ANG pagmartsa sa luneta bilang kilos protesta ay layunin ang
pagbuwag ng Priority Development Assistance Fund na nakilala sa tawag na Pork Barrel dahil sa Pork Barrel Scam. Ayon pa sa isang nailabas na artikulo, minarkahan ang ika-7 araw ng Disyembre taong 2018 kung saan sinabing ito ang araw na nagtagumpay ang mga alagad ng korupsyon.
Bago pa man naiutos ni Pangulong Aguino sa Kongreso ang
pagbuwag sa PDAF matapos niya ring iutos ang pagsuspinde sa pagpalabas ng pondo para sa ‘pork’ ng mga mambabatas, namutawi na sa isip ng libo- libong Pilipino ang hindi makatuwirang pangyayaring ito at pag-usbong ng pinaka-kontrobersiyal na korupsyon sa bansa. Alinsunod, sa layon ng pagkilos na gagawin upang kondenahin ang pag-aabuso ng iilang mambabatas sa ‘di makatwirang paggamit ng kanilang PDAF, ay ang hindi pagpigil ng Pangulo sa pagsali ng ilang opisyal o empleyado mula sa malaca- ñang.
Tumatayang umabot sa higit 18,000 katao ang dumalo sa kilos
protesta. Naging mitsa ang pork barrel scam ng pinakamalawak na anti- corruption protest sa Pilipinas. Sinumang tao, myembro man o hindi ng anumang organisasyon, empleyado man o hindi ng gobyerno ay talagang magiging apektado lalo pa’t pera ng taumbayan ang naitaya at nalustay ng ilang mambabatas. Marami ang umaaray sa estado ng bansa nuon paman kaya’t napakarami Pilipino ang apektado ng Pork Barrel Scam.
Naging patas ang Pangulo sa kanyang desisyong huwag pigilan
maging ang mga opisyal at empleyado ng Malacañang sa pagsupil sa mga magnanakaw sa pamamagitan ng pagmartsa o rali. Sa pamamagitan nito, boses ng karamihan ang mananaig ika nga.
At dahil malalim ang hugot ng mga pinoy sa paglilitis sa pork barrel
case, makikita ang pagpupursige’t kagustuhang maparusahan ang mga magnanakaw at suwapang sa kaban ng pera ng bayan. Pagkakataon ito upang maiapakita kung sino ang mga naagrabyado at tanda nito ang hindi pag-urong ng mga pinoy sa kagustuhang maparusahan ang mga magnanakaw. Kaya naman ang pagmartsa’t pagsupil ay hindi dapat na palampasin!