Pagsasanay

Basahing mabuti ang sumusunod na mga katanungan at sagutin ito nang buong ingat.
Ilahad ang iyong sagot.

1. Ano ang teoryang constructivism?

Sa teoryang kontruktibismo, ang mga mag-aaral ay nakabubuo ng kanilang sariling

pagpapakahulugan gamit ang kanilang mga dating kaalaman at karanasan. Ito’y kanilang
nagagamit at naiuugnay sa mga gawain, pasalita man o pasulat. Bukod pa rito, inaasahan
na ang mga mag-aaral ay aktibong makikilahok sa mga pangkatang gawain, nilalayon
nitong mapaunlad ang kanilang interaksyon at partisipasyon sakanilang mga kapwa mag-
aaral.

2. Bakit mahalaga ang constructivism sa pagtuturo ng Filipino? Ano-ano ang mga

kasanayan na maaaring malinang kung gagamitin ito ng isang guro sa kaniyang
pagtuturo?

Ang teoryang konstruktibismo ay mahalaga sa pagtuturo ng asignaturang Filipino.

Halimbawa na lamang sa pagbabasa ng iba’t ibang kuwentong pampanitikan, nalilinang
ang kakayahan ng mga mag-aaral makapag-isip ng may pag-unawa upang magkabuo ng
makabuluhang repleksyon mula sa nabasa. Naiuugnay din nila ang kanilang dating mga
karanasan kung kaya’y mas madaling nauunawaan at higit na naiintindihan ng mga mag-
aaral ang kuwento o aralin.

Sa pamamagitan ng teoyang kontruktibismo, napauunlad ang kasanayang interaksyon

sapagkat nilalayon ng teoryang ito na magkakaroon ng aktibong partisipasyon ang mga
mag-aaral sa iba’t ibang uri ng pang-akademikong gawain. Inaasahan ding malilinang ang
kritikal na pag-iisip lalo na’t naiuugnay nila ang kanilang mga karanasan sa mga araling
tinatalakay. Higit na epektibo ang pagkakaroon ng mga pangkatang gawain, pinalalalim
at pinalalawak nito ang kaisipan ng mga mag-aaral gamit ang kaalaman at karanasan ng
kanyang kapwa kamag-aral.

Mahalagang magamit ang teoryang konstruktibismo nang naaayon at nahahanay sa

layunin ng aralin upang epektibong makamit ang tunguhin nito. Malaking tulong ang
dulog na ito sa paghubog ng kasanayan ng mga mag-aaral, maging sa proseso ng
pagkatuto ng mga mag-aaral at sa daloy ng pagtuturo ng mga guro.
Pagpapalalim at Pagpapatibay ng Kasanayan

Mag-interbyu ng isang guro mula sa pampubliko o pribadong paaralan. Magtanong ng

mga detalye kung paano nila inilalapat ang teoryang constructivism sa pagtuturo ng Filipino.
Itanong kung ano-ano ang kabutihang dulot nito sa pagkatuto ng mga mag-aaral.

Aking pinanayam si Bb. Joan M. Iringan, guro sa isang pribadong paaralan.

Bilang tugon sa bagong sistema, tiyak na esensyal ang paggamit ng Teoryang

Constructivism sa pagtuturo. Sa pagkakaroon ng distance learning, sasapat ang panahon ng
mag-aaral upang maisip at maiugnay ang kaniyang karanasan (noon at ngayon) at kaalaman
tungo sa pagbup at pagbibigay ng kahulugan sa mga aralin sa klase. Halimbawa, sa pag-aaral
ng Panitikang Filipino, matapos mabasa at maunawaan ng mag-aaral ang isang akda ay
direkta itong kokonekta sa kaniyang karanasan bilang isang mag-aaral o isang bata. Sa
pamamagitan ng makabuluhang tanong mula sa guro, ang mag-aaral ay makabubuo ng sagot
mula sa kaniyang nabasa at sa kaniyang dating karanasan. Mahalagang-mahalaga ito
(Teoryang Contructivism) sa pagtuturo sapagkat naglalayon itong hasaing mabuti ang kritikal
na pag-iisip ng mag-aaral lalo't bago ang kinalalagyang sitwasyon ng bawat isa.
Makakatutulong ito sa malalimang pagkatuto ng mag-aaral sapagkat hindi lamang
nakukulong ang pagkatuto sa pag-alam sa mga pangyayari sa kuwento, o pagiging maalam sa
gramatika, bagkus ito dapat ay naiuugnay sa kanilang karanasan, at nailalapat sa pang-araw-
araw na buhay.

