: 1-9)

PARI: SUMAINYO ANG PANGINOON.

 Ang Misa ng Sambayanan sa Paglilibing ng Yumaong Kristyano 8

Bayan: At sumaiyo rin.

PARI: ANG MABUTING BALITA NG PANGINOON AYON

KAY SAN JUAN.

Bayan: Papuri sa iyo, Panginoon.

Noong panahong iyon, sinabi ni Hesus sa kanyang mga

alagad, “Huwag kayong mabalisa; Manalig kayo sa Diyos at
manalig din kayo sa Akin. Sa bahay ng Aking Ama ay
maraming silid; kung hindi gayon sinabi ko na sana sa inyo. At
paroroon Ako upang ipaghanda Ko kayo ng matitirhan. Kapag
naroon na Ako at naipaghanda na kayo ng matitirhan, babalik
Ako at isasama kayo sa kinaroroonan Ko. At alam na ninyo
ang daan patungo sa pupuntahan ko. Sinabi sa kanya ni
Tomas, “Panginoon, hindi po namin alam kung saan kayo
pupunta, paano namin malalaman ang daan?” Sumagot si
Hesus, “Ako ang daan, ang katotohanan at ang buhay.
Walang makapupunta sa Ama kundi sa pamamagitan ko.”

PARI: ANG MABUTING BALITA NG PANGINOON.

Bayan: Pinupuri ka namin, Panginoong Hesukristo.

Namumuno: Magsiupo ang lahat at makinig sa homilia.

HOMILIYA (Umupo)
 Ang Misa ng Sambayanan sa Paglilibing ng Yumaong Kristyano 9

PANALANGIN NG BAYAN

PARI: MGA KAPATID, HALINA’T MANALANGIN NANG

BUONG PANANALIG SA DIYOS AMANG
MAKAPANGYARIHAN. BINUHAY NIYANG MULI ANG
ANAK NIYANG SI KRISTO UPANG MAGING
PAGKABUHAY NG LAHAT NG TAO.

AMANG MAKAPANGYARIHAN, KAMI’Y IYONG KAAWAAN.

1. Noong binyagan ang aming kapatid na si N. Sa kanya’y

ipinunla ang binhi ng buhay na walang hanggan. Nawa’y
umani ito ng pagkabuhay sa piling ng mga banal sa
kalangitan. Idalangin natin siya sa Poong Maykapal.

2. Ang lahat ng namatay na umaasang muling mabubuhay ay

malugod nawang tanggapin ng Diyos sa piling nya sa
kalangitan. Idalangin natin sila sa Poong Maykapal.

3. Ang lahat ng ating mga kapatid na naririto, ang mga

nagdadalamhati at nalulumbay, at ang lahat ng sa kanila’y
nakikiramay ay magkasama-sama nawa sa langit na tahanan.
Idalangin natin siya sa Poong Maykapal.
 Ang Misa ng Sambayanan sa Paglilibing ng Yumaong Kristyano 10

4. Nawa’y gantimpalaan ng Panginoon ang ating mga yumaong

kapatid, kamag-anak at pinagkakautangan ng loob. Idalangin
natin sila sa Poong Maykapal.

PARI: AMA NAMING MAPAGKALINGA,

IPAGKALOOB MO SA LAHAT NG NAKIKIPAGKAISA
KAY KRISTO ANG MULING PAGKABUHAY SA PILING
MO, KASAMA NG IYONG ANAK AT NG ESPIRITU
SANTO MAGPASAWALANG HANGGAN.

Bayan: Amen.

Namumuno: Magsiupo ang lahat para sa offertorio.

PAGDIRIWANG NG HULING HAPUNAN

Pagkatapos, sisimulan ang awit ng pag-aalay. Samantalang ito’y ginaganap, ilalagay ng mga tagapaglingkod ang telang
patungan ng Katawan ni Kristo, ang pamahiran, ang kalis at ang Aklat ng Pagmimisa sa ibabaw ng dambana.

Nababagay na ang pakikiisa ng mga nagsisimba ay ipahayag sa pamamagitan ng prusisyon ng pag-aalay ng tinapay at alak at
ng iba pang handog para sa Simbahan at para sa mga dukha.

