Slide 1

PAGTAN-AW SA KATAWHAN PINAAGI SA MGA MATA NI JESUS

Leksyon 3 alang sa Hulyo 18, 2020

Slide 2

Giunsa pagtan-aw ni Jesus ang katawhan?

Siya nagtan-aw sa katawhan nga may simpatiya. Siya nagaisip sa matag taw nga usa ka kinabuhi nga
luwason. Siya nagtan-aw unsay ilang dangatan kon ilang dawaton ang kaluwasan.

Ang matag tawo may balor ug talagsaon alang kang Jesus. Busa, Siya nagtratar sa matag usa diha sa usa
ka pinasahi nga paagi, ug wala nagbiaybiay ni bisan kinsa.

Tun-an nato sa pagtratar ang uban sigon sa gibuhat ni Jesus.

Pagpangulo sa uban

Pagdawat ni bisan kinsa

Paghimog mga higala

Pagtagad sa uban diha sa usa ka pinasahi nga paagi

Pagpahimulos sa matag kahigayonan

Slide 3
PAGPANGULO SA UBAN

“Ug miadto siya sa Betsaida; ug gidad-an nila siya ug usa ka buta, ug nagpakilooy nga iya siyang hikapon.”
(Marcos 8:22)

Kini usa ka pinasahi nga milagro diha sa daghang mga paagi.

1. Pipila sa mga higala nagdalag buta nga tawo ug nangalyupo kang Jesus sa pag-ayo kaniya
 2. Si Jesus nagkuha kaniya

3. Human sa unang paghikap, si Jesus nangutana kaniya kon may nakita na ba siya

4. Ang buta nga tawo nakakitag mga tawo samag mga kahoy

5. Ang ikaduhang paghikap nag-ayo sa tawong buta sa hingpit

Ang buta nga tawo wala nagtuo kang Jesus, apan ang iyang mga higala nagtuo.

Si Jesus naggamit og duha ka mga paghikap sa pag-ayo kaniya.

Daghang katawhan dili gayud makaduol kang Jesus gawas kon may tawo nga may pagtoo magadala
kanila ngadto Kaniya. Mao kini ang atong misyon.

Usahay kita manginahanglan og “ikaduha nga paghikap” gikan kang Jesus sa pagtan-aw sa espiritohanong
kamatuoran sa tin-aw.

Slide 4
PAGDAWAT NI BISAN KINSA

“Ug niadto kinahanglan gayud siya mahiagi sa Samaria.” (Juan 4:4)

Galilea

Samaria

Judea

Ang relasyon tali sa mga Judio ug mga Samarianhon hilabihan ka hugot. Ang mga Judio moagi sa
simanganan gikan sa Judea ngadto sa Galilea, sa dili pag-agi tadlas sa yuta sa Samarianhon.

Pero, si Jesus nakakita lapas pa sa rasa, kultura, kinatawo ug relihiyon. Siya nahibalo nga may mga tawo
didto sa Samaria nga nanginahanglan og kaluwasan, nan ang Iyang misyon mao ang pagdala niini ngadto
kanila.
Sa dihang tan-awon nato ang uban sa simpatiya sa Dios, ang matag babag malumpag. Unya wala na
unyay panagbulag, kay gitan-aw nato sila ingon nga umalabot nga mga pumuluyo sa Gingharian sa Langit.

Mahimong dili kita magpahat ni magdawat sa ilang politikanhon o relihiyosong mga ilinghuna, apan kita
kanunay magahigugma kanila ug naninunga alang sa ilang kaayohan.

Slide 5
PAGHIMOG MGA HIGALA

“lya una nga gipangita ang iyang igsoon nga si Simon, ug miingon kaniya: Hingkaplagan namo ang Mesias
(nga kong hubaron, si Cristo).).” (Juan 1:41)

Sa dihang si Jesus nanamilit sa Iyang mga tinun-an, Siya nagsugo kanila sa pagwali sa maayong balita
diha sa nagauswag nga mga dapit: “sa Jerusalem, ug diha sa tibuok Judea ug Samaria, ug ngadto sa
tumoy sa yuta.” (Buhat 1:8).

