Professional Documents
Culture Documents
Mga Bantas
Mga Bantas
Mga Bantas
TranslateBlanko -
Minsan, papel,
Madalas, tuwing nakikita kita.
Pero, blanko.
Blanko, blanko, blanko, blanko.
Mga letra -
Pagmalalaki:
Minsan, ginagamit sa umpisa ng mga pangungusap;
Kadalasan, ang pagsisigawan natin sa isa't isa
Pagmaliliit:
Minsan, itinatabi sa mga malalaking titik;
Kadalasan, ang mga pagbulong mo sa 'kin ng "mahal kita."
"Mahal kita, hindi kita iiwan,"
Na tangina, sa sobrang hina ng bulong mo,
Akala ko sabi mo, "mahal kita, pero panahon na para ika'y aking iwan."
Mga kuwit -
Minsan, ginagamit sa pagputol putol ng mga ideya.
Madalas, ang mga panahong nagkakalamigan tayo't kinakailangang dumistansya.
Tuldok -
Minsan, ginagamit para tapusin ang isang pangungusap.
Kadalasan, ang pagsuko mo sa mga bagay na hindi mo na kaya.
Ang pagsuko ng mga bagay na ayaw mo na
Ang pagsuko sa mga bagay na wala nang kararatingan.
Teka lang,
Wala pa lang tayo.
Pero, sa bawat kapit ng tinta sa mga blankong linya, blankong espasyo ng blankong papel,
minsan, nagagawa nating magkamali.
Tuldok - kuwit -
Minsan, ginagamit kapag gusto nang itigil ang isang pangungusap, pero sa huli:
nagdesisyon na ituloy pa.
Kadalasan, ipinapalit mo sa mga tuldok na pilit mong binura,
Pilit mong kinalimutan, pero 'di mo nagawa.
Pilit mong tinanggal, pero may bahid pa rin ng sakit sa mga bagay na tinuldukan ng wala
sa oras.
Tandang pananong -
Naguguluhan na 'ko.
Ayoko nang bumalik sa mga bagay na minsan nang sumira sa 'kin.
Ayoko nang yakapin ang mga bagay na pakakawalan ko lang rin sa huli.
Ayoko nang nawala ulit ang mga bagay na minsan nang nawala sa piling ko:
Ikaw.
Tandang padamdam -
Ang hirap-hirap mong basahin!
Tangina ka, kahapon lang nilalayuan mo 'ko,
Ngayon ipinagsisigawan mong mahal mo 'ko.
ANO BA TALAGA?
Elipsis -
Ginagamit kapag sobrang dami nang sinasabi, pero wala nang saysay.
Ginagamit ko kapag naghihintay ako sa'yo at sa mga susunod na pakulo mo.
NAKAKAPUNYETA.