Para sa akin, hindi dapat ipatupad sa Pilipinas ang diborsyo.
Ang diborsyo ay magastos
at maaaring magdulot ng pagkabalisa. Maaari rin itong makaapekto sa mga bata.
Sinasabi ng mga taong pabor sa diborsyo na ito ay nakapagbibigay ng kalayaan mula sa isang relasyong hindi na maayusan. Gayunman, maaaring gumawa ng paraan ang dalawang partido upang maayos ang relasyon nang hindi humantong sa diborsyo. Magkakaroon din ng malaking dagok sa damdamin ng dalawang partido kapag humantong ang relasyon sa diborsyo. Magiging malungkot ang mga bata kapag naghiwalay ang mag-asawa. Makakaramdam din sila ng takot dahil sa paghihiwalay ng kanilang magulang. Mas malaki ang gastusang pampamilya kapag nakipagdiborsyo ang mag-asawa kumpara sa gastusang pampamilya kapag magkasama ang mag-asawa. Higit na bababa ang standard of living dahil sa diborsyo.
Hindi nakakatulong ang diborsyo sa dalawang partido, sapagkat hindi ito nakakapagbigay ng tunay na kalayaan. Hindi rin ito nakakatulong sa mga bata, sapagkat lungkot at takot ang mararamdaman nila kapag naghiwalay ang kanilang magulang. Maraming kailangang pagastusan kapag humantong sa diborsyo ang relasyon.