Ngayon nama’y tatayo ang Pari sa gawing gitna ng dambana, hahawakan niya ang pinggan ng tinapay nang bahagyang
nakaangat sa dambana, habang dinarasal niya nang pabulong:

PARI: kAPURI-PURI KA, DIYOS AMANG LUMIKHA SA

SANLIBUTAN. SA IYONG KAGANDAHANG-LOOB,
NARITO ANG AMING MAIAALAY. MULA SA LUPA
AT BUNGA NG AMING PAGGAWA ANG TINAPAY NA
ITO PARA MAGING PAGKAING NAGBIBIGAY-BUHAY
Ilalapag niya ang pinggan ng tinapay sa telang patungan ng Katawan ni Kristo.
 Ang Misa ng Sambayanan sa Paglilibing ng Yumaong Kristyano 11

Kapag hindi ginaganap ang awit ng pag-aalay, ang mga pangungusap na ito ay madarasal nang malakas ng Pari at sa
katapusan makapagbubunyi ang mga tao:

Bayan: Kapuri-puri ang Poong Maykapal ngayon at kailan man!

Ang diyakono o ang Pari ay magbubuhos ng alak at kaunting tubig sa kalis habang dinarasal nang pabulong:

PARI: SA PAGHAHALONG ITO NG ALAK AT TUBIG KAMI

NAWA’Y MAKASALO SA PAGKA-DIYOS NI KRISTO
NA NAGPAGINDAPAT MAKIHATI SA AMING
PAGKATAO.

Pagbalik sa gawing gitna ng dambana, hahawakan ng Pari ang kalis ng bahagyang nakaangat sa dambana habang dinarasal
niya ng pabulong:

PARI: kAPURI-PURI KA, DIYOS AMANG LUMIKHA

SA SANLIBUTAN. SA IYONG KAGANDAHANG-
LOOB, NARITO ANG AMING MAIAALAY.
MULA SA KATAS NG UBAS AT BUNGA NG
AMING PAGGAWA ANG ALAK NA ITO PARA
MAGING INUMING NAGBIBIGAY NG IYONG
ESPIRITU.
Ilalapag niya ang kalis sa telang patungan ng Katawan ni Kristo.
Kapag hindi ginaganap ang awit ng pag-aalay, ang mga pangungusap na ito ay madarasal nang malakas ng Pari at sa
katapusan makapagbubunyi ang mga tao:

Bayan: Kapuri-puri ang Poong Maykapal ngayon at kailanman!

Pagkatapos, yuyuko ang pari habang dinarasal niya nang pabulong:

 Ang Misa ng Sambayanan sa Paglilibing ng Yumaong Kristyano 12

PARI: DIYOS AMANG LUMIKHA, NAKIKIUSAP

KAMING MGA MAKASALANAN. TANGGAPIN
MO ANG AMING PAGSISISI BILANG
HANDOG
UPANG KAMI’Y MATUTONG SUMUNOD SA IYO
NANG BUONG PUSO.
Kung minamabuting gawin, iinsensuhan ng pari ang mga alay at ang dambana; pagkaraa’y iinsensuhan ng diyakono o ng
tagapaglingkod ang pari at ang mga nagsisimba.

Pagkatapos, ang pari pupunta sa gilid ng dambana, maghuhugas siya ng mga kamay samantalang pabulong niyang dinarasal:

PARI: O DIYOS KONG MINAMAHAL, KASALANAN

KO’Y HUGASAN AT LINISIN MONG LUBUSAN
ANG NAGAWA KONG PAGSUWAY.

Namumuno: Tumayo po ang lahat.

