Kabanata III

Metodolohiya sa Pananaliksik

Ang kabanatang ito ay naglalaman ng mga impormasyon ukol sa disenyo, mga

nalikom na datos, pamamaraan na ginamit sa pag aaral, instrumento,
talatanungan at istatistikal na datos. Ang metodo na ginamit sa pag aaral na ito
ay deskriptibo, paglalahad ng mga termino na naisalin sa wikang filipino gamit
ang mas angkop na teorya ng salin ayon sa mga mag aaral ng kursong
pagtutuos.

Disenyo ng Pag-aaral
Ang mga mananaliksik ay kumalap ng mga datos mula sa mga pag-aaral tulad
ng tesis o mga terminong papel, sa mga panitikan at mga aklat upang magkaron
ng sapat na kaalaman at naayon na impormasyon sa pagbuo ng talatanungan na
siyang sasagot sa pokus ng pag-aaral. Sa pamamagitan ng sarbey ay
ipinamahagi ng mga mananaliksik ang talatanungan sa mga piling mag-aaral sa
kursong pagtutuos na nasa una, ikalawa at ikalalimang baitang bilang mga
respondente.

Mga Instrumentong Ginamit

Sa bahaging ito matatagpuan o makikita ang talatanungan na ginamit ng mga
mananaliksik sa ginawang pag-aaral.

Talatanungan

Gumamit ang mga mananaliksik ng talatanungan upang masagot ang suliranin

ng pag-aaral ukol sa pagtukoy kung ano ang mas angkop na teorya ng
pagsasalin ang nais gamitin ng mga mag aaral sa nga terminong pang
pagtutuos. Ang talatanungan na nalikha ng mga mananaliksik ay naglalaman ng
dalawang bahagi, una ay ang propayl ng mga repondente at pangalawa ay ang
talaan ng mga terminong pang pagtutuos na may piling teorya ng pagsasalin una
ang saling paimbabaw at pangalawa ang saling tapat.
Pamamahagi ng Paglilikom
Ang mga mananaliksik ay gumawa ng kasulatan ukol sa paghingi ng patnubay
sa tagapatnubay upang pansiyahan ang pamamamahagi ng talatanungan sa
mga respondente. Personal na ipinamahagi ng mga mananaliksik sa mga
respondente ang talatanungan at hinintay upang malikom ang mga ito
pagkatapos.
Ang Pagkakapili at Pagkakabahagi ng Populasyon
Gumamit ang mga mananaliksik ng kabuuang tatlumpung (30) mag-aaral sa
kursong pagtutuos bilang respondente, kumuha mula sa una, ikalawa at
ikalimang baitang ng kursong pagtutuos ang mga mananaliksik ng respondente
sapagkat sila may sapat na kaalaman sa pag-aaral.
Pagtataya ng Balidasyon ng Kagamitan
Ang instrumento na ginamit ay random sampling. Ito ay pagpili ng mga
mananaliksik sa mga respondente na itinaya ang patas na kaalaman ng mga
mag-aaral bawat baitang ng may kursong pagtutuos, ang mga terminong ginamit
ay mula sa talaan ng mga terminong isinalin ng KWF kung saan ito ay mga
terminong Pang karaniwan sa kursong pagtutuos. Isinagawa ang pagbuo ng
instrumento matapos kumunsulta sa guro ng asignaturang Filipino.

Pag-uulat ng mga Datos

Itinala ng mga mananaliksik ang mga datos na nalikom batay sa personalidad o
baitang ng mga respondente. Ang mga ito ay inilahad at itinala upang makita ang
naging resulta ng ginawang sarbey at maipaliwanag ang sinasalamin ng mga
nalikom na datos. Ang mga datos ay ibinanghay batay sa naging tugon ng mga
respondente.

Istatistikong Pamamaraan
Inilahad sa bahaging ito ang pamamaraan sa pagtitimbang at pagsukat ng mga
nakalap na datos. Ang istatistikang pamamaraan ja gagamitin ay ang pagkuha
ng porsyento o bahagdan upang makita ang resulta ng pag-aaral na ito.
Matutuklasan rin ang kabuuang bahagdan ng bilang ng magkaparehong sagot sa
bawat tanong mula sa tala-tanungan sa pamamagitan ng paggamit ng pormula
%= F/N × 100
Kung saan:
F= bilang ng tugon
%= Bahagdan
N= Bilang ng respondente