HOLY FAMILY

(MARIAN TITLES)

Our Lady of Guadalupe

Ako ang Birhen sang Guadalupe. Ako ang iloy ni Jesus nga aton Dios. Nagpakita ako kay San
Juan Diego sa Mexic. Ginsugo ko siya nga hambalan ang obispo nga magpatindog sang isa ka simbahan
sa lugar sa diin ako nagpakita.

Our Lady of Sorrows

Ako ng Birhen Dolorosa. Ako ang iloy ni Jesus nga aton Dios. Ginkasubuan ko gid ang tanan nga
kasakit nga gin-agyan sang akon bata.

Our Lady of the Barangay

“Ako ang Mahal nga Birhen sang Barangay. Ako ang Iloy sang Dios, si Jesus. Bantug ako nga patrona
sang mga baranggay sa Pilipinas. Ang debosyon sa akon nag-umpisa diri sa probinsya sang Iloilo.”

Our Lady of Fatima

“Ako ang Mahal nga Birhen sang Fatima. Ako ang Iloy sang Dios, si Jesus. Nagpakita ako sa tatlo
ka bata sadto sa Fatima, Portugal. Akon ginhatag sa ila ang mensahe nga magpangadi gid sa tanan nga
tion.”

Our Lady of Peace and Good Voyage

“Ako ang Birhen sang Paghidaet kag Maayong Pagpanglakaton. Ako ang Iloy sang Dios, Si Jesus.
Ako nangin patrona sang mga nagalakbay nga manlalayag sadtong panahon sang mga Espanyol. Ila ko
sila ginprotektahan samtang yara sila sa lawod.”

Our Lady of Miraculous Medal

“Ako si Maria, ang iloy sang Dios. Sang tuig 1830, ginpakilala ko ang akon kaugalingon sa isa ka
madre nga amo si sta. Catalina Laboure bilang ang Imaculada Concepcion. Ginsugo ko siya mga
maghimo sang medalya nga ipanghatag sa mga tawo.

Niña Maria
“Ako si Niña Maria. Anak ako nanday Sta. Ana kag San Joaquin. Ako ang Birhen nga Iloy sang
Ginoong Dyos nga si Hesus.

Our Lady of Lourdes

“Ako ang Mahal nga Bierhen sang Lourdes. Ako ang Iloy sang Dios nga si Jesus. Nagpakita ako
kay Bernardina, isa ka dalaga sadto sa Grotto sang Lourdes sa Pransya. Ako ang naghambal sa
mga tawo nga pangadion gid pirmi ang Santo Rosario.”

(FEMALE SAINTS)

St. Veronica
Ako si Santa Veronica, isa sa mga babayi sang Jerusalem. Samtang nagapanglakaton si Jesus
padulong sa Kalbaryo, ginpalapitan ko Siya kag ginpahidan ko ang Iya guya nga puno sang dugo. Sa
akon kakibot, natalupangdan ko nga na-imprinta ang Iya hitsura sa akon panyo.

St. Clare of Assisi

Ako si Santa Clara de Asis. Kaupod ni San Francisco de Asis, gintukod ko ang Orden para sa mga
mongha nga babayi. Bata ako sang isa ka manggaranon nga mag-asawa pero ginbayaan ko ini tanan sa
pagsunod sang kabuhi nga pigado kag nasentro kay Kristo.

St. Catherine of Alexandria

“Ako si Sta. Catalina. Ako gin bata sa Alexandria. Wala ako nagpakasal sa kay Maxentius tungod
sa kabaylo sini amo ang pag sikway sa aton Ginoo. Ako napatay pinaagi sa pag butang sa madamo nga
tunok.

St. Kateri
“Ako si santa kateri. Ako ang pina ka una nga santa nga Indiana. Ako gin pigos sang ako nangin
kristiyano. Gin proklamar ako nga santos sang tuig 2012.

