Professional Documents
Culture Documents
Guidelines 2018
Guidelines 2018
Guidelines 2018
P1,000.00 kada tagapangalaga o pamilya ng Imahen/Tagpo para sa ating taunang Solidarity Fee. Marso 26, 2017 (Linggo) po ang
nakatakdang huling araw ng bigayan ng ating taunang Solidarity Fee. Ibigay lamang po ito sa ating Ingat-yaman Sis. Tess Icarangal o sa
ating Pangulo Bren Adre sa De La O Rural Bank. May ibibigay sa inyong kaukulang duplicate ng deposit slip ng banko upang magsilbing
resibo.
Ibinigay din po kasabay ng paanyaya para sa Taunang Pagpupulong ng M.A.S.S. ang listahan ng ilan po sa ating mga kasamahan na
nakaligtaan ang kanilang taunang tungkulin na Solidarity Fee. Iminungkahi ng ilan nating kasamahan na mag-set ng araw upang sila ay
personal na puntahan at kausapin upang ipagbigay alam ang kanilang mga tungkulin na nakaligtaan.
Ingress – Maaari nang ihatid sa simbahan ang mga imahen ng ika-3:00 ng hapon ng Abril 7, 2017 (Viernes de Dolores) para sa
pagsasa-ayos ng pagtatanghal ng mga imaheng pang-mahal na araw sa ilang lugar sa loob ng simbahan. Pormal na bubuksan ang
Exhibit sa Abril 8, 2017 (Sabado) pagkatapos ng misa (6:00 n.u.) Hinihikayat ang lahat na dumalo sa Banal na Misa at magdala
ng anumang pang-offer.
Ilagay ang imahen sa nakatalagang lugar o puwesto na ilalaan ng mga organizer sa bawat imahen. Hindi na maaring mabago
o palitan ang mga nakatakdang lugar para sa mga imahen. Tanging desisyon lamang ng organizers ang susundin kung
magkakaroon ng mga hindi inaasahang pagbabago o pangyayaring kinakailangang pagdesisyunan at solusyunan.
Magdala ng sariling patungan o raiser (mesa/platform/peaña, etc.) na hindi tataas sa tatlong talampakan (3ft). Maglalaan ang
organizer ng uniform na mantel para sa lahat ng patungan o raiser. Hindi na kailangang maglagay ng anumang uri ng dekorasyon
o palamuti. Panatilihin ang kabanalan (Uncion Sagrada) ng kabuuang kaanyuan ng bawat imahen.
Iwasan ang paglalagay ng mga mamahalin o antigong accessories/palamuti/alahas na gaya ng mga pilak, ginto, precious stones,
at mga kauri na lubusang naka-aakit para pag interesan ng iba. WALANG ANUMANG PANANAGUTAN ANG SIMBAHAN AT
ORGANIZER SA PAGKAWALA O PAGKASIRA NG ANUMANG BAGAY NA GAGAMITIN SA PAGTATANGHAL.
Ang bawat imahen ay lalagyan ng organizer ng kanya-kanyang nameplate at maikling write-up. Ipinagbabawal ang
pagdidikit sa anumang bahagi ng dingding o paglalagay ng anumang makakadumi sa mga bahagi ng simbahan.
Ang Exhibit ay bukas para sa lahat ng walang anumang bayad o kapalit na bagay. Ito ay bukas simula 8:00 ng umaga hanggang
6:00 ng gabi. Ang mga organizers ay magtatalaga ng mga tagapagbantay sa mga oras na bukas ang Exhibit.
Egress – Maari nang makuha ang mga imahen pagkatapos ng Pabasang Bayan ng Lunes Santo. Tiyakin ang kaayusan at kalinisan
ng lugar na inyong iiwan.
Sa ganap na ika-3:00 ng hapon, susunduin ang Mahal na Señor Santo Sepulcro. Pagbalik sa simbahan, ilalagak ang Mahal na
Señor sa bukana pagkapasok sa pintong mayor ng simbahan at isasagawa ang Pagpaparangal sa Krus na Banal.
Ihanda ng mas maaga ang mga imahen. Panatilihing payak at banal ang bawat kasuotan at ayos ng mga imahen. Gayundin
ang gayak ng karo. Tanging DAHON lamang na panggayak ang maaring gamitin sa prusisyon ng Biyernes Santo maliban sa
Santo Sepulcro na pinalalamutian ng mga sampaguita at ibang mahahalimuyak na puting bulaklak.
Dumating ng ayon sa nakatakdang oras ng pagtitipun-tipon (assembly) sa patio ng simbahan (4:00 ng hapon). Makipag-
ugnayan sa mga usher na matatagpuan sa stage ng patio ng simbahan. Ibibigay sa inyo ang numero ng pagkakasunud-sunod ng
mga carroza at tutulungan kayong matunton ng mga usher ang lugar na nakatalaga para sa inyong imahen. Hindi na maaring
palitan ang mga numero ng bawat imahen at kanya-kanyang puwesto sa patio.
