Professional Documents
Culture Documents
Tutubi
Tutubi
Nabaling ang tingin ko sa mahinang pagsayaw ng banig na luntian sa saliw ng ihip ng hangin. Pero mas nakapukaw ng aking atensyon
ang isang asul na tutubing lumilipad sa harap ko. Kumikislap sa sikat ng araw ang asul na balat nito. Sa bawat pagaspas ng mga pakpak nito’y tila
nag-iiwan ng nagkikislapang asul na alikabok sa hangin. Tila may kakaiba sa organismong ito, lalo pa’t dumapo ito sa daliri ko at humarap sa akin.
Tinitigan ko ito ng maigi. Nakikita ko ang aking repleksiyon sa maliliit nitong mga mata. Animo’y may dalang hipnotismo ang bawat paggalaw ng
insektong ito. Hindi ko maipaliwanag ang aking nararamdaman, para bang nagkahalu-halo na lahat ng aking mga emosyon. Ginugulo ng tutubing
ito ang aking isipan. Hindi ito natinag sa aking daliri, itinaas nito ang kanyang mga pakpak at umakmang lilipad... Nagpaikot-ikot sa apat na sulok
ng aking kwarto habang sinusundan ng namamangha kong mga mata. Hindi ko namalayang tuluyan na akong nalunod sa kahiwagaang dala nito...
Napapikit ako.
Bigla akong napamulat ng tumama sa aking mga mukha ang nakakasilaw na ningning ng silahis ng araw. Pilit kong idinilat ang antok ko
pang mga mata. Napatingin ako sa maliit na orasang mabilis na umiikot ng pabaligtad. Para bang nilamon ako ng kahiwagaan dala ng ilusyong ito.
Mainit ang sikat ng araw na tumatama sa aking balat ngunit napapawi ito ng mahalumigmig na haplos ng hangin mula sa kakahuyan at sa mga
Nakikita ko mula sa aking harapan ang mabilis na pagpula ng langit at ang araw na unti-unting kumukubli sa pusod ng luntiang parang...
Sa mabilis na paghudyat ng takipsilim, kasabay ang mga huni ng kuliglig sa paligid, natanaw ko ang langay-langayang nagsisiliparan sa langit.
May isang babaeng biglang lumitaw sa aking harapan... Nakaputi siya at naglalakad sa damuhan. Katamtaman ang taas at may mahabang
buhok... Nakikita ko ang maganda niyang mukha sa maliit na liwanag ng papalubog na araw... Nakangiti siyang humarap sa akin...
may perlas at nasilaw ako sa marangya nitong kinang. Hinawakan ko ito ngunit biglang nagbago ang emosyon sa kanyang mukha. Ang dating ngiti
Kasabay ng kanyang pagtakbo ay ang pagkalagas ng mga bulaklak at pagkatumba ng mga puno sa harap ko. Binalot ng dilim ang paligid
at ang nagliyab ng langit. Tumubo ang mga gusali at napuno ng usok ang paligid. Naging itim ang tubig na dating bughaw tulad ng langit. Napatid
ang babae at natumba sa di kalayuan. Nilapitan ko siya. Nakikita ko sa kanyang mga mata ang sakit at ang pagmamakaawa. Napaluha ako habang
Maraming sugat. Malalim na mga sugat. Nakaramdam ako ng awa. Matinding awa.
Bigla akong nakaramdam ng paninikip ng dibdib. Nabitiwan ko ang walang malay na babae at pilit sinisisid sa kaibuturan ng aking
pagkatao ang aking nararamdaman. Nasusuka ako. Namimilipit sa sakit. Naduwal ako at lumabas mula sa aking sikmura ang iba’t ibang basura at
ang patay na asul na tutubi. Bumuga ako ng maitim na usok. Tumakbo ako ng hindi alam ang patutunguhan. Naapakan ko ang mga binhing
maaaring tumubo pa. Napatigil ako. Naramdaman ko ang malamig na perlas sa aking nakakubling palad na hindi ko pagmamay-ari. Itinayo ko ang
mga batong tore na maaaring dumagan sa akin. Napuno ang isip ko ng iba’t ibang bagay.
Nagising ako. Nagising sa katotohanan. Doon ko lang napagtanto ang isang bagay na nakapagtatakang hinding-hindi sumagi sa aking
isipan…
Siya ang mundo at ang Kalikasan. Ako ang tao, ang gahaman at ang sakim.