Pagbalik ng pari sa gawing gitna ng dambana, ilalahad niya ang kanyang kamay sa mga tao at muli niyang pagdaraupin
habang kanyang ipinahahayag:

PARI: MANALANGIN KAYO, MGA KAPATID,

UPANG ANG PAGHAHAIN NATIN AY
KALUGDAN NG DIYOS AMANG
MAKAPANGYARIHAN.
Sasagot ang mga tao:

Bayan: Tanggapin nawa ng Panginoon itong paghahain sa iyong

mga kamay sa kapurihan niya at karangalan sa ating
kapakinabangan at sa buong Sambayanan niyang banal.
 Ang Misa ng Sambayanan sa Paglilibing ng Yumaong Kristyano 13

PAGDIRIWANG NG HULING HAPUNAN

PANALANGIN UKOL SA MGA ALAY

PARI:

AMA NAMING LUMIKHA,

SA AMING PAGHAHAIN NGAYON PARA KAY N.
INILULUHOG NAMING KANYA NAWANG MAKAHARAP
SA PAGHUHUKOM ANG IYONG MAAWAING ANAK
NA SIYANG LILITIS NG MAY HABAG
PAKUNDANGAN SA PANANALIG NA MATAPAT
SA KANYANG MAPAGMALASAKIT NA PAGLILIGTAS
BILANG AMING TAGAPAMAGITAN
KASAMA NG ESPIRITU SANTO MAGPASAWALANG
HANGGAN.
Bayan: Amen.
 Ang Misa ng Sambayanan sa Paglilibing ng Yumaong Kristyano 14

PANALANGIN NG PAGPUPURI AT PAGPAPASALAMAT

PREPASYO

PARI: SUMAINYO ANG PANGINOON.

Bayan: At sumaiyo rin.

PARI: ITAAS SA DIYOS ANG INYONG PUSO AT DIWA.

Bayan: Itinaas na namin sa Panginoon.

PARI: PASALAMATAN NATIN ANG PANGINOON ATING

DIYOS.
Bayan: Marapat na siya ay pasalamatan.

AMA NAMING MAKAPANGYARIHAN,

TUNAY NGANG MARAPAT NA IKAW
AY AMING PASALAMATAN SA PAMAMAGITAN NI
HESUKRISTO NA AMING PANGINOON.

SA GABI NG KAMATAYAN
AY PAG-ASANG SUMISILAY
 Ang Misa ng Sambayanan sa Paglilibing ng Yumaong Kristyano 15

ANG MULI NIYANG PAGKABUHAY

NA AMING KINABUKASAN.
LOOB NAMI’Y LUMALAKAS
NGAYONG AMING NATITIYAK
NA KAMATAYA’Y LUMILIPAS,
DI ITO ANG AMING WAKAS.
SA SANDALI NG PAGPANAW
IKAW ANG AMING HANTUNGAN.
KAMING NGAYO’Y NAMAMATAY
SA ‘YO BUKAS MABUBUHAY.
KAYA KAISA NG MGA ANGHEL
NA NAGSISIAWIT NG PAPURI SA IYO
NANG WALANG HUMPAY SA KALANGITAN,
KAMI’Y NAGBUBUNYI SA IYONG KADAKILAAN

SANTO

Namumuno: Lumuhod po ang lahat.

IKALAWANG PANALANGING EUKARISTIKO

Nakalahad ang mga kamay ng pari sa pagdarasal.

PARI:

AMA NAMING BANAL,

IKAW ANG BUKAL NG KABANALAN.
Pagdaraupin ng pari ang kanyang mga kamay at lulukuban ng mga kamay niya ang mga alay habang siya’y nagdarasal.
 Ang Misa ng Sambayanan sa Paglilibing ng Yumaong Kristyano 16

KAYA’T SA PAMAMAGITAN NG IYONG ESPIRITU

GAWIN MONG BANAL ANG MGA KALOOB NA ITO
Pagdaraupin ng pari ang kanyang mga kamay at kukrusan niya ang tinapay at kalis, samantalang kanyang dinarasal:

UPANG PARA SA AMI’Y MAGING KATAWAN AT DUGO

NG AMING PANGINOONG HESUKRISTO.
Pagdaraupin niya ang kanyang mga kamay.

Ang mga salita ng Panginoon sa mga sumusunod na pangungusap ay ipahahayag ng malinaw at nauunawaan ng tanan ayon sa
hinihingi ng kahulugan ng mga ito.