St. Teresa of Avila

Ako si Santa Teresita sang Avila. Nagsulod ako sa Carmel kag nakita ko nga wala na gid disiplina
ang mga mongha tungod kay sa idalum sang ila mga abito, nagasuksok sila sang mga alahas gani
nagpangisog ako sa pagreporma sang bilog nga Orden sang Carmel sa tunga sang reporma sang mga
Protestante kag sa pamigos sang mga superyor sang Carmel. Upod kay Teresita, Doktor man ako sang
Simbahan.
St. Maria Goretti
“Ako si Santa Maria Goretti. Isa ako sa mga pinakabata nga santos sang simbahan. Dose anyos
pa lang ako sang ginhalad ko ang akon kaugalingon sa Ginoo. Masakit batyagon nga gintuyuan ako nga
himuslan. Bangud sa akon pagbatu, ginbuno niya ako sang pila ka beses. Pero ginpatawad ko siya. Sa
grasya sang Dios, nangin isa siya ka relihiyoso. ”

St. Philomena
“Ako si Santa Philomena. Isa ako ka martir kag birhen nga santo. Gin patay ako upod sa iban nga
mga kristiyano. Madamo ako nga milagro nga nahimo sang ang mga tawo nagpangadi sa akon
lulubngan.”

St. Catherine Laboure

“Ako si Santa Catalina Laboure. Isa ako ka madre kag ako ang ginpakitaan sang Mahal nga
Birhen kag ginsugo nga ipahimo ang Medlla Milagrosa para ipanghatag sa mga tawo. Madamo ang
nagpigos kag wala nagpati sa akon sang una pero sa ulihi madamo man ang nakonbertir.”

St. Dymphna
“Ako si Santa Dymphna. Ako isa ka bata nga santo. Ginpatay ako sang akon amay nga isa ka hari
nga pagano sang ako 15 anyos pa lamang tungod kay indi ako magtugot nga magpakasal sa iya.
Nagpalagyo kami upod sang pari nga akon kompesor apang nadakpan niya kami kag ginpamatay.”

St. Agnes
“Ako si Santa Ines. Isa ako ka martir kag birhen nga santo. Ako nagdako sa isa ka Kristiyano nga
pamilya sa tion nga ginapigos pa kami sang emperador. Madamo ang gusto magpakasal sa akon apang
ginkonsagrar ko ang akon kaugalingon sa Ginoo. Ginpapatay ako sang nabal-an nga ako isa ka
Kristiyano.”
Tres Marias
Tanan: “Kami ang Tres Marias. Kami kabahin sang mga Babayi sa Jerusalem nga naghibi para sa aton
Ginoong Hesus samtang nagalakbay siya sa Via Dolorosa.”
Maria Salome: “Ako si Sta. Maria Salome.”
Maria Cleofe: “Ako si Sta. Maria Cleofe.”
Maria Magdalena: “Ako si Sta. Maria Magdalena.”
Tanan: “Kami nag-alagad gid sa Ginoo.”

St. Bernadette
Ako si Bernardina, isa ka dalaga. Nagpakita sa akon ang mahal nga birhen sa grotto sang
Lourdes sa Pransya. Tuman ko gid ka palangga ang mahal nga birhen gani gin halad ko ang akon
kaugalingon pinaagi sa pagsulod sa kumbento kag nag serbi ako sa mga tawo.

St. Rita of Cascia

“Ako si Sta. Rita sang Cascia. Nagkapamiloya ako kag nagkaanak sang bmga lalaki nga apang
nagtaliwan sila tanan. Isa adto kadako nga pagtilaw sang Dios para sa akon. Nagdesisyon ako nga
mangin isa ka madre apang wala nagtugot sa umpisa ang mga madre nga Agustino. Ugaling sa bulig
nanday San Juan Bautisa kag San Agustin, nakasulod ako sa kumbento.”

*St. Therese of Lisieux

*St. Josephine Bakhita

St. Lucy
“Ako si Santa Lucia. Ako isa ka birhen nga martir nga ginpigos upod sang iban nga mga
Kristiyano. Ila ginlukat ang akon mga mata. Subong, ginakabig ako nga patrona sang mga may balatian
sa mata.”

Sts. Mary and Martha of Bethany

Kami ang utod sang abyan ni Jesus nga si Lazarus. Ginbaton namon si Jesus sa amon panimalay.
Mary: Namati ako samtang nagatudlo si Jesus. Martha: Nagreklamo ako kay si Maria wala nagabulig sa
akon. Apang ginhambal sang Ginoo nga mas labi ang ginbuhat ni Maria kay namati siya sa mga buhi nga
pulong.

