IN

CEBUAN MAGHIMAYA KA RAYNA

O LITANYA SA MAHAL NGA BIRHEN MARIA

[I-AMPO MO KAMI]

Santa nga Ulay sa mga Ulay,

Inahan ni Hesuskristo,
Inahan sa grasyang Diosnon,
Inahan sa paglaom,
Inahan nga putli,
Inahan nga wala hilabti,
Inahan nga walay buling sa sala,
Inahan nga buotan,
1
Inahan nga takus dayegon,
Inahan sa kanunayng panabang,
Inahan sa Magbubuhat,
Inahan sa Manluluwas,
Inahan sa simbahan,
Inahan sa kalooy,
Birhen nga sa kaalam walay ingon,
Birhen nga gitahud namo,
Birhen kansang kadayganan giawit namo,
Birhen nga gamhanan,
Birhen nga maloloy-on,
Birhen nga matoohon,
Salamin sa katarungan,
Lingkoranan sa kinaadman,
Hinungdan sa among kalipay,
Kalis sa espiritohanon,
Kalis sa kadungganan,
Mabulokong kalis sa paghalad, .
Rosa nga dili matukib,
Lantawan ni David,
Lantawan nga garing,
Balay nga bulawan,
Arka sa kasabotan,
Ganghaan sa langit,
Bitoon sa Kabuntagon,
Kaayohan sa mga Masakiton,
Dalangpanan sa mga Makasasala,
Konsuylo sa mga migrante,
Maglilipay sa mga nanagsubo,
Hinabang sa mga Kristyanos,
Rayna sa mga angheles,
Rayna sa mga patriyarka,
Rayna sa mga propeta,
Rayna sa mga apostoles, .
Rayna sa mga martires,
Rayna sa mga kompesores,
Rayna sa mga birhen,
Rayna sa mga santos,
Rayna nga gipanamkon sa walay sala nga
panulondon,
Rayna nga gidala sa langit,
Rayna sa santos uyamot nga Rosaryo,
Rayna sa pamilya,
Rayna sa kalinaw,
P: Kordero sa Dios nga nagawagtang sa sala sa
kalibutan
R: Pasayloa kami, Ginoo.
2
P: Kordero sa Dios nga nagawagtang sa sala sa
kalibutan
R: Pamatia kami, Ginoo.
P: Kordero sa Dios Nga nagawagtang sa sala sa
kalibutan
R: kaloy-i Kami, Ginoo.
P: I-ampo mo kami Santa nga Inahan sa Dios
R: Aron mahimo kaming takos sa mga saad ni
Jesu Cristo. Amen.
Mag-ampo Kita
O Dios, kansang Bugtong Anak, pinaagi sa
iyang kinabuhi, kamatayon ug pagkabanhaw,
nagadangat kanamo ngadto sa kinabuhing walay
katapusan. Itugot, nangamuyo kami kanimo, nga
pinaagi niining mga Misteryo sa Santos uyamot nga
Rosaryo sa mahal nga Birhen Maria, makasunod
unta kami sa ilang gipaabot ug makakab-ot sa ilang
mga panaad, pinaagi ni Kristo nga among Ginoo.
Amen.
PAG-AMPO NGADTO SA INAHAN SA
KANUNAYNG PANABANG
O Inahan sa Kanunayng Panabang, tan awa
kami imong mga anak. Among himaya nga kami
imong mga anak ug kalipay namo ang pagtawag
kanimo nga among Inahan. Apan daghan pa kaayo
kami ug kulang busa midangop kami kanimo
among Inahan. Andam ikaw kanunay sa pagdawat
bisan unsay among kahimtang karon aron pagdasig
kanamo sa pagdugang pagpaningkamot sa pagka-
maayo bisan pa sa tanang mga pag-tental ug sa
among kahuyang.
Sa among pagtan-aw sa imong larawan
nahinumdom kami sa imong kinabuhi dinhi sa
kalibutan. Nahiagum ka sa daghang mga krus ug
mga pagsulay apan naantigo ka sa pagsagubang
kanila. May pagtoo ka ug pagsalig sa Dios. Nagsalig
ka sa iyang mahigugmaon ug amahanon nga
kaayo. Tabangi kami sa pagsunod kanimo.
Nahiagom usab kami sa mga pagsulay ug kagul-
3
anan. Sa makadaghan naguol kami ug nalibog.
Tagai kami sa kaisog. Lig-ona ang among pagtoo.
Tabangi kami sa pagpadayon sa dugang
pagpaningkamot sa higayon nga kawad-an kami sa
paglaum.
Sa imong pagbarog sa tiilan sa krus nalibog ug
naglisud ka sa pagsabot ngano nga mitugot man
ang Dios nga ang iyang Anak nag-antus sa ingon
nga kasakit. Apan bisan pa niana, wala gayod ikaw
kawad-i sa pagtoo. Tabangi kami nga makakat-on
gikan sa imong panig-ingnan sa pagharong sa mga
pagsulay
uban sa paglaum ug pagsalig sa Dios. Usahay
mahigugmaong Inahan, hilabihan ang among
kaguol tungod sa among mga suliran mao nga
nahikalimot na lamang kami sa Dios ug sa mga
kinahanglanon sa uban.
Buot kami nga mahisama kanimo. Nahikalimot
ka sa imong kaugalingon ug sa imong mga suliran
diha sa pagkakita nimo sa uban nga
nagkinahanglan. Tabangi kami sa paghinumdom
nga ang mga kaguol ug kasakit sa uban usahay
mas dagko pa kaysa amoa.
Busa, Maria among Inahan, bisan nagaampo
kami kanimo alang sa mga lain-lain namong mga
tuyo among giapil silang tanan nga imong mga
anak nga nanginahanglan ang mga masakiton ug
himalatyon, ang mga gimingaw ug naguol, ang
mga kabus ug mga linupigan, sa usa ka pulong ang
tanan nga nagkinahanglan sa imong kanunayng
panabang. Amen.
P: Ang Diosnong panabang mag-uban unta kanato
sa kanunay. R: Amen.
P: Ang tanang kalag sa mga nangamatay
makabaton unta ug kalinaw pinaagisa kalooy sa
Dios.
R: Amen
P: Ang Dios nga Makakagahum sa tanan:
(panguros) Ang Amahan, ang Anak ug ang Espiritu
4
Santo, mukunsad unta ngari kanato ug magpabilin
uban kanato sa kanunay.
R: Amen