BAGO NIYA PINAGTIISANG KUSANG LOOB

NA MAGING HANDOG
Hahawakan ng Pari ang tinapay nang bahagyang nakataas sa ibabaw ng dambana habang kanyang patuloy na inihahayag:

hINAWAKAN NIYA ANG TINAPAY,

PINASALAMATAN KA NIYA,
PINAGHATI-HATI NIYA IYON,
INIABOT SA KANYANG MGA ALAGAD
AT SINABI:
Bahagyang yuyuko ang pari..

TANGGAPIN NINYONG LAHAT ITO AT KANIN:

ITO ANG AKING KATAWAN,
NA IHAHANDOG PARA SA INYO.
Ipamamalas niya ang ostiyang itinalagang maging Katawan ni Kristo, ipapatong niya ito sa pinggan, at luluhod siya bilang
pagsamba.

Ang pari ay magpapatuloy.

 Ang Misa ng Sambayanan sa Paglilibing ng Yumaong Kristyano 17

GAYUN DIN NAMAN,

NOONG MATAPOS ANG HAPUNAN,
Hahawakan ng pari ang kalis nang bahagyang nakataas sa ibabaw ng dambana habang kanyang patuloy na inihahayag:

HINAWAKAN NIYA ANG KALIS,

MULI KA NIYANG PINASALAMATAN,
INIABOT NIYA ANG KALIS SA KANYANG MGA ALAGAD
AT SINABI:

Bahagyang yuyuko ang pari.

TANGGAPIN NINYONG LAHAT ITO AT INUMIN:

ITO ANG KALIS NG AKING DUGO
NG BAGO AT WALANG HANGGANG TIPAN,
ANG AKING DUGO NA IBUBUHOS
PARA SA INYO AT PARA SA LAHAT
SA IKAPAGPAPATAWAD NG MGA KASALANAN.
GAWIN NINYO ITO SA PAG-ALALA SA AKIN.
Ipamamalas niya ang kalis, ipapatong niya ito sa telang patungan ng Katawan ni Kristo, at luluhod siya bilang pagsamba.

AKLAMASYON
Pagkatapos, ipahahayag ng pari:

PARI:
 Ang Misa ng Sambayanan sa Paglilibing ng Yumaong Kristyano 18

IPAGBUNYI NATIN ANG MISTERYO NG

PANANAMPALATAYA.

Bayan:
Sa krus mo at pagkabuhay kami’y natubos mong tunay,
Poong Hesus naming mahal, iligtas mo kaming tanan
ngayon at magpakaIlan man.

Ilalahad ng pari ang kanyang mga kamay samantalang siya ay nagdarasal:

AMA,
GINAGAWA NAMIN NGAYON ANG PAG-ALALA
SA PAGKAMATAY AT MULING PAGKABUHAY
NG IYONG ANAK KAYA’T INIAALAY NAMIN SA IYO
ANG TINAPAY NA NAGBIBIGAY BUHAY
AT ANG KALIS NA NAGKAKALOOB NG KALIGTASAN.
KAMI’Y NAGPAPASALAMAT DAHIL KAMI’Y IYONG
MINARAPAT NA TUMAYO SA HARAP MO
PARA MAGLINGKOD SA IYO.

ISINASAMO NAMING KAMING MAGSASALU-SALO

SA KATAWAN AT DUGO NI KRISTO
AY MABUKLOD SA PAGKAKAISA
SA PAMAMAGITAN NG ESPIRITU SANTO.
 Ang Misa ng Sambayanan sa Paglilibing ng Yumaong Kristyano 19

AMA,
LINGAPIN MO ANG IYONG SIMBAHANG
LAGANAP SA BUONG DAIGDIG.
PUSPUSIN MO KAMI SA PAG-IBIG
KAISA NI FRANCISCO NA AMING SANTO PAPA
NI ROLANDO NA AMING ARSOBISPO
AT NG LAHAT NG MGA OBISPO
AT NG TANANG KAPARIAN.

 ALALAHANIN MO SI N.,
NA TINAWAG MO MULA SA DAIGDIG NA ITO.
NOONG SIYA’Y BINYAGAN,
SIYA’Y NAKAISA NI KRISTO SA PAGKAMATAY.
NGAYONG SIYA’Y PUMANAW,
NAWA’Y MAKAISA SIYA NI KRISTO SA PAGKABUHAY.

