PANGALAN: MARION C.

LAGUERTA
PAKSA: Basic o Theoretical Research , Applied o Practical Research, Action Research,
Descriptive, Experimental, Historcal, Case Study, Genetic Study, Comparative study, Normative,
Behavioral Research, Phenommenological research, Communication Research, Quantitative
Research, Non Quantitative Research
ASIGNATURA: PhD Pananaliksik sa Filipino sa Espisipikong Larangan
PROPESOR: Dr. MA. THERESA MACALTAO

1. Basic research o theoretical research

 Ito ay pananaliksik na para lamang sa pangkaragdagang kaalaman. Ayon kina Graziano
at Raulin (2000), ito ay nadisenyo para madagdagan ang pang-unawa sa mga dating
kaalaman ngunit walang partikular na layong praktikal. Ang pangunahing layunin ng
basic research ay para masubok o makabuo ng teorya na ang adhikain ay para
makapagtatag ng prinsipyong pangkalahatan.

2. Applied research o practical research

 Ang layunin nito ay hindi lamang makakalap ng mga kaalaman ngunit ito ay aplikasyon
ng mga kaalaman o aplikasyon ng pure research. Tumutulong ang pananaliksik na ito sa
paglutas ng mga mabibigat na isyu o suliranin sa lipunan at maisaayos ang mga di
kasiya-siyang kondisyon. Maaari din namang kasiya-siya ngunit ‘ika nga sa Ingles
“There’s always a room for improvement” na kung saan mas maisaayos pa ang
kondisyong ito.
 Ang layunin nito ay maisagawa, masubukan at mabigyan ng ebalwasyon ang paggamit
ng teorya o kaalamang nabuo para sa paglutas ng problema. Halimbawa ay ang pag-
aaral kung paano makontrol ang populasyon.

3. Aksyong pananaliksik o Action research

 Pananaliksik sa mabilisang solusyon ng problema na hindi naman kinakailangang
gamitin ang lahat ng prinsipyo ng agham para makahanap ng solusyon sa problema.
Sa edukasyon, ang aksyong pananaliksik ay kadalasang ginagamit para mabigyan ng
remedyo sa mga problemang pagtuturo-pagkatuto. Ginagamit ang mga hakbanging
pang-agham na paraan patungkol sa mga suliranin sa loob ng silid-aralan.

4. Palarawan (descriptive).
 Pinag-aaralan ang mga pangkasalukuyang ginagawa, pamantayan at kalagayan.
 Halimbawa: Pag-aaral sa mga suliranin ng mga mag-aaral na naninirahan sa
mga boarding houses at ang nagiging epekto nito sa kanilang pag-aaral.

5. Eksperimental.
 Pinag-uukulan dito ng pansin ang hinaharap at kung ano ang mangyayari.
 Halimbawa: Eksperimentong gagawin ng isang guro upang malaman niya kung aling
paraan ng pagtuturo ang gagamitin upang madaling matuto ang kanyang mga mag-
aaral. Susubok siya ng iba’t ibang paraan ng pagtuturo.

6. Pangkasaysayan (historical).
 Sinasaklaw ng uring ito ang nakalipas.
 Halimbawa: Pag-aaral ukol sa pag-unlad ng ating Pambansang Wika.

Pananaliksik sa Filipino sa Espisipikong Larangan 1

7. Pag-aaral sa Isang Kaso (case Study).
 Ito ay isang malawak na pag-aaral sa isang aklat, pangyayari, karanasan, isang
pasyente, isang usapin o kaso sa hukuman o kaya’y isang mabigat na suliranin.
 Halimbawa: Pag-aaral ukol sa kaso ng isang sugapa sa ipinagbabawal na gamot na
naging dahilan ng pagkapasok niya sa Rehabilitation Center.

8. Genetic Study.
 Pinag-aaralan at sinusuri nito ang pagsulong at pag-unlad ng isang paksa.
 Halimbawa: Pag-aaral sa yugto ng pagdadalaga o pagbibinata ng isang tao.

9. Pamamaraang Nababatay sa Pamantayan (Normative).

 Inihahambing ang resulta ng isang pag-aaral sa isang umiiral na pamantayan.
 Halimbawa: Paghahambing ng nagampanan sa Ingles ng Ikatlong Baitang sa
Elementarya sa isang dibisyon sa Pambansang Pamantayan sa Ingles ng mga nasa
Ikatlong Baitang.

