MGA KATANUNGAN HINGGIL SA
PLEA BARGAINING SA DRUGS
PARA SA KASO SA RTC BR.29
Tanong (T):
T: Ano ang PLEA BARGAINING?
Sagot (S):
S: Ito ay pag-amin sa mababang kaso.
T: Anong mangyayari sa akin pag ako’y aamin sa
pamamagitan ng Plea Bargaining?
S: Papatawan ka ng sentensya na pangungulong
at multa. Ibig sabihin nito, mangungulong ka
at bubunuin mo sa kulungan yaong taon na
ipapataw sa iyo.
T: Ano kaya ang posibleng pataw na sentensya
sa akin kung sakaling aamin ako sa Plea
Bargaining?
S: Kung ang kaso mo ay Sec. 5 RA9165 ito ay
pagbebenta at ang orihinal na pataw kapag
napatunayan iyan ay habang buhay na
pangungulong at multa.
Kung ang kaso mo ay Sec. 11,
pamomosesyon ng droga, ang orihinal na
Page 1 of 4
pataw ay 12-20 years na pangungulong at
multa.
Ngayon, sa Plea Bargain, hindi ka aamin sa
original na kaso kundi sa mababang kaso na
Sec. 12 o pamomosesyon ng paraphernalia
na gamit sa droga at ito ay may karampatang
sentensya mula 6 months hanggang 4 years
na pangungulong at multa na 10,000.
Kapag dalawa ang kaso katulad ng Sec. 5 at
Sec 11, ang pataw ay dalawang Section 12 at
naglalaro ang sentensya mula 1 year
hanggang 8 years na pangungulong at multa
na 20,000. Subalit si Judge na ho ang
magpapataw ng eksaktong sentensya basta
nasa loob ng bracket na 6 months to 4 years
at 10,000 fines
T: Ibig sabihin ba ng pag-amin ay mangungulong
ako? Mayroon bang paraan para makalabas
kapag nag plea bargain?
S: OO. Dapat ay pangulungan ang sentensya na
ipapataw sa iyo kapag nag Plea Bargain.
Tandaan, ang Plea Bargain ay pag-amin sa
mababang kaso.

Maari naman makalabas kapag umamin sa
Plea Bargaining sa pamamagitan ng
PROBATION
T: Ano naman itong PROBATION?
S: Ang Probation ay programa kung saan ang
akusadong nasentensyahan ng pangungulong
ng hindi tataas ng 6 years (sa isang kaso) ay
maaring sa labas ng kulungan bunuin ang
pataw na sentensya.
T: Ibig sabihin pwede ako magprobation para
hindi ko bunuin sa kulungan yung
sentensyang ipinataw sa akin?
S: Maari kung kwalipikado ka sa Probation.
Tandaan, ang probation ay hindi karapatan
kundi pribilehiyo kung saan ito ay ini-aapply,
inaasikaso ang requirements sa probation at
ini-intindi ang kundisyones
T: Paano kung hindi ko nagawa yaong pag-apply,
pag-asikaso ng requirements at pag intindi sa
kundisyones ng probation? Anong mangyayari
sa akin?
Page 2 of 4
S: ire-revoke ng Probation ang ibinigay sa iyong
probation o ide-deny ang aplikasyon kung
sakaling hindi pa naga-grant. Ibig sabihin nito
ay hindi makakalabas ng kulungan o ibabalik
sa kulungan kung sakaling nakalabas na para
bunuin yaong taon na isinentensya sa iyo.
T: Kailan ko kaya malalaman ang resuta ng aking
aplikasyon sa probation? Mga ilang buwan pa
kaya ako magiintay sa kulungan bago
lumabas ang resulta ng probation ko?
S: Hindi ko masabi. Matagal po ang probation
dahil ini-imbestigahan pa nito ang inyong
kwalipikasyon sa naturang programa. Subalit,
maari ng lumabas kahit nakabinbin pa ang
aplikasyon basta mayroon kayong isang (1)
barangay official ng inyong barangay na
magtutungo sa PAO para sa
RECOGNIZANCE.
T: Ano naman po itong RECOGNIZANCE?
S: Ito ay isang paraan kung saan maari ka ng
lumabas kahit binbin pa ang aplikasyon sa
probation basta mayroong brgy. Official na
sasagot sa iyong panandaliang laya at siya
din ang mananagot kapag naisipan mong
 magtago kapag hindi napayagan ang
probation o na-revoke ang aplikasyon dahil sa
inyong hindi pag-intindi nito.
T: Ano po ba itong kwalipikasyon ng probation
na nabanggit ninyo para mapayagan ang
aking aplikasyon?
S: M as mainam na maitanong ninyo sa probation
kung ano-ano po ang kanilang requirements
sa probation. Ang isang nalalaman ko ay
dapat ay malinis ang record mo. Ibig sabihin
wala kang history ng kaso. Ibig sabihin nito ay
wala kang kaso noon, ngayon at wala kang
magiging kaso sa hinaharap—malinis ang
record mo at maganda ang iyong
reputasyon sa inyong barangay. Kung may
ina-atenan kang hearing ng kaso noon,
ipagtanong ninyo ang estado nito.
T: Anong dapat kong gawin para mapatunayan
ko sa inyo atty. na tapos na ang kaso ko noon
o wala akong kaso noon?
S: Kumuha ka ng clearance o order mula sa
korte na nagsasabing tapos na ang kaso mo
noon at sumulat ka sa akin na nagsasabi ng
iyong history ng kaso, kung mayroon bang
Page 3 of 4
kaso noon, anong nangyari na sa kasong ito o
kung wala kang kaso noon.
T: Ano po bang mangyayari kung hindi ko
sasabihin sa inyo ang katotohanan sa aking
record ng kaso o aking history o nakaraang
kaso
S: Kung hindi mo sinabi sa akin iyan at umamin
ka sa Plea Bargaining at sinentensyahan ng
pangungulong. Sa kulungan mo ito bubunuin
at hindi ka makakalabas pa.
T: Pakiulit po yaong kailangan kong intindihin sa
Plea Bargaining?
S: Unang una, tignan ang gramo kung pasok sa
Plea Bargaining (less that 1gram sa Sec. 5 at
less than 5grams sa Sec. 11)
Pangalawa, sabihin sa abogado ang inyong
nakaraang record ng kaso. Mayroon ka bang
dating kaso? Sabihin ang estado. Magbigay
ng Court Order sa estado ng kaso at sumulat
sa abogado na sinasabi ang estado ng kaso
mo. Kung walang kaso noon, sumulat sa
abogado at sabihin ito.
Pangatlo, Unang arraignment ay hindi aamin
muna at sabihin sa abogado ang inyong
intensyon na mag plea bargaining. Ang
abogado ang bahala sa pag motion ng plea
bargaining at iseset ng isang hearing para sa
pag-amin (re-arraignment)

Pang-apat, sa re-arraignment kung saan ka

aamin, sa loob ng 15 days mula sa pag-
amin, magpadala ng isang barangay official
ng inyong barangay (may dalang brgy ID) sa
PAO para asistehan ng RECOGNIZANCE
upang panandaliang nakalaya ka.

Pang-lima, ang abodago na ang bahala sa

applikasyon sa Probation na may kaakibat na
Recognizance. SUBALIT, obligasyon mo na
asikasuhin ang mga requirements ng
PROBATION at isumite sa opisina nila at
obligasyon mo din na pumuntang
Probation kapat pinapupunta ka.

Pang-anim, habang nasa labas sa bisa ng

probation, obligasyon mo sundin ang
alintuntunin ng Probation at magreport sa
kanila habang nasa probation period ka.
Page 4 of 4