ALALAHANIN MO RIN ANG MGA KAPATID NAMING

NAHIMLAY NANG MAY PAG-ASANG MULING
MABUBUHAY GAYUNDIN LAHAT NG MGA PUMANAW.
KAAWAAN MO SILA AT PATULUYIN SA IYONG
KALIWANAGAN.
KAAWAAN MO AT PAGINDAPATIN KAMING LAHAT
NA MAKASALO SA IYONG BUHAY NA WALANG WAKAS.

KAISA NG MAHAL NA BIRHENG MARIA

NA INA NG DIYOS
 Ang Misa ng Sambayanan sa Paglilibing ng Yumaong Kristyano 20

NUESTRA SEÑORA DE PEÑAFRANCIA,

NI SAN JOSE ANG KANYANG KALINIS-LINISANG ESPOSO
KAISA NG MGA APOSTOL,
AT NG LAHAT NG MGA BANAL
NA NAMUHAY DITO SA DAIGDIG
NG KALUGUD-LUGOD SA IYO,
MAIPAGDIWANG NAWA NAMIN ANG PAGPUPURI SA
IKARARANGAL MO.
Pagdaraupin ng pari ang kanyang mga kamay.

SA PAMAMAGITAN NG IYONG ANAK

NA AMING PANGINOONG HESUKRISTO.
Hahawakan ng paro ang pinggang may ostiya at ang kalis na kapwa niya itataas habang kanyang ipinahahayag:

SA PAMAMAGITAN NI KRISTO,
KASAMA NIYA, AT SA KANYA
ANG LAHAT NG PARANGAL AT PAPURI AY SA IYO,
DIYOS AMANG MAKAPANGYARIHAN,
KASAMA NG ESPIRITU SANTO
MAGPASAWALANG HANGGAN.

Bayan: Amen.

Namumuno: Tumayo po ang lahat.

 Ang Misa ng Sambayanan sa Paglilibing ng Yumaong Kristyano 21

ANG PAKIKINABANG
Pagkalapag ng kalis at pinggan sa dambana, ipahahayag ng PariO nang may magkadaop na mga kamay:

PARI: SA TAGUBILIN NG MGA NAKAGAGALING

NA UTOS AT TURO NI HESUS NA PANGINOON
NATIN AT DIYOS IPAHAYAG NATIN NANG
LAKAS-LOOB:
O kaya

NATUKDOAN KAN MANGA NAKAKALIGTAS NA

TUGON, ASIN PINATUOD KAN DIOSNON NA
KAUGALIAN, NANGANGAHAS KITANG MAGSABI:
Ilalahad ng pari ang kanyang mga kamay at ipahahayag niya kaisa ng lahat:

Lahat: AMA NIAMO, NA YAON SA LANGIT: PABANALON

AN NGARAN MO; MAGDATONG AN KAHADEAN MO;
MANGYARI AN BOOT MO SA DAGA NIN SIRING SA
LANGIT. AN SAMONG KAKANON SA ARO-ALDAW
ITAO MO SAMUYA NGUNYAN, ASIN PATAWADON
MO KAMI SA SAMONG MANGA KASALAN, SIRING
NA PINAPATAWAD NIAMO AN MANGA
NAGKAKASALA SAMUYA; ASIN HARE KAMI
 Ang Misa ng Sambayanan sa Paglilibing ng Yumaong Kristyano 22

PAGDARAHA SA SUGOT; KUNDI AGAWA KAMI SA

MARAOT.

Nakalahad ang mga kamay ng pari sa pagdarasal:

HINIHILING NAMING
KAMI’Y IADYA SA LAHAT NG MASAMA,
PAGKALOOBAN NG KAPAYAPAAN
ARAW-ARAW, ILIGTAS SA KASALANAN
AT ILAYO SA LAHAT NG KAPAHAMAKAN
SAMANTALANG AMING PINANANABIKAN
ANG DAKILANG ARAW NG PAGPAPAHAYAG
NG TAGAPAGLIGTAS NAMING SI HESUKRISTO.
O kaya:

