LECTURA 1

ATUQMANTAWAN MISIMANTAWAN
(willakuy)
Chhiqa p'unchawsi misi urquta purisqa huk'ucha hap'ikuq.
Qunqayllamantas huk atuq mancharichin hinaspa tapurin:
-¿Imata rurachkanki?
Misitaq kutichin:
_Huk'uchata chaquchkani
_Hinari ... ¿maypitaq kachkanku? Atuqqa tapuykun
_Ichhu ukhuman chinkaykunku. Ninsi misiqa.
Atuqqa ichhu ukhutas t’aqwiyta qallarin, huk rumiman
chayaspataq sillunkunata aysarquchikun. Nanaymanta
qaparin hinaspa misita nin:
_¿Imanasaqtaq kunanri?
_Wañukapullankipunichari. Nispa misiqa nin.
Atuqtaq sinchi phiñasqa kutichimun:
_¡Ahhh! ñuqaq wañunayta munasqanki. Kunan qamta
mikhurqusqayki.
Misiqa qaparin:
_Ama mikhuwaychu, aswampis wasiyta haku. Chaypi
uñaykunata qusqayki.
Atuqtaq, kusisqa haku arí nispa kutichin:
_Allinmi. Haku arí.
Misiq wasinman chayachkaqtinkutaq, allqu atuqtaqa
hayurqun misitaq ancha kusisqa qhipakapun.