I.Layunin Pagkatapos ng isang sesyon, inaasahang: A.Nakikilala ang mga tauhan at kanilang mga katangian sa dulang binasa; B.Naiuugnay ang mga katangian ng mga tauhan sa dula at sa tunay na buhay; ( Integrasyon sa asignaturang VAL.ED) C.Nabibigyang halaga ang dula sa pamamagitan ng pagpapahayag ng mga saloobin gamit ang iba’t ibang kakayahan.( Integrasyon sa asignaturang MAPEH) II.Paksang Aralin Paksang Pampanitikan: Dula sa Panahon ng Hapon:Sa Pula,Sa Puti ni Soc Rodrigo Sanggunian: Pinagyamang Pluma 8,pp.98-115 Kagamitan:Kopya ng dula,kagamitang biswal,larawan at laptap Estratehiya:Multiple Intelligence ,Pangkatang pagkatoto,Pangkatang gawain Pagpapahalagang Nakapaloob:Walang maidudulot na mabuti ang pagsusugal. III.Pamamaraan A.Panimulang Gawain a) Panalangin b) Pagbati c) Pagsaayos ng upuan at pagpulot ng basura d) Balik-aral - Ano ang ating nakaraang leksyon? B.Pangganyak/Motibasyon a) Bawat mag-aaral ay aatasang tingnan ang ilalim ng kanilang mga upuan at kunin ang mga tinuping papel kung meron man. b) Ang mag-aaral na nakakuha ng papel ay siyang pupunta sa harapan at gagawin ang nakasulat sa papel. c) Tatawag ng isang mag-aaral at hahayaang ilahad sa klase kung ano ang kanyang interpretasyon sa ginawa ng mga kaklaseng nasa harapan. C.Talasalitaan Panuto:Tatawag ng limang mag-aaral na sasagot sa talasalitaan.Gamit ang kahon ng kaalaman,bubunot sila at ididikit ito sa katumbas nitong mga salita na nasa pisara.Pagkatapos ay ibigay ang kahulugan ng salita at gamitin sa pangungusap. Grasya-Biyaya . Sultada- bitaw/labanan ng manok Kuwarta-Salapi . Tinali- manok na pansabong Haplusin-Himasin . Tupada- tawag sa illegal na sabong Ungkatin-Balikan . Dehado- talunan/higit na mahina kaysa kalaban Duda-Hinala . Pintakasi- iba pang tawag sa labanan ng manok o sabong Pusta- taya sa magkabilang panig . Liyamado- higit na malakas ang kalaban Kristo- tawag sa tagakuha ng taya . Tari- pantali na ikinabit sa paa ng manok D.Paglalahad sa Klase * Magpapakita ng dalawang papel na naglalaman ng dalawang kulay .Mula doon,ipapakilala ang paksang tatalakayin. E.Talakayan a) Papangkatin ang mga mag-aaral sa apat na pangkat. b) Bawat pangkat ay bibigyan ng kopya ng dula at may panonooring dulang “ Sa Pula Sa Puti “ang mga mag-aaral. c) Pagkatapos,pangkatang sasagutan ang mga tanong na nakabatay sa pamantayan. TANONG: ( Integrasyon sa asignaturang VAL.ED) Pangkat 1-Sinu-sino ang mga tauhan sa dula? - Sa anong paksa umiikot ang akdang Sa Pula sa Puti? - Bakit nahilig sa pagsasabong si Kulas? Pangkat2 -Ano ang ginawa ni Celing upang mabawi ang natalong salapi ni kulas sa sabong?Ito ba ay mainam na solusyon?Ipaliwanag. - Ano ang dahilan ng pagpusta ni Celing sa sabungan? Tama baa ng kanyang dahilan? Pangatwiran. - Sa inyong palagay,magaling ba ang naisip ni Castor na paraan upang mabawi ni Kulas ang kaniyang talo?Bakit o bakit hindi? Pangkat 3- Ano