AGAWA KAMI SA GABOS NA MARAOT,

NAMIMIBI KAMI KAGURANGNAN;
WARASAN SA MANGA ALDAW NIAMO AN
KATONINONGAN, TANGANING KAMING
NATABANGAN KAN SAIMONG PAGKAHERAK MAGIN
DANAY NA TALINGKAS SA KASALAN ASIN MAN
LIGTAS SA GABOS NA KAPURISAWAN; MANTANG
KAMI NAGHAHALAT KAN MAOGMANG PAGLAOM
ASIN PAGDATONG KAN SAMONG PARALIGTAS NA SI
JESUCRISTO.
Pagdaraupin niya ang kanyang mga kamay. Wawakasan ng sambayanan ang panalangin sa ganitong pagbubunyi:
 Ang Misa ng Sambayanan sa Paglilibing ng Yumaong Kristyano 23

DOXOLOHIA

Lahat: SAPAGKA'T IYO ANG KAHARIAN

AT ANG KAPANGYARIHAN
AT ANG KAPURIHANMAGPAKAILANMAN!
O kaya:

HULI TA SAIMO AN KAHADEAN, ASIN AN

KAPANGYARIHAN, SIRING MAN AN
KAMURAWAYAN SA MANGA KAPANAHONAN.

TANDA NG KAPAYAPAAN
Pagkatapos, malakas na darasalin ng Paring nakalahad ang mga kamay:

PANGINOONG HESUKRISTO,
SINABI MO SA IYONG MGA APOSTOL:
“KAPAYAPAAN ANG INIIWAN KO SA INYO.
ANG AKING KAPAYAPAAN ANG
IBINIBIGAY KO SA INYO.”
TUNGHAYAN MO ANG AMING
PANANAMPALATAYA AT HUWAG
ANG AMING PAGKAKASALA.
 Ang Misa ng Sambayanan sa Paglilibing ng Yumaong Kristyano 24

PAGKALOOBAN MO KAMI NG
KAPAYAPAAN AT PAGKAKAISA
AYON SA IYONG KALOOBAN
Pagdaraupin ng pari ang kanyang mga kamay.

KASAMA NG ESPIRITU SANTO

MAGPASAWALANG HANGGAN.
Sasagot ang mga tao:

Bayan: Amen.
Ang Pari’’y paharap sa sambayanang maglalahad at magdaraop ng mga kamay sa pagpapahayag.

PARI: ANG KAPAYAPAAN NG PANGINOON

AY LAGING SUMAINYO.
Sasagot ang mga tao:

Bayan: At sumaiyo rin.

Maidaragdag, kung minamabuti, ang paanyayang ipahahayag ng diyakono o Pari:

MAGBIGAYAN KAYO NG KAPAYAPAAN

SA ISA’T-ISA.
At, alinsunod sa kaugalian ng iba’t ibang pook, ang mga nagsisimba ay magbibigayan ng kapayapaan. Ang Pari at mga
tagapaglingkod ay makapagbibigayan ng kapayapaan.
Pagkatapos, hahawakan ng Pari ang ostiya at hahati-hatiin niya ito sa ibabaw ng pinggan at isasawak niya ang kaputol sa kalis
habang pabulong niyang dinarasal:

SA PAGSASAWAK NA ITONG KATAWAN SA

DUGO NG AMING PANGINOONG HESUKRISTO
TANGGAPIN NAWA NAMIN SA PAKIKINABANG
ANG BUHAY NA WALANG HANGGAN.
 Ang Misa ng Sambayanan sa Paglilibing ng Yumaong Kristyano 25

PAGHAHATI NG OSTIYA
KORDERO NG DIYOS
Hahatiin ang Ostia, ihuhulog sa kali sang maliit na bahagi, at wiwikain ng mahina:

PARI: ANG MAGKASAMANG KATAWAN AT DUGO

NG AMING PANGINOONG HESUKRISTO
AY MAGDULOT NAWA SA AMIN
NG BUHAY NA WALANG HANGGAN.