St. Elizabeth Seton

Ako si Santa Isabel Ana Seton. Isa ako anay kay protestante pero natukiban ko nga ang matuod
nga simbahan amo ang Iglesia Katolika gani sang napatay ang akon bana kag kabataan, nagtuon ako
sang pagtuluohan kag nagpabunyag. Nangin madre ako kag nagtukod ako sang kongregasyon nga
dedikado sa pagtatap sang mga kubos.

St. Barbara
“Ako si Santa Barbara. Isa ako ka martir kag birhen nga santo. Ang akon amay isa ka pagano kag
iya ako ginpriso sa isa ka tore. Sang nabal-an niya nga Kristiyano ako, iya ako ginpapatay apang wala gid
ini natuman kay madamo nga milagro ang nagpugong. Sang ulihi, gin-utdan gid ako sang ulo.”

St. Rose of Lima

 “Ako si Santa Rosa de Lima. Isa ako ka layko nga Dominiko. Sang bata pa lang ako, ginhalad ko
na ang akon kaugalingon sa Ginoo. Upod sa akon mga abyan nga santos man nga sanday San Martin de
Porres kag San Juan Macias nga mga Dominiko man, kami nangin instrument sa pagbantala sang
Ebanghelyo sa Peru.”

(MALE SAINTS)

St. Louis

Ako si San Luis. Ako lang ang hari sang Pransya nga naging santo. Ako nag-upod sa pagdaog sa
mga erehe nga Albigense. Dako ang akon nga papel sa pagdaog sang krusada batok sa mga erehes.

St. Peter

Siya amo si San Pedro. Siya isa ka mangingisda. Samtang manug layag na siya sa tunga sang
baybay, nakilala niya si Hesus. Nag duwa duwa siya kag nag hinulsol siya sang dako sa iya nga sala.
Ugaling ang diyos nga si Hesus gin patawad kag gin baton siya kag nahimo nga una nga Apostoles ni
Hesus.

St. Gerard

Ako si San Gerardo. Isa ako ka Redemptorista nga relihiyoso. Ako ang patron sang mga
nagapangayo sang bata. Sang nagakabuhi ako, pirme ako nagapangadi para sa mga nanay nga wala
sang bata.

St. John the Baptist

“Ako si San Juan Bautist, ang tingog sa disierto nga nagasinggit nga amanon ang dalan sang
Ginoo. Akon pakaisa ang Ginoong Jesus kag sang yara pa lang ako sa tiyan ni Sta. Isabel, ako nagkibo
sang nagduaw si Maria sa amon. Ako ang modelo sang isa ka mapainubuson nga nagaserbisyo sa Ginoo.”

Sto. Niño

Siya amo ang Sr. Sto Niño. Siya ang gin kilala nga bata nga Hesukristo. Nag kabuhi siya kaupod
ang iya amay nga si Jose kag iloy nga si Maria. Gin kilala man ini siya nga Palaboy sang Kadam-an.

St. Vincent Ferrer

“Ako si San Vicente Ferrer. Isa ako ka Dominiko nga pari nga naghalin sa Espanya. Isa ako ka
bantug nga manugwali kag madamo ako sang nadalabalik sa Dios. Ako man ginatawag nga Anghel sang
Katapusan nga Paghukom.”

St. Isidore the Farmer

“Ako si San Isidro Labrador. Isa ako ka mangunguma nga tuman gid ang pagtuo sa Dios.
Ginabuligan ako sang mga anghel sa akon nga pagpanguma. Akon gid ginpalabi ang akon pagtuo sa Dios
sang sa dutan-on nga mga pagkabutang.”

St. Joseph

“Ako si San Jose, ang karpentero nga bana ni Maria nga nagtatap kay Jesus. Gindala ko sila sa
Ehipto sang ginhingabot ni Herodes ang mga kabataan. Ako ang modelo sang isa ka amay kag
mamumugon.”

