Tagduda Tazzayrit Tamegdayt Taɣerfant

Aɣlif n Usedwel Aɣelnaw

Tanmehla n Usegmi n Bgayet

Tasweṭ tamatut tasnalmudant.

Amaswaḍ : YAḤYA Bellil

Amnir n usebded n ukayad

Tanga n tutlayt n tmaziɣt
Akayad n taggara n ulmud alemmas

Sɣur mass : ԐADEL Bacuc

Aseggas : 2017-2018
 Akayad n tmaziɣt
Akayad n tmazirt ibedd ɣef sin n yiḥricen :

I. Aḥric amezwaru:

Aḍris:
a) Tulmisin n uḍris :
- Aḍris ad yesɛu gar ( 200 ar 250 n wawalen ) ma d tasrit.
- Ad yesɛu gar ( 9 ar 12 n yifyar ) mi ara yili d tamedyazt ( asefru ).
- Aḍris n tsekla ma yella d ullis ilaq ad yili yemmed , ad yesɛu ( tazwert,
tasneflit, taggrayt ). Anamek n waya ad yili ilmend n tɣessa ; deg uḥric
amezwaru d talwit , d isallen ɣef wakud , adeg, iwudam . Deg uḥric wis sin d
aḥric n urway ( aferdis imerwi ) ; d wa ara d-teglun s ccwalat ara yesselḥun
tigawin d yineḍruyen. Deg uḥric aneggaru d taggara n tedyanin d ferru n wugur
ama s wayen yelhan neɣ s wayen n diri ( d taggara n uḍris sumata ).
- Aḍris ad yili yettwakkes-d seg wungalen, tullisin, irmisen, tisɣunin , d aḍris ara
yesɛun aɣbalu ( Azwel n udlis, aseggas ideg d-yeffeɣ, isem n umyaru, aseggas ,
asebter ).
- Ur ilaq ara ad yili d aḍris i yettwaseqdacen kan ilmend n tsekka ( texte
fabriquée )
- Aḍris-a ad yili d win ara iɛeğğben i yinelmaden, d win ara d-ijebden tamuɣli-
nsen d ddehn-nsen . Aya ara ten-yeğğen ad sen-yifsus i usqerdec.
- Ilaq ara ad yili d aḍris yeddan d wahil d uswir n unelmad.
- Ur ilaq ara ad yesɛu tuccḍiwin d yigulen.

b) Isastanen :
1. Tigzi n uḍris
- Isteqsiyen ilaq ad ilin srid, banen ulac deg-sen tacwawt.
- Ur ilaq ara ad yili usteqsi yezmer ad yesɛu aṭas n tririyin, ilaq d win ara
yesɛun yiwet n tririt ɣas asenfali-ines ad yemgarad gar unelmad d wayeḍ.
 - Isteqsiyen ad ilin ddan n uswir n unelmad d wahil.
- Isteqsiyen ad masin akk taggayin ama d anelmad ixussen, anelmad
alemmas, anelmad yufraren.
- Isteqsiyen ad ddun ilmend n wakud n tenga.
- Ur ilaq ara ad sɛun igulen.
- Isteqsiyen n tegzi n uḍris ad masin iḥulfan n unelmad, azallen
inmettiyen, iwudam d wazal-nsen...

c) Amawal:
Isteqsiyen ad ilin ɣef :
- Iknawen d yinemgalen.
- Aktawal n wawal.
- Inumak n tefyar .

d) Tutlayt : ( tajerrumt d tseftit )

Isteqsiyen ad ilin ilmend n waya:
- Abeddel n wadeg n yiferdisen sdaxel n tefyirt.
Md: Yebna urgaz axxam. Argaz, yebna axxam. Axxam i yebna urgaz.
- Abeddel n tmeẓra n umyag ( seg yizri ɣer wurmir aḥerfi. Seg wurmir
ussid ɣer yizri ibaw ...)
- Abeddel n tewsit d umḍan n yiferdisen sdael n tefyirt ( seg wasuf ɣer
usget. Seg umalay ɣer wunti ...)
- Abeddel n talɣa n umyag ( amyag yeftin ɣer talɣa taḥerfit. Amyag yeftin
ɣer umaɣun. Amyag yeftin ɣer talɣa tasuddimt ...)
Istaqsiyen n umawal d wid n tutlayt ad ilin ilmend n wayen ara yeḥwiğ
unelmad deg usenfali s tira.
II- Aḥric wis sin:

1. Asenfali s tira: tagnit n useɣreḍ

D ayen ara d-ifares unelmad sɣur-s ilmend n wayen akk i yelmed deg
tegzemt neɣ deg usenfar . Aḍris ara d-ifares unelmad ad yili gar ( 200 ar 250 n
wawalen ).
Asenfali s tira yesɛa aṭas n talɣiwin gar-asent:
- Taččart n yilmawen.
- Aseggem n tefyar yerwin.
- Akemmel n kra n tegnit i tegnit-nniḍen i d-yettunefken.
- Asugen n kra n wayen ara yilin d akemmel i kra n tedyant.

2. Tirekkizin iɣef ara ibedd usenfali s tira :

- Asatel ( d tagnit, d asentel ɣef wacu ara ibedd usenfali )

- Tanaḍt ( awellih ɣef wacu ara yaru)
- Tizziwt ( tache )
- Tisulal ( supports )

Asizmel ( barème )
- Tigzi n uḍris : 12/ 12
- Asenfali s tira : 8/ 8
Yal asteqsi ad yesɛu tazmilt.
Aktazal n usenfali s tia

Isefranen

1- Tuddsa n ufaris (05)

1-1.Tanekda n uḍris (03)
- Tezdeg n ufaris.
- Tira tettwafham.
- Banent tseddarin.
- Aḍris ɣur-s azwel.
1-2. Taɣessa n uḍris (02)
- Tazwara.
- Taneflit.
- Taggara.
- Afran n yisalan.

2- Amtawa n uḍris (1.5)

- Ulac allus n yisenfalen.

- Ulac amgalnamek.
- Asexdem n yimezdiyen.

3- Asexdem n tutlayt akken iwata (1.5)

- Asemres n umawal iwumlen i usenfel.
- Imyagen ftin di tmeẓra i ilaqen.
- Asexdem n usigez akken i ilaq.
- Ulac aṭas n yigulen di tira.
- Aqader n yilugan n tseddast