Ang apostol Andres nagpahamtag og panig-ingnan niini nga metodo. Una, giasoyan niya ang iyang igsuon
mahitungod kang Jesus [Judea].

Wala magdugay, nahigala niya ang usa ka batan-an [Samaria] ug si Jesus naghimog usa ka dakung
milagro pinaagi kaniya (Juan 6:5-11).

Sa kataposan siya nagpaambit sa Maayong Balita sa mga estranghero [ngadto sa tumoy sa yuta], sama
mga Greigong katawhan nga nangita kang Jesus (Juan 12:20-26).

Makakat-on kita og usa ka epektibog metodo sa pagdalag mga kalag ngadto kang Jesus gikan sa
sumbanan ni Andres: pagtukod og mga mahigugmaong relasyon sa uban.

Slide 6
PAGTAGAD SA UBAN DIHA SA USA KA PINASAHI NGA PAAGI

“Ug sa pagkakita ni Jesus nga mitubag siya nga maalamon, siya miingon kaniya: Dili ikaw halayo sa
gingharian sa Dios. Ug sukad niadto wala nay bisan kinsa nga nangahas sa pagpangutana kaniya.”
(Marcos 12:34)

 Giunsa pagdala ni Jesus ang mga ngil-ad og kinaiya nga katawhan?

Siya namati kanila nga maampingon.

 Siya nangutana kanila.

Siya nagpadayag sa kamatuoran sa hinayhinay.

Siya nag-ila sa ilang tinguha sa ilang mga kasingkasing.

Siya nakakita og kahimoan diha sa labing ngil-ad nga katawhan.

Siya wala mag-isip ni bisan kinsa nga dili maabot sa Maayong Balita.

Siya nakakita og usa ka repleksiyon sa himaya sa Paglalang diha sa matag usa.

Siya nagpataas sa ilang mga hunahuna aron sila makasusi unsay ilang dangatan.

Ang patan-aw sa uban pinaagi sa mga mata ni Jesus nangahulogan og pagtan-aw sa matag usa ingon nga
usa ka kandidato alang sa Gingharia sa Langit, ug pagtagad kanila sa ingon. Aron mamahimong
malampuson nga mga saksi, kinahanglan kita mangayo sa Balaang Espiritu alang niini nga matang sa
panan-aw.

Slide 7
PAGPAHIMULOS SA MATAG KAHIGAYONAN

“Naila ko ang imong mga buhat (ania karon, gibutang ko sa imong atubangan ang usa ka pultahan nga
naablihan, nga dili arang masirahan ni bisan kinsa).” (Pinadayag 3:8)

Ang Dios nagaabli og mga pultahan sa paghatag kanato sinangkap nga kahigayonan sa pagpahat sa
Maayong Balita.

Tan-awa ang panag-ingnan ni Felipe. Ang Dios nagdala kaniya ngadto sa usa ka piho nga dapit aron iyang
mahimamat ang usa ka tawo nga nagabasa og usa ka piho nga teksto sa Kasulatan. Kadto nga tawo
nanginahanglan lang og usa ka duso sa pagtugyan sa iyang kasingkasing ngadto sa atong Manluluwas
(Buhat 8:26-39).

Adunay mga dili makita nga manulonda matinguhaon sa pagpangulo kanato agi niadtong mga “abling
pultahan.” Hangyoa ang Dios sa paghatag kanimog kaalam sa pag-ila niadtong mga sinangkap nga
kahigayonan, ug sa paghatag kanimo sa nagakaigo nga mga pulong nianang mga gutloa.
Slide 8
“Si Jesus mianhi aron maduol sa katawhan. Wala siya nagpalayo ug naglikaylikay gikan niadtong mga
nanginahanglan sa Iyang tabang. Siya misulod sa mga puloy-anan sa katawhan, naghupay sa mga
nanagbangotan, nag-ayo sa mga may sakit, nagpukaw sa mga dasngag, ug nagsuroysuroy sa paghimog
kaayohan. Ug kon kita magasunod sa mga tunob ni Jesus, kinahanglan himoon nato sigon sa Iyang
gibuhat. Kinahanglan kita maghatag sa katawhan sa susama nga matang sa tabang nga Iyang gibuhat.”

E.G.W. (Our Father Cares, February 17)