Ilagay ang numero at nameplate sa harapan ng karo na madaling makita at mabasa ng sinuman. Huwag itong ilagay sa
damit o katawan ng mga imahen.
Ganap na ika-6:00 ng gabi bago magsimula ang Prusisyon ng Miyerkules Santo at Biyernes Santo ay sisimulan ang isang
maikling pagdiriwang ng Liturhiya ng mga Salita upang tulungan ang mga mananampalatayang lubusang maunawaan ang
kanilang pakikiisa sa ating mga prusisyong isinasagawa.
Ang lahat ng mga imahen na nkasakay sa kanya-kanyang carroza o andas ay isa-isang idadaan sa harap ng entablado ng Patio ng
simbahan ayon sa nakatakdang pagkakasunud-sunod upang mabasbasan habang binibigkas ang isang maikling pagpapakilalang
inihanda para sa bawat imahen/tagpo. Hindi na kailangan tumigil pa sa harap ng entablado upang tuluy-tuloy ang lakad ng ating
prusisyon at sundin lamang ang tanging ruta ng prusisyon.
Gumawa lamang ng dalawang hanay sa magkabilang gilid ng carroza o andas. Mahigpit na IPINAGBABAWAL ANG
PUMUWESTO SA HARAPAN AT LIKURANG bahagi ng bawat karo. Panatilihin lamang ang hanggang sa apat na katao na
siyang maghihila at magtutulak ng karo.
Bawat isang imahen ay may nakatalagang isang Brgy. Tanod/Marshall na ating makakatuwang sa pagpapanatili ng kaayusan
at kapayapaan sa buong oras ng prusisyon. Ito ay pamumunuan ni G. Nelson Rongalerios, sa tulong ng mga Sangguniang
Barangay, Hanay ng Kapulisan at mula sa ating samahan.
Tayong mga nangangalaga ng imahen ang sana’y maging huwaran ng nakararami sa kaayusan at kasagraduhan ng mga
Banal na Prusisyon.
Pagbalik sa simbahan, maaari na ninyong idiretso ang imahen sa inyong kanya-kanyang tahanan.
1. Nuestro Señor Jesus Resucitado (Si Hesus na Muling Nabuhay) Pamilya del Castillo
2. Nuestra Señora de Alegria de Encuentro (Inang Nagagalak) Pamilya Madredeo-Martinez
3. Santa Maria Magdalena Pamilya Belen
4. Santa Maria Salome Pamilya Acaylar
5. Santa Maria Cleofe Pamilya Aguilar
6. Santa Maria Jacobe Pamilya Rellosa
Magkahiwalay na ipuprusisyon ang Kristong Muling Nabuhay (Natividad Street.) at Birheng Nagagalak kasama ang mga alagad
(San Jose Street).
Pagdating sa Ibaba, maiiwan at mananatili ang mga alagad sa San Jose Street. Tanging ang Kristong Muling Nabuhay at Birheng
Nagagalak na lamang ang papasok sa Galilea upang doon isagawa ang ritwal ng Salubong.
Pagkatapos ng ritwal ng Salubong, isasagawang muli ang prusisyon patungong simbahan. Mauuna ang Kristong Muling Nabuhay
at Birheng Nagagalak, at susunod ang mga alagad.
Pagkatapos ng prusisyon, tatanggalin at ibababa sa carroza o andas ang imahen ng Kristong Muling Nabuhay at Inang Nagagalak.
Ipupuwesto ang mga imahen ayon sa itinakdang lugar sa altar ng simbahan. Ang mga kababaihang alagad naman ay maiiwan sa
patio ng simbahan. Hindi maaaring ipasok ang carroza o andas sa loob ng simbahan.
1. Ang Paghuhugas ng Panginoong Jesús sa mga Paa ni San Pedro at Iba Pang Alagad
2. Ang Huling Hapunan ng Panginoong Jesús sa Piling ng Kanyang 12 Alagad
3. Ang Pagkakaila ni San Pedro sa Panginoong Jesús ng Tatlong Ulit Bago Tumilaok ang Tandang
4. Jesús Desmayado
5. Jesus Sentenciado
6. Ecce Homo
7. Pagpuputong ng Koronang Tinik
8. Nasalubong ni Hesus ang mga Kababaihan ng Herusalem
9. Ang Pagpapako sa Krus ng Panginoong Jesús sa Bundok ng Golgota
10. Ang Pagpapatawad ng Panginoong Jesús sa Nagsisising Magnanakaw