St. Benedict

“Ako si San Benito, ang ginakabig nga Amay sang Monastisismo sang Simbahan. Sa akon
handum nga mangin mas malapit sa aton Ginoo, nagsulat ako sang isa ka Pagsulundan sang Kabuhi para
sa mga ermitanyo nga sang ulihi nangin mga monghe. Ang isa ka mongha nga si Sta. Scholastica amu
man ang akon nga utod.”

St. John Paul II

“Ako si San Juan Pablo, halin sa lugar nga Poland. Ako nangin kilala nga Santo Papa sa tuig
2000. Nagbisita sa pungsod pilipinas sang gin hiwat ang World Youth Day..

St. Matthew

“Ako si San Mateo. Isa sa una nga Apostoles sang aton Ginoo. Ako amo ang pinakauna nga
nagsulat sang New Testament. Isa ako sadto ka manugsukot sang buwis sang pumuluyo.”

St. Padre Pio

 “Siya amo si Padre Pio, isa ka Capuchin Friars halin sa Marcone.Nakitaan siya sang pilas sa
kamot, tiil kag lawas samtang nagapangamuyo sa madako nga Crus sa sulod ka simbahan. Iya gid gin
baton ining mga pilas kay suno sa iya ini amo ang pag antos sang madamo nga pamilya.

St. Michael

“Ako si San Miguel Arkanghel. Isa ako sa pito ka mga arkanghel sang Ginoo. Ang Miguel
nagakahulugan “Sin-o bala ang katulad sang Dios?”. Ginpangunahan ko ang mga anghel sa pagtabog sa
kay Lucifer halin sa langit pakadto sa Impyerno.

St. Lorenzo Ruiz

“Ako si San Lorenzo Ruiz. Isa ako ka Layko nga Dominiko nga nagpalagyo sa pungsod Hapon sa
pagbantala sang Ebanghelyo upod sa mga pari nga Dominiko. Sa pagpigos sang emperador sa mga
Kristiyano, napapatay kami. Ako ang nangin una nga santo nga Pilipino.”

St. Dominic Savio

Akosi Sto. Domingo Savio. Isa ako ka estudyante ni San Don Juan Bosco isa ako sa pinaka bata
nga Santos. Bata pa lang ako sang nagsaad ako nga mangin pari apang napatay ako sang timprano. Ako
nag hambal nga mas mayo pa nga mapatay sang sa makasala.

St. Pedro Calungsod

“Ako si San Pedro Calungsod. Ako isa ka katekista nga nag-upod sa Heswita nga pari nga si
Padre San Diego sa Guam sa pagbantala sang Ebanghelyo didto. Bangud sang kahisa sang mga
babaylanes, ginpapatay nila kami. Ako ang ikaduha nga santo nga Pilipino.”

*St. Nicholas of Tolentine

St. John Bosco

Ako sa si San Juan Bosco, mas kilala bilang Don Bosco. Isa ako ka pari nga Salesiano nga
nagtatap sa mga kabataan nga wala na sang ginikanan. Akon estudyante ang bata man nga santo nga si
Santo Domingo Savio.

*St. Patrick

St. Anthony Abbot

Ako si San Antonio Abad. Isa ako sa ginakabig nga Amay sang Simbahan sa Disyerto. Ako
nagpuyo sa Disyerto nga nagaisahanon lamang kag bisan ano pa kasulay sa akon, wala gid ako madaug
tungod kay nagapangadi gid ako sing tul-id. Nagtukod ako sang mga monasteryo sa ulihi nga bahin sang
akon kabuhi.

St. Francis Javier

“Ako si San Francisco Javier. Upod kay San Ignacio de Loyola, gintukod namon ang Orden
Heswita sang tion nga magamo gid katama ang simbahan tungod sa pag-alsa sang mga Protestante. Ako
dasun nangin misyonero sa India kag napalapnag ko gid didto ang Ebanghelyo tubtob mapatay ako.”

St. Jude

Ako si San Judas Tadeo, ang ginatawag nga kapid kay may kaanggid kami ni Jesus. Isa ako sa
dose ka mga apostoles. Martir man ako kay ginpigos ako upod ang mga una nga Kristiyano tungod sang
amon pagbantala sang Ebanghelyo.