Raj Aryan gupta

delhi

9654184088

HAPPY NEW YEAR:2011

Yaha aisa kuch nahi hai jo mujhe yaha aane ke liye majbur kare,Mujhe yaha bilkul achcha nahi laga.main kabhi dubara es
desh nahi aana chahta . haan agar kabhi dubara yaha aya to tumse milne yaha jarur aunga. per……. Upar wale se dua karta
hu ki tum mujhe yaha na milo.

(1st jan 2011,11:30PM,THEMAL KATHMANDU)

Hurreyyyyyyyyyyyyy………….. yaar abhi naya saal nahi aya.yeh to mere 2 nd semester exam khatm
hone ki khushi hai.akhir 2 mahine ki saato dino ki classes ke baad 12 din ki
chutti.wowwwwwww…… wo bhi 25th december aur naya saal unhi chuttiyo me padh raho ho to
baat hi kya hai. Akhir kyo na main bhi en chuttiyo ka pura maza uthau.kya kar sakta hu? Socha
chalo kahi ka trip banate hai? to 2 doston ne sath bhi diya. Aakhir humne 28 th dec ka plan bana
hi liya.28th ko jane ki khushi me maine 25th dec bhi nahi manaya,simply ek relative ke yaha 15
hour soya.15 hour? Aree haan yaad nahi 2 month,7 days classes. itne frustration ke baad itna
break to banta hai boss. Per yeh khushi jyada der tak nahi tiki. 26 th night dono ne jaane se mana
kar diya.ohhh shit! Gussa aa raha tha. phir pure 24 hour yeh sochne me nikale ki kya karu.
Doston ko manane ki kai sari koshish bhi ki per wo duffer buffer ho chuke the. To maine ekele hi
jane ka mann banaya.abhi tak apni har trip ekele hi to ki hai,kya fark padta hai?ek aur trip ekele
hi sahi .haan thandak thi per foreign jane ki khushi ke aage wo thandak bhi kam lagi aur 27 th ko
60 waiting list per train ticket book kara hi di. meri journey start hui 8:00pm 28 th dec from my
relative house.per railway station pahuchate Indian railway ne apni identity se mujhe phir avgat
karaya.yaar train 8 hour late thi. Aur es tarah Indian railway ki yeh pehchan mere liye
faydemand rahi,kai reservation cancel hue aur mujhe RAC seat mil gayi. Per wapasi ka vichar
nahi aya.so wait kiya aur 4:00 am 29th dec apni yatra suru ki. es kadak thandak aur Indian
railway ne mujhe khush karne ka pura mann bana liya tha,so mera RAC PARTNER bhi nahi aya
aur maine apna safar us S6 coach ki seat no 39 per kiya.per shaheed express ne shaheed karte
hue 10:00pm 29th ko hi Gorakhpur pahucha diya.ab main jyada khush tha kam se kam 29 th ko hi
main Gorakhpur me tha, per dukh bhi tha kyo ki aaj main border cross nahi kar sakta tha. waha
jaa ke malum chala border 7:00 pm band ho jata hai,so wahi ek hotel me rukna pada.subah
utha ,haan uthne me der ho gayi shaheed se kuch ghayal ho gaya tha so recovery me kuch time
lag gaya.per ab mujhe border tak ke liye bus se jaan tha,per yeh bus bhi shaheed exp ki choti
behan nikli aur 2:30 hour ki journey 4:00 hour me puri ki.aur main 3:00pm 30 th dec ko border
pahucha. waha jaake ek aur shock sehna baki tha,malum chala 3:00pm se 7:30pm tak chalne
wali har bus subah 6:00am tak hi Kathmandu pahuchati hai.haan agar main subah 11:00am tak
yaha pahuch jata to aaj hi kathmndu ke darshan aaj hi ho jate per Kathmandu abhi bhi ek din
durr tha. So ab wait to karna hi tha so kiya.ab raste me kuch jyada khash tha nahi ek to raat thi
koi view dekh pana muskil tha, haan humne raste me dinner kiya 11:30 par.ummid kuch Indian
desi dhabe jaisi thi, haan bana wo kuch waisa hi tha per khana …… soch se batattar.cost? only
250NC.haan yeh dhaabe ke rate hai.jate jate yeh bhi malum hua ki Nepal ki khud ki koi
production nahi hai.strange………… per abhi economics per dhyan dene mann nahi kiya.philhal
hum subah 5:30am kathmandu pahuch hi gaye,abhi yaha ke bare kuch batana muskil tha kyo ki
kuch samjh nahi aa raha tha har taraf andhera aur sirf andhera tha,haan mann me kai sawal the
per 3 aur Indian bhai bhi the so unka sath tham liya.unme me se ek bolta yaar darr lag raha hai
kahi koi loot na le es andhere me.per chalo tum log sath ho to darr kam hua hai.aakhir hum
hamesha se yahi maansikta rakhte aaye hai agar kuch humara jaa raha ho to kuch dusre ka bhi
jaana chahiye.per yeh baat mujhe aaj tak kabhi samjh nahi aayi,haan agar apko andhere se darr
lagta hai to thik hai ki apke sath kuch log ho,warna ekele hone per darr…….?itne me humare
samne ek taxi ruki us sunsan elake wahi humara puspak bani aur humne uski sawari ki aur ye
kya humara puspak take off karne se pehle land kar gaya.5 min me hum themal the heart of
the city of Kathmandu pahuch gaye.aur humne us puspak me bethne ki ek badhi kimat di its
250NC only.phir humne ek basere ki talash chalu ki aur bilkul viprit paya wo yeh ki wo basere
hume rakhne ko razi the per 800NC – 1200NC per.yaha aane se pehle suna tha ki yaha har
cheez kaafi sasti hai,rehna khana pina bhi bahut sasta hai.per yaha pehle hi subah se budget
dagmagane laga.

