PANIMULA

Namumuno Ngayon ang araw na kung saan ating pinatutuloy

ang Diyos sa ating puso at sa ating mga tahanan,
upang siya’y ating patuloy na alalahanin tulad ng
pag-alaala natin sa ating pagsilang. Ang Mahal na
Birheng Maria tulad din natin ay ipinanganak ng
kanyang mga magulang na sina San Joaquin at
Santa Ana mula sa lipi ni haring David, at siya
namang nagdala kay Kristo sa kanyang
sinapupunan na ating manunubos upang sa
pagsisimula sa kanya ay maganap ang katubusan
ng sanlibutan. Kung kaya, tayo’y magsaya
sapagkat tayo ay nananahan ding kasama ang
ating Mahal na Ina.

Tatayo ang lahat sa pagsisimula ng Banal na Misa.

PAMBUNGAD NA PANALANGIN
Pari O Panginoon, ipagkaloob mo sa iyong mga anak
ang biyaya mong makalangit. Ang Mahal na
1
 Birhen Maria ay nagsilang sa iyong Anak, na
nagdulot sa amin ng kaligtasan. Sa kanyang
kapistahan, matamo sana namin ang
kapayapaan. Alang-alang sa Anak mo, si
Hesukristong Panginoon namin, nabubuhay at
naghaharing kasama mo at ng Espiritu Santo
magpakailanman. Amen.

Uupo ang lahat upang pakinggan ang mga pagbasa.

UNANG PAGBASA | Mikas 5:1-4 |

Isinasaad sa akalt na ito ni propeta Mikas ang propesiya ng

Diyos na may isang babaeng magdadala sa kanyang bugtong
na anak. At ito ay naganap sa pamamagitan ng Mahal na
Birheng Maria. Siya ang tinutukoy sa aklat na ito na magiging
daan upang ang kaligtasan sa kasalanan ng tao sa
pamamagitan ni Kristo ay mangyari.

Tagabasa Pagbasa mula sa aklat ni propeta Mikas.

Mga taga-Jerusalem, tipunin ninyo ang inyong mga hukbo

sapagkat kinukubkob na tayo ng mga kaaway. Sinasalakay na
nila ang pinuno ng Israel! Sinabi ni Yahweh, “Ngunit ikaw,
Bethlehem Efrata, bagama't pinakamaliit ka sa mga angkan ng
Juda ay magmumula sa iyong angkan ang isang mamumuno sa
Israel. Ang kanyang pinagmulan ay buhat pa noong una, noong
unang panahon pa.” Kaya nga, ang bayan ni Yahweh ay ibibigay
niya sa kamay ng mga kaaway hanggang sa isilang ng babae
ang sanggol na mamumuno. Pagkatapos, ang mga Israelitang
binihag ng ibang bansa ay kanyang ibabalik sa kanilang mga
kababayan. Pagdating ng pinunong iyon, pamamahalaan niya
ang kanyang bayan sa pamamagitan ng kapangyarihan ni
Yahweh sapagkat taglay niya ang kadakilaan ng pangalan ni
Yahweh na kanyang Diyos. At ang Israel ay mamumuhay na
ligtas, sapagkat kikilalanin ng buong daigdig ang haring iyon.
2
Tagabasa Ang salita ng Panginoon.
Bayan Salamat sa Diyos.

SALMO RESPONSORIO | Awit 13 |

O YAHWEH, IKA'Y AKING AAWITAN,

DAHIL SA IYONG MASAGANANG KABUTIHAN.

Namumuno Hanggang kailan, Yahweh, ako'y iyong lilimutin?

Gaano katagal kang magtatago sa akin? Gaano
katagal pa itong hapdi ng damdamin at ang
lungkot sa puso kong gabi't araw titiisin? Kaaway
ko'y hanggang kailan magwawagi sa akin?

Namumuno Yahweh, aking Diyos, tingnan mo ako at sagutin,

huwag hayaang mamatay, lakas ko'y
panumbalikin. Baka sabihin ng kaaway ko na
ako'y kanilang natalo, at sila'y magyabang dahil
sa pagbagsak ko.

Namumuno Nananalig ako sa pag-ibig mong wagas,

magagalak ako dahil ako'y ililigtas. O Yahweh,
ika'y aking aawitan, dahil sa iyong masaganang
kabutihan.

Tatayo ang lahat upang magbigay galang sa paghahatid ng

Banal na Ebanghelyo ng Panginoon.

EBANGHELYO | Mateo 1:1-16, 18-23|

Aleluya! Aleluya! Tandaan ninyo: ang Birhen ay maglilihi at

mangangak ng isang lalaki, na magliligtas ng kanyang bayan sa
kasalanan. Aleluya! Aleluya!
- Mateo 1:21

Diyakono/Pari Ang Panginoon ay Sumainyo.

3
Bayan At sumaiyo rin.

Diyakono/Pari Ang Mabuting Balita ng Panginoon ayon

kay San Lucas.
Bayan Luwalhati sa Iyo, Panginoong
Hesukristo.

Kung may insenso, magsusuob nito.