kaya ang mangyayari sa buhay nina kulas at celing kung hindi nagsusugal si kulas? - kung ikaw si kulas, susundin mo ba ang ipinayo ni castor? bakit? - bilang kabataan, paano ka makakaiwas sa laganap na bisyo sa lipunan? Pangkat 4- Paano napatunayan sa kuwentong ang pagsusugal at pandaraya,kailanma’y hindi magiging tama? -May sitwasyon bang masasabing nakabubuti ang sugal sa tao?Ipaliwanag. - Kung sakaling yayain ka ng iyong kaibigang sumubok ng isang gawaing illegal gaya ng pagsusugal o pagbibisyo,sasama ka ba? Ano ang gagawin o sasabihin mo? PAMANTAYAN: Kaayusan,kaisahan ng idea at kalinisan - 20pts Kahusayan sa paglalahad- 20pts Orihinalidad- 10pts Kabuuan= 50pts F.Paglalapat/Malikhaing Gawain: Integrasyon sa asignaturang MAPEH Panuto:Bawat representanteng pangkat ay may bubunuting papel.Ang bawat papel ay naglalaman ng isang gawaing kinakailangang pangkatang gawing nakabatay sa ibinigay na pamantayan.Bibigyan lamang sila ng limang minuto upang maghanda. Pangkat 1- Kinesthetic-Gawan ng sayaw ang galaw ng manok Pangkat 2- Musical-Gumawa ng maikling kanta na patungkol sa dulang tinalakay.Kantahin ito sa klase. Pangkat 3- Visual-Iguhit ang eksina sa isang sabungan Pangkat 4- Interpersonal-Gumawa ng maikling dula mula sa tinalakay na paksa. ( Ang paksa ay patungkol pa rin sa sugal) G.Paglalahat Babalikang muli ang layunin at titingnan kung ang mga ito ba ay nakamit.
Ano ang inyong napupuna sa kuwento sa dula?
Ano ang gintong kaisipan sa dula na maari nating dalhin o isapuso habang buhay? Paano nagwakas ang dulang “ Sa Pula Sa Puti “? Ano ang aral na hatid ng dula para sa lahat? IV.Ebalwasyon: ¼ na papel Panuto:Basahin ang sumusunod na pahayag. Isulat sa papel ang titik na may tamang sagot. 1.Sino ang asawa ni Kulas? A.Celing B. Cella C. Carla 2.Ano ang humahabol kay kulas sa kanyang panaginip? A.Kabayo B.Kalapati C.Kalabaw 3.Ano ang kulay ng hayop na humahabol kay kulas? A. Puti B.Itim C.Pula 4.Sino ang asawa ni Celing? A.Teban B.Kulas C. Castor 5.Ano ang pinag-aralang mabuti ni Kulas? A.Kaliskis at tainga ng manok B.Pakpak ng manok C.Tainga at pakpak ng manok 6.Ano ang hiningi ni Kulas kay Celing? A.Pera B.Panyo C. Sapatos 7.Ano ang napanaginipan ni Kulas noong isang buwan? A.Ahas at daga B.Ahas at numero 8 c.Ahas at papel na pula 8.Ilang piso ang ibinigay ni Celing kay Kulas? a. Anim na peso B.Pitong peso C.Limang Peso 9.Saan papunta si Kulas? A. Sabungan B.Sunog C. Sapa 10.Sino ang taong masunurin ngunit may kahinaan sa ulo? A.Castor B. Teban C.Sioning V.Takdang-Aralin Panuto:Gamit ang story ladder ,ibuod ang dulang “Sa Pula,Sa Puti” ni Soc Rodrigo.Ibatay sa pamantayan at isulat sa isang buong papel.
WAKAS
KATAWAN
PANIMULA
VI- Pagninilay-nilay/ Refleksyon:
a. 85% na bahagdan ng mga mag-aaral ang natuto sa leksyon ng guro. b. 15% na bahagdan ng mga mag-aaral ang nangangailangan ng pagbabalik- aral patungkol sa leksyon ng guro.