Humne waha rest kiya aur subah 11:00 am 31st dec ko uthe.main to bilkul bhul chukka tha ki aaj
31st hai.so maine ghumne ka plan banaya.hotel wale se baat ki aur phir usne humari trip plan ki
aur hum 12:00am apni trip ke liye nikle.us trip me hum 5 jagah gaye- pashupati nath temple the
most attractive place for tourist,then swaymbhu nath, darbar chowk, bodha stup,national
historical museum jo ki ashupatinath mandir ke paas me hi hai.jo dekha wo mujhe kuch jyada
lubha nahi paya.kyo? waisi kai jagah main india me already ja chuka hu.so it was so so.humne
wapasi ki aur apne hotel 6:00pm pahuch gaye.ab kya karna hai? Haan abhi hum youngsters ke
liye night baki thi,Kathmandu hum youngster ko jis liye bula sakta hai wo sabhi option mere
samne the.so ab tayar hone ke bari thi.haan din ki trip ke baad thodi thakawat aur thodi dust ne
chehra bigad diya tha so use ab sawarne ki jarurat thi.tayar hone ke baad main themal ki galio
me ghumna chalu kiya malum chala aaj 31st ko inhi galio per dance hoga new year celebration
hoga.its great na…. ab wo sare suffer jo safar se hue the kam hone lage. Aakhon ko aram dene
ke liye on road kai tonic mil rahi thi.market ek dum ek nai naveli dulhan ki tarah sazi thi.itne me
hindi gaano ki awaze sunai di.dhyan diya to dikha wo ek bar se aa rahi thi.nahi nahi kai sare bars
se aa rahi thi sar thoda utha ke dekha to waha kai sare bars the.dil thoda machla, abhi tak aisa
sobhagya(durbhagya?) nahi mila tha.kyo na es opportunity ko cash kiya jaye.kon dekh raha hai
yaha ki main kya kar raha hu.so apne paas me hi jo baar dikha maine rasta dekha aur aisa gaya
jaise ki main ek red alert area me jaa raha hu. upar jaake malum chala darne ki koi baat nahi
kyo ki yeh to yaha ke culture me hai.so ab main dimagi taur per free ho chuka tha.bas ab ek hi
cheez cash karni thi wo tha enjoyment.

Inside the bar

Itne me ek nepali girl mere samne ati hai aur menu card dikha ke order mangti hai.bye the way main
apko bata du I am light drinker and prefer beer. So main ek beer order ki.yaha ki popular beer san
Miguel yeh mujhe malum tha,jane se pehle maine Kathmandu ki jankari pane ki liye google devta ki
saran li thi,wahi se eske bare me bhi malum chala tha.so I ordered a san Miguel beer jiski kimat waha
550NC thi aur bahar wahi bottel 150NC me available thi .ye mujhe baad me malum chala.per ab kya
tha,hath me beer samne bar dancers ka dance aur kya chahiye tha. haan kash ki unme se koi mere sath
hoti.yahi soch raha tha ki itne me bar manager mere paas aya aur bola sir aap ekele hi hai?maine use
mazak me hi jawab diya ki sir agar aap chahe to main dukela bhi ho sakta hu.usne positively response
diya aur mujhe wait karne ko kaha.us intzar ke dauran mann me kafi vichar chalte rahe,jahir si baat hai
wo vichar kahi se bhi sant vichar na honge.aur kuch hi der me ek ladki mere paas bilkul bagal me aake
bethti hai.ankhe thodi choti per nepalio jaisi nahi,rang gora ,height kriban 5 feet 3 inch, haan uske baal
side se the,per badhe the, jo uski sundarta ko aur badha rahe the.lips red I think wo smoke nahi karti
hogi meri tarah,usne jeans blue colour ki aur black colour ka designing top pehan rakha tha.agar figure ki
baat karu to ek dum perfect.right measurement nahi bata sakta.make up light jo use ek bar dancer ki
jagah ek aisi girl bata raha tha jo ki kisi party me ayi hui hai.

