Kinakausap ba ng nanay mo ang inyong mga halaman? Mahilig ba ang
nanay mo sa halaman? Mukha na bang harden ni eba ang inyong bakuran? Kung ganoon, hindi ka nag-iisa, sapagkat dahil sa kasalukuyan nating sitwasyon at dahil sa kinakaharap nating pandemya ay hindi tayo pwedeng lumabas kung kaya’t naghahanap tayo ng mga bagay na pwede nating gawing libangan at isa na dito ang pagkahilig sa halaman.
Maraming mamamayang Pilipino, paritkular na ang mga nanay ang nahilig
sa halaman, kasabay sa pagdami at pagtaas ng kaso ng mga positibo ay ang pagtaas ng demand ng halaman, marami ang nagbebenta online at maging sa mga palengke. May ibang nagbebenta ang pumupunta pa sa matataas na bundok upang maghanap at pumutol ng halaman upang maibenta at pagkakakitaan. Ito ang naging dahilan ng pagkaalarma ng DENR, sapagkat may ibang halaman na tinatawag na “endangered o vulnerable”. Nagbibigay din sila ng babala sa mga plantita/plantito na huwag bumili nito. May parusa ang lalabag o mahuhuling nagbebenta o bumibili ng endangered plants, anim hanggang labindalawang taon sa pagkakakulong ang maaaring parusa at pagmultahin ng Isang daang libong piso hanggang Isang milyon.
Malinaw na Malaki ang pagbabagong dulot ng sitwasyon natin ngayon,
walang mali sa pagkahilig, pagbili at pagbebenta ng halaman, ang dapat lamang nating tandaan ay gawin ito sa maayos at legal na paraan.