5385 CORTEZ, KIA MARIE G.

BSED FILIPINO 3

ANG LALAKI SA KWARTO

Sabik na sabik akong mahagkan ang ‘yong malalambot na pisngi, masilayan ang
makikinis na balat. Mga mapupungay na matang umaantig at umaakit sa aking
damdamin. Mga labing tila rosas sa pula at singtamis ng kendi kapag ako’y iyong
nginingitian. Ang mga karanasang ito, ang nagpapatakam at nagbibigay rason sa araw-
araw kong pagmulat sa umaga. “Esaaaang, Esaaang!” - sigaw ng aking inang mas
maaga pa sa tilaok ng tandang kung gumising sa akin. Agad akong tumayo mula sa
aking higaan at nasilayan ang mong maaliwalas pa sa sikat ng araw. Umagang-umaga
pa lamang ay kilig na ang dulot mo sa’king pusong napapaawit sa tuwa. “Oy Esang,
papasok kaba sa paaralan o makikipagharutan sa lalaking iyan?”- wika ng aking inang
mala birhen kung magsalita ngunit tigre naman kung magalit, na tila ba’y gustong
lumapa ng isang buong tao. “Opo, magbibihis at mag-aayos na ako at maya maya ay
bababa na” - wika ko sa aking Ina.

Ngayon ang unang araw ng pagtahak ko sa buhay kolehiyala. Masayang-masaya

ako sapagkat, matutupad ko na rin ang aking mga pinapangarap sa buhay. Pagpasok
pa

lamang sa silid-aralan, magkahalo na ang mga emosyong nag-pupumiglas sa aking

puso’t isipan. “Okey, istudents isa-isang pupunta sa harapan at ipakilala ang inyong
sarili. Ipahayag sa klase ang edad, ekspektasyon sa guro at kung may jowa ba o wala” -
wika ng aming magiging guro sa paksang sikolohikal. Agad akong tumayo at pumunta
sa harapan upang magpakilala. “Magandang umaga sa lahat ng kapwa kong mag-
aaral. Ako nga po pala si Jessa Otpok Macascas, tawagin ninyo na lamang ako sa
pangalang Esang.”
Ako ay nasa labing walong taong gulang. Nais kong matuto ng higit pa sa aking mga
nalalaman. At higit sa lahat, ako po kasalukuyang masaya sa aking karelasyon.
Tawang-tawa ang buong klase sa kanilang nalaman patungkol sa’king buhay pag-ibig.
“Totoo nga ba ang iyong sinabi, binibini? Sa mukha mong ‘yan, sarat ang ilong. Ang
mukha mo’y parang binugbog ng tigyawat sa dami ng bukol sa parte nito. (Bulungan
ng mga kaklase kong matatabil ang dila) ngumiti at inayos ang tindig, matapang kong
sinagot ang kanilang katanungan at panghuhusga sa aking pagkatao. “Oo, totoo na
may taong nagmamahal

sa at tanggap ang buong pagkatao ko. Matagal na kaming magkasintahan, sa

katunayan malapit na kaming mag anibersaryo.” - tugon ko sa kanila. Ipinagmalaki ko
ang aking kasintahan sa harap ng mga taong humuhusga sa aking pagkatao.
“Matangkad, matipuno, ang mukha’y ‘di nalalayo sa kagwapuhan ni Daniel Padilla.
Namangha ang lahat ngunit kitang kita pa rin ang bakas ng pagtataka sa kanilang mga
mukha.

Nang ako’y makarating sa bahay, isang napakatamis na halik ang dumampi sa

aking pisngi. “Ano ba, huwag mo naman akong sanayin at baka ito ay aking hahanap-
hanapin. Pagod na pagod ako, huwag mo muna akong titigan ng ganyan, hindi ako
makapagpokus ng maayos sa aking mga gawain. “Nababaliw na ata itong si Esang?”
-isang tinig na nagmula sa aking bintana. Isang boses ng tao na parang nagtititik sa
aking mga ikinikilos. Nang aking nilapitan, wala naman akong nakita “siguro sa
sobrang pagod lang ito at dahil doon kung anu-ano na ang pumapasok sa aking
malikot na isipan.” - wika ko sa aking isipan.

