Banghay Aralin sa Filipino 6

(Gramatika)

I. Layunin:
A. Nakagagamit nang wasto ang mga pangngapaln at panghalip sa pakikipag-usap
sa iba’t ibang sitwasyon.
B. Nakapagbibigay ng tamang pangungusap gamit ang pangngalan at panghalip
C. Nakasusulat ng mga pangungusap gamit ang pangngalan at panghalip

II. Paksang Aralin:

A. Pamagat ng Aralin: Paggamit nang wastong pangngalan at panghalip sa
pakikipag-usap sa iba’t-ibang sitwasyon
Sanggunian:
BEC/PELC Handbook sa Filipino
Hiyas sa Wika 6-Binagong Edisyon
Landas sa Wika 6
B. Kagamitan: Teksto: Ang mga Pilipino ay likas na malikhain at masining
Tsart o Projector

III. Pamaraan:
A. Paghahanda:
1. Panimulang Gawain: (Pinoy Henyo)
1. Tao – Artista - Babae - Maine Mendoza
2. Bagay - Nasa Paaralan – Pansulat – Lapis
3. Hayop – Nasa Lupa – Apat ang paa – Aso
4. Pook – Maraming Tao – Pasyalan – QCMC
(Circle)
5. Pangyayari – May mga Lobo – May mga Pagkain
– Kaarawan
2. Balik-aral: Pagbigay ng mga halimbawa ng Pangngalan at Panghalip
B. Pagtalakay sa Aralin:
1. Pangganyak:
Magpapakita ng larawan ng parke
2. Pag-unawa sa Lunsaran:
Ipapaskil sa pisara ang talata tungkol sa mga Pilipino.

Ang mga Pilipino ay likas na malikhain at masining. Nakikilala sa buong mundo

ang mga produkto ng Pilinas. Nariyan ang mga barong, bestida, mantel, telang pinya,
sinamay at jusi na may pinung-pinong burdang kamay mula sa Batangas at Bulacan.
Kay ganda rin ng mga telang hinahabi sa hand loom o habilan ng mga kababaihan sa
Ilocos, Baguio, Benguet, at Ifugao. Sa Laguna naman nagmumula ang magagandang
nililok na mga kagamitan at mga pandekorasyon. Kay gagandang muwebles din ang
nanggagaling sa Pampanga. Ang Leyte at Samar ay may magagandang banig at tikug.
At ang higit sa lahat ay ang makulay na dyip na likha rito sa Pilipinas. Ang lahat ng mga
ito at iba pang mga likhang-sining ay maipag-mamalaki ng sinumang Pilipino.
 3. Pagsusuri sa kakayahan at kayarian panggramatika:
Tanong sa mga bata:
1. Paano inilarawan ang mga Pilipino ayon sa talata?
2. Ano-ano ang mga produkto ng Pilipinas?
3. Saang lugar sa Pilipinas matatagpuan ang mga ito?
4. Ano-ano ang likhang sining ng bawat lugar na ito?
5. May mga alam ka bang likhang-sining na yari dito sa ating bansa?
Ibahagi sa klase.
4. Pagsasanay:
a. Pasalita
Sabihin kung ito ay ngalan ng tao, bagay, hayop, pook at pangyayari.
Gawin ito sa pangungusap.
1. Pilipino
2. Pilipinas
3. Bestida
4. Kalabaw
5. Pista
b. Pasulat
Isulat ang tamang panghalip sa patlang.
1. _____ ay nakakuha ng mataas na marka sa kanilang pagsusulit sa
Filipino.
2. _____ kaya ang gagamitin natin sa paligsahan?
3. _____ ipinanganak si Dr. Jose Rizal?
4. Lahat _____ ay nakasuot ng pulang kamiseta.
5. Mainam na gamitin _____ sa paggawa ng pangdekorasyon.

C. Paglalagom:
Ang mga salitang pantawag sa tao, bagay, hayop, pook at pangyayari ay
tinatawag na Pangngalan. Samantala ang Panghalip ay panghalili sa pangngalan.
D. Ebalwasyon:
Sumulat ng limang (5) pangungusap na may pangngalan.
1. Si Pangulong Rodrigo Duterte ay may malasakit at pagmamahal sa ating
bansa.
2. Ang aking bag ay iingatan ko para tumagal hanggang matapos ang pasukan.
3. Ang isdang bangus ang aking paboritong ulam tuwing inihahain ito ni Inay sa
hapag-kainan.
4. Sa kahat ng mga pasyalan, ang gustong-gusto kong puntahan ay ang Luneta
Park.
5. Sa loob ng isang taon ang aking kaarawan ang paborito kong araw.
Sagutan ang mga tanong batay sa binasang teksto.
1. Sino-sino ang mga binanggit sa teksto? Mga Pilipino.
2. Saan matatagpuan ang mga produktong barong, bestida, etsc? Pilipinas.
3. Ano-ano ang mga produktong galing sa Laguna? Mga nililok na
kagamitan.
4. Ano-anong produkto ang gawa sa Pilipinas? Barong, bestida, etc.
 5. Tatangkilikin ba natin ang produktong sariling atin? Ipaliwanag. Opo, para
lalong umunlad ang ating bansa.
IV. Takdang-Aralin:
Gumawa ng maikling talata gamit ang pangngalan at panghalip.

V. Tala:

VI. Pagninilay:

A. Aling estratehiya sa pagtutro ang aking naisakatuparan nang maayos? Bakit ito
naisakatuparan nang maayos?

Mga puntos kung bakit ito naisakatuparan nang maayos:

1.
2.
3.
Mga puntos kung bakit hindi ito naisakatuparan nang maayos:
1.
2.
3.

B. Kausapin ang mga mag-aaral ang nakaunawa ng aralin at ang mga

nangangailangan ng tuulong.

C. Anu-anong mga suliranin o balakid ang aking naranasan na kung saan ang aking
punungguro at superbisor ay matutulungan ako sa paglutas ng mga ito?

Mga maaring hingan ng tulong/suporta:

Dalubguro
Punongguro
Superbisor

Inihanda ni:

Arlene C. De Leon

Paaralang Elementarya

ng New Era