Tumhara naam kya hai,aisa maine nahi usne pucha. chunki main bhi management line ka banda hu apne
apko bechane ki es padai me kuch to sikh hi gaya tha to maine bhi use pucha kya tum bollywood movies
dekhti ho usne jawab haan me diya to ab mujhe mera name ko bechne me aur asaani hui maine use
pucha tumhara favorite hero? Usne SRK KA naam liya ,ittefakan wo mera bhi favourate hero hai.to
maine use kaha mera naam wahi hai jo SRK apni jyadatar pictures me apna naam rakhta hai.per mere
bechane ki ye koshish bekar gayi.kyo ki wo mere naam ko nahi bata payi.ab ye to wahi baat hai na ki jab
customer kuch kharidana hi na chahe to chahe aap use kitni hi mehngi cheez saste me de wo nahi
lega.same happened with me.ab maine apne name ki muh sunai karte hue apna name bata hi diya, haan
muh dikhai me dulhan ko gift milte hai per mujhe mere muh sunai me ek juice ka order uske liye dene
pada meri jindagi ka sabse mehnga juice only for 450NC.maine bhi uska name puch dala yeh jante hue
ki jo bhi malum chalega galat hi hoga.my name is priya.aisa usne bola,maine turant pucha ek Indian
name?to usne kaha ha…. To kya hua main hindi bhi to bolti hu na.haan per nepali dikhti hu esi liye maine
pucha.to uske jawab me usne bola yaar hum bollywood movies jyada dekhte hai nepali nahi.abhi tak
maine kai baar juice ki kimat vasool karne ki koshish kar chuka tha.per apne nature se viparit kaam karne
me safalta nahi paa paya aur usne bhi to koi hint nahi diya.so hum aise hi apni apni drink ko sip karte
hue baat karte rahe.unhi baato ke dauran mujhe malum chala ki uske papa Nepal force me the aur ab
bekar hai,uski ek 9 saal ki choti behan hai jiska naam sneha hai , ek 12 saal ka bhai hai aur wo khud preti
21 ki hai.preti? haan uska real name preti hi hai.baato ke dauran maine uske chehre ko dekha usme
masumiyat saaf saaf dikh rahi thi.per wo apne apko bar ki best sales girl dikhane ki har koshish kar rahi
thi.per uske shabdo ne uske chehra ka sath dheere dheere dena chodh rahe the.uske shabdo ne suruat
me ek best sales girl se nikale shabdo ka hi bhav diya per dheere dheere wo bhav badalne lage.kuch
apne pan bhav de rahe the, haan es bhav parivartan me 3 hour lage.jyada mat socho aap kahoge na
kahta apne ko light drinker hai aur 3 hour se pi raha hai.nahi abhi meri pehli bottle khatm hui thi.nasha
bilkul nahi tha,per haan usse baat karke achcha lag raha tha.so main betha raha.uske glass me abhi bhi
juice tha.maine pucha badi dheere dhere juice pi rahi ho to usne mujhe jawab diya agar main dheere
dheere nahi piungi to yeh khatm ho jayega aur mera manager mujhe ishara karega ki main aur order
karu aur phir tumhara bill aur badh ayega.wo ehsaas kafi meetha sa tha.ek bar girl apne hi bar ki kamai
kam kara rahi thi.mujhe malum chal gaya ki woe k bahut hi buri sales girl hai.aur agar wo kabhi meri
company me job ke liye ayegi to main use job nahi dunga.yeh mera uske liye ek professionally decision
tha.per mujhe janne wale jante hai ki raj per professional bhav jyada der tak nahi tikte.usse to har apna
lagta hai aur wo har ko apna manta hai.so maine professional relation har darwaze uske liye band kar
diye per haan emotional relation to banaya hi ja sakta tha.kyoki jis profession me wo thi wo ab mujhe
gawara nahi tha.aur jis professional life me main hu usme uske liye samaj ne darwaze bandh hi kar diye
the.so ab humare bich ek hi relation ho sakta tha,wo tha emotion ka relation,ehsaas ka relation,dukh ka
relation,khushi ka relation.us per kuch vishwash banne laga.so maine us relation ko banane ki pehal ki
aur use dosti ke liye offer kiya aur usne yeh proposal accept bhi kar liya. Ab dost banne ke baad mera us
per kuch haq to banta tha to usi haq se maine usse kai personal sawal puche aur un sawalo ke jawab
mujhe uske aur karib(emotionally) karte gaye.wo apne ghar me yeh bata ke kaam karti hai ki wo ek hotel
me recepsnist hai.use yaha 6000NC milte hai aur incentive bhi hai.incentive? haan jab koi customer unke
dance se khush hoke unhe paise dete hai.unki chance ek periodic order me ati hai.so use bato ko chodh
kar bich bich me jana bhi padta tha.aur har dance ke baad wo mere paas aa jati thi.per ab to uske glass
se juice bhi khtam ho chuka tha aur mere bottle se beer.per abhi bhi uske sath samay bitane ka mann
kar raha tha so apni pocket me dekhte hue maine ek aur beer order kar di.wo yeh baat bhaap gayi aur
usne pucha ki tumhare paas paise nahi hai to tum jate kyo nahi ho.to maine jawab to nahi diya per main
janta tha ki main waha kyo ruka.mujhe hamesha chah rahi hai ki main apne paas walo ko hasa saku
unke chehre per khushi laa saku,aur uske chehre per wo khushi dekh ke mujhe usse jyada khushi mil rahi
thi aur yahi karan tha ki main waha rukna chahta tha.baate aur badhti gayi, wo mujhe aur main use aur
karib se janne lage.uski kai baate mujhe uski aur dekhne ko majbur kar rahi thi.usse baat karke paya ki
usme bhi ek sadharan si ladki ke bhav hai.ek aisi ladki jiske sapne hai apne jivan ko leker ,apne jivan sathi
ko lekar.wo apne ko sabse alag nahi balki sabke jaisa dikhna chahti hai.uske liye special hona sabse alag
hona nahi balki sabke bich me rahkar apno ka pyar pane me hai..usne kaha “raj main itna saz sawar ke
bethi hu per main to chahti hu ki agar main sazu sawaru to sirf ek liye. Sundarta meri ho to sirf ek liye
,mujhe sabki tarrif nahi chahiye bas sirf ek ho jo meri tarrif kare. Ek aisa sakhs jisse meri jindagi suru bhi
ho aur jis per khatm bhi.jis per mera haq ho aur jo mujh per haq jataye. Jiske sath chalne per main apne
apko safe mehsus kar saku.jiske hath thamte hi mere dukh durr ho jaye,jise dekhte hi jine ka mann kare
kyoki marne ke baad uska sath na hoga.ek aisa sakhs jo meri baato ko bina mere kahe mujhe jaan jaye.