PANSARILING PAGHAHANDA NG PARI

Ito ay mauulit-ulit habang ginaganap ang paghahati-hati sa tinapay. Sa huling pag-uulit saka pa lamang idurugtong ang
”ipagkaloob mo sa amin ang kapayapaan.”
Magkadaop ang mga kamay ng pari sa pabulong na pagdarasal:

PARI: ANG PAGTANGGAP NG IYONG KATAWAN

AT DUGO, O PANGINOONG HESUKRISTO,
AY HUWAG MAGDULOT SA AKIN NG
KAPARUSAHAN, AT SA HALIP
ALANG-ALANG SA IYONG AWA
AY PAKINABANGAN SANA NG
AKING KALULUWA AT KATAWAN.
Luluhod ang pari at pagtayo niya’y kanyang hahawakan ang ostiya na itataas sa ibabaw ng pinggan. Paharap sa mga tao
siyang magsasabi nang malakas:

KOMUNION

PARI: ITO ANG KORDERO NG DIYOS.

 Ang Misa ng Sambayanan sa Paglilibing ng Yumaong Kristyano 26

ITO ANG NAG-AALIS

NG KASALANAN NG SANLIBUTAN.
MAPALAD ANG MGA INAANYAYAHAN
SA KANYANG PIGING.
Idurugtong niyang minsanan kaisa ng sambayanan:

Lahat: PANGINOON, HINDI AKO KARAPAT-DAPAT

NA MAGPATULOY SA IYO NGUNI'T SA ISANG
SALITA MO LAMANG AY GAGALING NA AKO.
Siya’y makikinabang nang magalang at nakayuko sa dambana habang pabulong na nagdarasal:

PARI: IPAGSANGGALANG NAWA AKO

NG KATAWAN NI KRISTO
PARA SA BUHAY NA WALANG HANGGAN.
Mapitagan niyang tatanggapin ang Katawan ni Kristo.

Pagkatapos, hahawakan ng pari ang kalis at pabulong na magdarasal:

PARI: IPAGSANGGALANG NAWA AKO

NG DUGO NI KRISTO
PARA SA BUHAY NA WALANG HANGGAN.
Mapitagan niyang tatanggapin ang Dugo ni Kristo.

Hahawakan niya ang pinggan o lalagyan ng ostiya at lalapitan niya ang mga nakikinabang, bahagyang itataas ang ostiya para
sa bawa't nakikinabang habang sinasbi:

KATAWAN NI CRISTO.
Ang nakikinabang ay tutugon:

Amen.
 Ang Misa ng Sambayanan sa Paglilibing ng Yumaong Kristyano 27

AWITING PANGKOMUNION
Samantalang nakikinabang ang Pari, sisimulan ang awit sa pakikinabang.Pagkapakinabang, ang mga mumo ng ostiya na nasa
pinggan ay titipunin sa kalis na huhugasan ng pari o diyakono o tagapaglingkod. Habang ito ay ginaganap ng pari, pabulong
siyang magdarasal:

AMA NAMING MAPAGMAHAL,

ANG AMING TINANGGAP NGAYON
AY AMIN NAWANG MAPAKINABANGAN
AT ANG IYONG IPINAGKALOOB AY MAGDULOT
NAWA SA AMIN NG KAGALINGANG
PANGMAGPAKAYLANMAN.

MGA SANDALI NG PANANAHIMIK

Makababalik ngayon sa upuan ang pari. Makapag-uukol ng ilang saglit na katahimikan o makaaawit ng papuri o salmo.

Pagkaraan, ang pari ay titindig sa harap ng upuan o sa gawi ng dambana at paharap sa mga nagsisimbang magpapahayag:
 Ang Misa ng Sambayanan sa Paglilibing ng Yumaong Kristyano 28

PANALANGING PAGKAPAKINABANG
Pagkaraan, ang pari ay titindig sa harap ng upuan o sa gawi ng dambana at paharap sa mga nagsisimbang magpapahayag:

PARI: MANALANGIN TAYO.

Ang lahat kaisa ng pari ay tahimik na mananalangin nang saglit.

AMA NAMING MAPAGMAHAL,

INILAGAK NG IYONG ANAK SA AMIN
ANG PABAONG PAGSASALO SA BANAL NA PIGING.
IPAGKALOOB MONG SI N. AY MAKAPAKINABANG
SA HAPAG NI KRISTO SA KABILANG BUHAY SA
PAMAMAGITAN NA RIN NG ANAK MONG MAHAL
KASAMA NG ESPIRITU SANTO MAGPASAWALANG
HANGGAN.
Sa katapusan, ang sambayanan ay tutugon.