Ito ang talaan ng mga ninuno ni Hesukristo na mula sa angkan

ni David na mula naman sa lahi ni Abraham. Mula kay Abraham
hanggang kay Haring David, ang mga ninuno ni Hesus ay sina:
Abraham, Isaac, Jacob na ama ni Juda at ng kanyang mga
kapatid, Juda, Fares at Zara na mga anak ni Juda kay Tamar,
Esrom na anak ni Fares, Aram, Aminadab, Naason, Salmon,
Boaz na anak ni Salmon kay Rahab, Obed na anak ni Boaz kay
Ruth, at Jesse na ama ni Haring David. Mula naman kay Haring
David hanggang sa naging bihag ang mga taga-Juda sa
Babilonia, ang mga ninuno ni Hesus ay sina: David, Solomon na
anak ni Haring David sa dating asawa ni Urias, Rehoboam,
Abias, Asa, Jehoshafat, Joram, Ozias, Jotam, Acaz, Ezequias,
Manases, Amos, Josias, Jeconias at ang mga kapatid nito. At
pagkatapos na sila'y maging bihag sa Babilonia hanggang sa
ipanganak si Hesus, ang mga ninuno niya ay sina: Jeconias,
Salatiel, Zerubabel, Abiud, Eliakim, Azor, Sadoc, Aquim, Eliud,
Eleazar, Matan, Jacob, at si Jose na asawa ni Maria. Si Maria ang
ina ni Hesus—ang tinatawag na Kristo... Ito ang naganap nang
ipanganak si Hesukristo. Si Maria na kanyang ina at si Jose ay
nakatakda nang magpakasal. Ngunit bago sila makasal,
nalaman ni Maria na siya'y nagdadalang-tao sa pamamagitan
ng kapangyarihan ng Espiritu Santo. Subalit dahil isang taong
matuwid si Jose na kanyang mapapangasawa, at ayaw nitong
malagay sa lubos na kahihiyan si Maria, binalak niyang
hiwalayan si Maria nang palihim. Ngunit habang pinag-iisipan
ito ni Jose, nagpakita sa kanya sa panaginip ang isang anghel ng
Panginoon. Sinabi nito sa kanya, “Jose, anak ni David, huwag
4
kang matakot na pakasalan si Maria, sapagkat ang sanggol na
dinadala niya ay mula sa Espiritu Santo. Magsisilang siya ng
isang batang lalaki at Hesus ang ipapangalan mo sa sanggol
sapagkat ililigtas niya ang kanyang bayan sa kanilang mga
kasalanan.” Nangyari nga ang lahat ng ito upang matupad ang
sinabi ng Panginoon sa pamamagitan ng propeta, “Tingnan
ninyo; ‘Maglilihi ang isang birhen at magsisilang ng isang
sanggol na lalaki, at tatawagin itong Emmanuel.’” (Ang
kahulugan nito'y “Kasama natin ang Diyos”.)

Diyakono/Pari Ang Mabuting Balita ng Panginoon!

Bayan Papuri sa Iyo, Panginoong Hesukristo.

Isusunod ang Homilya at ipagpapatuloy sa Liturhiya ng Banal

na Eukaristiya.

PANALANGIN NG BAYAN

Pari Sa pagsilang ng Mahal na Birhen, nakikita natin

na dumating na sa huling yugto ang plano ng
Ama para sa kaligtasan ng mundo. Habang siya
ay nasa ating tabi, manalangin tayo sa Diyos na
lumalang sa kanya na “lubos na pinagpala.”
Sa pamamagitan ni Maria, pagpalain mo
kami, O Ama.

Lektor Ang simbahan nawa’y walang takot na ipahayag

ang Ebanghelyo na ipinagkatiwala sa kanya ng
Anak ni Maria, manalangin tayo sa Panginoon.
Sa pamamagitan ni Maria, pagpalain mo
kami, O Ama.

5
Lektor Ang mga walang pananampalataya nawa’y
lumapit sa Panginoon na Nagkatawang-tao
upang iligtas ang kanyang bayan sa kanilang mga
kasalanan, manalangin tayo sa Panginoon. Sa
pamamagitan ni Maria, pagpalain mo kami, O
Ama.

Lektor Sa ating mga ina nawa’y bigay natin ang

nararapat na pagmamahal at paggalang na
kailangan nila, manalangin tayo sa Panginoon.
Sa pamamagitan ni Maria, pagpalain mo
kami, O Ama.

Lektor Sa tulong ng mga panalangin ni Maria, nawa’y

maibalik sa kawan ang mga tumalikod sa
pagtupad ng kanilang pananampalataya,
manalangin tayo sa Panginoon. Sa
pamamagitan ni Maria, pagpalain mo kami, O
Ama.

Lektor Atin nawang tanggapin si Jesus sa Eukaristiya

bilang Diyos na kapiling natin, manalangin tayo
sa Panginoon. Sa pamamagitan ni Maria,
pagpalain mo kami, O Ama.

Lektor Sa katahimikan, idalangin natin ang ating mga

pansariling kahilingan.

Maglaan ng sandaling katahimikan.

Pari Manalangin tayo.

Ama, sa Eukaristiyang ito, nagdiriwang ang iyong
pamilya na kasama ang Pinagpalang Birheng
Maria at sina Joaquin at Ana na kanyang mga
magulang. Ipagkaloob mo ang hinihiling naming
6
bunga ng pananampalataya sa pamamagitan ni
Kristo na aming Panginoon. Amen.

7
8