Mujhe malum hai aisa ho pana namumkin hai,aisa sakhs to chodho mujhe to ek aam aadmi bhi nahi
milega jo mujhe apna ek izzat bhara naam de paye”

Ye baate usne ek baar me nahi kahi yeh to baato ke dauran hi niklti gayi.per en baato ke dauran meri
ankho me ansoo the.main saaf saaf dekh paa raha tha kaise humara samaj kisi ke ehsaas ka balatkar
karke apna manoranjan karta hai.us samay es baat ka ehsas hua humara enjoyment kisi ka dard bhi ho
sakta hai wo bhi itna gehra….? Aaj se pehle kabhi na socha tha.

Ab meri dusri beer bhi khatm hone lagi thi aur 12:00 bajne me 10 min baki the ki itne me wo manager
aya aur preti ko ek table ki taraf ishara karte hue bolta hai ki wo tumhe bula rahe hai.meri beer khatm
thi ,aur paise jyada the nahi us samay so main chup hi raha. Kya kar sakta tha? Per preti ne manager se 5
min ka time manga.aur es tarah wo 2011 ke pehle din pehle sec mere sath thi.maine use wish kiya aur
usne mujhe.per ab jaane ki bari thi mujhe achcha to nahi lag raha tha per jana to tha hi.bar me kuch
intresting nahi tha per mera ek dost waha tha aur wo dost jisse meri dosti sayad ek din hi rehne wali
thi.esi liye main dukhi tha.per usne mujhe rukne ke liye bola,maine usko bataya bhi ki main aur kharch
nahi kar sakta abhi. to usne haste hue bola to mat karna per ruko to baat karni hai.usne mujhse bola ki
agar main bore ho raha hu ya agar mujhe achcha na lag raha ho to main jaa sakta hu.per aap batao
maine kya kiya hoga? Clear hai main ruka, agar na rukta to yeh ank aage kaise badhta.main waha ruka
per apni position change karke ab main sabse side hokar corner me jake beth gaya.pocket me agarbatti
padhi thi to wahi phukna chalu kiya.meri ankhe dance stage per nahi thi ,wo to sirf preti ki taraf thi aur
wo jo dekh rahi thi wo na to unhe manjur tha aur na hi mere dil ko.waha bethe ladko ke group se kai
ladke uske sharir ke kai hisso ko chune ki koshish kar rahe the aur preti unke hatho ko hatate hue unhe
khush karne ki koshish kar rahi thi. dono ki koshishe nakam ho rahi thi . us pal lag raha tha jaise uske
sath pal pal ballatkar ho raha ho,kash ki uske sath sirf ek baar balatkar hua tha aur wo mujhe mili hoti to
sayad main use a*** ****,per uske sath ho rahe har pal ke balatkar ko na to main apna sakta tha aur na
hi yeh khud samaj apnayega.haan es dard ka ehsaas abhi mujhe ya apko nahi ho sakta,main apko es
dard ka thoda sa ehsaas dilane ki koshish karta hu.maano ki tum straight ho(gay nahi ho),per tumhe sirf
apne pet ko bharne ke liye apne jism ka prayog karna pade, kisi ki khushi,enjoyment ke khatir kaisa
mehsus kar rahe ho?, mujhe lagta haan sayad preti ke jism se ehsaas mit chukka hai ya use ehsaas hota
hi nahi.yaar hum ladke aisi ladki chahte hai jisko sparsh karte wo sharm se kampit ho jaye.per preti se
koi kya chahega?mujhe to lagta hai ki sayad use thand,garm ka ehsaas bhi uske sharer se mit chukka
hoga.sayad wo sirf apni atma ko jinda rakhne ki ladai ladh rahi hai ya… pata nahi, kai sawal hai per jawab
kahi nahi.yahi soch raha tha ki itne me hi preti ki nigahe meri nigaho se takrai meri ankho me gussa wo
dekh sakti thi aur uski ankho me ek guzarish me dekh sakta tha.haan ek guzarish, ki raj ankhe dusri taraf
kar lo kyo ki na to tum yeh dekh sakte ho aur jab tum tak tum mujhe dekhoge na hi main apna kaam kar
paungi.ankho me do ansoo leke maine ankhe dusri taraf kar li aur gusse me ek aur aur beer order kar
di.yeh meri teesri beer thi.aur do beer pine ke baad bhi main bilkul nashe me nahi tha.meri taraf teesri
