OUR LADY OF PERPETUAL SUCCOR COLLEGE

BANGHAY ARALIN SA FILIPINO 5

Ikalawang Markahan
S.Y 2018 - 2019

Aralin Blg. 2
Petsa: ____________ Relevant Issue:
Pamilyang Pilipino sa
I. Layunin harap ng kalamidad
A. Kognitibo
- Natatalakay ang pandiwa at ang aspekto nito
B. Apektibo
- Naipapaliwanag ang kahalagahan nang wastong paggamit ng pandiwa at aspekto nito
C. Saykomotor
- Nagagamit nang wasto ang pandiwa ayon sa panahunan sa pagsasalaysay tungkol sa
tradisyon at sa iba’t ibang okasyon

II. Paksang Aralin: Paggamit ng Wastong Pandiwa ayon sa Panahunan sa Pagsasalaysay

Tungkol sa Mahahalagang Pangyayari, Tradisyon, at Iba’t Ibang Okasyon
VMV: Wastong paggamit ng pandiwa (Excellence)
A. Sanggunian: Pinagyamang Pluma 5: Wika at Pagbasa para sa Elementarya, pp. 139 - 140
B. Kagamitan: yeso, pisara, aklat, kwaderno, panulat, ½ manila paper, marker

III. Pamamaraan
A. Paghahanda
1. Balik-Aral (RRE – 4 minuto)
Remediation
- Ipaliwanag kung ano ang panuto at ang kahalagahan nito
Reinforcement
- Pagsunod-sunurin ang mga hakbang sa pagtutupi ng nilabhang damit. Lagyan ng
bilang 1 – 4.
_____ ihiwalay ang mga pang-alis mula sa pambahay
_____ kunin ang mga damit mula sa sampayan
_____ ilagay ang mga tinuping damit sa tamang lalagyan
_____ itupi nang maayos ang mga damit
Enrichment
- Magbigay ng isang gawain na may 3 – 5 panuto

2. Pangganyak (Response Technique – 3 minuto)

Tatawag ng mga mag-aaral upang magbigay ng mga pahayag tungkol sa mga
sumusunod na pangyayari:
- Ang iyong ginawa noong nakakita ka ng kalat sa paligid ng iyong paaralan
- Ang iyong ginagawa upang maipakita ang pagsunod sa CLAYGO
- Ang iyong gagawin upang hikayatin ang iba pang mag-aaral na tumulong sa
pagpapanatili ng kalinisan sa paaralan

B. Paglalahad (Analysis – 2 minuto)

 - Suriin ang mga pahayag na binigay. Ano ang napapansin mo sa mga ito?
- Ang paksang ating tatalakayin ngayong araw ay may kinalaman sa mga salitang
ginamit sa pahayag

C. Malayang Talakayan (Brainstorming – 15 minuto)

1. Pagtalakay sa pandiwa at aspekto nito
2. Pagbibigay ng halimbawang pangungusap na ginamitan ng mga aspekto ng pandiwa
3. Pagtatanong tungkol sa kahalagahan ng wastong paggamit ng pandiwa
4. PPI (Think-Pair-Share – 1 minuto)
Gamit ang wastong pandiwa, ibahagi sa kapareha ang iyong karanasan kasama ang
pamilya na nagpatibay sa inyong samahan.

D. Paglalahat (Number Heads – 4 minuto)

1. Bakit mahalagang matutunan ang wastong gamit ng pandiwa?
2. Ang pandiwa ay bahagi ng pananalita na nagsasaad ng kilos o galaw. Ito ay may iba’t
ibang panahunan o aspekto. Ang Panahunang Pangnagdaan o Perpektibo,
Panahunang Pangkasalukuyan o Imperpektibo, at Panahunang Panghinaharap o
Kontemplatibo.

E. Paglalapat (Time-Pair-Share – 5 minuto)

Pumili ng isang okasyon o tradisyon sa bansa. Bumuo ng talata na nagsasalaysay tungkol
dito at gumamit ng mga pandiwa sa pagbuo nito.
 Pasko
 Bagong Taon
 Araw ng mga Bayani
 Pagdiriwang ng Pista
 Araw ng mga Puso
Pamantayan:
- Malinaw na naisalaysay ang tungkol sa 5
okasyon o tradisyon sa bansa
- Nagamit nang wasto ang mga pandiwa 5
10

F. Pagtataya (Pen and Paper – 3 minuto)

Lapatan ng angkop na pandiwa ang mga pangungusap upang mabuo ang diwa nito.
Gawing gabay ang salita sa loob ng panaklong.
1. (isip)
Ngayon pa lang ay _________ ko na ang mga bagay na maaaring gawin ng aming
pamilya sa kapag kami ay nag-reunion.
 2. (bigay)
Noong nakaraang Araw ng mga Ama ay _________ ako ng sarili kong gawang kard
bilang regalo kay tatay.
3. (handa)
_________ na naming ang nalalapit na Buwan ng Pamilya.
4. (simula)
Sa susunod na buwan ay __________ na namang simigla at dumagsa ang tao sa atin
para makisaya sa ating kapistahan.
5. (salamat)
Ikaw ba ay ___________ na sa lahat ng ginawa ng iyong magulang para sa iyo?

IV. Takdang Aralin (5 minuto)

Sagutan ang Madali Lang Iyan sa batayang aklat, pahina 140 – 141.