Bayan: Amen.
 Ang Misa ng Sambayanan sa Paglilibing ng Yumaong Kristyano 29

HULING PAGHAHABILIN AT PAMAMAALAM

Ang pari ay tatayo sa tabi ng kabaong.

PARI: MGA KAPATID,

BAGO NATIN IHATID SA HULING HANTUNGAN SI N.
PAG-UKULAN NATIN SIYA NG HULING
PAMAMAALAM.
IPAHAYAG NATIN ANG ATING PAGMAMAHAL
SA KANYA, TANGGAPIN NATIN NANG MALUWAG
SA KALOOBAN ANG KANYANG PAGPANAW,
AT UMASA TAYONG MAGKIKITA-KITA MULI
SA PILING NI HESUS; DOON AY WALA NANG DUSA,
KALUNGKUTAN AT KAMATAYAN KUNDI ANG
MAMAMAYANI AY LUBOS NA LIGAYA AT BUHAY
NA WALANG HANGGAN.
Ngayon ay wiwisikan at iinsensuhan ang kabaong.

PARI: MGA ANGHEL, MGA BANAL,

MGA TANANG NASA KALANGITAN,
HALIKAYO AT SAMAHAN.

Bayan: Ang giliw naming pumanaw sa piling ng Poong Mahal.

 Ang Misa ng Sambayanan sa Paglilibing ng Yumaong Kristyano 30

PARI: SI KRISTO ANG MAG-AAKAY SA KANDUNGAN NI

ABRAHAM UPANG DOON AY HUMIMLAY.

Bayan: Ang giliw naming pumanaw sa piling ng Poong Mahal.

PARI: SA ILAW NA WALANG HANGGAN, KAPAYAPAAN

KAILANMA’Y PAGKAMITIN NG MAYKAPAL.

Bayan: Ang giliw naming pumanaw sa piling ng Poong Mahal.

PARI: AMA NAMING MAPAGMAHAL,

INIHAHABILIN NAMIN SA IYO SI N.
NA PUMANAW SA BUHAY NA ITO.
HUWAG MO SIYANG PABABAYAAN AT
PAMALAGIIN MO SIYANG BUHAY SA IYONG PILING.
ALANG-ALANG SA IYONG AWA AT PAG-IBIG,
PATAWARIN MO NA SANA ANG KANYANG
PAGKUKULANG AT NAGAWANG PAGKAKASALA
DALA NG KANYANG KAHINAAN.
MANATILI NAWA SIYANG MALIGAYA
SA IYONG PILING KASAMA NG IYONG ANAK AT NG
ESPIRITU SANTO MAGPASAWALANG HANGGAN.

Bayan: Amen.
 Ang Misa ng Sambayanan sa Paglilibing ng Yumaong Kristyano 31

PARI: PAALAM SA IYO, KAPATID NA PUMANAW

MAPASAPILING KA NAWA NG POONG MAYKAPAL.
ANG PAGPAPALA NG DIYOS AY BAUNIN MO:
SA NGALAN NG AMA, AT NG ANAK,  AT NG
ESPIRITU SANTO.

Bayan: Amen.

PARI: SA PARAISO MAGKIKITANG MULI TAYO.

SAMAHAN KA NG MGA SANTO. KAHIT NA MAY
NAUUNA, TAYO RIN AY MAGSASAMA, UPANG LAGI
TAYONG LUMIGAYA SA PILING NG DIYOS AMA.

Bayan: Amen.

PARI: SUMAINYO ANG PANGINOON.

Bayan: At sumaiyo rin.

PARI: PAGPALAIN KAYO NG MAKAPANGYARIHANG

DIYOS, AMA,  AT NG ANAK, AT NG ESPIRITU
SANTO.
 Ang Misa ng Sambayanan sa Paglilibing ng Yumaong Kristyano 32

Bayan: Amen.

PARI: HUMAYO KAYONG MAPAYAPA UPANG ANG

PANGINOON AY MAHALIN AT PAGLINGKURAN.

Bayan: Salamat sa Diyos.