beer aate aue dekh wo waha se uth kar meri taraf aayi aur gusse me boli tum en logo jaisa kyo ban rahe
ho,itni beer kyo pee rahe ho,tumhare paas paise bhi nahi hai aur tumne ek aur beer order kar di aur phir
usne mere coat ke collor ko gusse me khichate hue mujhe jaane ko bola.maine usse kaha ki tumhi ne
kaha tha rukne ko,baat karne ko aur ab tum hi mujhe jaane ko kah rahi ho.to usne kaha baat karne ko
kaha tha beer pine ko nahi.us samay mujhme ajib se bhav chalne lage.jo ki uske sath ke attachment ko
badha rahe the.maine phir kisi tarah uska gussa shant kiya aur baat karne ki koshish karta raha.wo shant
hui phir usne mujhe mere andar ke insaan se avgat karaya.usne mujhse bola “ jab kisi ladki ko koi ladka
chuta hai to ladki ko malum chal jata hai ki wo ladka kaisi niyat se us ladki ko chu raha hai aur tumne
mujhe kabhi bhi galat niyat se mujhe chune ki koshish nahi ki”.us samay apne upar dhikkar bhi ayi aur
ghamand bhi.dhikkar es liye ki sayad main bhi yaha wahi karne aya tha jo wo ladke kar rahe the aur
ghamand es baat per ki kam se kam kiya to nahi.haan result hi mayne rakhta hai.kam se kam ek kaliyug
me aap chahe jitna ganda ya galat socho per agar aap galat kar nahi rahe,to aap hi ram ho.phir hum
bethe aur na jaane kon kon si baate karne lage.baato baato me maine use india aane ka bulawa bhi de
dala.ghumne ke liye nahi yaha aake basne ke liye,sorry dosto main janta hu ki india ki population already
bahut jyada ho chuki hai aur hum katai dusre desho se es tarah ke sthanantaran ko sahan nahi kar
sakte,per yaaro humne hamesha apne darr per aye hue ko gale se lagaya hai.usko sahara diya hai,apne
pet ko kat ko uska pet bhara hai aur yeh sirf ek Indian hi kar sakta hai.maine usse kaha ki use india me
koi achcha kaam mil jayega, jisme izzat ho.per usne apni lachari dikhayi aur kaha ki uske sath uske baap
hai ,bhai hai,behan hai wo kaise apne parivaar ki jimmedari chodh sakti hai.es jawab per mere paas koi
sawal nahi tha.kari 12:45am uske dance karne ki bari ayi. Usne dance ke liye jaate jaate mujhse bola ki
wo yeh dance sirf mere liye kar rahi hai.aur wo gaana ani pasand se mere liye choose karegi.gaana tha “
aye ho meri jindagi me tum bahar ban ke,mere dil me tum hi rehna pyar pyar banke……………..” usne
gaane ke dauran kai baar meri taraf ishare bhi kiye. Jo ki har koi dekh sakta tha chahe wo us bar ke
customers ho ya manager ya dusri bar balaye.per maine sirf uske gaane me nikli guzarish ko dekha uske
mann ke bhav ko dekha,dekha uski khushi ko jo use mere sath hone per mil rahi thi.mere liye yahi bahut
kuch tha ki aaj main kisi ke khush hone ka karan hu.uska dance khatm hua,wo phir mere paas aake beth
gayi hum phir se apni baato ke samunder me dub gaye.baat karte karte 1:30 am 1 st jan 2011 ho gaya.bar
bandh hone ka time, to usne mujhe jaane ko bola.mujhe yeh mulakat apni akhiri mulakat lag rahi thi.per
itne me hi usne mujhse meri ek pic aur mera mob number maanga.maine apni picture apne neele
daaton se uske neele daaton ke sahare uske mobile me bhej di,aur phir apna mobile number bhi bata
diya. Per sath sath apne hotel ka no bhi diya kyo ki main to roaming me tha jaha incoming 55Rs thi.aur
apni mulakat ko the end mante hue dukhi hokar main bar se bahar nikalne laga.uski ankho me chal rahe
ehsaas ko main achchi tarah se samajh sakta tha.per bolne ke liye kuch samjh nahi aa raha tha aur
dekhne ka samay khatm ho chuka tha.so apni num ankho ko leke main bar se bahar aa gaya.