Karagdagang Hamon

Ibigay ang kahingian sa ibaba. Ilahad ang iyong sagot sa loob ng kahon.

Mga Gawain o Aktibiti

Layunin sa Pagtuturo
1. Nabibigkas at naibibigay ang
wastong tunog ng letrang Ss
Eskapolding/Pagmomodelo
Maaaring maghanda ang guro ng mga tunog
na nagsisimula sa letrang Ss. Pagkatapos
iparinig ang iba’t ibang tunog, ipabibigkas ng
guro ang kanilang napakinggan. Maaari ring
magpakita ng mga larawang nagsisimula sa
letrang Ss, tatanungin ng guro kung ano ang

2. Naisusulat ng wasto ang
malaki at maliit na letrang Ss
3. Nakapagbibigay ng mga
ngalan ng bagay na may una at
huling tunog na Ss
tunog ng unang letra nito. Sa ganitong
pamamaraan, malilinang ang kanilang
kasanayan sa pagbikas ng mga espisipikong
letra.
Ang guro ay maghahanda ng gawaing
“tracing letter”. Ipababakas ng guro ang maliit
at malaking titik S. Pagkatapos, inaasahang
makasusulat ang mga mag-aaral ng letrang Ss
na walang pagbabatayan at susundan.
Ang guro ay magpapakita ng iba’t ibang
larawan ng mga ngalan ng bagay na
nagsisimula at nagtatapos sa letrang Ss,
inaasahang matutukoy ng mga mag-aaral ang
nasa larawan ng may wastong pagbigkas.
Matapos ipakita ang mga larawan, hihingan
ng guro ang mga mag-aaral ng kani-kanilang
mga halimbawa ng mga bagay na nagsisimula
at nagtatapos sa letrang Ss.

Pagninilay at Repleksyon

Anong mahalagang kaalaman ang iyong natuklasan sa araling ito at paano ito makakatulong
sa iyong paglago bilang isa guro sa hinaharap?

Sa araling ito, higit na pinalalim ang aking pag-unawa sa kahalagan ng teoryang

konstruktibismo sa proseso ng pagkatuto ng mga mag-aaral. Natutuhan kong kinakailangang
hubugin ang interaksiyon ng mga mag-aaral kung kaya’t inaasahang makapaghahanda ang
guro ng mga pangkatang gawain na magsisilbing instrumento upang aktibong makilahok at
makisalamuha ang mga mag-aaral sakanilang kapwa kamag-aral.

Bilang isang mag-aaral, nagagamit at naiuugnay ko ang aking mga karanasan upang
mas malalim na maunawaan ang aralin. Napagnilayan kong napakahalagang mapaunlad ang
kasanayang interaksyon, higit nitong pagyayabungin ang aking kaalaman at karanasan
sapagkat nakapupulot din tayo ng mga ideya mula sa ating mga kapwa kamag-aral.
 Malaki ang ambag ng araling ito sa akin bilang isang guro ng hinaharap.
Sisiguraduhin kong ang mga mag-aaral ang siyang magiging sentro ng pagkatuto, ihahanda
ko ang mga mag-aaral sa iba’t ibang gawaing kinakailanganan ng interaksyon. Natutuhan ko
na kinakailangang siguraduhin kong magkakaroon ng aktibong partisipasyon ang bawat isa sa
lahat ng mga gawaing aking ipasasagawa. Bukod pa rito, naunawaan ko ang tungkulin ng
replekyong papel, napakah