Kahulugan ng Pananaliksik

 Ang pananaliksik ay pagtuklas  at pagsubok ng isang teorya para sa paglutas ng isang suliranin na
nangangailangang bigyan ng kalutasan.

 Ang  pananaliksik ay isang makaagham na pagsisiyasat ng phenomena, ideya, konsepto, isyu at

mga bagay na kinakailangang bigyang linaw, patunay o pasubali.

 Ayon kay Good (1963), ang pananaliksik ay isang maingat, kritikal, disiplinadong inquiry sa
pamamagitan ng iba’t ibang teknik at paraan batay sa kalikasan at kalagayan ng natukoy na
suliranin tungo sa klarifikasyon at/o resolusyon nito.

 Ayon kay Aquino (1974), ang pananaliksik ay may detalyadong definisyon. Ayon sa kanya, ang
pananaliksik ay isang sistematikong paghahanap sa mga mahahalagang impormasyon hinggil sa
isang tiyak na paksa o suliranin.

 Ayon kina Manuel at Medel (1976), masasabing ang pananaliksik ay isang proseso ng

pangangalap ng mga datos o informasyon upang malutas ang isang partikular na suliranin sa
isang syentipikong pamamaraan.

 Ayon kay Parel (1966), ang pananaliksik ay isang sistematikong pag-aaral o investigasyon ng
isang bagay sa layuning masagot ang mga katanungan ng isang mananaliksik. 

 Ayon kina E. Trece at J. W. Trece (1973), ang pananaliksik...ay isang pagtatangka upang
makakuha ng mga solusyon sa mga suliranin. Idinagdag pa nila na ito ay isang pangangalap ng
mga datos sa isang kontroladong sitwasyon para sa layunin ng prediksyon at explanasyon.

 Ayon kina Calderon at Gonzales (1993), ang pananaliksik ay sistematiko at siyentipikong proseso

ng pangangalap, pagsusuri, paglilinaw, pag-oorganisa, pag-unawa at pagpapakahulugan ng isang
datos na nangangailangan ng kalutasan sa suliranin. Ito rin ay isang ekspansyon sa limitadong
kaalaman at pagpapakita rin ng umuunlad na buhay ng tao.

 Ayon kay Kerlinger (1973), ang pananaliksik ay isang sistematiko, kontrolado, emperikal at
kritikal na imbestigasyon ng mga proposisyong haypotetikal tungkol sa inaakalang relasyon sa
mga natural na pangyayari. Sistematiko ang pananaliksik kapg sumusunod ito sa mga hakbang o
yugto na nagsisimula, pagtulong sa mga suliranin, pag-uugnay ng mga suliranin sa mga umiiral
na teorya. Ang sistematikong pananaliksik ay kontrolado at ang bawat hakbang na imbestigasyon
ay nakaplano.

 Ayon kay Atienza atbp. (UP) ang pananaliksik ay ang matiyaga, maingat, sistematiko, mapanuri
at kritikal na pagsisiyasat o pag-aaral tungkol sa isang bagay, konsepto, kagawian,problema, isyu
o aspekto ng kultura at lipunan.

 Ayon kay San Miguel (1986), ang pananaliksik ay isang sining tulad din ng pagsulat ng isang
komposisyon sa musika.

 Ayon kay Galang, ang pananaliksik ay isang makaagham na pagsisiyasat ng phenomena, ideya,
konsepto, isyu at mga bagay na kinakailangang bigyang linaw, patunay o pasubali.
  Ayon kay Arrogante (1992), ang pagsasaliksik ay isang pandalubhasang sulatin na
nangangailangan ng sapat na panahong paghahanda, matiyaga at masinsinang pag-aaral, maingat,
maayos at malayuning pagsulat para mayari at mapangyari itong maganda, mabisa at higit sa
lahat, kapakipakinabang na pagpupunyagi.

 Auon naman kay John Best (1996), ang pananaliksik ay nagtataglay ng mga sumusunod na
katangian:

o Ito ay maingat na pagtitipon at pagpili ng mga datos na kinikilala sa larang na

pinagkunan.
o Ito ay matiyaga, maingat at hindi minamadaling pagsasakatuparan.
o Ito ay nangangailangan ng tamang onserbasyon at interpretasyon.
o Ito ay maingat na pagtatala at pagsulat ng ulat.