Bahar aake malum hua ki 31st ki night 10:00pm se yaha bearish ho rahi thi jiske karan road dance cancel
ho gaya tha ,aur us time kuch ladke aur kuch English men hi ghumte nazar aa rahe the.mere liye mera
new year ho chukka tha.saal ki starting me hi ek dost bana aur bichadh gaya,so dukhi dukhi si sakl lekar
apne hotel pahucha.waha jate hi reception me khade ladke ne mujhe bataya ki mere liye preti naam ki
ek ladki ka phone aya tha.maine wahi se preti ko call ki.haan bhai maine hi uska number maang liya
tha ,uski photo ke sath.kya? maine bataya nahi .aree gussa mat ho ,maine bhi ussi samay uska numbe
aur uski pic maang li thi jab wo meri pic ko save kar rahi thi.preti ne mujhe bola ki usne good night kahne
ke liye phone liya tha.to maine bhi use good night bola.per mujhe lag raha tha jaise ki wo kuch aur kehna
chah rahi hai.aur usne bola bhi ki “kya tum mujhe kal 2:00pm mil sakte ho?”.main khush tha ki es dosti
eki jindagi ek din aur badh gayi, maine turant haan kar di.aur happy new year ki wish ke sath good night
ki wish bhi de dali.aur sidhe room me jaake so gaya.nindh thodi der se aayi per aa gayi.

Next day 1st jan 2011,main 12:00 baze so ke utha aur 2 baze ka intzar karne laga per kaafi samay tha so
market ghumne ka plan banaya.per yeh kya? Ek jacket 3500NC wo bhi bina kisi brand logo ke jo yaha
delhi me maximum 500Rs ki mil jayegi.market dekhte dekhte malum chala ki yaha shopping karna to
bekar hai. Ek simple sa reason tha jo wo bech rahe the wo india me available the wo bhi kam rate per.so
yeh to bewkufi hi hoti ki main waha se gadha banker ladhke lata wo bhi mehnge rate per.so maine sirf
market dekhne ka hi mann banaya,shoping ka nahi.haan market achchi thi variety bhi thi per
commodities kafi mehangi.us samay mujhe apne economics teacher raj yaad aye.haan unka naam bhi
raj hai.thanks raj economics padane ke liye,uhi ke concepts ne mujhe yeh samajhne me aasani ki,ki kyo
Nepal ki halat aisi hai kyo log yaha se apna desh chodh kar dusre desh jate hai.1Rs=1.6NC hai.so unki
currency devalued hai per unke yaha inflation kafi jyada hai,jo ki nation ke liye achchi baat nahi hai.logo
ki income bhi around 5000NC -8000NC hai jo ki itne inflation ke liye justify nahi karti.es tarah 2 baze
main usi jagah pahuch gaya jaha preti ne mujhe bulaya tha.1 ghante wait karne ke baad jab wo nahi ayi
to maine use call ki per call ka koi respons nahi hua.aur maine pure 2:30 ghante wait karne aur 5 se 6 call
karne ke baad gusse me wapas hotel aa gaya.mann me aya aakhir wo thi to ek bar dancer apne nature
ko kaise chodh sakti hai.main apne ko kuch thaga sa mehsus karne laga.paiso se nahi balki un emotions
se jo maine usse ek raat pehle hi jode the.