Kinabukasan sa paaralan, bumungad sa aking harapan ang mga katagang

“NASISIRAAN NA NG BAIT ANG BABAENG IYAN, ISA SIYANG SINUNGALING” ito ay
nakasulat sa aming pisara na mababasa agad kapag papasok pa lamang sa silid. Laking
gulat ko sa aking nasaksihan. Lumapit ang isang babae at sinabi “may nakakita raw
sa’yo na kinakausap ang isang poster ng lalaki at hinahagkan pa ito sa loob mismo ng
iyong silid tulugan, at ang masaklap ay tinatawag mo pa itong mahal ko.” Napahinga
at napalunok ako ng malalim. Mula sa oras na iyon, nakaramdam ako ng kaba at takot
nab aka mas lalo nila akong kamumuhian sa ginawa kong pagsisinungaling. Ilang
minuto ay, nahimasmasan at ako’y natauhan sa pangyayari. Ipinaliwanag ko sa buong
klase ang katotohanan sa likod ng aking pamemeke tungkol sa aking kasintahan. “Oo,
totoo lahat ang nakita niya mula sa aking bintana. Kinakausap ko ang isang imahe ng
lalaki at itinuturing na irog. Subalit maramot ang tadhana, langit siya at ako naman ay
lupa lamang. Madalas ko siyang pagpantasiyahan sa loob ng apat na sulok ng aking
silid dito kami nagtatagpo. Simula’t sapul hindi ko nararanasang maligawan ng isang
lalaki kahit

Mapansin man lang ng aking natitipuhang binata dahil sa aking mapait na hitsura.
Simula nang mailagay ang poster na iyon ng iniidolo kong artista, ay doon rin
nagsimula an gaming matamis na pagsasama. Isang relasyon na gawa ng aking haraya
at katha ng aking isipan. Nang malaman ng buong klase ang katotohanan ay naawa
sila kay Esang. Iniwasan nilang tuksuhin at kutyain ito mula sa kaniyang panlabas na
anyo. Naging maayos ang pakikitungo nila at ginawang kaibigan hanggang sa
nakapagtapos sila ng kolehiyo.
 PAGSUSURI SA MAIKLING KWENTO

I. BUOD NG KWENTO: ANG LALAKI SA KWARTO

Nagising si Esang mula sa pagsigaw ng kaniyang Ina habang nahihimbing sa
pagkatulog. Agad siyang bumangon at tumayo para maghanda sa pagpasok sa
klase. Umagang-umaga pa lamang, nababakas na ng Ina ang kilig sa mukha ng
dalaga dulot ng ngiti ng isang lalaking kasama niya sa kwarto.
Ngayon ang unang araw na pagtahak niya sa buhay kolehiyala. Abot langit ang
saya nito sapagkat maaabot na rin ang kaniyang mga pangarap. Pagpasok sa silid-
aralan, magkahalo ang emosyong dala-dala ni Esang. Sa pagdating ng kanilang guro
ay kinabahan ito ngunit hindi niya ipinahalata sa kaklase. “Okey, istudents isa-isang
pupunta sa harap at ipakilala ang sarili. Ipahayag sa klase ang taon, ekspektasiyon
sa guro at asignatura at status ng buhay pag-ibig” - wika ng kanilang guro sa paksang
sikolohikal. Agad na tumayo ito mula sa kaniyang inuupuan at nagpakilala sa lahat.
“Magandang umaga sa lahat ng kapwa kong mag-aaral. Ako si Jessa Otpok
Macascas, tawagin niyo na lamang ako sa pangalang Esang. Ako ay nasa labing
walong taong gulang. Nais kong matuto ng higit pa sa aking nalalaman, higit sa lahat
ako’y kasalukuyang masaya sa aking buhay pag-ibig” Sambit nito sa loob ng klase.
Nabigla ang lahat ng ipahayag nito sa klase na may karelasyon ang dalaga. Tawang-
tawang ang mga istudyante nang malaman nila ito. Maraming katanungan ang
namuo sa kanilang isipan. “Sa mukha mong iyan magkaka nobyo ka? Sarat ang
iyong ilong. Maitim ang iyong balat at ang mukha mo’y parang binugbog ng tigyawat
sa dami ng bukol nito sa iyong pisngi.” Bulungan ng kaniyang mga kaklase. Ngumiti
at inayos ang tindig, matapang siyang sumagot sa mga pangungutyang katanungan
ng kaklase. Nagsimulang magkwento ito tungkol sa kaniyang karelasyon. Namangha
ang lahat bagkus nababakas pa rin ang pagtataka sa kanilang mukha at isipan.
Masayang-masaya na umuwi ang dalaga sa kanilang tahanan. Pumasok agad
ito sa kaniyang kwarto upang magpahinga. Biglang nabawasan ang pagod nito nang
makita ang positibong mukha ng lalaki sabay halik sa kaniyang pisngi. “nababaliw na
ata ang babaeng ito?” isang tinig na nagmula sa kaniyang bintana. Sinilip niya ito
upang mag-usisa ngunit baka guni-guni lamang iyon dahil sa sobrang kapaguran sa
klase. Kinabukasan, isang malaking kontrobersiyal ang bumungad sa kaniya.
“NASISIRAAN NA NG BAIT ANG BABAENG IYAN, ISA SIYANG SINUNGALING” ito
ay nakasulat sa kanilang pisara na mababasa agad ninuman pagpasok palang sa
silid. Napahinga ng malalim si Esang. Mula sa oras na iyon, nakaramdam siya ng
kaba at napagisip-isip na aminin na lamang ang ginawang pagsisinungaling sa buong
klase. Ilang minuto ay nahimasmasan at natauhan sa pangyayaring iyon.
Ipinaliwanag niya sa buong klase ang katotohanan sa likod ng pagkakaroon ng
huwad na kasintahan. Simula noon ay naging maayos na ang pakikitungo ng mga
estudyante kay Esang at nawakasan na rin ang pangungutya nila rito.