Etika sa Pananaliksik

Malaki ang responsibilidad ng isang mananaliksik. Dapat siyang maging maingat sa bawat
hakbang ng pananaliksik, sapagkat mayroon itong etika na dapat niyang isaalang-alang. Ang etika ng
pananaliksik ay gabay sa tamang pagsasagawa ng pag-aaral. Ayon kina Constantino at Zafra, ang mga
panuntunan sa pananaliksik ay ang sumusunod:

a) Kilalanin ang ginamit na mga ideya.

b) Huwag kumuha ng datos kung hindi pinayagan o walang permiso.
c) Iwasang gumawa ng mga personal na obserbasyon.
d) Huwag mag-short-cut.
e) Huwag mandaya.

Tungkulin ng Mananaliksik
 Mayroong mga tungkuling dapat tandaan ang bawat mananaliksik upang matagumpay niyang
maisagawa ang kaniyang pananaliksik.

TUNGKULIN NG MANANALIKSIK HALIMBAWA

Matiyaga- Naglalaan dapat ng panahon, talino, at Hindi tumitigil sa paghahanap ng akmang

lakas para sa mabusising paghahanap ng datos. kapapanayamin.

Sistematiko- Sumusunod sa maayos na Sistema Mayroong realistikong iskedyul sa paggawa.

upang hindi masayang ang oras at lakas.
Maingat- Tinitiyak na totoo at may kredibilidad Sinisigurado munang mabuti na may
ang mga pagkukunan ng datos. kredibilidad ang kapapanayamin.
Analitikal- Tinitingnan ang iba’t ibang ideyang Nakikitang may iba’t ibang dimensiyon ang
maikakabit sa isang paksa. isyung sisiyasatin.

Kritikal- Bumubuo ng mga makabuluhang Dahil sa pag-aaral ay mayroong mga natuklasan

kongklusyon, pati ng napapanahong
rekomendasyon.
Matapat- Inilalahad ang mga limitasyong
nakaharap sa pag-aaral.
Responsable- sumusunod sa mga panuto.
ukol sa paksa at ang mga natuklasang ito ay
gagawan ng interpretasyon upang makabuo ng
isang makabuluhang kongklusyon, pati na rin
ang pagigay ng rekomendasyon.
Kung mayroong man suliraning kinaharap sa
pangangalap ng impormasyon at atos ay kailanan
pa rin itong ilahad.
Dapat ay pakinggan at sundin ang gurong
tagapayo para sa pag-aaral na isinasagawa.

Ang Plagiarism

Ang plagiarism ay pangongopya ng gawa ng iba nang walang pagkilala sa kung sino ang naunang
nagsabi nito. Ayon kina Constantino at Zafra, ang ilan sa mga anyo ng plagiarism ay ang sumusunod:

o Tahasang pag-angkin sa gawa ng iba.

o Pagkopya sa ilang bahagi ng akda nang may kaunting pagbabago sa ayos ng
pangungusap at hindi kinilala ang awtor.
o Pag-aangkin at/o paggagaya sa pamagat ng iba.

Samantala, ayon naman kina Bernales et.al, mayroong mga karampatang parusa ang nagsagawa
ng plagiarism, ito ay ang sumusunod:

o Bagsak ang grado.

o Pagpapatalsik sa estudyante mula sa paaralan.
o Tanggalan ng digri kahit matagal nang nakapagtapos.
o Sentensiyahan ng multa at ilang taong pagkabilanggo.
Mga Paalala

 Gumamit ng mga index card para sa pagtatala ng mga sipi.

 Ang pagiging analitikal ay ang paghihimay sa mga datos habang ang pagiging kritikal naman ay
ang pagtitimbang ng datos.
 Iiskedyul ang magkakaparehong gawain sa isang araw.

KATANGIAN NG MABUTING PANANALIKSIK

1. Ang pananaliksik ay sistematik. -may sinunud itong proseso o mag kasunod-sunod na mga hakbang
tungo sa pagtuklas ng katotohanan, solusyon ng suliranin, o ano pa mang nilalayon sa pananaliksik.

2. Ang pananaliksik ay kontrolado. -lahat ng varyabol na sinusuri ay kailangan mapanatiling konstant.

Hindi dapat baguhin, nang sa gayon, ano mang pagbabagong maganap sa sabjek na pinag-aaralan ay
maiiuugnay sa eksperimental na varyabol.

3. Ang pananaliksik ay emprikal. - kailangang maging katanggap-tanggap ang mga pamamaraang

ginagamit sa pananaliksik, maging ang mga datos na nakalap

4. Ang pananaliksik ay mapanuri. -sa pananaliksik, ang mga datos na nalakap ay kailangang suriin
nang kritikal upang hindi magkamali ang mananaliksik sa paglapat ng interpretasyon sa mga datos na
kanyang nalakap.