Main wapas usi bar me 7:00pm pahucha abhi bar start bhi nahi hua tha,per unki daners aana chalu ho
gayi thi.kuch ne mujhe pehchan bhi liya per kuch boli nahi aur kuch hans ke dekh rahi thi.per mera kya?
main chup chap bar me jaake beth gaya aur apne dost….?( Ya ) us bar dancer ka intzar karne laga.45 min
beet chuke the wo na to aati hui dikhai di aur na hi dance karti hui.aur itni der me manager aur dusri
girls order lene ke liye antardvandh me thi.ek girl ne himmat ki aur mujhse order maanga.per maine
sidhe sidhe preti ko bulane ko kaha.usne preti ko bulaya, preti mere paas haste hue aayi aur simply ek
sorry bol diya bataya ki kal late ho gayi thi aur ghar me kaam tha es liye wo mujhse milne nahi aa pai
thi.maine gusse ka look dete hue usse bola jao apne bar ki dress pehan kar aao aur mere liye ek beer
order karo,dekho tumhara customer aya hai.wo mere gusse ko apni hansi se kam karne ki nakamyab
koshish kar rahi thi.per maine apne mann ko bandhate hue gusse wala chehra banaye rakha.tab usne
mujhse kaha ki uski bari hai dance karne ki,aur wo dance karke aayegi.maine itne me ek beer order kar
di.aur 5 min ke andar hi wo dance floor per thi.pehle main chup chap dance dekhta raha aur phir gaane
ki aakhiri lines me utha apna hath apni pocket me dala aur kuch paise nikale yeh karte hue usne mujhe
dekh liya tha.jaise hi main uske paas jaane laga use wo paise dene ke liye wo upset si hokar pura song
khatm kare bina hi chali gayi.main wapas aake apne sofe per beth gaya.5min ur intzar ke baad wo mere
paas aake beth gayi.maine apne gusse ko banaye rakha aur use hurt karne wali kai bate ki.maine usse
bola ki tum ek good sales girl ho,janti ho apne bar ke customer ko kaise bandhe rakha jaye. Aakhir main
bhi tumhara customer bann gaya.maine usse yeh bhi bola ki mujhe uski ek appointment badhi mehangi
padi.yeh kehte hi uski ankho se ansoo gir pade.phir usne apne bare me mujhe kuch aur such
bataye,usne bataya ki uski jindagi me ek raj naam ka hi ek ladka aya tha jisne uske sath pyar karne ka
natak kiya aur ek baar jab wo night me ghum rahe the to police ne unhe pakada aur waha use malum
chala ki wo married tha.yeh tab ki baat hai jab wo nayi nayi bar dancer bani thi.usne mujhse kaha ki jab
main usse mila aur jo usse baate ki wo kisi ne usse nahi ki.uske mutabik un do dino me usne mujhse
bahut kuch shikha,meri baato ne usse shakti di ki wo waisi duniya se bahar aa sakti hai.uske liye bhi uska
sapna ka rajkumar asal jindagi me aa sakta hai.meri baate use ehsaas dilate hai ki wo bhi ek insaan
hai,use bhi jine ka haq hai,use bhi sapne dekhne ka haq hai.uska bhi koi apna ho sakta hai.yeh kehte hue
usne mera hath pakad liya.aur maine bhi uske hatho ko ek dost ke hath samajh kar santavna dete hue
pakad liye.per such mano mann me ansoo to beh rahe the.per kahne ko kuch mil nahi raha tha.phir
maine narm awaz me uske na aane ka karan pucha,to usne meri ankho me dekha aur bina jawab dete
hue baat badal di.per us lamhe me kuch samajh bhi raha tha aur kuch nahi bhi.maine chup rehna jyada
uchit samjha.hum baat kar rahe the aur main use baat baat per santavna dene ki koshish kar raha
tha.haan un baato ke dauran hum dono ek dusre ke karib aane ki koshish kar rahe the.main jyada
koshish nahi kar raha tha reason simple tha agar un koshish ke dauran main kuch jyada badhta to lagta
ki dekho baate to dost banker itni achchi achchi kar raha hai per mann me kya chal raha hai.aur waise
bhi us samay main eek dost bane rahna jyada uchit samjha na ki customer.aakhir mujhme bhi thodi
insaniyat baki thi.wo pal mere aur uske liye bahut haseen the.hum dono ek dusre ke sath hone ke
mauke ka pura anand le rahe the,wo mere dukho ko kam karne ki koshish me thi aur main uske dukho
ko kam karne ki koshish kar raha tha.har wo ehsaas jo mujhe physically usse mil sakta tha wo en baato
se utpann hue ehsaas ke aage tuchch se lag rahe the.haan mere jindagi me yeh do din hamesha yaad
rahenge.aur wo bar dancer sorry meri dost preti hamesha meri yaado me jivant rahegi.ehsaas kaafi
hassen hai baate thi ki khatm hone ka naam nahi le rahi thi.mujhe karib se janne wale yeh jante hai ki
main lagatar kaafi samay tak baate nahi karta.per us din sab kuch alag sa tha.