II. PAMAGAT (ANG LALAKI SA KWARTO)

Ang pamagat na “Ang Lalaki sa Kwarto” ay tungkol sa isang babae na umiibig
sa isang poster ng lalaki sa loob ng kaniyang silid. Itinuturing niya itong totoo at
ginawaan ng mga emosyon sa tuwing sila’y magtatagpo.
III. TEORYANG PAMPANITIKAN
Narito ang mga teoryang pampanitikan na aking nasilayan mula sa aking akda.
 Teoryang Bayograpikal - Ang kwento ay hango sa tunay na karanasan ng
aking kaibigan. Sa akdang ito, makikita ang pinakamasaya, pinaka mahirap at
pinakamalungkot na bahagi sa buhay ng isang tauhan.
 Teoryang Klasismo - Makikita sa kwento na may pagkakaiba ang ibang mag-
aaral kay Esang sapagkat naiiba ang hitsura nito sa pisikal na kaanyuan ng
kaniyang mga kaklase na siyang nagdulot ng pamimintas nila sa kaniya.
 Teoryang Humanismo - Naging manloloko man sa unang bahagi ng kwento
ang pangunahing tauhan. Naging totoo pa rin ito sa huli dahil ninais niyang
magkaroon ng tunay at pantay na pagtrato ang mga taong nakapalibot sa
kaniya.
 Teoryang Romantisismo - Masasabi kong teoryang romantisismo ang
kwento sapagkat umibig ang dalaga sa poster ng isang lalaki na matagal na
niyang iniidolo ngunit hindi sila pinagtagpo sa tunay na buhay.
 Teoryang Realismo - Sa panahon natin ngayon, marami sa ating kabataan
ang nahuhumaling sa mga iniidolong artista o maimpluwensiyang tao sa
lipunan lalo na sa sosyal mediya. Pinagpapantasiyahan nila ito at inaangking
nobya o nobyo kahit na ito’y malayo sa katotohanan.
 Teoryang Feminismo - Sa simula palang ng kwento ay makikita na ito ay may
ugnayan sa teoryang feminismo sapagkat ang pangunahing tauhan sa kwento
ay babae.

IV. TAGPUAN
Ang tagpuan ay sa loob ng silid tulugan ni Esang na kung saan dito sila
nagtatagpo at nagkakaroon ng lihim na pagtingin ang dalaga.
Sa paaralan ang pangalawang tagpuan sa kwento dahil dito naganap ang
paglalantad ng sekreto ni Esang mula sa huwad na kasintahan.

V. MGA TAUHAN
  Esang - Pangunahing tauhan sa kwento. Siya’y nabighani at umibig sa
larawan o poster ng isang matipunong lalaki.
 Isang Mag-aaral - ang nakakita sa pakikipag-usap ni Esang sa larawan ng
isang lalaki sa loob ng kwarto.
 Ina ni Esang - Ang mapagmahal at mapagmalasakit na ina sa kwento.