10. Hambingang Pamamaraan (comparative).

 Ginagamitan ito ng mga talahanayan ng paghahambing ng mga datos.
 Halimbawa: Ang pag-aaral ng bunga ng edukasyon sa mga mag-aaral ng paaralang
publiko at paaralang pribado.

11. Behavioral Research

 May kaugnayan ito sa gawi o pag-uugali ng isang tao. Batay sa pag-aaral sa paniniwala
na ang layuning pangkaaalaman nito ay nakukuha sa pamamagitan ng maingat at
sistimatikong pagsukat at obserbasyon ng mga ginagawa ng mga tao. Ito ay inaasahan
sa operasyong pumapaloob ang pagbabago ng mga konseptong abstrakto sa mga
gawing maaaring maliwanagan. Ang layunin nito ay masubukan ang mga batas na
maaring maipaliwanag, o mahulaan, mabigyan ng prediksyon patungo sakontrol ng
gawi. Hal: Pag-aaral tungkol sa gawi ng mga mag-aaral na kumukuha ng asignaturang
Filipino na nasa unang baitang sa tersaryo.

12. Phenomenological Research

 Itoy pananaliksik batay sa mga paniniwala ng mga tao at ginagawa nila sa kanilang
inisip. Ang pokus nito ay sa internal, sikolohikal na kahulugan bilang gabay sa kanilang
gawi na naglalarawan kung paano ang pag-unawa sa buhay, at karanasan. Tinatawag
din itong theory gen mga perated dahil sa paglinang ng mga teorya. Tinitingnan dito
ang mga nangyayri sa mga phenomenon o pangyayaring may kaugnayan sa paligid.
Hal. Pag-aaral tugkol sa kuturang bikol.

13. Communication Research

 Isa itong uri ng pananaliksik na nakapokus sa pag-iimbistiga sa limang elemento ng
komunikasyon.
 CONTROL ANALYSIS (source) tungkol sa pagganap ng tagapagsalita. Pinag-
aralan ang mga salik na nakakaapekto sa kaniyang pagganap ayon sa kaniyang
kredibilidad, kapabilidad, pagiging bihasa, pangangailangan, at suliranin.
 CONTENT ANALYSIS (message) na tungkol sa katangian ng mesahe,
manipestasyon ng lawak ng paksa, pananaw, at gamit ng teksto;

Pananaliksik sa Filipino sa Espisipikong Larangan 2

  MEDIA ANALYSIS (channel) na tungkol naman sa bentahe ng media at pinansyal
na aspekto;
 AUDIENCE ANALYSIS (receiver) na tungkol sa gawi ng mga tagapakinig, lebel
ng mga tagapakinig, interes nila, opinyon at ang feedback na manggagaling sa
kanila; at
 IMPACT ANALYSIS (effect) na tungkol naman sa kasalukuyang tungkulin ng
media sa komunidad, sistema ng pagbibigay impormasyon, epekto ng telebisyon
sa mga bata, motibo ng media, gamit ng media at iba pa.

14. Kwantitatibong Pananaliksik

 tumutukoy sa sistematiko at empirikal na imbestigasyon ng iba’t ibang paksa at
penomenong panlipunan sa pamamagitan ng matematikal- estadistikal- at mga teknik
na pamamaraan na gumagamit ng komputasyon. kadalasang ginagamitan din ito ng
mga nasusukat at nakabalangkas na pamamaraan sa pananaliksik gaya ng sarbey-
eksperimentasyon- at pagsusuring estadistikal.

15. Kwalitatibong Pananaliksik naman

 kinapapalooban ng mga uri ng pagsisiyasat na ang layunin ay malalimang unawain ang
paguugali at ugnayan ng mga tao at ang dahilan na gumagabay rito. Ang disenyong ito
ay pinapatnubayan ng paniniwalang ang pag-uugali ng tao ay laging nakabatay sa mas
malawak na kontekstong pinangyayarihan nito at ang mga panlipunang realidad gaya ng
kultura- institusyon- at ugnayang pantao na hindi maaaring mabilang o masukat.

Pananaliksik sa Filipino sa Espisipikong Larangan 3