Baate karte karte 10:30 pm ho chuke the.itne me ek table se ek ladke ne preti ki taraf ishara kiya.jahir si
baat hai wo ishara use apni taraf bulane ka tha.per preti ne us ishare ko nazarandaaz kar diya.yeh dekh
us ladke ke janwar ke swabhiman ko chot lagi aur wo uth ke manager ki taraf gaya.yeh sab main dekh
paa raha tha.per preti abhi bhi es baat se anjaan thi aur wo mere sath hone ke palo ka anand utha rahi
thi.us pal mujhe laga sayad uski jindagi mujhse start nahi hoti ho, per haan uska yeh pal mujhse hi start
hota hai aur mujh per hi khatm hota hai.yeh baate mere mann me chal hi rahi thi, ki tine me hi wo ladka
ek nepali bouncer ke sath humari table ki taraf aya.wo preti ke back ki taraf se aa rahe the so preti unhe
nahi dekh payi.per mujhe aane wale samay me hone wali ghatna ka ehsaas ho gaya tha.so maine bhi
apne ko mansik aur sharirik taur per tayar kar liya.per…….. nashe me dhut us ladke ne aisi harkat ki jo
mujhe bilkul nagawar gujari.usne aate aate preti ke back se uske chest per hath lagaya,yeh dekh maine
turant hi apni dosti ka farz nibhane ke khatir us ladke ko marne ke liye hath uthaya per itne me hi
dhisummmmmmmmmmmmmm yeh maine nahi balki us sikatte se nepali bouncer ne mujhe per hit
kiya.attack bahut light tha.so mujhe jyad fark nahi pada,per us situation ne preti ko dara diya.wo rone
lagi aur usne sabko durr hatne ke liye kahti rahi aur phir manager ne bhi aake baat sambhal li.dono
paksh apni apni sikayat karte nazar aye per ab humare alag hone ka waqt aa hi gaya tha.preti us ladke ke
paas nahi jaan chahti thi,so usne dance ka bahana banake waha se nikalne ki koshish ki,mujhe bhi ab
nikalna tha.per paer sath nahi de rahe the,maine apne apko ko thoda majbut kiya.jaate jaate maine preti
ke hatho ko thama aur usse ek promise liya.

Maine usse promise liya ki wo yeh job ek mahine tak me chodh degi aur koi aur izzat wali job karegi,wo
kabhi aise job dubara nahi karegi.haan agar wo kabhi india aana chahe to main uski madad jarur
karunga.chahe wo usko padane ki madad ho ya uske liye job dhudhane ki madad ya kisi bhi aur tarah ki
jo ek dost apne dost ke liye kar sakta hai.per agar wo kabhi india nahi ati to sayad hum kabhi nahi
milenge.kyo ki Yaha aisa kuch nahi hai jo mujhe yaha aane ke liye majbur kare,Mujhe yaha bilkul achcha nahi laga.main
kabhi dubara es desh nahi aana chahta . haan agar kabhi dubara yaha aya to tumse milne yaha jarur aunga. per……. Upar
wale se dua karta hu ki tum mujhe yaha na milo. Aisa maine usse bola.

Aur usne apni ankho me ansoo rakhte hue mujhe promise kiya ki wo yeh job chodh degi aur jab uske liye
Nepal me jina muskil ho jyega to wo india jarur ayegi,apne dost se madad mangne.
Aur es tarah hum phir se alag ho gaye ,main bahar aa gaya.aur apne hotel chala gaya.mujhe subah 5 baz
border ke liye bus pakadni thi. Haan mere border corss karne ke 2 hour baad uska phone mujhe
aya.usne pucha ki main sahi salamat pahuch gaya ki nahi.maine usko bataya ki abhi bhi mujhe 18 ghante
aur lagenge apne city tak pahuchane me ,delhi tak pahuchane me.wo meri usse akhiri baat hui.

Na jaane es samay wo kya kar rahi hogi,kya soch rahi hogi ? sayad apne liye dusri job ke bare me soch
rahi hogi ya sayad mere bare me soch rahi hogi………………… main chahta hu ki wo apne liye dusri
job ke bare me soch rahi ho.kam se kam wo ek izzat ki jindagi jiye,yahi mere liye uski taraf sabse kimti
gift hoga.main sirf bhagwan se dua kr sakta hu.ki bhagwan use hamesha itni shakti dena ki wo es samaj
se lad sake ,es duniya se lad sake,apni masumiyat ko banaye rakhe ,apni atma ko jinda rakhe.haan mann
me aisi kai duaye hai uske liye.jindagi me usse ek baar aur dekhna chahta hu,per achche halato me.phir
aise halato me use dubara dekhne ki shakti mujhme nahi hai.aur dua karta hu ki bhagwan mujhe use aisi
esthiti me dubara na dikhaye.