5. Ang pananaliksik ay objektiv, lohikal at walang pagkiling. - lahat ng tuklas at mga konklusyon  ay
kailangang lohikal na nakabatay sa mga empirikal na mga datos at walang pagtatangkang ginawa upang
baguhin ang resulta sa pananaliksik

6. Ang pananaliksik ay gumagamit ng kwanttiteytiv o istatiskal na metodo. - ang mga datos ay dapat
mailahad sa pamamaraang numerikal at masuri sa pamamagitan ng istatistikal na tritment upang matukoy
ang kanilang gamit at kahalagagan.

7. Ang pananaliksik ay isang orihinal na akda. - maliban sa historikal na pananaliksik, ang mga datos
na nakalap ng mananaliksik ay sarili niyang tuklas at hindi mula sa panulat, tuklas o lathala ng ibang
mananaliksik.

8. Ang pananaliksik ay isang akyuret na investigasyon, obserevasyon at deskripsyon. - bawat

aktividad na pananaliksik ay kailangang maisagawa ng tumpak o akyuret nang ang tuklas ay humantong
sa formulasyon ng mga syentifikong panlalahat.

9. Ang pananaliksik ay matiyaga at hindi minamadali. - kailangang pagtiyagaan ng mananaliksik ang

bawat hakbang, sa pananaliksik upang matiyak ang katumpakan o accuracy nito.
10.   Ang pananaliksik ay pinagsisikapan. - walang pananaliksik na naisasagawa nang walang
pagsisikap, kaya kailangan itong paglaanan ng panahon, talino at sipag upang maging matagumpay.

11.   Ang pananaliksik ay maingat na pagtatala at pag-uulat. - lahat ng datos na nakalap ay maingat

na maitala. Ang maliit na pagkakamali ay  maaaring makaapekto sa mga tuklas na pananaliksik.

12.   Ang pananaliksik ay maingat na pagtatala at pag-uulat. -Kalingan din itong maiulat sa pasulat na
paraan sa anyo ng isang papel, para sa angkop na dokyumentasyon at kadalasan sa pasalitang paraan o
ang tinatawag na oral presentation o defense.

Pananaliksik ayon sa gamit

1. Pang-araw-araw na gawain - Karaniwang ginagawa ito ng ordinaryong indibidwal sa kanyang

pang-araw-araw na buhay.
2. Akademikong Gawain - Kadalasang pinag-aaralan ang paggawa ng pananaliksik. Ang sinulat na
resulta ng pananaliksik ay tinatawag na sulating pananaliksik o panahunang papel (term paper)
kung hindi pa magtatapos ang estudyante. Sa mga magtatapos o pangangailangan sa pagtatapos
ng digri, tinatawag itong tesis o disertasyon.
3. Kalakal/Bisnes - Feasibility Study upang malaman ang potensyal sa market at tubo at sa
ikatatagumpay ng bisnes na pinasok titingnan dito ang clientele o mamimili, lugar, uri ng
produktong ipinagbibili, atbp. Maiiwasan ang sobra o walang kabuluhang paggasta, pagkalugi at
pagsasayang ng oras at pagod
4. Iba’t ibang institusyong panggobyerno - Para sa serbisyong panlipunan, ang mga upisina o
institusyong panggobyerno ay nagsasagawa ng pananaliksik para sa kani-kanilang
pangangailangan. Kinakailangan ang pananaliksik upang mapaunlad ang kanilang serbisyo
publiko.
5. Mga institusyong pribado at di-gobyerno - Ang mga pag-aaral na isinasagawa ay nagsisilbing
suporta at tulong sa gobyerno at mga mamamayan.
Arenas, Malorie Ibarra. “ETIKA-SA-PANANALIKSIK.pptx”. Nakuha ngayong Setyembre 11, 2020.

https://www.coursehero.com/u/file/44623560/ETIKA-SA-PANANALIKSIKpptx/?
justUnlocked=1#question

Banzuelo, Jude. “Kahulugan ng Pananaliksik”. Nakuha ngayong Setyembre 11, 2020.

https://www.academia.edu/35822176/Kahulugan_ng_Pananaliksik

Columban College - Olongapo City. “Kahulugan ng Pananaliksik”. Nakuha ngayong Setyembre 11, 2020.

https://www.coursehero.com/u/file/12049146/Kahulugan-ng-Pananaliksik/?
justUnlocked=1#question

Lemon Kim. " ETIKA NG PANANALIKSIK ". Nakuha ngayong Setyembre 11, 2020.

https://www.academia.edu/36105031/_ETIKA_NG_PANANALIKSIK_