Тестирање за коронавирус (КОВИД-19)

(Coronavirus (COVID-19))

Ако имате прашања за коронавирусот (КОВИД-19) (coronavirus (COVID-19)), јавете се на 24-часовната

дежурна линија за коронавирус (coronavirus) на телефон 1800 675 398.
За да дознаете каде може да имате тест за коронавирус (coronavirus), може да се јавите на 24-часовната
дежурна линија за коронавирус (coronavirus) на телефон 1800 675 398 или да видите на интернет
страницата https://www.dhhs.vic.gov.au/getting-tested-coronavirus-covid-19.
Ако ви треба преведувач, јавете се на 131 450 и побарајте да ве поврзат со дежурната линија за
коронавирус (coronavirus) или да видат на интернет страницата наместо вас.
Повеќе преведени материјали може да најдете на https://www.coronavirus.vic.gov.au/translations.

Тестирањето за коронавирус (coronavirus) е бесплатно за сите во

Викторија, вклучувајќи ги странските студенти, барателите на азил и
посетителите од странство
Тестирањето за коронавирус (coronavirus) е бесплатно за сите. Тоа се однесува и на луѓето без Medicare
карта, како што се посетителите од странство, странските студенти, работниците-мигранти и барателите на
азил.
Ако имате симптоми, бесплатно тестирање може да имате на која и да е од следните локации:
• Викториска болница со клиника за процена на акутна состојба на органите за дишење поради
коронавирус (coronavirus) (Acute Respiratory Assessment Clinic)
• Комунален здравствен центар со клиника за органи за дишење (Community Health Centre Respiratory
Assessment Clinic)
• Во “drive-through” клиника во трговски центар (тестираните лица не излегуваат од кола)
• Регионален “walk-through” здравствен центар (тестирање без претходно закажување).

Кој треба да има тест за коронавирус (coronavirus)?

Вие треба да имате тест за коронавирус (coronavirus) ако имате кој и да е од следните симптоми:
• Зголемена температура
• Се тресете од студ
• Кашлица
• Болки во грлото
• Отежнато дишење
• Ви „тече“ носот
• Губење на осетот за мирис
Треба да направите тест дури и ако симптомите се слаби.

Coronavirus (COVID-19) testing - Macedonian

Што се случува за време на тестирањето?
Кога ќе ве тестираат, од вас ќе биде побарано да покажете некој документ за идентификација и да дадете
свои податоци за контакт. Ако немате Medicare карта, ве молиме донесете некој документ за
идентификација, на пример вашата возачка дозвола, пасош, карта за попуст во јавниот превоз или
студентска легитимација. Клиниката за тестирање не треба да го знае вашиот визен статус.
Тестот за коронавирус (coronavirus) го прави медицинска сестра, доктор или друго медицинско лице. Тој или
таа ќе земе брис од задниот дел од вашето грло и од носот. Тестот трае околу една минута.

Дали треба да се самоизолирам по тестот за коронавирус (coronavirus)?

Ако имате симптоми, доктор или медицинско лице ќе ви рече дека треба да се самоизолирате додека не ги
добиете резултатот од тестот. Тоа значи дека треба да одите дома веднаш по тестирањето и да останете
дома додека не ги добиете резултатите од тестот.
Вашиот доктор или клиниката каде ви е направен тестот ќе ви се јават за да ви кажат дали вашиот тест за
коронавирус (coronavirus)от е позитивен или негативен.

Колку долго се чекаат резултатите?

Резултатите обично се добиваат еден до три дена по тестирањето. Ако биле тестирани многу луѓе, на
вашите резултати може да се чека до пет дена.
Ако имате прашања за вашите резултати, јавете се на клиниката или болницата каде ви е направен тестот.
Ако сте имале тест во “drive-through” клиника во трговски центар и резултатите од тестирањето сте ги
чекале повеќе од пет дена, ве молиме јавете се на 24-часовната дежурна линија за коронавирус
(coronavirus) на телефон 1800 675 398. Нашиот тим ќе ви помогне да ги добиете резултатите. „Drive-through“
клиниките во трговските центри не можат да ви помогнат да ги добиете резултатите од тестирањето, па
затоа ве молиме да не им се јавувате за вашите резултати.
Резултатот на вашето тестирање ќе ви биде кажан дури и ако резултатот е негативен. Ако резултатот на
тестирањето е позитивен, некој од Department of Health and Human Services ќе ви се јави за да ви побара
повеќе информации и ќе ви рече што да правите.

За да ја добиете оваа публикација во достапен формат пратете имејл на

Emergency Management Communications <em.comms@dhhs.vic.gov.au>.
Authorised and published by the Victorian Government, 1 Treasury Place, Melbourne.
© State of Victoria, Australia, Department of Health and Human Services May 2020.
ISBN/ISSN 978-1-76069-423-4 (online/print)
Available at Translated resources - coronavirus disease (COVID-19) <https://www.dhhs.vic.gov.au/translated-
resources-coronavirus-disease-covid-19>

Coronavirus (COVID-19) testing - Macedonian 2