URI NG TAUHAN
 PROTAGONISTA - Si Esang ang maituturing na Protagonista sa kwento.
Naging sinungaling at mayabang man siya sa umpisa ngunit napagtanto niya
ito na kailangan magpakatotoo siya sa kaniyang buhay.
 ANTAGONISTA - Ang mga kaklase ni Esang ang antagonista sapagkat sila
ang humuhusga sa pagkatao nito simula sa umpisa pa lang ng kanilang pag-
aaral sa kolehiyo.

VI. BANGHAY
 SIMULA - Nagising si Esang mula sa malakas na sigaw ng kaniyang Ina sa
kalagitnaan ng mahimbing na pagtulog nito. Agad bumangon at tumayo upang
maghanda para sa kaniyang unang araw sa buhay kolehiyala.
 SAGLIT NA KASIGLAAN - Nagpakilala sa buong klase ang dalagang si
Esang at ibinahagi ang mga ekspektasiyon nito sa guro at asignatura.
Nabanggit rin niya ang tungkol sa kaniyang kasintahan.
 SULIRANIN - Dahil sa hindi kaaya-ayang mukha ng dalaga. Hindi naniwala
ang kamag-aral ni Esang tungkol sa kaniyang kwento. Nang makarating sa
kanilang bahay. Habang nagpapahinga, nakarinig siya ng boses mula sa
kaniyang bintana, ngunit nang tingnan niya ito ay wala namang tao kaya inisip
na lamang niya na guni-guni at likha lamang ng malikot na isipan.
 KASUKDULAN - Bumungad sa kaniya ang salitang “Nasisiraan na ng bait ang
babaeng iyan, isa siyang sinungaling.” Ito ay nakasulat sa kanilang pisara at
mababasa agad ninuman na papasok sa kanilang silid. Kinabahan ang dalaga
at napahinga ng malalim.
 KAKALASAN - Mula sa oras na iyon, natauhan at nahimasmasan si Esang.
Ipinaliwanag niya ang katotohanan sa likod ng pagkakaroon ng pekeng
kasintahan. Inamin niyang totoo lahat ang paratang ng isang mag-aaral na
nakasaksi sa kaniyang ginagawa sa loob ng kwarto.
 WAKAS - Namuhay nang masaya at payapa si Esang at naging matagumpay
ang pagtatapos nito sa pinasukang Unibersidad.

VII. TUNGGALIAN
 Tao Laban sa Sarili - Makikita sa akdang ito na ang tauhan ay nakikipagtalo
sa sarili sa kadahilanang nagawa nitong magtakda ng mga bagay na hindi
kapani-paniwala. Nagpanggap siyang may tunay na kasintahan ngunit sa
isipan lamang pala nito sila nagtatagpo.
  Tao Laban sa Tao - Ang mga kaklase ni Esang ang madalas na mamintas sa
panlabas na anyo nito. Sila rin ang naging tulay sa kaniyang pagmulat sa
katotohanan.

VIII. BISA NG AKDA

 BISA SA DAMDAMIN - Mula sa kwentong aking isinulat, naawa ako sa
kalagayan ni Esang na himuhusgahan ang kaniyang pagkatao at naiinis
naman sa puntong kinailangan pa niyang magsinungaling sa buong klase na
may nobyo nga siya ngunit sa totoong buhay ay wala naman talaga. Likha
lamang ito ng kaniyang isip dahil nais niyang maging masaya at maramdaman
ang pagkakaroon ng isang kasintahan.
 BISA SA ASAL - Maging totoo tayo sa ating sarili. Huwag tayong
magpakalunod o mahumaling sa mga iniidolong artista o ano pa man sa
lipunan. Matuto tayong tumanggap sa ating sarili, maganda man o pangit tayo
sa paningin ng iba dapat mahalin at ipagmalaki natin ang ating pagkatao.
 BISA SA ISIP - Walang perpekto sa mundong ito, pinagpala ka man ng
kagandahan ay kulang pa rin ito upang maging masaya ka sa lipunan. Laging
tatandaan na ang pinakamahalagang bagay na dapat nating taglayin ay ang
pagkakaroon ng tunay na katiwasayan at kaligayan buhay.